九丁目日本料理

營業中

休息中

煙三文魚凱撒沙律冰涼的沙律菜富爽脆, 可以知道水份充足，沙侓醬份量剛好，令人有酸酸甜甜的感覺，好醒胃呀，值得一讚。我覺得最令人期待就是三文魚的魚香，是凱撒沙律的焦點，吸睛的地方。九丁目四色海鮮丼海鮮丼的刺身整體擺盤好精美，色澤均勻已經知是新鮮，厚切完全唔吝嗇，食下去富口感，雪藏味一點也沒有，只有刺身魚肉的鮮味，豉油的鹹鮮更令刺身格外提鮮，海膽大片豐富，金黃顏色令人賞心悅目。牡丹蝦也不輸蝕，爽口彈牙，令人想吃完再食的感覺。山葵燒安格斯牛扒鬆軟的牛扒肉質切開，油脂從肉中滲出來，陣陣芬芳的肉香味傳出，一眼所見，脂肪和肉的比例各佔半，在口中已經感到非常濃郁的肉香和脂肪的香味，卻又沒有很油膩的感覺，沾上山葵的醬汁已經可以說是錦上添花，引領肉味慢慢醞釀出來，我這肉類者，當然趨之若鶩。自家製芝麻雞翼金黃色的雞翼皮份外奪目，肉汁被鎖緊，一咬肉汁四瀉，知道炸得十分香脆，聽聲已經知道鮮味特別突出，美味可口是當然，頂多家裏飲多杯涼茶，不忍放下，哈哈！

今日來到「九丁目日本料理」，餐廳就在元朗千色附近的K Plus， 餐廳內外的裝修都非常有心思，營造得很日本特色。外面設有露天座位。店内以木色為主調，裝潢新淨， 牆身的木製餐牌同裝飾都充滿日本居酒屋風味，有點置身於日本的感覺。由於最近是抗疫期間，店員都會為客人的雙手噴上消毒酒精，很貼心。我叫了一個火山丼的晚市精選套餐，這一人前丼配上味噌湯、日式蒸蛋、三點天婦羅、和甜品，非常豐富。火山丼有海膽、三文魚、蟹肉、蟹籽、三文魚籽堆砌成一座火山一樣。份量都唔少，絕無欺場。海膽味道鮮，絕無任何腥臭味。而蟹籽和三文魚籽更是鹹鮮惹味。而蟹肉肉質彈牙。超滿足！而日式蒸蛋、三點天婦羅都非常有誠意。日式蒸蛋有冬菇和蟹肉，食上來很鮮，而蒸蛋都很滑溜。三點天婦羅蕃薯、南瓜、和海老，炸漿厚薄剛好。而朋友散叫了一些壽司和串燒一起食。 壽司方面叫了貝三味和火炙三味。貝三味分別是赤貝、 北寄貝、帶子。而火炙三味分別是火炙三文魚、鰻魚、油甘魚。再叫多了3款的壽司：三文魚壽司、赤貝壽司、鮮帶子壽司。當中都有些是重覆encore再點的。最喜歡是赤貝，大大隻而且很鮮甜爽口，食得出很新鮮。而火炙鰻魚和油甘魚魚肉細緻，油脂豐富，回味

遠遠望見《九丁目》門前的桃花燈樹，甚是吸引，腳步隨之走近！平日多數光顧午餐，不曾發現這片浪漫風景 💖💖 很欣賞天花上的紙傘陣，和式滿滿的。加上《九丁目》的風景壁畫，防如置身日本 😄😄點了晚市一人前的火山丼，材料優質上乘，有海膽、三文魚子、吞拿魚蓉、蟹籽、青瓜、蛋、三文魚、油甘及蟹肉，賣相惹食慾，味道鮮到絕 😍😍！套餐還包括湯、蒸蛋、天婦羅小食、甜品。味噌湯味道不錯，沒有過鹹的麵豉味，而且夠滾夠熱，除一般的豆腐、紫菜，還多了洋蔥，用洋蔥煮的湯，份外甜美。👍👍還在冒煙的蒸蛋，吃著吃著，發覺材料勁豐富，有冬菇 、粉絲、瑤柱、魚蛋、蟹肉及白果，以跟餐的蒸蛋來說，真是認真得有點過份了 👍👍👍👍跟餐的三點天婦羅，有南瓜、茄子及海老。南瓜軟熟起沙清甜，粉漿厚薄適中，熱辣脆口，好味道。甜品是青檸啫喱，晶瑩剔透，青檸清香，簡單討好！兩人共進晚餐，怎能只點一份餐，散點了甘醋蕃茄，日本的大蕃茄，本身味道已經很好，加上甜醋制過後，甜酸味更濃厚，略嫌蕃茄未夠熟，質感有硬實。還有和風軟殼蟹沙律，色彩鮮艷，味道清新。軟殼蟹香脆有蟹味，酸醋汁跟蟹及菜也很夾，味道理想。紫芋金粟薯餅，紫薯清甜艷美，薯餅內有原粒粟子，紫薯

元朗近半年來經歷大大小小的風風雨雨，小店更是首當其衝，於是我和朋友今天特意到元朗支持一下小店。呢間食日本野，尤以平民高質見稱，首先點的便是火山丼套餐。先上的便是主菜火山丼。火山丼的原材料種類繁多，有海膽，三文魚子，蟹子，吞拿魚及三文魚，味道層次多樣。海膽相當鮮甜，入口即化，惜份量不多，令人思思念念。然後便是三文魚子的鮮味及其特殊的口感，咬下去爽口的程度絕對是證明十分新鮮。然後上的是三點天婦羅，入口時發現粉漿相當薄，入口鬆化香口，海老仍保持水份，相當出色。另外加點香炸雞軟骨，香脆又有咬口，加上相當酥及濃濃的調味粉，令人回味無窮。二人份結帳大約$500，份量及味道而言相當超值。

係呢個肺炎疫情下， 好耐都冇出去食飯。 老婆想食日本野，但又唔想去啲連鎖店， 上網搵到呢間食評唔錯嘅小店， 所以就去試下。由於得兩個人， 食唔到好多野，我地就叫左幾款野試下。叫左幾款壽司， 有油甘魚， 帶子， 赤背同三文魚子。三文魚係一般醬油醃製， 但冇過火， 冇死咸，而且食落冇腥味。油甘魚有魚甜味， 食左柔軟冇雪味， 比起之前係yoho 咁間壽司鋪食好得多了。軟殼蟹手捲上到枱仲係微暖， 軟殼蟹好脆身而且份量唔少，好抵食。芝麻雞翼：炸得好乾身脆口， 但如果個味道可以濃啲，咁就更加好啦。燒三文魚頭： 呢個真係勁驚喜,因為佢唔只得一個三文魚頭，仲有魚鰭 同一舊三文魚肉，68蚊呢個價錢真係冇得頂！串燒五品： 有冬菇，雞翼，免治雞棒，煙肉車厘茄同埋帶子。 老婆就好鍾意個煙肉車厘茄喇， 貪佢個煙肉燒到小小燶先至好食。而我呢就鍾意個帶子， 就算佢搽咗啲醬我都食到佢嘅少少鮮甜味。呢個價錢同普通連鎖壽司店食嘅可能差唔多，但係佢壽司嘅級數我覺得係好過一啲連鎖店。如果下次想食壽司， 我地會再考慮黎呢到。

最近由於疫情關係，好多人足不出戶，怕去人多地方，我也不例外，好耐冇出街今晚破例一日落街食日本菜，餐廳喺屋企附近好方便又好食，一直都有光顧第一時間叫杯啤酒先😃😁刺身飯不得了，兩塊超大海膽賣相已經夠吸引，食落真係好鮮味，海膽甘香味喺口裏面迴盪再配上三文魚籽，簡直就是絕配👍😍喜歡食魚生飯嘅朋友絕對不能錯過👍這個刺身飯188元套餐還有餐湯，茶碗蒸，天婦羅和餐飲，十分超值唔食生野嘅朋友，也有其他套餐選擇，而且價錢更抵食除了套餐之外當然也有散叫，無論刺身，壽司，串燒，選擇非常多雞串配啤酒一流享受😁🤭今晚十分盡興也很滿足午市定食更超值，幾十元就有交易👍喜歡食日本菜的朋友，真的不能錯過👍♥️

最近好中意去九丁目食飯🤣 好食，多款式，幾抵食，服務又好！我最中意食佢地嘅魚生飯，午餐跟麵豉湯，餐飲同甜品。壽司飯幾好味唔太酸，而且口感不錯！三文魚肥美，三文魚子唔死咸，海膽雖然得壹塊但係係鮮甜，上到嚟都冇溶。好鍾意食佢哋啲薑，唔太酸唔太甜味道啱啱好！之前晚市都嚟食過都係食同一款魚生飯，哈哈哈！多咗個茶碗蒸，好滑足料，同用多份天婦羅，天婦羅我覺得厚粉左啲！中午嘅甜品係泡芙，一般般，夜晚嘅甜品好似係啫喱，不過我冇要到。

好耐都冇去元朗啦，今日難得出到去，就去食下呢間朋友推介嘅日本餐廳先。入面嘅裝飾都好有日本感覺呀，特別係天花擺左好多傘，好古式古香嘅感覺，好正。九丁目午餐嘅選擇都幾多，樣樣都好吸引咁呀。我就揀左極上壽司定食，包括有三文魚、油甘魚、海膽、帶子等等，仲有一碗細烏冬，唔洗驚唔夠飽呀。三文魚同油甘魚好新鮮，幾乎入口即化，好食。最令我意外嘅係海膽，好鮮好creamy，一啲都唔腥，好好食。其實壽司都係新鮮嘅，都好味。

午飯時間又到了，這家餐廳人流不絕，想吃日本菜又走到這邊來，座位分隔蠻好，不會太近，店員非常有禮，值得稱讚！午飯餐牌選擇蠻多，配搭也特別，今次就選了一個壽司餐和一個定食！西京燒銀鱈魚定食一上碟就聞到有陣油香味，煎得兩面都脆脆的，夾下去每塊肉一片片，軟熟的魚肉加上香香的魚皮非常搭配！另一個驚喜是有紫菜芝麻加在飯裡面，口感豐富，非常開胃！配上豆腐味噌湯解除油膩感，還有一個芒果味啫喱，滿足！極上壽司定食太久沒吃壽司了，記得這家壽司新鮮所以才敢叫。三文魚油甘魚油香重，脂肪頗多夠厚，赤貝帶子鮮味重，而且鮮甜，推介！不少得滿滿的海膽，一點也不腥，過癮。吞拿魚腩蓉卷一口吃完，吞拿魚口感稠滑，滿口都是！這個配上烏冬，飽肚感十足！配有即磨咖啡，滿足的一個下午！下次想試晚上的料理，期待！

兩個人去了元朗食日本菜，這間在元朗千色附近的九丁目以日式料理為主，晚市有套餐供應，亦都有多款日式小食及串燒。九丁目四色刺身丼有肥美及油脂均勻的三文魚、入口鮮甜的帶子、味道帶甘的海膽及爆鮮的三文魚子，不過海膽未夠新鮮。晚餐丼還包味噌湯、日式蒸蛋、天婦羅及甜品，天婦羅炸得香脆，番薯及南瓜都很甜糯；蒸蛋既滑又香。炸雞軟骨有咬口又不會太硬，但食到底就有點油。串燒五品有雞翼、冬菇、帆立貝、雞肉棒、煙肉車厘茄，燒物都是即叫即燒，新鮮熱辣，而且不會燒得太乾。七味脆皮三文魚扒三文魚有兩大件，果然燒至表皮帶脆，魚肉嫩滑。大阪風半熟牛肉湯烏冬烏冬爽滑而且還有大量的牛肉，牛肉油脂不算多，入口很腍。值得一讚是店員殷勤有禮，而且一入去就會先探熱及幫忙噴灑消毒酒精搓手，防疫意識高。

無限肺炎個個都怕怕，出街食飯嘅人確係少咗，但係呢間餐廳做足準備，因為一入門口餐廳職員已經要幫你量度體溫，仲幫你噴埋消毒酒精添，咁就可以食得安心又放心，所以我成兩點去到餐廳都幾乎全場爆滿跟餐就有凍檸茶送啦我哋一人嗌左個套餐朋友叫咗個鰻魚炒飯而我就鍾意食西京燒，但西京燒烹調需時，大概都要等三個字左右跟餐就會有碗麵豉湯一份啫喱甜品鰻魚炒飯甜甜地，而且鰻魚仲設成一粒粒，撈埋一粒粒嘅炒飯一齊食，非常有口感西京燒就煎既時間岩岩好，外皮香脆，魚肉嫩滑

今日男友帶我去呢間日本餐廳度預祝我生日，我最喜歡食日本野，而呢間無令我失望！可以食盡自己想食嘅野之餘，男友嘅荷包又唔會肉赤！😍呢度環境幾舒服嘅，有bar枱、有卡位，任君選擇，唔會坐得好迫。叫咗個HK$168嘅一人前，叫岩石燒黑毛豬定食，豬肉同紫菜飯嘅份量都幾多，而且頗肥，同男友share 啲肥肉就到好嘞！油份好夠，食幾塊都可以嘅！仲有三點刺身，都係熱門受大眾歡迎嘅刺身，仲有湯同蒸蛋、同甜品，都咪話唔飽，好滿足！睇下啲豬肉燒到幾金香，又厚切咁，兩個人食無問題！食得滯就要嘆返個和風軟殻蟹沙律，啲菜好脆，係因為加咗大量嘅蟹籽，加埋啲醋解膩，仲有每次食和食必點嘅軟殼蟹，不得了！(不知不覺食量可以大咗！) 男友就點咗呢個瀨户風鰻魚炒飯，好濃郁嘅鰻魚香，成碟炒飯都有呢個汁醬嘅味道，口感豐富好creamy，有驚喜！再點呢個嚴選串燒5品盛！16元左右嘅串燒同元朗街頭串燒店差不多！但呢度有得坐有環境享受下都叫值！有雞翼串、帶子串、雞肉串、煙肉mini茄同冬菇串，每串都有2件，可以兩個人都食到啲！有埋支酒就完滿嘞！

同事新居入伙元朗，屋主介紹下大家約好一齊食午餐加團拜😀😀門口都已經好有日本風味今次有貴賓房坐，店入面有電視坐到十人左右見到餐牌已經好想食😄😄😄最後點了三色丼，有麵豉湯,甜品及餐飲。湯夠熱，加入豆腐海帶，好味，三文魚見美，厚度夠，三文魚仔🥰🥰🥰魚油多，粒粒大粒，好新鮮，海膽雖然小，但味道最緊要鮮。不錯再介紹下極上壽司，有8件壽司、一碗烏冬及麵豉湯及甜品。烏冬彈牙，湯底清甜正。壽司有赤貝，飯小但赤貝大。赤貝鮮美。蛋好滑，海膽朋友吃完仲想食多次。帶子大大粒。好味燒鰻魚都係好味之選，大大條，肥美。燒汁好配合，加上有紫菜，👍🏻👍🏻👍🏻👍🏻最好原來外出都有得用餐，岩晒帶狗或喜愛戶外嘅地方

約了很久不見的朋友仔食飯，朋友仔住元朗，我又想食日本野，所以來了這間九丁目，看過餐牌價錢不算太貴，所以就walk in試吓。我們一入座，店員已經好細心拿著消毒噴霧幫我們消毒雙手，畢竟現在環境都要注重衛生。朋友見到隔離枱有人叫岩石燒牛小排，覺得非常特別，所以我們都叫了來試試，另外又叫了壽喜燒牛肉鍋，而店員都好細心咁幫我們安排先燒後火鍋，免得開住2個爐易生意外。我們仲叫了清酒煮蜆~大隻又冇沙，新鮮。燒三文魚扒~多汁厚肉。串燒五品盛~最欣賞係煙肉車厘茄，多汁又夠味。燒牛舌~沒雪味，厚肉，鹽味好好味。吉列廣島蠔~外脆內軟勁Juicy，總括來講~這餐食得好開心，埋單都係600蚊左右

今日入元朗搵食～ 呢間應該係新開(?) 喺KPlus隔離呢到環境幾靚，日式裝修，乾淨整齊，座位今次坐四人卡👍🏻鮮帶子壽司 $28/2pc帶子好鮮甜好好食😋 大大舊蓋住舊壽司飯🤣 壽司飯鬆軟度適中，唔會話太實日式芝士年糕 $38/3pc年糕炸得好鬆脆但唔會太油👍🏻 一咬落去芝士流哂出黎～😋 岩石燒安格斯 $98自己喺舊石到燒黎食～ 幾過癮🤣 安格斯牛好有牛味，灑少少鹽上去調味就已經夠😆 食出食材嘅原汁原味牛肉壽喜燒 $98一揭開嚇到🤣 好多牛呀！個鍋入面超級多料，$98好抵食👍🏻👍🏻嗌咗好多野食～好滿足！價錢唔算貴但食物水平高👍🏻.另外一提，店員服務好好，周不時都Refill茶水，態度亦好好👍🏻👍🏻