丼丼屋 (荷里活廣場)

營業中

休息中

見荷裡活新開左間日本野 上openrice度睇過d食評好似唔錯就決定去食可能當晚系食飯時間大約8:00 我等到9:00 因為好想試里間餐廳 我地幾耐都決定等 等到餓暈入到去即刻點野食 我要左個 "滑蛋雞"既飯 (唔記得咩名)$48 +左 $15 要左套餐 有沙律 小食 同湯我個frd叫吉列豬排飯 無+套餐 我地都覺得個飯無咩味 == 旁邊有醬油 加左好多都無味 =='' 但個沙律幾好味 d醬系wasabi味 幾清爽 haha整體 ok 啦....唔記得影相

知道係星期5 所以到左商場就衝上3樓攞飛仔去兜左個圈 20分鐘後返黎嗌左10個NUMBER咁就唯有再兜多陣la 點知返到黎就已經嗌到過哂我同友人一心諗住試呢間野 唯有死死地氣再排今次就企系門口等 寸步不離 7點幾等到9點先有得食真係一肚氣!! 等位果時已經諗好叫咩食 坐低就即刻ORDER!友人叫左雞蛋雞肉丼,咁我就唔食飯,試下個咖哩牛肉烏冬再叫左一個好多人讚不絕好ge玉子卷野食都算幾快送到黎la 自己個烏冬幾好不過味精好似重左少少, 友人個飯直頭比人感覺好油佢食左一半就冇食la,另外個玉子卷唔太特別友人話卷得唔靚 所以印象分麻麻 特別在有D柚子皮係面度 幾香不過的確唔算係好特別 呢個價錢食呢個質素 麻麻

今日七點幾到達已經排左好多人係門口...跟住周圍行下,差唔多九點先有位...侍應姐姐們都穿上醒神同meun一樣的紫色制服,經理就當然係黑色啦,她們就算忙碌都彬彬有禮,臉掛笑容,抵讃枱櫈同地板都用上木製,好有日本飯店的感覺我同表妹係門口等待期間我地已諗好食咩~所以一坐低就叫:芝士炸薯餅 $28,這個有少少失望炸得的確不錯,芝士溶極多,但芝味卻欠奉...吉列廣島蠔定食 $98,外面同樣炸得鬆脆蠔亦十分新鮮雜菜天婦羅烏冬 $43(+25升級套餐),天婦羅中有洋蔥,冬菇,青椒c,甘荀c炸得3-4吋高,烏冬是用上讃岐烏冬,厚韌耐嚼湯底則較清淡,減低天婦羅油膩感...滑旦豬扒丼 $68 (+25升級套餐),豬扒炸得鬆脆,豬扒肉質鮮嫩,不'痴'牙,滑旦拎到我們面大約有七成半熟,表面的旦還在long long下,旦汁極多,撈埋飯裡,每一口都充滿旦液的~附餐的沙律其實我也是額喜歡的,除了乾淨的青菜,還有黑醋相伴,食入口好似有d wasabi味添,絕對是一味開胃頭盤最後,套餐附上的新地雪糕作了結。他們吉列系列都做得很好,可惜今日的肚皮有限,希望下次來試試佢地招牌的燒玉子卷和蕃茄沙律!!

經過見到新開, 所以試一試環境: 以該商場黎計, 有大玻璃看到街外情況, 很好裝修: 日式裝修, 有吧枱位, 不過不失服務: 職員有禮, 細心, 服務一流食物: 當晚食了鰻魚飯, 炸芝士薯餅, 及冷烏冬鰻魚飯是以石頭鍋盛載, 保暖, 又可做成飯焦, 加上鰻魚厚身, 汁亦調配合當, 非常滿意炸芝士薯餅, 熱騰騰的, 加上檸檬汁, 美味冷烏冬, 麵條幼身, 麵質較硬, 這種質地正合本人要求價格: 合理偏低, 所以覺得很底食特點: 可能店方不想店內太多人, 及廚房可保持食物質素, 所以四人位可能只有二人坐, 六人位三人坐的情況出現, 對於坐下食客當然歡迎, 但在外面等的便有另一感受, 但對我來說, 食物質素重於一切, 所以以上安排抵讚

見新開張, menu d相又ok靚, 於是決定試下... 叫咗個親子丼同咖哩牛肉烏冬, 用慢速差不多食完個咖哩牛肉烏冬, 個親子丼先嚟, 餓死我友人. 咖哩牛肉烏冬 - 份量比預期細好多, d 味道可以, 但唔飽. 親子丼 - 災難, 蛋冇蛋味, 雞一樣, 預咗係雪雞, 但一d都冇調味, d雪味大到唔想食, 接受唔到囉! 夾起時, d蔥絲又掟住曬, 好核突. 最後淨番半碗走人, 去食m記.

剛開張時看過餐牌, 覺得食物偏貴, 而且每當食飯時間都有人龍, 實在不想排隊, 所以一直沒試. 今天趁著沒人之際, 也就試一試.沒有抱很大期望, 吃飯前看過這裡的評價, 點了:咖喱吉列廣島蠔飯 $83湯烏冬 $20燒鯖魚 $60蕃茄沙律 $35先來湯烏冬:麵質太軟, 少許煙韌咬口也沒有, 不行, 湯底亦不是特別出色.然後來蕃茄沙律:這個做得很清新, 好吃.跟著:這個最令我驚喜, 蠔雖然只有三隻, 但每隻都大大的, 約三寸長, 而且剛炸好, 外脆薄而內軟, 質素跟價錢相稱.最後來的是燒鯖魚, 店員落單而表示這個需時.看到是有點意外, 很大件, 比女生的手還要長, 而且厚厚的. 燒得剛好, 魚肥美, 醮上醬汁剛好去掉肥膩感覺. 好吃.店員服務良好, 希望這間店的質素能繼續維持下去.

下班後在這個商場看電影, 換完戲票, 就來這邊排隊等位, 星期五的晚上, 人山人海, 都要等超過半小時先有得食. 兩個人吃, 就一人一客丼, 其中一客就加$25升級為套餐, 配麵豉湯, 沙律及雪糕新地.牛丼 $45: 7分, 先來的就是牛丼, 牛肉是健康版, 肥肉部份其實比較小, 大部份都是瘦肉位, 但吃落口就當然沒有那麼肥美. 肉質還算不俗, 不會太實, 但嫌味道比較寡比較乾. 不過撈上米飯, 還是好好送飯的.跟餐的麵豉湯夠熱, 不會太鹹, 不過就無乜料. 沙律就下了不少芥末, 文迪就受不了. 菜也比較乾.滑蛋豬扒丼 $68: 8分, 豬扒炸得熱辣辣, 皮脆, 肉嫩, 跟滑蛋同吃, 蛋汁沾在豬扒上, 相當美味. 雖然大大碗, 但我們也忍不住要清掉.雪糕新地: 8分, 夠滑, 有奶香, 不會太冰, 是我近期最愛的雪糕新地. 沒辦法, 一星期後就拉隊再去旺角店吃, 為的也是這杯雪糕新地. 縱使有無數甜品, 我的最愛還是雪糕.整體食物水準不俗, 不過服務就有點甩漏, 環境還幾好, 是跟隔離臺的距離比較近. 價位是合理的, 怪不得要大排長龍了.

見鑽石山有新的日本食店，就同男朋友去試下我地6點就去食，所以都唔洗等位入到去見到間食店滿咗一半我地叫以下的野食淨烏東烏東好滑好爽口燒玉子玉子好甜，要視乎你中唔中意食甜蛋我就好中意食～吉列芝士薯餅雖然唔係會漏出黎的芝士但係ARM ARM炸好外層脆卜卜咁好好食！其實我好想食個蕃茄沙律但係咁ARM賣晒下次再去食過先得！

溫泉蛋烏冬：烏冬很有彈性，夠凍，份量很大，冷麵汁調得不錯，拌蛋一起吃，很清淡。才30元一客。咖喱吉列豬扒飯：咖哩一般以上的水準，豬扒合格但比吉列專門店稍差，不過很肥美，但整體來說挺好吃，質素高於它68元的價格，份量也足。燒鯖魚：60元，比一般店貴，可是燒得剛好，份量很大，一般吃這魚都很乾，但牠是有魚油的，很好吃。整頓飯只是170元左右，沒有點雪糕，打算encore再來時試

6點半到, 等左半個鐘有多先有位, 不過門口位小姐有禮貌又有耐性其實唔係好多款式既食物揀, 睇完餐牌之後揀左:-燒鯖魚: 呢個要等4個字到, 不過值得, 夠熱, 皮脆, 魚肉唔乾, 香口好食-鹽燒雞腎: 呢個好一般, 又唔夠咸, 又唔爽-唐揚炸雞: 呢個炸得唔油, 不過佢個雞本身連住都幾多雞皮同脂肪-吉烈黑豚定食: 呢個要成百三蚊, 吉烈外皮同黑豚已經分開左, 肉質亦少少韌, 伴碟椰菜絲唔甜建議佢放樽鹽係檯面, 唔夠咸都可以自己加鹽

鑽石山新開張既丼丼屋之前睇openrice其他分店都似乎唔錯，又近近地，決定一試！等左一陣位，但其實入面大把位囉.....而家好多食肆都鍾意留D人喺門口扮多人排隊，有位都唔放你入去總之梗係要有D人氣喺門口反正又唔係要我等我耐～算～入去睇睇menu，都幾多吉列食一般既豬扒，豬柳同廣島蠔都有但話晒叫丼丼屋，梗係搵靚丼食啦～～結果我同老婆要左一個滑蛋豬扒丼，一個照燒牛扒丼，再加一個甜蛋卷呢幾樣喺menu都係寫住丼丼屋推介既～個侍應應好好心機解釋，豬扒要等15分鐘同埋會有條肥邊位個牛扒呢就會係五成熟，抵鑽～～仲可以加＄15轉餐，有麵豉湯、沙律同小食由於小食係牛蒡，唔太吸引所以無要好多香港人都會慊個豬扒肥邊太肥但日式炸豬扒梗係咁先正宗，好味！塊豬扒夠靚既話，個肥邊係會溶同埋唔膻既～等左5分鐘左右......豬扒丼先到！？O左咀！唔係15分鐘架咩？但又新鮮熱辣架喎～OK啦～果然係有條肥邊，大概佔塊豬扒既1／4左右我覺得OK，但可以少返D，1／5就差唔多個炸豬扒豬肉味香，肥邊亦夠香口而唔膻個滑蛋非常既滑，有蛋味，但唔肯定係咪日本蛋至於個汁呢，甜度啱啱好～唔似出面有D用燒汁.....又甜又杰....超

星期五7:00左右去到, 門口已經有一堆人, 我地4大1個BB等大枱, 唔算等左好耐, 20分鐘左右就有位啦~~座位OK, 唔算太迫 上菜速度都算快 我地 ORDER 左:- 玉子燒- 鹽燒雞腎- 牛肉烏冬- 滑蛋豬扒飯- 吉列雞扒定食 (側邊D沙律菜加埋D汁一齊食好味~~)

荷里活廣場嘅食肆真係愈開愈差。終於等到一間有水準的食肆開業了。之前經過時己經十分期待，終於等到它開業喇。所以立即前來光顧。19:00左右來到，門外有數人在等位，不過約5分鐘己經可以入座。一坐下店員十分快捷給一人一本餐牌，其後更遞上水。左看看，右看看。很多東西都十分吸引。蕃茄沙律有好FRESH的感覺，啲汁酸酸的，十分開胃。吉列芝士薯餅十分十分之好味。雖然芝士未能做到流心嘅𢼜果，但它依然係熔的，加上薯蓉都係軟身，整個效果都好好。最重要係薯餅真係脆。因為唔脆嘅薯餅真係會唔好食。滑蛋吉列𢑳排飯有好多好多嘅蛋汁，可以令每一啖飯都有滑蛋。而這裡的蛋煮得剛剛好。店員上菜時温馨提示:可以嘗試加上七味粉一齊食。嘗試加了七味粉，辣辣的都不錯。豬排係脆的(當然有蛋汏那邊就淋了)。雖然我知道有肥脂肪的豬排更好食，但係它真係太多太多脂肪了，特別係頭尾兩塊全是脂肪，最後都被我棄丟了。親子丼同樣都是很多的滑蛋。至於雞肉是滑嘟嘟的。吉列豬排定食(這是普通豬排，有一款較貴的黑豚)與其他吉列店一樣，有一個盛載芝蔴的盅，攪碎外加上吉列醬。至於生菜絲及白飯亦是任添。而這個豬排比滑蛋豬排飯的更鬆脆。最後點了雪糕(有款糠漿選擇:

較早前在公關邀請下到旺角丼丼屋食堂試菜，對其蕃茄沙律一直念念不忘。剛好屋企樓下的鑽石山分店開張試業，忍不住也來吃多一次。這裡的環境比旺角分店好一點，樓底高，光線更充足，而且有更大的開放式廚房，用餐環境算不俗。這次同樣點叫蕃茄沙律，同樣鮮甜好吃，而且份量很多，絕對可以充當主菜。加一碗腐皮烏冬($30)，正好是一個清淡的晚餐，價錢也不貴。看來這裡會是鑽石山居民的一個喜訊，因為荷里活廣場的食肆真的很不濟，唉！