九運米線王

營業中

休息中

行過見到有間新開嘅米線就試下✨三餸米線 (芋泥蝦餅+鹵水腩肉+魚肉春卷) 菇湯雖然佢出名係酸辣 但唔食得辣所以揀左菇湯😊有5款菇咁多 湯底好清 食完成碗米線都唔覺口渴😙第一次見芋泥蝦餅呢個餸 係彈牙嘅蝦餅夾住有芋頭粒🤪腩肉係走健康偏瘦路線 魚肉春卷正常發揮🤓見到隔離位d煎炸雞翼勁大隻 睇落都好似幾正咁🧐有驚喜位係米線煮得好爽彈 成碗野食完勁飽🤣+$10仲有得配埋最愛嘅一品豆漿🤩📍地址: 九運米線王銅鑼灣摩理臣山道8號地舖

香港人對米線既熱愛真係未來廿年都唔會變，但大型連鎖店啲米線真係越嚟越唔好食，發現左呢間小店，個米線絕對好食！招牌秘製珍寶雞翼米線，配金酸辣湯，上到枱第一件事梗係試吓個湯，個酸辣味好正，不含味精，不含醋精，主打豬肉湯底，好好飲！我老闆一食個雞翼，即刻叫我快啲試下，係勁好食！個炸皮同岀面既好唔同，有一種硬脆，入口之後有種炸完既香，冇油益味，非常好吃。自選九運小鍋米線，麻酸辣湯偏辣，食落好惹味，喜歡食辣既會追住食。配料魚肉春卷，有魚香。腩肉半肥瘦，櫻花蝦餅，好彈牙。飲品就叫左豆漿，可樂。