丼吉日式吉列豬排專門店 (世貿中心)

營業中

休息中

大時大節周街既餐廳 都會藉住特別日子加價本身仲喺度頭痕緊聖誕節食咩好俾我發現到呢間餐廳到聖誕節都係仲做緊平時個價錢毫不猶豫就打電話留位我哋訂咗6:00 早咗10分鐘上去，已經開始見好多人都排緊隊我哋叫咗個二人餐$508 （吉列豬扒 豬柳 帶子定食）一開始職員會比一碗白芝麻俾我哋自己慢慢中碎佢然後到上菜 全部都好的骰一份份咁樣坦白講，我覺得個豬柳係好食過豬扒 豬柳個口感會嫰滑好多 炸帶子都係比較罕見嘅食物 出邊好少餐廳願意同你炸 但係原來食落嘅口感真係不太好果然帶子都係適合刺身食咁多年來，佢都保持一貫嘅質素 下次有機會想試吓佢個海老

今天黃昏時分來臨該餐廳享餐，本人點了吉列帶子豬扒定食，配菜份量充足而十分之飽滿，炸得香脆美味，口感爽脆彈牙，真的很有正宗日式風味，而且員工們有配合過客人不同之需，服務態度上好有優質之級數，真的要好珍惜他們。

今天跟朋友於CWB逛街後到了世貿中心既呢間日式炸豬排專門店食飯，簡直係一試難忘入到去先有非常禮貌既和服女服務員招待我地，可能因為時間尚早，因此不用等位，立即安排到入座佢地既位置好private，好有特色，整個場景都好有夢幻既感覺點咗個二人套餐，有炸豬排同豬柳，味道一流又不油膩，上餐速度都OK服務方面都非常滿意，員工到好能夠照顧到客人需要絕對值得推介給朋友嘅餐廳

以前是常客。食物質素還可以。新店加多咗好多選擇，但到這裏還是吃炸豬扒為主。现今香港一些較有質素的地方訂位是必須的。無論網上或電話訂位已經都十分普遍。但係這間新裝修後的店雖然有電話號碼，但係試過好多次永遠冇人接聽。有一次我直接上去餐廳詢問店員點解冇人聽電話，店員回覆呢個只係個別事件。但這次以後，有幾次想訂位致電都係冇人聽。今日剛打了十幾次都係長響。現今香港日本食肆選擇甚多。以這種服務質素都係算了吧。

知道你哋開返已经嚟咗兩次. 今次同屋企人慶祝生日又決定再過嚟😋. 不過記得商場 好似冇輪椅專用. 所以就打電話去查詢, 順便訂枱.聽電話接線生都好helpful 話到時嚟到呢 就打畀佢. 需要安排 管理處開了一道 才上到餐廳.👌👌當日我哋到步前 15分鐘, 就照當日為 接線生 所講打畀佢. 亦記得 應該是同一個人. 我哋到步後已經見到他 原來可以搭貨𨋢上 到餐廳 而且 幫手推我爺爺進入餐廳裏面. thank you 👏👏👏💕因為我上兩次 印像中商場 都好似冇 輪椅 專用 𨋢. 停車場上一樓樓有梯級嘅 仲擔心去唔到餐廳食真係唔該曬 仲特登來迎接安排 非常好嘅服務 👍👍👍 當晚嘅食物服務 當然係 保持水準啦 屋企人 非常滿意 😊下次再見🙏Happy New year🎉

餐廳重新裝修後一改過往的風格，從較傳統以木材為主要材料的設計，改成較現代化的設計，門口有兩幅落地LED螢幕，模仿落地大魚缸，有先聲奪人之效果。翻新後的餐廳的餐目基本上與舊的大致相同，但多了吉列牛的選項。今次點了吉列鹿兒島豚、吉列炸蝦、吉列帶子及吉列松阪牛。前三樣還是照舊質素不錯，而吉列松阪牛牛味香濃、肉質滑溜，食材質素相當高，所以個人較喜歡直接吃優質松阪牛，不用吉列。整體用餐感覺良好，食物味道不錯，地方乾淨，大部份職員都非常友善積極，但店面人手相對較少，即使侍應們已經很勤快，還是需要客人為了茶水、醬料等候較長的時間，不過整體服務質素很好。

上個禮拜同朋友去銅鑼灣世貿行街，朋友帶我去呢間好出名的吉列豬排專門店餐廳用膳。我地叫左個豬排豬柳大蝦二人餐，等左大概十分鐘就已經上餐啦，服務員都好有禮貌同細心地介紹汁醬用法，而且會主動詢問是否需要添加椰菜絲及飯，重點是添加的椰菜絲及飯都是免費，完全唔使驚食唔飽。食物的份量好足，齋睇個樣都好吸引，食落去十分鬆化可口。重點： 服務態度及食物質素一流，有6星級水準。下次有時間一定再黎惠顧。大家有時間的話一定要試下，吉列豬排的水平真係冇得頂。

寒流吹襲之下想搵返啲熱辣辣令人滿足既美食。想起這間全港數一數二既吉列專門店，久不久也在the one 分店食。直至早一兩個月知道旗艦店終於重開返，就襯冬至前夕黎食返次，一上到去，勁多人排隊。估唔到搬咗上樓上都仲人流滿滿雖然滿滿既人，但人客都可以𣊬速入座，但都不會覺得太趕急。安排到窗邊位置，空間舒適。看見二人餐的好像不太能滿足我們，侍應便提議我們叫兩個餐併在一起，一樣可以大大盤，亦滿足到又想食到比較多蝦的要求又能食到豬柳及豬扒，落單後便遞上分食碟及芝麻。到餐上到枱面，果然很大盤，蝦很彈呀，豬扒油香十足，熱辣辣既炸物好岩呢個寒冷既冬天。侍應忙緊既同時留意到我們把椰菜食完便主動說等陣幫我地refill,。到我地用餐完畢便把我們的盤子收掉及隨餐附上玄米茶及西瓜。很滿足

過去每次到銅鑼灣逛街，都首選此食店，因為環境，服務及食物都不錯，但疫情影響，加上商場裝修，已很久沒有再食。最近聽聞商場已恢復營業，剛好有朋友生日，便決定在這裡食午餐，裝修後已搬到13樓，環境更為寬敞舒適，點了兩set午餐，另外點了一隻炸軟殼蟹，和回憶中一樣的味道，能保持水準。餐後點了甜品，店員得知朋友生日，貼心地在甜品上插上蠟燭，意外驚喜，雖然價格較之前貴少許，但整體依然不錯，希望質素能繼續保持。

又係網紅網紅講完後又勁排隊，第一唔係平、服務態度未係差但也不是好，今日係星期一都全埸滿位，侍應生唔夠！食物方面：炸大蝦細隻左、又炸得燶！特厚豬扒只係肥膏多過肉。炸蝦拼牛肉：炸蝦尚可、冇霉，但係牛肉超級肥成口都是油。椰菜又唔夠凍、又冇自動添加。冇咗以前舊舖咁好食，零招呼、零解釋、快落單、上菜慢、唔執枱、一句到尾亂。之前舊舖會執好張枱，先至再上西瓜，但係今晚乜都冇，就已經上西瓜，又冇換過晒啲熱茶！唔會再返轉頭食😡😡😡

✨上級吉列豬扒、豬柳、廣島生蠔定食全部炸物都炸得非常鬆脆，豬扒屬半肥瘦，厚身鬆軟有肉汁，而豬柳則相對少油脂，點上醬汁同親手即磨芝麻，非常滋味。廣島生蠔大大隻好新鮮，蠔味香濃。✨吉列車海老定食車海老驚人地大隻，肉身厚實新鮮有質感，蝦頭嘅蝦膏仲好香濃。💡定食全部附送麵豉湯，白飯，生果。日本新鮮椰菜同白飯仲可以無限任添！📍 Tonkichi Tonkatsu Seafood (World Trade Centre) (Causeway Bay)Shop 1302, 13/F, World Trade Center, 280 Gloucester Road, Causeway Bay@tonkichitonkatsuseafood

今日係銅鑼灣行街街，朋友想食日式吉列豬扒，係開飯啦睇到開返店了，就去新店繼續食兩個人，我地點左2人前吉列套餐，有吉列豬柳/吉列廣島蠔/吉列豬扒，再加多個刺身併盤刺身併盤都好新鮮，赤身食落都好有魚味，油甘魚唔算肥美但口感唔錯👍 整體都係高質吉列併盤二人前，有豬柳/廣島蠔/豬扒，食之前先食椰菜絲清清口腔，再先食廣島蠔，呢度係炸得好好，唔油膩，乾身，食落好juicy,日本豬柳都好好食，淋身又有準，加少少芥辣，冇得彈！椰菜絲都加左好多轉，落少少醋汁，好開胃食物同服務都保持水準

今晚心血來潮想食炸豬扒，本來係去另一間，但因為太早未開😅記起世貿仲有間，所以就嚟咗呢度。嚟到樓下先知搬咗上13樓。叫咗個$488二人前加是日推介新鮮生蠔兩隻。生蠔：普普通通，不過不失。二人前：飯比以前黏口；炸蝦厚肉咗；豬柳就冇以前咁juice；豬扒比以遜色，但可以接受，主要係麵衣多咗麵包糠同埋冇咁黏肉。麵豉湯轉咗用紅麵豉，比較唔到。店員服務態度好好。如果係weekend嚟食，建議早少少。因為雖然重開搬咗上13樓，但星期日6:45已滿座。P.s. 依家做現金券優惠，買$1200有$1400；買$3000有$3600。

好高興最近呢間餐廳又開返，我哋馬上約埋一齊去試食，一行到門口已經有驚喜，大大個魚缸嘅畫面已經好吸睛，可能係重開冇幾耐唔係好多人知，所以午餐時段唔係好多人。今日我哋兩個人大家都叫咗一個滑蛋吉列豬扒炸蠔套餐，嚟到嗰下，雖然覺得食物好靚，但係份量同個盤相比之下就覺得性價比相對低。味道相當不錯，沙律菜任添，豬扒卜卜脆，炸蠔雖然得兩件，但好好味。價錢方面都絕對唔平，但久唔久一次，冇所謂。

成個商場裝修緊，上次諗住去食，失望而回😞沙田嗰間都食過，但係唔好銅鑼灣呢間咁好食每次同老公嚟到，都係嗌兩個雙拼😁豬扒、豬柳、生蠔、大蝦點完餐，最鍾意玩嗰個磨芝蔴，除咗好玩之外，啲芝蔴愈磨愈香😇每次都會食兩碗飯😁（平時可以唔食飯的）望到都流口水🤤大蝦一定要配沙律醬豬扒當然要配返吉列醬喇每次都會加多啲椰菜，佢兩款沙律汁都好好味😋炸蝦通常都係就咁食，唔落醬👍🏻清酒都唔錯㗎，佢有一款係三盒，可以試唔同嘅味道👍🏻👍🏻👍🏻