丼吉日式吉列豬排專門店 (形點 I)

營業中

休息中

丼吉日本吉列專門店餐廳這家餐廳以吉列炸物作主打環境簡潔舒服地方整潔又夠大黑蒜油咖哩吉列豬排湯烏冬厚厚豬排裹上薄薄一層麵包糠去炸外層口感香脆豬排肉質較為厚實店家附上了日本芝麻跟雷盤讓客人能按照自己的喜好磨出最合自己口味的芝麻粗幼度用來配上酸香惹味的豬排汁黑蒜油咖哩湯烏冬用上了手打烏冬湯頭帶點咖哩香微辣惹味但烏冬略嫌煮得較淋身白桃骨膠原乳酸味道清新好喝這裏的沙律菜和白飯可以無限添加上水果前店員還會先幫我清理好枱面重新換過了一杯熱茶服務真的有夠貼心耶我覺得好吃不等於你 純屬個人意見愛分享

之前有promo只要係FB like 佢地個page就有得減$50，即9衝去book檯，仲比左個靚靚卡位我地坐😍一set有湯、幾片三文魚、漬物，個炸豬排好鬆軟，但個人就唔係太中意個豬排汁，太重口味，好膩。而我最最最欣賞既就係無限任添椰菜，我加左三轉，配柚子汁簡直係無敵！朋友點左炸大蝦生蠔定食，咬左兩口，大蝦好大隻，好食！因為我唔食蠔，所以隻蠔炸成點就唔知啦！仲叫左杯梅子梳打，超好飲，另一杯白桃梳打（唔係好記得）就一般般，可惜唔記得照相！PS. 有優惠一定要要去！

放假係YOHO商場食晚飯周圍都要排隊，見這一間豬排飯餐廳沒有太多人等位，可能是定價比較高的關係，但因為太肚餓的關係，所以決定去試一試。兩個人各自叫了一個餐，份量也夠多，豬扒即叫即炸。整體味道算不錯，豬扒咬落粉漿份量恰當，沒有雪藏味，但涼了後便覺得有點鞋，伴碟的生菜也很清甜，醬汁的味道一般，沒有什麼特別。這裡勝在坐得舒服，室內裝修和燈光佈置得不錯，還有就是不用等位，只是價錢有一點貴，不算太抵。服務方面樓面的人手也足夠，點餐後不久之後便把食物送到我們面前，服務態度也很好。

#定食#無限添飯#沙律菜#大胃王#揮個手先 我呢雖然叫烏冬食 但朋友叫定食 所以我叫佢幫我叫左4碗飯😂😂 依間日式吉列專門店好耐之前幫趁過 #炸物 愛好者一定要去試下👍 .#吉列咖哩豚肉定食表皮炸漿好薄 入面既豚肉無乜驚喜 以為會比普通吉列豬扒肉味會重d 所以下次叫番吉列豬就可以喇👌.#黑蒜油咖哩豬扒湯烏冬每次叫親湯粉麵類 一定係會飲啖湯頭先 依個黑蒜油湯 令我諗起出前一丁個隻味 依到仲淡過一丁😢好彩烏冬彈牙 食到尾都無因為浸太耐而無咬口 同埋塊吉豬超級大塊!.#白桃 soda 甜度適中 飲到既白桃味道唔假 好清爽 食完油膩嘢飲 一流👍.每個定食佢都有個小碗裝住少量芝麻供客人生磨芝麻碎沾醬食 同埋 佢最尾上個生果 係時令既 個日食既西瓜好甜❤ 整體黎講環境同服務都幾好 店員友善 環境頗濶落 岩一家人去 推bb車都無問題👍..三個90後吃貨不斷開心share美食💓📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_元朗美食

無法抗拒炸物⋯同埋佢地既生菜絲同醬汁食過好幾間炸豬扒，始終都係呢間好食。今次午餐去獨食。豬肉好冧，冇炸乾，食到脂肪果陣好香，豬扒醬加芝麻再加分生菜絲中意落哂另外兩隻汁黎食，忍吾住encore多次😋

星期六日終於有時間去商場食番個lunch, 平時見佢夜晚d set都好貴下，有人經過見到佢星期六日係有lunch set，於是就用左商場個手機apps 訂枱，好方便。分別叫左兩個set。我地都係貪心，又想食豬又想食蝦，所以叫左一個吉列豬set,另一個叫左吉列大蝦拼蠔。蝦同蠔各自有2隻嘅！侍應仲好貼心問我地係咪放埋一齊。咁反正都係Share 食，所以無咩所謂啦。而且放埋一齊亦都壯觀d!豬，大蝦同埋個蠔都好食。隻蝦算大隻同埋爽脆嘅，隻蠔就大大隻啦。至於佢個豬本身應該係少少肥，所以先唔會乾，食落岩岩好好。佢個餐本身已經有飯同埋沙律菜，而飲品我就加錢叫左杯咖啡。侍應會自己主動過嚟加沙律菜，見到你無就會自己主動過嚟加。執㭘都好主動，唔洗你叫佢過嚟自動波！

聖誕節去邊都好多人 近近地就去yoho mall到搵野食Yoho間Tonkichi比起市區價錢會平少少而且聖誕無指明一定要叫set 相反銅鑼灣有指明兩人入座 至少要叫一個聖誕set鹿兒島豚肉定食 $288豚肉有肉汁 肥瘦適中 件數比吉列豬扒或豬柳多足夠兩個人食椰菜絲就唔洗講啦 無限添食 可配柚子或紫菜汁另外加咗$58有5片三文魚反而刺身就麻麻地 唔算好新鮮套餐可加$18配巨蜂提子梳打同行朋友叫咗吉列大蝦拼豬柳 同 吉列蠔拼豬扒不過我都係比較鍾意鹿兒島吉列豚肉今晚食得好開心 又入限時交枱最後侍應上埋西瓜就結束成餐聖誕飯

忘記多少個年頭，屯門都有間tonkichi，一轉左眼已經執左變埋莆田。某日喺yohomall見到原來有得食，週日黎講算係冇乜人，而且午市都有定食。但都係嗰d老土野啦明知d枱細到gg，又係都要留起d卡位！吉列大蝦豬柳御品便當定食$128配#沙律、煮物、蒸蛋、飲品要+$15先有份量黎講係好足夠，吉列亦都唔厚粉，豬柳厚切得黎唔韌比較特別地，煮物係雞肉呢間分店並唔係每款定食都會配任食嘅椰菜絲，想狂食沙律菜要留意，仲冇白飯任裝。(屯門想搵間好食嘅吉列都冇)日式芝士豚肉鐵鍋定食 $118配三文魚刺身、薯仔沙律還好牛肉嗰款鍋係壽喜燒底，豬肉呢個比較清，雖然芝士有一大pat拉到，但實際冇乜芝士味。豬肉唔算勁多肥肉但有d韌，食番吉列吧！整體黎講係幾抵食味道亦都冇太大問題，但係實在冇舊屎屯門嗰度坐得咁舒服留意真係食哂食飽先好放低筷子呀因為店員一𥄫到 會即刻收走你d野！

和朋友一起去逛元朗Yoho Mall，選擇了丼吉日本吉列專門店餐廳午飯，因為朋友之前吃過她的吉列豬扒，讚口不絕一定要我品嚐。餐廳光潔明亮座位舒適朋友為我點了份吉列豬扒稻庭烏冬先來一小碟自己動手磨製的芝麻即磨的芝麻粉份外香濃，吉列豬扒外皮果然炸得甘香酥脆，蘸上芝麻醬汁美味又可口，不過豬扒的肉質其實有點嚡口收費178元，雖然她的烏冬爽滑彈牙，都要略為扣分泡菜豚肉溫泉蛋飯豚肉肥瘦相宜，豐膄味美，溫泉蛋為豚肉增潻潤滑口感，吃得滿足。飯後有兩小碟時令西瓜奉上，正好消暑解膩，有點意外之喜

非常喜歡平日到商場吃午餐，因為人非常少，不用排隊之餘又會比假日便宜很多。今天我就去選了吉列專門店。看了看餐牌，最後選了$88有ABC三個選擇的午市套餐~ 前菜我選了三文魚刺身，非常鮮甜美味。小食我選了吉列魚柳，這裡的吉列食物一點也不會讓你失望，魚柳外層非常脆，裡面的魚肉熱呼呼而且非常嫩滑，配上他他醬真的無話可說地好吃。主菜我選了滑蛋吉列豬柳飯，除了不能缺少的豬扒醬，桌面上還有紫菜汁和柚子汁，我還是比較喜歡紫菜汁，所以放了很多。哈哈。豬柳的話也是炸得很脆，可是滑蛋總會讓它表面軟了一點點。滑蛋方面也是非常高水準，而且有不少我喜愛的洋蔥，拌著飯和豬柳一起真令人胃口大增。本來以為套餐的話飯的份量會較少，可是事實並不是這樣呢~ 飯非常的大碗，豬柳有兩大件，而我這天就把所有前菜小食及主菜統統吃掉，真是非常的滿足!!!

系yoho mall行到餓餓地，见丼吉唔洗排隊就入去食lunch la 朋友叫了出名的炸豬扒，有芝麻比你自己磨幾好玩。個豬扒炸到剛剛好，保留到豬既肉汁，外層香脆鬆軟 正！ close up個豬扒，金黃色架 自己點左芝士豬肉shabushabu, 本身個湯底好甜，再加芝士好似怪怪地。個窩入面有大量菜同菇類 個餐包3塊三文魚同薯仔沙律，仲有漬物。又泥個close up 埋單仲有生果送。lunch每人大約120元，有咁多野食都ok啦

當天的午餐落腳於, 在 2015年「香港味之年賞」被評為 7 間 AAA 級食肆之一的 日式吉列界神枱級名店, Tonkichi ~醬汁的味道超凡, 必定要一試其味 ~自己動手磨芝麻, 感覺特別滿足 ~吉列豬扒的外皮酥脆無比, 肉質爽嫩多汁, 吃時蘸上混合了「自己手動磨碎芝麻」的秘製醬汁, 味道是超乎想像的惹味 ~吉列蝦也絕不比吉列豬扒遜色, 外皮酥脆之餘, 蝦肉更是彈牙爽口, 好吃得無話可說 ~本篇完 ~

新年公司放多一日假就緊係要出去食好野,,,咁岩屋苑派左COUPON, 之前又想去食所以LUNCH就試一試.望下個MEUN一D都唔平其實都預左...一人叫左一個SET牛肉都幾多..味道還可以...但我唔食芝士所以麻麻地...有前菜有漬物..都係一般..另加左刺身..如果以咁既價錢係日本應該可以食好D蒸蛋唔夠滑...其實個腩肉好好食...但實在太油太肥勁多肥膏~~~~麵豉湯真係失望到爆炸...淡而無味唔知想點...吉列又唔鬆化D豬又乾又唔嫩....................隻蝦叫做OK D....成個SET最好食係椰菜D...加埋柚汁同紫菜汁好好食仲可以REFILL加埋一扣埋COUPON今餐食左$300, 其實錢都唔係問題都預左..問題係好失望....主打吉列竟然係最差~~

繼續親子食記：我們也常去 YOHO Mall 的 丼吉日本吉列專門店餐廳，因為除了場內提供 High chair 及兒童餐具，更重要是兩口子都小兄妹都很愛吃那裡的日本珍珠米飯～我們多是平日的晚上去吃，除了貴價的定食套餐，也會供應份量小一些，但味道一樣棒的晚市套餐，其中甜魔媽媽心水是這 咖哩吉列豬扒蛋包飯，配上前菜、味噌湯及水果只是 $108，挺抵吃。咖哩汁吉列豬扒留給爸媽，蛋包飯小兄妹都分吃了不少的～　爸爸就愛吃 牛肉芝士火鍋 ($138)，連上三片三文魚刺身、前菜薯仔沙律、漬物、白米飯，份量頗足，而除了刺身較削，其他出品味道均令人很滿意。也吃過 汁燒豚肉飯 ($98)，肥瘦適中的豚肉帶點爽口，配上香甜燒汁、洋蔥及軟熟好吃的白米飯，以石鍋燒熱後味道很不錯，喜歡豚肉飯的可以一試！由於豚肉飯好吃，之後也試了另一款 豚肉咖哩烏冬 ($98)，成品味道也不錯，烏冬軟滑可口，不過份量較小，而且不適合小兄妹吃，所以只些一次就夠。　最開心是飯後有清甜水果吃，雖然這裡的西瓜已經不似過去的超清甜令人驚艷，但在吉列餐後來一碟總是合胃的～　

平安夜去左yoho 果邊搵野食，8點半去到果邊，想食的店舖都要等二三十張台，行過見到吉列朱排2人台唔洗等，林都無林就入去坐。。。平時我都係去開世貿果間，今次試下，希望唔好好似屯門果間甘。。。叫左兩果set, 當然有叫我最愛的炸蝦。。。炸蝦大細剛好，粉漿唔太厚，炸到剛剛好，食入口唔會拮損口，無油"溢"味。。。朱排同朱柳就其實差不多， 差別在於朱柳多小小肥，同厚身d, 我自己鍾意食朱柳多d, 鍾意果d 肥肉炸完之後的朱朱甘香。。。我仲叫梅子梳打，都ok好飲，係d 冰太多。。。飯同菜係任食，通常我都係只會食菜，不過今次d 菜唔夠新鮮。。。食完飯仲有西瓜食