丼丼亭 (翡翠明珠廣場)

營業中

休息中

到這店吃飯，其客人一次比一次多，我相信是因為大家發現了其定食套餐的水準不錯。已經試過好幾款定食：照燒雞排﹑天婦羅﹑吉列豬﹑牛舌；除了牛舌比較軟身的口感我一般般喜歡外，其他的定食都十分不錯。已經跟好幾位朋友分別去這店吃飯，他們都覺得食物很不錯呢~

約左朋友出銅鑼灣食個飯吹下水佢提議食丼丼亭 咁有人揸主意就最好啦 唔使諗食過再食嘅餐廳通常都okay嘅 朋友a話價錢唔平亦唔貴 咁就到埗再睇食咩好啦一去到朋友a已經等緊我佢叫左三隻廣島蠔食 佢話好鮮 直接啪晒三隻朋友a叫嘅雜錦剌身丼 睇落好靚 好多料 啲魚生好新鮮朋友b因爲比較細食 又想食清淡啲就叫左熱烏冬 只係38蚊雖然只係木魚湯烏冬 但又大碗又滑 好抵食佢仲另外叫左呢個芝蔴豆腐沙律超級抵 28蚊又係大大份 成底豆腐仲有勁多菜 超值！😱我叫嘅冷烏冬 同熱嘅同價 都係38抵到爛 又係大大份 我鐘意冷麵有得浸冷麵汁 加少少薑同葱好醒胃 有得玩有得食😂好正嘅燒牛舌 厚身得黎好腍又入味又juicy今餐嘅MVP

睇完戲就順便係樓下搵野食，見到門口餐牌好似幾吸引，又即時有位就一於試下啦。叫左兩個set，一個係天婦羅加滑蛋雞肉飯，另一個係剌身加天婦羅set。天婦羅好正，炸粉唔算多，啱啱好，份糧都足:有2隻蝦、2件南瓜、1條魚、1件蕃薯，但滑蛋雞肉飯就相對遜色咗啲，啲蛋汁乾咗啲。剌身就真係有驚喜，超新鮮、甜，竟然有鯛魚薄切同拖羅海膽配豆腐，真係surprise!淨係個5點剌身都值回票價！仲有配個熱烏冬，好夠飽肚！

由於小弟減緊肥，而家食都要計住計住，食日本野好似冇咁肥，咁就試下呢間啦入到去，環境都ok Ge, 不過有d 小毛矇飛黎飛去👎👎👎講返餐牌先, 我地揀左一款定食同一款丼價錢還可以啦 唔係特別貴咁特上海產御膳丼$268佢個樣擺得幾靚呀個樣幾靚又多菜，減肥食係okMenu 中話有3 款魚生係日本黎，但真係唔知邊3 款啦😂😂😂😂魚生唔係款款都好新鮮海膽mama 地油甘魚唔錯但$268 就比返碗麵豉湯會好d lor 因為下面平d果個定食反而就有天盛五色刺生定食$208個定食好豐富有冷面 沙律 tempura 刺生 同湯個tempura 係豐富有5 件（1 魚兩蝦兩菜）味道就一般般啦 個刺身真係第一次見用娃娃菜托底， 咩事😂😂😂魚生得生文魚ok 海膽係臭⋯⋯⋯⋯⋯埋單$500 幾不過下次可以試下其他野Ge 😂😂😝

今日行完銅鑼灣就睇下食咩好，結果揀咗呢間上網睇落好吸引，又天婦羅又定食認真，滿心期待天婦羅炸得好靚，鰻魚好大塊但係太淋鰻魚汁的味同食開有啲唔同，個飯底又唔係珍珠米得天婦羅好好味張檯好細，擺第二份已經唔夠位忙住食天婦羅同刺身，個烏冬浸淋咗😰刺身得個海膽有味同好味兩份天婦羅都有：魚，兩隻蝦，南瓜，好似仲有但唔記得竟然壽司最遲到，um...三文魚籽腥到差點吐出嚟，要撇開先食得落松葉蟹無乜味，食到最後兩舊淨係挑肉出嚟好。浪。費。( 我都唔想架 )環境唔錯，好闊落員工都有禮貌雖然無乜招呼只係食物麻麻地…究竟係咪我地太遲去，臨近收舖，所以……總之今次啲星星淨係俾天婦羅🍤🍤

來到星期五，又要獨自享受晚餐然後上課。獨個兒坐在吧枱，點了個天盛迷你滑蛋豬扒飯定食$138。沙津陪上胡麻醬，味道很難不美味。味噌湯還是一貫的鹹，內有不少海帶。這個迷你滑蛋豬扒飯不但一點也不迷你，而且還有點大碗！豬扒本身炸得香脆，但蘸上醬汁後變得太淋而且太鹹。至於天婦羅，有兩隻蝦、一件魚、一件南瓜🎃、一件我忘了但印象中是蕃薯🍠。各款天婦羅外層都非常香脆；魚和蝦吃得出頗新鮮，特別是蝦很爽彈。南瓜和蕃薯亦夠粉！整體而言，食物味道和服務是不錯的；但價錢偏貴，性價比不高。

上星期六大約20:15入坐，分別點咗親子丼天婦羅同吉列豬扒天婦羅，兩個丼嘅醬落得太多，令到碗飯太濕，嘥咗d靚米。因為我對筷子太污糟，有一張幼紙條黐喺上面，隻筷子望上去係濕濕咁，我就拎起筷子，好聲好氣咁叫幫我落order嘅職員同我換過對筷子，佢乜嘢都冇講，然後黑住面咁我手上好大力咁拎走對筷子，隔一陣又隊番對筷子喺我面前，態度極為惡劣。話晒都係一間集團式嘅日本餐廳，我唔認為應該有咁嘅服務態度。

呢間日本料理店都喺第一次食，喺同行嘅美女推介嘅~呢到環境都幾大，坐得都幾舒服~睇完menu揀咗壽司拼盤同埋散叫咗啲壽司、熱食…又估唔到呢到啲壽司幾足料喎!!上面件刺身好大件，望上去有光澤得嚟好新鮮。店員仲話有一件魚喺飛機貨嚟添呀~最推介喺炙燒左口魚群邊，煙燻味重之餘，入口即化，超回味呀!天婦羅皮薄餡新鮮，口感非常香脆，完全唔會食到成口粉。熱嘅稻庭烏冬口感好滑，超暖胃，配埋D青蔥食好正!決定呢到會再encore的!

銅鑼灣📍醬汁龍尖煮定食🍽 個白蘿蔔同埋冬菇都好入味😍😍不過就如果唔係太重口味嘅朋友，可能覺得個醬汁會稍為有少少偏鹹🌟但係撈埋日本珍珠米山飯一齊食簡直無得輸🍚 魚皮煎得好香，個質感好彈牙，完全冇腥味🐟 *****

諗住去銅鑼灣睇戲，難得戲院樓下就有咁多餐廳，最好就係近既地方搵食啦！呢間餐廳都算唔錯，環境幾靚，價錢在銅鑼灣來說都算公道。見到新出的松葉蟹定食，看來最近是松葉蟹的潮流，就整個set都 order了，試一下。特上松葉蟹天丼上菜時已經看到本身賣相一般,沒有喺餐牌上 見到那麼光鮮。 天婦羅也可以再脆一點。松葉蟹三文魚子卷賣相不錯，喜歡壽司上面一粒粒晶瑩通透的魚子。蟹肉和魚子的味道都十分新鮮，配合得相當好！松葉蟹拉麵沙律一個非常適合夏天的菜式。冷麵配上醬汁味道濃郁，蟹肉和其他蔬菜都能夠給予不同的口感，正。整體來說新菜單都算不錯。經開銅鑼灣的朋友可以來試試。

約左朋友午餐後時間見面就自己去左翡翠明珠食日式定食先十二點半去到，唔便等位，叫左個日或漢堡扒定食有一塊好厚好多汁好嫩滑既漢堡扒，一碗飯，一碗冷熱蕎麥麵或烏冬，仲有沙律同湯講真講真，真係好大份，其實可以share食都夠我點了熱烏冬，超軟滑，晤捨得放棄佢食白飯沙律配左我最鍾意既芝麻醬😋份量太大要投降🤦🏼‍♀️

星期四開組出街吃，又到我搵食店，銅鑼灣區很多選擇，我會揀選未去過，較有新鮮感！丼丼亭是我收藏之一，睇過下食評，便約定姊妹等，大約6:00到達食店，沒有太多食客，我地隨意找過心水位置坐下，環境乾淨，明亮整潔。🍽天盛迷你親子丼定食-天婦羅香口，炸粉薄👍天盛迷你滑蛋豬扒丼-天婦羅香口，炸粉薄👍滑蛋親子丼-蛋滑飯香👍個人評分食物：B服務：B抵食：B衛生：B環境：B值得加許是招呼我們的服務員，專業有禮

日本關西第一連鎖天丼「丼丼亭」來港有一段日子，定位算是中價日式餐廳，已有好幾間分店。 今趟去的是銅鑼灣店，選擇吃以松葉蟹作主題的菜式。 松葉蟹被譽為日本「蟹后」，肉味鮮而嫰滑，是眾名蟹之一。有趣的是，不同產地方的松葉蟹，都有不同的名稱。如「兵庫縣」的叫津居山蟹，「石川」的叫加能蟹。當中以「福井」出產的雄蟹最矜貴，被稱作越前蟹，以前曾是天皇貢品。 松葉蟹肉可作刺身；另蒸煮、火鍋或燒烤，也能發揮其鮮味，可作的花款甚多。如果吃得刁鑽，在漁市場揀松葉蟹，不妨從蟹蓋着手。正所謂「愈醜愈有內涵」，殼上愈多醜陋黑點愈好，因為代表蟹未換殼，自然有足夠營養，蟹膏及肉地也因而肥美。 另一重點是蟹肚，從薄薄的白肚中，窺探蟹膏的份量。若透視出深綠色的範圍愈大，也代表蟹膏愈多。再來是蟹腳，輕捏看，就知肉質彈性如何。 作為日本國文美食「天婦羅丼」，松葉蟹肉當然也佔一席位。吃此主菜前，先來個頭盤「松葉蟹肉拉麵沙律」$98 一個字︰多。蔬菜多、蟹肉多，冷麵的份量也很多。吃時加上酸汁淋面，若當作一個午餐，也可夠飽，而且不會有太大的違和感啊。 松葉蟹拆成肉碎，重點是沒有令人討厭的蟹殼，啖啖肉，肉甜，中間是大

We stumbled here after shopping around the area and I were craving for Tempura for dinner!  I like here because they always has a seasonal menu serving up special seasonal dishes at reasonable price!Snow Crab Meat Tempura Don (HK$118)This was the Snow Crab meat Tempura Don, use 100% quality Japanese Aomori Rice with deep fried crispy tempura, which consisted of Hokkaido Snow Crab meat, Prawn, Japanese pumpkin, asparagus, eggplants, etc.The "Ten Sauce" slathered over the rice gave the rice a swee

越來越不想去銅鑼灣揾"食"，又貴又唔好食，但今次有意外嘅驚喜。此日本餐廳位於銅鑼灣旺區，環境算是不錯，枱與枱之隔宽敞，打開menu 一看，價錢也很公道。叫左兩個定食:天盛鳥燒串蕎麥麵定食天盛迷你滑蛋豬排丼定食炸物味道不錯，份量比想像中多，還有2隻炸蝦添，滑蛋豬排丼好味，豬排唔鞋、唔乾，好鬆軟，值得一讚。燒雞肉串就有点失望，燒得不夠惹味之餘，仲係好乾，冇乜味。整體食物都滿意，同價錢相符，去銅鑼灣"濕平"完又多個選擇啦！