九丁目日本料理

營業中

休息中

今日來到元朗K Plus「九丁目日本料理」， 餐廳內外的裝修都非常有心思，營造得很日本特色。外面設有露天座位。店内以木色為主調，裝潢新淨， 牆身的木製餐牌同裝飾都充滿日本居酒屋風味，給人很自在及舒服感。而餐廳設有消毒搓手液，非常貼心。法色黃金醬鮭魚多士賣相有點似法式鵝肝多士 ，但主角就換上了火炙三文魚，再配上芝士蛋黃醬，食落出奇地夾，很想叫多一份。 四品刺身盛四品刺身盛由四種時令刺身組成，當中包括有三文魚、油甘魚、活赤貝和甜蝦。而甜蝦晶瑩剔透，肉質彈牙爽口，膠質非常重。油甘魚肥美，入口魚脂香濃，甘香肥美，魚肉柔嫩，融化在嘴間。活赤貝海水味足，非常新鮮。壽司分別叫了吞拿魚腩蓉壽司、三文魚壽司和鮮帶子壽司，吞拿魚腩蓉入口軟滑脂香，細緻滑溜，油脂在口腔中融化。帶子鮮甜美味，厚肉飽滿，口感嫩滑，入口鮮甜甘香。櫻花蝦叉燒烏冬 叉燒軟腍嫩滑，入口即化。而烏冬質地算爽口彈牙，口感豐富，水準合理。櫻花蝦配上醬油湯底，不會油膩，夾雜著櫻花蝦的鮮味，幾清甜，飲了也沒有覺得膩滯的感覺。「九丁目日本料理」整體不錯，食材新鮮，價錢也合理，值得推介！

今日同老婆去街拍拖食嘢，行過元朗一間日本料理，被佢門口嘅裝飾吸引住，一棵櫻花加上同邊嘅煙霧，好有日本地道感覺，入到裏面見到佢哋有個拍賣喺星期六日公眾假期魚生有優惠超抵，牛肉壽喜燒，牛肉鮮嫩配菜新鮮加上新鮮農場雞蛋，簡直絕配火山丼，魚生新鮮厚肉配上海膽，海膽食落有口感，配上特製麵豉湯，簡直一流蕃薯天婦羅，新鮮蕃薯炸出嚟熱辣辣配上特製汁料，咬落脆皮可口牛肉壽喜燒，湯底濃郁七味天鳥唐楊，用新鮮雞肉鮮炸製作，食落鮮嫩多汁鰻魚手卷，鰻魚鮮嫩配上特製醬汁加上芝麻，簡直美味抹茶十勝紅荳，佢哋採用日本嘅十勝紅荳配上抹茶，十分好味巨鋒提子泡泡，美味嘅巨鋒提子沖配，飲落解渴總結呢餐充滿日本地道嘅餐廳加上多款超值美味食物，值得要再次回味

一早想再食多次呢間鋪了，因為他有戶外座位，又有酒精飲品可以淺嘗。值得一提是，餐廳有向每個客人提供一個口罩套。蝦什錦天婦羅（3蝦4菜） $683蝦4菜包括蝦、秋葵、南瓜、茄子、蕃薯。即叫即炸，粉漿鬆脆，無得彈。串燒五品盛 $78串燒五品盛有鹽燒雞翼、帶子、煙肉蕃茄、冬菇、雞軟骨肉串。雞翼燒得出色，餐廳亦已用刀改了雞翼的形狀，使佢鋪得更薄，更快熟。而燒帶子是串燒中我最欣賞的，不會太乾，又有咬口。特選壽司拼盤 $128整碟壽司中值得推介的就是大蔥碎吞拿魚腩卷，魚腩蓉不肥不瘦。再來的話可以單點這份壽司。軟殼蟹蟹肉蟹膏炒飯 $128這炒飯是今日的MVP，炒飯上是一隻切開一半的軟殼蟹，炸得恰道好處。炒飯海鮮味道濃郁，除了有足夠的蟹肉蟹膏外，更加入櫻花蝦，份量還不少。這個組合，令我覺得這餐廳比起我一年前的體驗，更為進步。靜岡蜜瓜梳打 $28少見的日本汽水波子汽水 $22常見的日本汽水

這晚在元朗西菁街搵食，被這棵紫色的樹吸引目光，發現這間美味九丁目日本料理。天花放滿日本櫻花油紙傘，充滿東瀛氣氛。餐廳室內近窗邊以卡座為主，亦有戶外區。原來逢星期六日及公眾假期8點有美食拍賣祭，將日本人氣食品以超抵價拍賣，非常特別，可惜今晚沒有，下次一定就啱日子來親身感受一下！岩石燒安格斯$108肉香四溢的安格斯小牛排牛味濃郁，肉質軟腍又不失煙韌，沾上惹味燒汁更覺美味！食石燒牛肉當然唔少得嘆番杯冰凍生啤，正 !!! 法式黃金醬鮭魚多士$48三文魚鮮甜軟滑，多士鬆化香脆，配上特製惹味黃金醬，一軟一脆，口感豐富！芝心鰻魚卷$88鬆軟寿司飯包裹著美味的鰻魚及芝士，澆上特製寿司汁，件件好滋味！香川燒鯖魚$58魚肉充滿獨特的炭燒香氣，魚皮爽滑香脆得來又好留到肉汁，完全無腥味。蝦雜錦天婦羅$68外層入口鬆化，但內裡仍保留着蝦及瓜菜的鮮味， 佐酒一流，滋味滿分！一頓心滿意足的晚餐，下次週末必定再來感受食品拍賣熾熱的氣氛！

陪屋企人換身份證，見未到預約時間，又未食lunch，就去九丁目醫個肚先😋記得有一晚黎呢度食飯，非常之有氣氛，因為佢地有個拍賣祭，就係會將人氣食品，用拍賣形式價高者得，今日見到佢地張poster，忍唔住問侍應幾時會有，佢話就快架勒，叫我地星期六日得閒經過要留意下，真係要經歷下呢種拍賣氣氛同屋企人按自己喜好各自點一個餐西京燒銀鱈魚定食:看似好簡單，但銀鱈魚要整得夠滑唔散，都幾巧工夫，九丁目既燒銀鱈魚肉質非常嫩滑，亦都好新鮮，西京燒又好入味，用黎送飯最正，套餐仲有麵豉湯，超飽肚，而我最欣賞九丁目，每個套餐都有啫喱甜品，大滿足極上壽司定食:總共有8件壽司，包括三文魚、油甘魚、海膽、赤貝、玉子、鮮帶子、吞拿魚腩蓉卷。壽司材料都好鮮甜，唔好睇好似好少野，呢個套餐仲有個迷你湯烏冬，份量岩岩好配埋杯回魂咖啡，超醒神套餐好好食之外，而且呢個價錢真係超抵

與朋友今晚在元朗晚飯，喜歡光顧西菁街的日式料理店，這裡食物質素好，每次都好滋味，今次也不例外又一次的回味！ 二人點了魚頭鍋和串燒，炒飯……等。很滿意！ 岩石燒安格斯 108元一份有十片之多，有光澤，有油花！放在岩石上慢慢燒，很有風味！灑點岩塩，又嫩又鮮甜！厚切牛舌串 48元 (2串)厚度剛剛好，爽口甘香！黑毛豬豚肉串 48元 (2串)這個有驚喜！肉質非常鬆軟肉味鮮甜！肥瘦相間，脂肪甘香而不覺油膩！下次來一定不會放過它！三文魚頭鍋 108元在爐上沸騰着，鍋內配料豐富，湯汁濃郁！三文魚份量很多，夠嫩滑！大白菜，金菇，本菇，冬菇，粉絲吸收了湯汁的精華，鮮味！海膽三文魚炒飯 148元飯粒炒得清爽不油膩，海膽滑溜溜很鮮甜！抹茶十勝紅豆冰 45元甜度適中，很清新！製作認真，食物有水準！環境也很舒服，服務周到，很不錯的料理店！

已經好耐無去過元朗食飯，難得約到中同，就揀間我未食過嘅試🙊七點半去到，都已經好多人食緊，好彩有book位🙈·1️⃣串燒五品($78)總共有五款：煙肉車厘茄、免治雞肉棒、雞翼串、帆立貝同埋冬菇，味道正常，每串都有兩粒，我比較中意食帆立貝🤪·2️⃣三文魚軟殼蟹卷($98)三文魚好厚身，蟹籽都幾多🤤如果中間隻軟殼蟹係熱嘅就好🤣炸野我中意食熱嘅，雖然係壽司🤣🤣·3️⃣自選刺身2品 － 三文魚+鮮帶子($62)睇相都已經睇到三文魚同帶子都好厚切😍😍仲好新鮮，呢個價錢食到兩款刺身真係好抵食🤤·4️⃣廣島吉列炸蠔($58)蠔好細隻，炸粉厚😢😢但蠔味好重，大隻返啲就好·5️⃣角切雜錦魚生丼($88)雖然係角切，但都切得幾大粒😍😍魚生都幾新鮮，有三文魚、三文魚子、蟹籽、油甘魚等等🤤·6️⃣岩石燒黑毛豬五花腩($98)有得自己親手燒係正嘅😆雖然唔係我燒🤭如果我燒可能成碟五花腩都唔洗食🤣佢有鹽果啲調味料可以燒果陣灑落去，加左鹽係好好食🤣燒得好香，唔會太肥🙊·7️⃣厚燒牛舌($48)有兩串，口感岩岩好，唔會太淋或者太韌😌·整體來講，魚生類唔錯，幾新鮮，燒五花腩都正😆但串燒類，炸物就一般般，同埋我叫左杯抹茶紅豆冰($45)好難飲🥲無乜抹茶

呢間日本料理想食好耐，因為係我整眼睫毛隔離，門口裝飾左一棵發光櫻花樹。店內天花裝吊左好多好靚的日式油紙傘，好有氣氛。餐廳座位都幾多，有室內有室外座位，唔洗等位，想食就食。**特別推薦吃這裡的手握壽司睇單價好似好貴，揀左啲價格較平試下味先，有驚喜，刺身新鮮肥美，手握壽司一口一件，おいしい😋。三文魚壽司 $18油甘魚壽司 $28大甜蝦壽司 $28鮮帶子壽司 $28文甲魷魚壽司 $28火山丼 $168呢個刺身丼好似火山爆發咁多刺身，有三文魚子，吞拿魚粒，飛魚籽，三文魚粒，仲有我最愛嘅海膽😍，計返刺身種類之多，性價比超高，味道亦不錯。軟殼蟹蟹肉蟹膏炒飯 $128熱騰騰的炒飯上枱了，原隻軟殼蟹天婦羅一開二直立炒飯上面，好驚喜，個軟殼蟹係有膏架，蟹膏同蟹肉都已經炒左落飯入面，味道算好出，但炒飯都好好味，因為加左好多蛋粟米同櫻花蝦，櫻花蝦炒飯甜甜的，食左兩碗呀！【激安，割引，半額】**11:30-15:00有午巿套餐****20:45後有指定食品半價****每逢五，六，日晚上八點有拍賣祭，店員話可以用超抵價投到刺身船，長腳蟹等時令日本人氣食品**我已經準備好下次整眼睫毛嘅時間單拖去食lunch se

今日試了這間在openrice評價不錯的餐廳餐牌有點像居酒居有各種各樣不同的日本料理鍋物、飯、壽司、天婦羅、串燒等等包羅萬有價位比想像的貴但好肚餓所以集中火力在碳水化合物的料理最令人驚喜的是壽司可能係我平時食太多迴轉壽司見到呢啲一件件手握壽司簡直感動海鮮非常新鮮甜美甜蝦好大飯香軟2. 刺身丼（火山丼）材料很豐富，新鮮3. 軟殼蟹炒飯軟殼蟹好大隻，有糕，炒飯有好多櫻花蝦，好香！

來到元朗，看見一間充滿日本味道的餐廳，於是便入內一試。餐廳裝修和風，讓人置身日本，裝修但得一讚。三文魚刺身重點要介紹是它的三文魚刺身，三文魚極之厚身，而且非常新鮮，吃落嘩的一聲，新鮮到不能形容，值得一試。壽司拼盤三文魚同樣厚身，大到連飯也不能看見，最重要是非常鮮甜。熟蝦美味，肉質厚身彈牙。北寄貝鮮甜大片，壽司來說，有壽司郎的水準。烤元貝味道不用說，賣相已經贏了，元貝大大粒，塗上醬汁，正是日本居酒屋的味道，無得輸，吃落停不了口。岩石燒牛小排牛質不用說，雪花分布平均，肉色鮮艷，非常新鮮。烤完後，牛油香味十足，吃落滿口油香然後溶化，猶豫置身日本餐廳一樣，十分好味。

同老公去元朗成日經過依間食店都見好多人，我哋今日終於去試吓，原來佢哋星期六仲有拍賣祭很有趣，下次星期六去吓，仲有8:30後有黑夜壽司半價石燒牛小排 －牛肉嘅油脂分布平均，牛油香，牛肉味濃三文魚頭石狩鍋 －非常多料有豆腐，冬菇，野茹，菜仲有水晶粉，魚湯鮮甜同滑，煲細細都有大約六碗湯，三文魚頭先炸過，可以保留魚油脂香，非常滑七味粉雞軟骨－細細粒脆，適合伴酒吃七味粉雞件－啖啖肉，無骨，適合我老公完全唔鍾意食骨火山丼－依個丼超人氣，我哋都唔執輸叫個試吓，真係好多蟹肉，三文魚籽，飛魚籽都好多，加上大量角切魚生，新鮮，份量夠我哋兩個食

同媽咪去元朗去下街♥️網上見到呢一間午餐價錢都幾抵食，而且賣相都幾吸引，於是決定食呢一間啦♥️午餐款式好多選擇，價錢都好抵，性價比高！...▫️ 【極上壽司定食配迷湯烏冬】$108⭐️⭐️強烈推介⭐️⭐️呢一款定食真係性價比高，賣相吸引，總共有八件壽司，包括三文魚、赤貝、油甘魚、海膽、玉子、鮮帶子、吞拿魚茸卷😨‼️每一件都唔錯，特別係赤貝，鮮味十足，又爽口😍海膽都唔會有臭腥味，而吞拿魚茸卷仍都好好食♥️配埋迷你湯烏冬，滿足為食既我🥰而且仲有麵豉湯，同埋啫喱甜品添，真係好抵‼️難怪咁多學生幫襯🌸推介..▫️ 【什錦刺身定食】$118媽咪叫呢個什錦刺身定食，賣相一樣都好靚♥️什錦刺身包括有三文魚、油甘魚、鮮帶子、甜蝦、北寄貝，三文魚同油甘魚刺身都算好厚身，食落口感好好😍甜蝦都好甜，好嫩滑🤔呢個套餐係配飯、仲有麵豉湯，同樣一樣都有啫喱甜品，價錢相對來講都好抵食😙而且仲跟餐飲添～

難得準時放工，可以同老公二人世界食好啲，去咗食日本嘢。平時去完健身室成日都經過，成日都話想去食但係次次都係做完運動所以怕肥唔敢去食！今次好開心終於可以去啦！謝謝老公😍🥰而家黑夜時段係8:30後半價，好似好抵咁喎，不過我哋太肚餓啦，冇辦法等1.5小時😅😅疫情期間比較留意餐廳嘅防疫措施，呢度每張枱都會有支細嘅搓手液可以消毒，仲好細心安排咗口罩套俾各位放低口罩，不過我本身有環保口罩套就冇用到😌😌由於好肚餓，第一時間叫個北寄貝刺身食下先，幾鮮甜喎，正常質素，仲有8塊，唔算貴啦！👍🏾我覺得呢個壽司拼盤好抵食，有拖羅小卷，海膽軍艦，帆立貝壽司都好出色！其他係老公食，佢都話啲刺身好新鮮😍😍🤩🤩哩個拼盤幾抵食😎我次次去食日本野都會好鍾意叫炒野菜，估唔到哩間有埋櫻花蝦同秋葵，好味道😋😋軟殼蟹手卷係老公每次都必叫嘅項目🤣🤣🤣其實原來每個人都會有一兩樣野食係無論去邊間都會叫架😂😂埋單都係五百幾其實唔算貴，不過我下次會食8:30黑夜時段，因為咁嘅質素半價係超級抵食😍😍

今天和朋友來到這間位於元朗K Plus地下的這間「九丁目日本料理」，我們叫了兩個午餐，分別是極上壽司定食配迷你湯烏冬和蒲燒鰻魚丼。極上壽司定食配迷你湯烏冬，壽司有不同的種類，分別有三文魚，油甘魚，海膽，赤貝，玉子，鮮帶子，吞拿魚腩蓉卷。魚生很新鮮，即使沒有點豉油，味道也十分足夠。海膽亦十分鮮甜不會腥，正，而且每件份量也不小。定食還配上麵豉湯，迷你湯烏冬和啫喱。烏冬煮很滑，很好味。蒲燒鰻魚丼同樣亦配上麵豉湯和啫喱。鰻魚很大塊，份量十分足，而且也燒得很入味，醬汁味道一流，加分配上粟米和紫菜一起，很好味道。

定食選擇多 有唔同種類呢次揀左兩款定食1. 極上壽司配迷你烏冬有杯熱飲，甜品：迷你小泡芙，味噌湯呢個定食有八款壽司海膽壽司比較差 有d腥 其他正常發揮烏冬細細條 煙煙韌韌 幾好味噌湯有洋蔥豆腐海帶係到 甜甜地2. 四色刺身飯一樣包杯熱飲，甜品：迷你小泡芙，味噌湯有三文魚 立魚 甜蝦 同埋墨魚cp直好高3.午食追加：紫色栗子餅外面脆脆 餡有紫薯蓉及栗子碎感覺上冇加好多糖落去 所以唔會覺得膩