丼吉日式吉列豬排專門店 (世貿中心)

營業中

休息中

Tonkichi 係我同朋友指定食吉列嘅餐廳，呢間餐廳嘅吉列定食我諗都係香港既首一首二既，每次想食吉列嘅嘢都會想過嚟食今次亦都唔例外，餐廳係位於尖沙咀廣東道位好方便而且環境好寬敞卡座位有屏風隔著，感覺私隱度好高。吉列大蝦定食大蝦好大隻而且係炸到金黃色嘅，外皮鬆脆香口比吉列包圍着裏面嘅大蝦仲係好新鮮，成隻大蝦都炸得好好食好香口，配菜有椰菜絲，店裏面仲提供左三種醬汁有豬扒汁、西柚汁同埋紫菜汁，椰菜絲同埋大大蝦點上醬汁食味道一流。迷你刺身組合三文魚，三文魚色澤鮮，口感油潤。帶子好大隻，食落去新鮮有口感。呑拿魚切得好厚而且色澤紅潤，味道唔錯八爪魚芥辣毛茄八爪魚好煙靭，秋葵好脆好爽口，面淋上日式醬汁，味道好夾而且好開胃。京都和牛雅薯蓉配生蠔定食和牛和生蠔都炸得一件件金黃色的，外面吉列好脆而且𥚃面和牛很有牛味不會乾，有肉汁。生蠔很味道好濃再配上薯蓉吃味道一流。價錢屬中上但食物質素超班，咁樣嘅質素絕對對得起呢個價錢，下次一定介紹朋友再食。

呢間我地之前食過中環分店 今次就再係銅鑼灣食多次 我覺得銅鑼灣既裝修靚d 係每檯有個小包箱咁 不過我地得2個人 佢無比我地坐😭😭·吉列豬扒、豬柳、生蠔二人前 $498個生蠔超驚喜超級好食 好新鮮 而且炸得剛剛好 豬扒同豬柳我就覺得上次係中環好似好味d🤔🤔椰菜絲任加既 加埋佢個柚子醋汁超級解熱氣😛😛·#rbyeat#rby銅鑼灣·📍銅鑼灣告士打道280號世貿中心4樓412號舖

好好味😍🙊🙊炸得剛剛好，完美金黃色🥇😆😆很脆又不會很油膩🤭🙏🏽😳肉質都滑😁😁😁味道很濃和很新鮮個人而言：醬汁的味道一般，味道偏酸 哈哈！而，水準的日式吉列豬扒必須符合三大標準 ✅✅首先，豬扒外層要金黃，香脆而不膩，大約1cm厚度，鮮味有肉汁✅✅伴豬扒的醬汁，要酸中帶甜有層次。✅✅配套也不能忽略，椰菜絲幼細冰凍，爽脆清甜。白飯軟糯有米香總結：值得一食性價比：✅✅✅✅/5 （5分滿分）

平日晚上嚟到食炸豬扒，7pm人不多，可以有海景卡座。點菜之後，餐廳會先給你芝麻。等上菜不怕無聊。芝麻香氣撲鼻。炸蠔配豬扒 - 炸工好，炸乜都好食。炸蠔入面好多汁。豬扒一如既往好食。另外點了梅子梳打，都幾大樽。兩個人喝不完

「丼吉」相信好多人都唔陌生，畢業竟係香港開業幾十年，屹立至今，一啲都唔簡單，然而，一定有佢可貴之處，坦白講，價錢唔平，但給予你嘅，就係對日式吉列丼嘅堅持同質素！豐儉由人，多款炸物丼套餐任君選擇，就連豚肉都有分四個級數。每款吉列丼餐都有配漬物、椰菜絲、白飯、味增湯及甜點，其中白飯及椰菜絲可無限添加，所以一定食得飽，仲要係好飽果隻。白飯採用日本珍珠米，特別香甜有飯香；而味噌湯調味都okay，並唔會太鹹太膩。吉列宮崎牛肉定食 ($398) 及 鹿兒島特級厚切豚肉定食 ($328): 可選擇擺埋一齊或分開兩碟。首先，右邊嘅吉列宮崎牛肉真係非常非常好食，外層嘅炸粉酥香薄脆，內裡嘅牛肉約六七成熟，達和牛級數嘅牛肉油脂豐富，油香重，肉汁極為澎湃，而牛味同樣並重，非常impressive「鹿兒島特級厚切豚肉」亦有驚喜，價錢較高，品質同樣較高。炸粉薄而香脆，包得住豚肉又唔會輕易散出黎。而豚肉為厚切，肉感豐富，鬆軟而有肉汁，亦帶有少量脂肪，更為香口。味道方面，豚味非常香濃，絕對有驚喜，確實是一分錢一分貨！

第一次來銅鑼灣世貿的吉丼，這裏跟IFC店一樣給人高雅的日式服餐飲服務，而且世貿店擁有一個無敵近距離維多利亞海港夜景，美食+夜景=享受。先叫了兩碟餐前小食：［脆炸軟殼蟹］外皮乾爽不油膩，蟹肉鮮滑無渣［吉列宮崎牛肉薯餅］外層包裹的麵包糠炸得香口鬆脆，薯蓉混合碎牛肉，濃厚軟綿。［二人前：吉列豬扒、豬柳、大蝦定食］這是我為甚麼這麼喜歡吉丼的原因，太愛它的吉列豬扒，外脆肉嫩夠甘香。豬扒配上自己親手現磨的芝麻和豬扒汁，提香更美味。

今日搵食黎到銅鑼灣嘅世貿中心，尋找係日本見識過嘅正宗吉列豬😆店舖位於世貿中心四樓，一入門口已經充滿日式格調，店員都好有禮貌，又夠哂快手黎到吉列豬專門店，梗係要試下吉列豬啦，我地就叫左佢數量限定嘅鹿兒島特等厚切豚肉定食🤤🤤食之前同日本吉列豬專門店一樣，店員會比一個碗你用黎磨芝麻，再加入佢地嘅吉列豬扒醬，佢地仲有紫菜同柚子醬可以自己調較想要嘅味道，未食都知正👍 👍 到主角上場啦，一黎個份量真係嚇親，個厚切唔係講笑，厚厚嘅豬扒加上薄薄金黃色既外皮，一啖咬落去鬆脆外皮同入面彈牙又多汁嘅豬扒非常夾，加埋岩岩整好嘅醬料，真係覺得自己搵返日本嘅味道咁😍😍另外佢仲有海鹽同芥辣 ，可能帶出豬扒嘅味道，不妨混合唔同醬料食下，有多種唔同層次嘅感覺😋除左吉列豬，我地仲叫左個吉列大蝦伴生蠔定食，估唔到呢到連海鮮都做得唔錯，炸蝦夠哂新鮮，炸蠔完全無腥味仲大大隻夠哂 juicy 😉順帶一提，套餐會配上前菜，麵豉湯，白飯同椰菜。而白飯椰菜係可以任添架，椰菜加埋醬汁當沙津食就唔會太邪惡啦😆😆😆 (雖然成枱都係炸野.....🤣)野飲方面，我地叫左梅子梳打潤一潤，大大杯仲有兩粒梅子，夠哂足料，抵飲🤗🤗

好耐冇食過咁高質嘅吉列豬扒喇😭❤️我哋叫咗一份吉列定食同埋一份刺身拼盤share食😬兩樣野都好高質呀！坐得幾舒適～.鹿兒島特等厚切豚肉定食 $328採用頂級豚肉，肉質鮮嫩多汁！！炸得非常酥脆😍咬落去sok sok聲！🤤好好食🤩碗飯都高質過人🤣好想添飯呀！椰菜絲係無限任添的～.特上刺身盛合 $398 吞拿魚,油甘魚,帶子,三文魚籽,三文魚 甜蝦,八爪魚好豐富😍吞拿魚最正！高質，接近係入口即溶🤤其他刺身都唔錯~

同朋友在銅鑼灣行街經過Tonkichi Tonkatsu seafood, 又好久沒食吉列豬排,就決定來依間食晚飯。 店裝潢非常別緻,地方寬敞,具日本風味。**前菜點了 【鮟鱇魚肝】 $58 鮟鱇魚肝口感挻身油潤滑嫩, 嘗到魚肝的香醇肥美,伴跟酸汁蔥花蘿蔔蓉好醒胃。**【特上刺身盛位】$398特上刺身盛位,好正斗豐富! 有吞拿魚、油甘魚、帶子、 三文魚籽、三文魚、甜蝦, 八爪魚。 每件都超肥美,特別油甘魚口感厚實滑嫩,帶魚油厚重細緻甘甜。** 上吉列食物之前就送上一碗芝麻, 讓食客自己又舂又磨, 再加上秘製醬料混合。 ** 【吉列上級豬扒定食】 $248 這定食當然有主角吉列豬扒、漬物和麵豉湯, 仲有無限添加椰菜絲和白飯。 大大件金黃的吉列豬扒被切開多件, 入口外皮卜一聲卜響,而肉質鬆化, 不會乾爭爭,蘸上酸甜咸醬汁一咬, 味道升級,脆之餘亦夠味道,  如放凉了依舊保持鬆脆可口。**最後免費送上西瓜作為美味的晚飯的總結。

三個美少女💝shopping完一齊食吉列🐷🐷話說呢間吉列專門店有好多間分店，今次就食銅鑼灣嗰間。我哋每人叫咗份午餐，分別有麵豉湯，開胃小食，白飯同唔少得主角吉列豬扒！！🐽平時食開吉列豬扒嘅都知道會有呢個即磨新鮮芝麻醬，果然夠晒香！見到主角啦，豬扒炸到好乾身好鬆軟，點埋個芝麻醬用嚟送飯真係一流～仲有好醒胃嘅椰菜做伴菜，可以去咗食吉列油膩嘅感覺，亦都唔怕會覺得好熱氣😋😋最後飲埋碗麵豉湯，大滿足，食飽飽！！

其實我一向都唔太鍾意食炸嘢🙅🏻‍♀️，因為覺得太熱氣🤭，所以平時都好少食吉列豬扒嗰啲，唯獨是呢一間丼吉日式豬排專門店🐖，我耐唔耐都會去食下，因為佢哋嘅吉列係幾高質的👍🏻.今次我就試咗數量限定嘅鹿兒島🇯🇵特等厚切豚肉定食，呢款豬肉嘅肥瘦均勻，食落口感軟淋淋🤤.另外仲叫咗個吉列帶子豬柳定食，帶子大大粒🤗，炸完之後亦都唔會乾晒水，另外豬柳嘅肉質嫩滑😋.大家記住食豬扒嘅時候要點上佢哋嘅醬汁，仲要將芝麻磨成粉，撈埋一齊嚟食最好食㗎😊

好耐冇食吉列豬扒啦，今日特意去我最喜愛的這一間吉列豬扒店，喜歡他的吉列外皮鬆化，而他定食配合的米飯，都選用日本米而且烹調得很好，還能夠任食呢。今天想吃多一點蔬菜所以點了前菜拼盤「自選前菜拼盤」，有八款前菜可以任揀三款，我點選了番茄，八爪魚秋葵及芝麻菠菜，三款都清新爽口喜歡自己在碗中研磨芝麻粒成粉，香氣撲鼻。再加上豬扒醬汁是配合吉列豬扒的最好拍檔。吃完前菜不久我們的「吉列二人前定食」已經到達。他包括「特上吉列豬排」及「吉列豬柳」，分量跟單點一樣，但二人餐比較平。特上級吉列豬扒裏面已經有足夠油脂吃起來肉汁豐富，吉列豬柳有4大件，各切成半，方便食用，比較瘦一點，但也不會乾。伴著吃不經不覺吃了兩碗米飯，因為日本椰菜絲配合他們的自家醬料很好吃，我們也添加了幾次椰菜絲，這也是任吃啊！吃飽還有甜西瓜作飯後水果。另外我也點了「梅子骨膠原啫喱」作為甜品，很Q彈，附送的梅子汁酸酸的，不要一次過加進啫喱啊。

跟妹子在銅鑼灣逛完街肚子餓了，就去找好吃的妹子嚷著肚子好餓所以就在附近找一間有飯吃的位於世貿中心4樓的丼吉款式甚多環境挺幽雅，可惜我們沒有靠窗邊沒能清楚地看夜景我選了鹿兒島特等厚切豚肉定食看出了豚肉沾滿了蛋配合起豚肉感覺又嫩又Juice咬開更清楚麵豉湯料很足妹子要了長崎牛(我沒拍那版餐牌，忘了整個名字)本來我對他沒什麼期望沒料跟豚肉有得揮(我個人比較喜歡吃豬)牛味極濃，肉汁多咬下去牛香氣四溢我們的坐的卡位可以看到一點點夜景男生不夠飽可以無限添加菜！一定能吃個飽不大食的女生，一個餐會太多，妹子就吃剩一半肉...最後還有附上生果都是較中間的部分，很甜~整體感覺很好！

為食花太郎 <久違的美味豬扒>😍🐷丼吉 好多年前食過 嗰陣時hk仲未有甘多元化既野食 記得佢個豬扒好正 後生時大食既我 知佢配菜同白飯任添 就狂加 食到好飽😂 事隔甘多年 突然想食豬扒 又黎到 食店 有卡位 長枱 淺啡色既裝橫 好有日本 feel而且整體 staff有禮 做野快 值得一讚👍🏻🍴鹿兒島特等厚切豚肉定食 328 蚊🐷套餐 包白飯 麵豉湯 漬物 及生果 (白飯 椰菜絲🌿🍚 任添) 食豬扒前 staff會俾一個類似磨茶葉既器皿 入面放滿芝麻俾你中爛 d芝麻粒 然後再放佢既豬扒醬 夠香 同豬扒好 match如果鍾意仲可以落紫菜或者柚子醬 味道都幾特別🌿呢個鹿兒島既豬扒勁正 超厚身大件 我估佢係突登冇炸落甘多茨粉🐷帶少少香脆 個豬扒 厚得黎熟得均勻 口感彈牙軟熟 佢有芥辣 海鹽 可帶出豬扒味 最正係佢任添既椰菜爽口鮮甜 飯用左日本米 夠哂軟熟🍚 真係要任添下😈 麵豉湯 入面好多昆布 軟滑豆腐粒 仲有蜆肉 都幾鮮味 整體好滿意🍴吉列大蝦伴生蠔定食 318 蚊🦐套餐 包白飯 麵豉湯 漬物 及生果 (白飯 椰菜絲 任添)🌿🍚 當然軟熟日本白飯同甜椰菜麵豉湯夠哂正 吉列大

每次去親日本我都一定會食當地既吉列豬扒定食，因為日本整既吉列豬扒真係好出色，外層炸得酥脆可口，內層咬落軟熟多汁，雖然唔係成日去旅行，唯一回味方法就係黎依間專門食日式吉列豬扒既餐廳，仲記得上一次黎已經半年前，今次再黎食因為實在有日本食到既味道同影子我叫左份吉豬生蠔豬扒定食，而男友就叫左鹿兒島特等厚切豚肉定食，同叫多左份冰豆腐，店員問我地炸物可否同碟上有無問題，當然可以仲更加省位置，先黎冰豆腐，食落夠凍又彈順，豆味好濃，清新味道夠開胃食完開胃豆腐，估唔到炸物就送到上枱，份量驚人，沙律菜放係炸物中間，可以沾柚子醋拌匀食，非常可口清新又解膩而主角生蠔同豬扒全部都炸得好脆口，食落完全無負擔，生蠔大隻肉厚，蠔味非常濃郁，真係好食到難以形容！我點既普通豬扒，入口啖啖肉，軟熟又夠香，炸得剛剛好，沾芝麻豬扒汁更滋味！男友點既鹿兒島特厚豚肉一樣外層炸得好香口，食落帶蛋香味，入口比普通豬扒更加軟熟，完全係高一層既享受，本身鹿兒島既豚肉都非常有名，估唔到係依度都食得返同樣味道同口感每個定食餐仲附有漬物、麵豉湯同水果甜品，而沙律菜同白飯都係任添，真係滿足到不得了！