丹麥餅店

營業中

休息中

上次吃過不熟的雞腿，小妹還有心情再戰。全因小妹晚餐時間未夠，友人又想試丹麥麵家，那小妹也沒有推搪，就算是給打下死刑前的機會吧！豬扒包$17 豬扒的厚度顯然可見，搽上牛油再放上爐的麵包帶點脆身，豬扒不是燙囗的熱度，只是炸完有點點餘溫。兩者也是乾燥的食品，豈能少了醬汁，醬汁是最經典的茄汁。雖然有點開胃，但放沙律醬應該會更好吃吧！！ 上次沒有熟透的雞腿，相比今次已經進步了不少！！評分：6.5/10

老店，總會令人憶起許多的往事，在銅鑼灣一帶工作或生活的朋友，說起麵包店，相信只有兩個名字會令大家充滿回憶。其中一個就是位於勿地臣街的《禮頓麵飽》，可是《禮頓麵飽》在早幾年前，已因為租金的問題而光榮結業了。而另一間，感覺是更老字號，而且也是人人擔心她會步《禮頓麵飽》後塵的《丹麥餅店》。兩者我都去過，不過，在正式開 blog 之前，《禮頓麵飽》早已結業了，而《丹麥餅店》就因為地點關係，鮮有去拜訪，因為我工作地點在鵝頸橋，比較少去那一邊的銅鑼灣飲食。不過，在這一個地頭工作了多年，總是會周圍食下，而這日的中午，我心血來潮，特登走來《丹麥餅店》，買外賣。其實我不是少來這一頭食飯，只是每一次來，都想著找一家餐廳，坐定定食 rather than 攞外賣，所以《丹麥餅店》這一個名字，更加不會掛在我嘴邊。這一次來，的確是專程來，特登買個外賣走人的。而單是看他們的外賣膠袋，已經甚有一個令人要想當年的感覺。因為要以包子充當午餐，所以我不吃什麼菠蘿包了，來兩個馳名港九的熱包更好，更能代表《丹麥餅店》。首先，是漢堡包，是即叫即生煎的漢堡扒，加上沙律醬，加上蕃茄醬，陪伴的，是軟綿綿的香港式豬仔麵包，肉味雖沒有外

是日跟好友上堂，有點肚餓，則來到經典老店丹麥餅店來一客炸雞腿(HK$17). 人龍不算很長，只是排了十分鐘左右便可。看賣相，雞腿size好像小了一點。試一口，味道不錯，淡淡的鹽味，沒有過分鹹，外表香脆，內裏的肉也算嫩，整體ok，不算很熱氣。

這是港式豬扒包，這間有很久歷史的包店，假日會排隊，在這裡附近工作，就隨便找吃的，豬扒是炸過，但是太細小了，加上沙律汁$18一個，加芝士要加$2，我沒有加，就只這樣吃，包味道不錯，口感鬆軟，但是豬扒有點硬和乾，又細小，所以不值這個價錢，而且店員非常沒有禮貌，對客人呼喝，少了人情味的舊式包店，有點失望

支持老字號小店~ 一直聽聞呢度嘅鷄脾, 但好難特登走黎食~襯復活節假得閒飲完latte arts, 已plan好走時買一隻返屋企慢慢嘆(因我自己接受唔到成手成面油淋淋, 所以有得即刻洗手先會用手成隻咁咬鷄脾)~$17一隻, 好大隻同搭30分鐘車返到去依然好香同脆~ 個皮"葉"得好好味好香, 但可惜入面d肉未算係太入味, 所以食到入面唔夠出面個層野味~總括好味同會繼續支持~

見完網上一篇介紹香港的炸雞髀文章，忍唔住去丹麥餅店試下～下午五點幾去到，好快就可以買到～鋪頭的叔叔嬸嬸同客人有講有笑，小店難得的人情味！講返炸髀，打開紙袋係熱辣辣出煙，但唔會辣口，可以即刻大啖咬！佢真係可以形容為皮脆肉嫩，表面應該曬左少少鹽，特別惹味！只係$17！有圖有真相：

丹麥麵店炸雞肶$17 老字號的名氣是名不虛傳的，今日TGIF Thank God It's Friday, 適逢欖球七人賽銅鑼灣近丹麥就會好多人聚集，可能睇完球賽食個下午茶，亦有啲人好似我咁黎食個炸肶。差不多六時，我和將軍寶寶到銅鑼灣逛了逛，肚子有點餓。我提出到丹麥麵店食個炸肶醫下肚。當然將軍寶寶好順我意，也準許我點炸肶。面外已有一種被歲月洗禮的感覺，啡色的外牆加上可口可樂的裝潢。可能時間較夜，老婆婆說麵包已售罄。不少食客也失望而回。聽到有食客想吃豬扒包但包售罄，婆婆說剩豬扒要唔要，不過最終食客也默默離開店家。而幸運的我就能有雞肶吃。 熱血沸騰的我等了一會兒雞肶也上了岸。(我是指上了菜板上) 等著老闆娘包妥給我。炸雞肶$17 拎上手真係熱氣騰騰，拿著影相也差點燙到手。 這就是傳說中的生炸雞肶吧，嘗了一口味道未有以往食評那樣誇張。。竟然我嘗不出味道，我立馬問將軍寶寶，你嘗到味嘛？他說雞皮有點淮鹽的味。。他吃了整個雞皮的部分，但我未有吃到，但雞有雞味？ 我連雞味也嘗不到啊！是我太不幸運嘛，雞肶被神化了還是我的味蕾壞了，雞肶肉質頗嫩滑，但這雞肶比我樓下茶記般的下午茶還

因為讀書關係所以好多年前已經開始食佢，由未出名到排曬隊、上新聞。其實早幾年佢已經講話業主加租只做多兩年約，但時間一年又一年咁過，我諗係佢同業主傾掂數先到今日都仲係到。每次一行過鋪頭，就一定有好強烈又香的炸豬扒咪沖入鼻內，係無錯係沖入個鼻。裝修十年如一日，只係價錢年年上升。無計來貨、人工、租金不停上升，好難再做返9蚊個豬扒包、6蚊隻熱狗。左邊落單，對面取包。有時如果係個大老闆娘做落單時，大家要小心因為佢好串，但當你落左單後佢又會大叫你落左咩好得意。今日最新報價我叫左個豬扒包食，其實我已經食左午飯，經過再買黎食。好大個open kitchen 係好多年前佢地已經識咁做。你睇幾多腸準備整熱狗所有炸野即叫即整，保証新鮮脆口。當然新鮮炸完一定多d油，所以我多數等一陣先食。你睇！豬扒大過個包，咁先叫豬扒包家嗎！仲有上層茄醬下層沙律醬，兩件酸酸的物體加起來更刺激食慾。放左一陣豬扒都能保持香脆，但就比以前薄左。其實大家經過都要快d食，因為真係唔知仲有幾耐做。推介食店

原本無林住食，無意見到間鋪頭好多人排隊，我咪過去湊熱鬧原來喺一間老店鋪。跟人叫左個豬扒包比左錢攞籌再排隊拎包。D包五算貴。拎到手熱辣辣！個包喺無菜的，味道我認為無咩特別！個包都幾脆 入面塊豬扒炸到好乾身，而個番茄醬都一般般，與M記伽五同，呢個味道較為酸。

今日路過大球場丹麥餅店。順便買包炸薯條回味初中時的味道。包$11炸薯條。等咗3分鐘有得食。我重專登走去南華食堂坐低慢慢嘆。個薯條比麥記大D。同舊時個Size一樣。混入蕃茄汁特別好食。加入食鹽特別好味。同樣食唔出麥記個味。個薯條金黃色。好趣。值此推介。

見佢係老店咪試下 叫左個豬扒包$17拎上手微暖 賣相： 睇落冇咩特別 個包又細 塊扒仲薄過m 記啲肉 啲醬又少 丫嬸落單又唔耐煩 唔知點解可以賣咁貴 味道：普通到冇得再普通 包表皮都幾脆 豬扒炸到有啲乾身 唯獨個醬幾好味 總結：係老字號先有本錢賣咁貴同啲員工咁串 食落唔覺有咩咁好味 試一次好喇 下次食m記十蚊包仲好

今天跟S先生約會，無非都係想搵好野食，因為決定左跟S先生健身，所以佢話半年之內我都要食蔬菜渡日，為左身體好d,希望自己做得到。好啦，「行刑」前S先生比我揀自己鐘意食既野，我就揀左去禮頓道果邊搵野食，行過丹麥，食下囉。銅鑼灣呢間老店細個已經黎買包食，大個左反而唔係成日黎，只從佢地尖沙咀開分店先成日去尖沙咀果間食，今次試下老店，點解腸仔同尖沙咀唔同既？尖沙咀果間似中環好出名食熱狗果間鋪用既腸仔，呢間就似廚師腸，佢地反轉左包腸，所以我睇唔到咩牌子。買既時候已經唔少人等緊，但又未至於要等好耐，先同對面婆婆落單，之後再去對面等，其實都亂，比左紙佢又再反覆問你係咩，其實咁唔記得不如唔好用咁既方法啦😒如果想要服務就真係唔使諗，我估佢地都唔憂做，尖沙咀後生果班態度好好多。無論我點講好多次多醬佢都係會無視我，我有我講佢有佢整😒少醬到咁點食，成個包係個包好食，好香，鬆軟，係舊式麵包店先做到，美心果d一定食唔到呢種感覺，腸仔係好普通既廚師腸，個醬真係好少，我只食到少少味，係好食既，如果多少少成件事會更加好。我會比好評係比香港小店既分，如果連呢d店都冇埋就以後只可以食風一樣既空心美心麵包，所以支持下呢d老店啦

因只我一人，肚皮空間有限，只嚐了熱狗和吉列豬扒~多次經過這兒已想試試這街坊老店出品，今天終於得償所願~所有熱食即點即制，一邊排隊買票，另一邊就排隊取食 唯今天只有我一人，肚皮空間有限，只嚐了熱狗和吉列豬扒~熱狗包鬆軟溫熱，內塗上牛油和自家蛋黃醬，醬料溶化在溫熱的麵包內，別具滋味  包內香腸外貌與與一般廚師牌腸仔差別不大，但沒有廚師牌那麼鹹，而且經過烤熱，外皮微焦香，但個人還是不大喜歡此類腸仔~ 個人覺得只吃塗了醬料的熱烘烘的熱狗麵包已很足夠   吉列炸豬扒現叫即炸，豬扒肉質很薄，同樣蘸上薄薄的吉列炸粉油炸，很快便能炸至金黃香脆肉嫰之餘仍保持肉汁  惜肉質實在太薄，口感欠奉 整體而言，在此店吃的，是人情味、古早味~ 出品質素不低，但好吃與否，則視乎各人偏好~

上一次食飽飽先經過禮頓道，見到好多人排隊嘅丹麥餅店，由於太飽同趕時間，所以就無停低試試，但其實我已經將佢放咗入去我嘅waiting list今日又要出銅鑼灣做野，即刻知道 lunch嘅時候要留肚喇，去到啱啱好係３點３嘅下午茶時段，以為平日就唔多人？錯喇，都有好多人排隊嫁，當中好多人都係外賣，個個都拎到一袋二袋，可能真係買番去到同事朋友 share啦我當然第一時間跟機排隊尾啦，一邊等嘅同時，我就不斷聽到「卜滋卜滋」嘅油炸聲香氣四溢！一早諗好食石理魚柳包嘅我，已經淡淡定噤排隊等食喇！一邊見到師傅熟手噤炸緊，豬排同薯條！真可惜如果有多個朋友同行，我一定會叫埋佢試吓炸薯條！等緊嘅時候，都發生咗一個小插曲，第一次幫襯嘅我，唔知道原來要買咗飛先排隊，去到我嘅時間先發現個個人都係拎住張飛嫁，好彩排我後面嘅 bro好好人，幫我番住個位咋，如果唔係，我就要重新排過喇，雖然唔係要排好耐，但去到咀邊嘅野如果無咗，就真係好掃興喇！買完之後，我引唔住要邊行邊食！一打開紙食，陣香氣係好誘人！終於要拎出嚟喇，size同平時係快餐店買到嘅無咩分別，特別嘅係個 source，有茄汁同酸酸地沙律醬，兩種醬都係酸得嚟帶甜，

今天同女朋友係CWB 行完街後，本來打算去周圍搵下甜品食，但行行下...E...見到點解好多人排隊，我地就行埋去昅下係咩黎咁吸引，見到好多煙..原來係不斷炸緊豬扒同魚柳，我聽到排緊隊GE人仲話"嘩..今日漢堡包咁快賣晒GE"於是我同GF 即刻上openrice 睇下呢間野，因為我對港島區不太熟悉，所以唔知呢間野原本係咁出名，我地於是即刻打消左食甜品既念頭，轉而一人試下一個豬扒包。雖然豬扒唔係好大同好厚，但炸得好好，配埋又熱又脆ge 麵包 and 沙津醫，真係好正，都係17蚊一個~! 對比起澳門大x 來30幾蚊一個唔好食ge 豬扒包..呢個真係價錢同味道都贏晒~! 絕對支持本土豬扒包..hehe~!