九份飽 (淘大商場1期)

營業中

休息中

星期二晚七點幾兩人入座, 吾多人, 冇人等位, 叫左兩個牛肉麵, 一份炸魷魚鬚, 一份蝦餅, 兩杯飲品, 食物正常味道, 但侍應勁趕客, 碗麵未食完, 湯內仲有牛肉, 麵同配菜未食, 兩碟炸物都仲有一半, 我放低對筷子喺碗上, 拎起杯飲品飲, 個侍應即刻過來話 ：吾要啦？ 口出手落已經拎起我仲有麵, 配菜同牛肉未食完嘅碗同筷子, 我話我未食完佢已經轉左身, 連句吾好意思都冇, 阿姐係咪七點幾就趕住收工？ 就算我話吾食碗麵, 我枱面都仲有兩碟炸物未食完, 你就連筷子都收埋, 我地由入座到走都係半個鐘, 吾算食得慢呀？ 出面又冇人等位, 晚市兩人食 $245 換來快餐店都不如嘅服務, 執笠吾好問點解！

之前都黎食過一次，特別記得呢到好有台灣風味既裝潢，真係會有種錯覺以為去左台灣，野食CP值普通都高，今次再試下啲新品😆牛腩有三大舊，口感都幾軟淋，但又未到一咬就散，仲有小量紅蘿蔔、白蘿蔔同菜，米粉就係台灣米粉偏透明同麵質比較爽，湯底味道適中，加埋辣油very good 👍🏻.同個名一樣就係薯餅(快餐店)+芝士+蛋餅，薯餅既脆同蛋餅既微煙韌好夾，幾岩我口味❣️❣️之前食過月亮蝦餅都唔錯，以為花枝蝦餅係同類食品，原來外表已經唔同，比較厚身似泰式炸蝦餅咁～真材實料，食到有大大粒花枝同蝦，外皮好脆而唔油，美中不足既係相比其他小食價錢偏貴，份量小得兩小塊🥹但都值得一試！✥懷舊滷肉飯(細)🐖$34細細碗可以留肚叫多幾款小食，滷肉肥瘦適中，肥肉部分既油香撈埋粒粒飽滿既台灣米，啖啖滿足，如果滷肉份量可以多多小小就更加好🫣

中2食台注野嘅我，今日去試左野新野牛腩刀削麵：面都幾彈牙，牛腩就肥瘦適中，幾唔錯👍🏻👍🏻炸排骨米粉：米粉索水都幾快，影完相都無左一半湯🤣🤣🤣排骨表現酥脆，肉質都幾juicy ，唔錯！滷肉飯：味道幾正中，但d肉太大粒

九份飽喺九龍灣開咗好耐㗎喇，一直都未食過，今次中午就去試一試，餐牌全日一樣價錢，唔貴又足料，同朋友share蛋餅再叫一個主食已經非常之飽！🍴紅燒牛腩刀削麵 $65 (7/10)非常大碗，有三大塊牛腩，湯底係鹹鹹地唔會好油膩，牛腩夠大舊都入味唔會好硬，刀削麵有口感比較偏腍，整體嚟講大大碗都幾抵食，味道係OK嘅！🍴 香酥排骨飯 $50 (7.5/10)朋友叫嘅香酥排骨飯，個飯係超級大碗，有家滷肉汁，用咗珍珠米都幾煙靭，排骨炸得唔乾，非常香脆，肉質都彈牙幾好食㗎！🍴肉鬆起司蛋餅 $32 (7.5/10)蛋餅一啲都唔油膩，加咗蛋芝士肉鬆，鹹鹹香香又煙銀幾好食！🍴 百香果綠茶 +$10 加蘆薈+$3 0分糖 (8/10)朋友話奶茶係唔好飲，叫呢啲綠茶會好好多！百香果酸酸地係幾開胃嘅，茶味適中，加咗盧會好有口感，都建議加蘆薈！推薦指數: 7.5/10計埋個價錢同埋性價比其實味道OK又抵食嘅！

又來食台灣嘢!好多朋友都話呢間好食!食左又真係唔錯!牛肉麵面底係用手工闊條麵 口感偏硬少少我幾鍾意 而且食落都幾香 湯底亦不會死鹹 牛肉好腍👍🏻粟米芝士蛋餅超多芝士👍🏻

又嚟淘大搵嘢食，呢到有好多唔同種類嘅餐廳，之前見到九份飽都好多人排隊，唔想排隊一直都未試，今晚夜咗嚟，終於都唔使排隊啦！ 我哋叫咗滷肉飯，擔仔米粉，鹽酥雞扒滷肉飯，香酥排骨飯，酥炸魷魚，鹽酥雞，芝士蛋餅同埋滷水拼盤！ 炸嘢全部都好出色，香脆可口，鹽酥雞外脆內軟，又唔會過鹹，好好食！酥炸魷魚同樣出色，滷水拼盤-豬耳，雞翼，豆腐，滷水蛋，全部都入哂味，滷水味道香濃，芝士蛋餅芝士夠香，夾埋蛋餅一齊好好食，台式嘢飲都唔錯，推介芒果紅茶加愛玉，全部都值得一試😋

同屋企人黎淘大食飯，見好耐無食台灣野所以試試呢間。一入餐廳，覺得裝修好有心思，滿滿既台灣懷舊味道👍🏻Menu就係一張紙，自己填選食物及野飲。• 紅燒牛腩刀削麵 HK$65牛腩非常大舊👍🏻但口感一般，唔算好淋又唔係鞋口，都有4-5舊。但刀削麵就爭少少，可能同平時食開既刀削麵有啲唔同，佢似係比較煙韌但唔算好彈牙而闊身嘅麵條，但湯口係幾夠味道，唔係死咸。• 香酥雞扒魯肉飯 HK$53雞扒都夠多及大舊（我影得醜🥲），而且炸起熱辣辣👍🏻不過魯肉唔夠肥同埋唔夠多！唔夠拌飯🥲而且醃蘿蔔只係得一片⋯希望餐廳之後可以改善，起碼最少都有三塊😂• 滷味拼盤 HK$37佢又唔係大碟，但係啲份量又唔係話好少🫠我自己本人就唔特別大興趣食滷味，屋企人就話無咩特別。• 玉米起司蛋餅 HK$32成餐飯覺得最好食嘅一樣嘢食🥹有非常多嘅粟米，咬入口之後有卜卜既口感～而且都有足夠嘅芝士！粟米同芝士味道都好夾，加埋辣醬食好惹味🩷叫左杯芋頭奶茶，熱，0糖。一飲落口，勁甜😵我即刻望一望張單，又真係落左0糖架喎，我就估可能餐廳本身係用糖水浸住啲芋頭肉，不過芋頭肉有好多👍🏻但甜度需要改善🫠價錢合理，再次經過既話都可以再試下其他野食👍🏻

這家店位於九龍灣，專門提供台灣傳統美食，其中包括了我個人最喜歡的肉燥飯和蛋餅。首先，我要說的是肉燥飯。他們的肉燥飯真是太好吃了！一上桌，香氣就飄散開來，讓我的味蕾立刻嚮往。米飯蓬鬆又有彈性，配上濃郁的肉燥醬汁，真是絕配！肉燥醬汁裡有豬肉碎和香料，吃起來有點甜、有點鹹，還有一點微辣的味道。每一口都充滿了肉的香氣，讓我回味無窮。而且他們的肉燥飯份量十足，吃得我滿足又開心。接下來是蛋餅。這家店的蛋餅真是另一個必點的美食。蛋餅皮又薄又脆，裡面包著鬆軟的蛋、香噴噴的蔥和一些鹹香的醬料。一口咬下去，口感絕佳！蛋餅的味道簡單卻十分美味，每一口都讓我愛不釋口。除了這兩道招牌菜，這家店還有其他許多令人垂涎的台灣美食，像是牛肉麵等等。整個菜單都充滿了台灣的傳統風味，讓我彷彿回到了台灣的街頭小吃攤。總的來說，我對這家台灣料理店的印象非常好。他們的肉燥飯和蛋餅都非常美味，價格也合理。如果你想品嚐正宗的台灣美食，這絕對是一個值得一試的地方。

一到「九份飽」，就聞到香噴噴嘅鹽酥雞嘅香氣，真係令人垂涎欲滴。啱啱走入餐廳，發現嗰度環境好乾淨整潔，衛生情況一流，令人放心。唔等得太耐，鹽酥雞已經上枱啦！啲雞塊熱辣辣，外脆內嫩，一啖咬落去，啲肉汁即刻爆出嚟，真係鮮味無窮。加埋啲特製嘅辣椒醬，更加提味。而紅燒牛腩刀削麵都唔俗呀！牛腩煮得好軟好入味，一用筷子輕輕一夾，就輕易地劈成幾片，加入濃郁嘅醬汁，讓人食得好過癮。啊，啲牛腩嘅湯汁真係太吸引啦！我用湯匙舀一啖，滋味濃郁，令人忍唔住想再嚐多幾次。就係呢個湯底，令呢碗麵成為絕佳嘅選擇。坐喺餐廳度，我哋諗起咗好多嘢。諗起過去一齊行街，傾計嘅歡樂時光；諗起一齊去旅行，探索新地方嘅興奮心情。食嘢真係一件好神奇嘅事，佢可以喚起好多美好嘅回憶。食飽飽真係好開心。呢間「九份飽」嘅鹽酥雞同紅燒牛腩刀削麵真係好好味，令我哋今日嘅飯局更加完美。

-🍴 九份飽 (淘大商場) (九龍灣)📍九龍灣牛頭角道77號淘大商場一期地下G142號舖-🌟香酥雞排魯肉飯：$53 (7.5/10)雞排外皮酥脆 肉質柔嫩多汁 入口即溶 魯肉則口感軟嫩 肉汁充足 -🌟肉鬆超司蛋餅 $36 （7.5/10）薄薄的蛋餅 入面包住肉鬆同滿滿嘅芝士 依個配搭係無可能唔好食🤣-🌟水蜜桃紅茶(跟餐)$10 (7/10)正正常常同其他水蜜桃紅茶差唔多總評：7.5/10啲嘢食幾好食 價錢合理 環境優美 裝修到好有台灣風味

今日去左九龍灣個邊，真係極少極少去個邊，因為超級遠，人生路不熟，夜晚又完全唔知食乜，冇熟人係個邊，呢個時候就要靠open rice啦，我同我個fd都想食台灣野，咁係open rice 1 search見到呢間九份飽，個名都改得好特別，拎左台灣九份黎做前面2個字，入到去個環境裝修得好靚，我地2個人叫左超級多小食，唔係講笑，樣樣都好好食又平，超級推薦個蛋餅，入面啲料超級足，又超入味，埋單2個人食左200幾蚊左右，抵食

個番薯波波唔好輕易叫太難食得曬了一黎澱粉二黎都係咁嘅味應該多幾個share會好d炸豬排ok係乾左dd但勝在夠大塊都好酥脆滷肉飯大大碗好夠飽正正常常嘅體驗啦！👅

今日約左朋友去九龍灣食飯， 終於可以去試下九份飽. 個人一向都好鍾意食蛋餅同鹽酥雞, 台灣小吃my favour.佢地個裝潢真係好落心機. 好有台灣九份嗰種懷舊嘅味道. 紅燈籠, 4方型嘅小木枱, 好靚. 懷舊魯肉飯(大) -個飯好大碗. 滿滿嘅滷肉，飯粒鬆軟，加埋D滷肉汁，食到停唔到口.   香酥排骨米粉 -  個份量又係嚇人, 超大碗米粉 , 排骨另上. 4大塊. 個香酥排骨真係最驚喜. 勁好食. 鹽酥雞 - 呢個好大份，至少有15件雞粒 , 大細不一, 係超抵食.  炸到好酥脆，調味好唔會太鹹，D雞肉仲好嫩滑.  份量味道同價錢都抵食. 海苔肉鬆起司蛋餅 - 好好味厚厚嘅蛋皮 包住海苔,肉鬆, 起司 好豐富. 百香果綠茶 加愛玉凍-  好清甜 , 解渴 愛玉仙草奶茶- 超足料. 好飲.  

#搞串個pantry 呢間餐廳裏面嘅裝修好有台灣特色，牆上面黐咗好多懷舊嘅海報🎇，成間餐廳都有氣氛咗💕。今次就嗌咗懷舊魯肉飯(小)($34)、紅燒牛腩米粉($55)、蘿蔔絲拉餅($28)。懷舊魯肉飯(小)🌟🌟🌟🌟雖然係細碗，但食完都會飽飽地😜，好適合配住小食一齊食🥳！呢度嘅嘅魯肉係滷肉丁，每一嚿嘅大細都好平均，肥瘦平均🥓。成碗飯都淋咗唔少滷肉汁，食落口飯粒偏腍，加上滷肉汁，就又黐又腍。味道方面，咸度適中，帶有少少甜味🤤。紅燒牛腩米粉🌟🌟份量都幾多，牛腩🐮都有4,5嚿。湯底味道偏淡，米粉就軟硬適中🍜，唔會太腍，食落爽口。牛腩就偏「鞋」，味道就尚算入味。蘿蔔絲拉餅🌟🌟總共有四片，外皮煎到金黃酥脆🔥，裡面可以見到，同食到好多蘿蔔絲😋。食落感覺有啲似平時酒樓會有嘅蘿蔔絲煎餅😝。大家有機會都可以嚟試吓呢間台菜餐廳🤩，除咗上面啲嘢食，仲可以試吓佢哋嘅蛋餅啊💕！

有日路過淘大見呢間排長龍，外面睇入面坐滿，裝修都幾特別，一於等下。一入店內，裝修懷舊，環境已經好有feel，不禁令我回想起去台灣九份旅行時嘅時光！味道好有當地掃街嘅感覺，好正宗地道口味！仲要有台灣人做侍應，好耐冇聽嘅台灣口音，感覺好親切，仲要價錢十分相宜兼唔使加一，連價錢都好當地，難怪排長龍～👍好耐冇食過咁好味嘅海苔肉鬆芝士蛋餅，及咁大碗咁多芋圓，粒粒五蚊銀咁大，好有當年去台灣工作時嘅味道～😌鹽酥雞及豬扒外脆內嫩有肉汁，就算好飽都想食埋去，仲有炒菜一小碟，份量夠飽～👍😋