丹麥冰室

營業中

休息中

<丹麥冰室尋寶記>話說我去冰室食野意外發現有原條鰻魚飯，😋你睇下第二張相就知我講梗咩...冰室黎講會唔會令左小小😆雖然係茶餐廳但佢地既烹製出黎既都唔差嫁。原條鰻魚飯 用價廉物美去形容呢碟鰻魚飯就最啱，鰻魚既口感同味道都係我個口到停留住，好喜歡有個小小既after tatse. 口感好豐富，唔錯唔錯！如果食開重口味既叫多個醬汁on the site就prefect. 鐵板羊架餐有前菜有湯有野飲大大件羊架用熱辣辣既鐵板上碟，旁邊配番個薯蓉，waiter 姐姐見我著白色衫，細心地叫我用紙巾擋一擋住，果然係冰室係唔同d既. 其實我細細就好鐘意食鐵板，所以今次叫餐其實帶左好多細個既回憶，如果你都同我一樣有鐵板既回憶，不妨去 @denmark_cafe_wanchai 試一試。個到姐姐既服務態度真係好好💗

Boyfriend was hungry so we decided to go to the nearest cha chaan teng. Called Denmark Cafe, it was near Southern Playground. A tea set menu is available during tea time. Menu is in Chinese and there is no 10% service charge. Everything comes with a standard hot drink.Boyfriend ordered the beef brisket curry with rice ($43). The curry was extremely spicy with lots of potatoes. Not that much brisket could be found.I had the fried chicken thigh with salad ($42). The chicken was very juicy and the

This is a great cha chaan teng. Good location in the heart of Wan Chai so good for grabbing a quick lunch - does get busy at lunch time though.Good portions - especially the baked pasta dishes and the baked pork cutlet dishes with curry. Extensive menu with all the classic tea meal restaurants as well as some other Western fusion and Taiwanese dishes.  Service is what you'd expect - speedy and efficient but staff are friendly. 

見未試過呢間嘅早餐就入嚟，位置極方便，所以好full，但都唔難入座嘅，啲姐姐做嘢都快手叫咗炸魚柳，配司華力腸、雙太陽蛋同丹麥多士，飲茶走，嘢食好快就上枱，件魚柳大得好誇張，炸得唔錯，配千島醬好食；司華力腸都好大條，皮夠脆，雙太陽蛋就正常，件多士就烘耐啲同搽多啲牛油會好啲，成份早餐大到食唔晒，完全夠食飽兩個人，杯茶走就正常，茶底濃，但唔算滑座位都舒服嘅，茶餐廳早餐嚟講好抵食，個位又咁方便，一定會再幫襯

咁啱見到foodpanda呢間有優惠所以好急咁樣叫咗呢間嘢食本身對佢冇乜期望，但係結果送到過嚟都覺得幾開心！因為份量都幾大鹹魚雞粒炒飯鹹魚味好出眾！雞粒份量都比較多炒飯嚟講唔會太濕，就唔會太乾重點嘅係粒飯都係黃色 係俾蛋漿包住咗如果佢可以再鹹多少少就好喇分量來講，我覺得都算係多-香煎芙蓉蛋飯 平時嘅我會覺得呢個似係就咁食嘅頹飯但係呢個芙蓉蛋飯落咗好多配料，成件事冇咁失色，而且真係唔錯落咗好多隻蝦，煙肉，叉燒等等嘅配料有一刻以為自己叫錯咗其他嘢食-招牌紅豆冰 & 利賓納（凍）紅豆冰差唔多半杯都係紅豆好足料，咁熱嘅天使一定要飲杯消暑解渴不過有少少甜利賓納就冇地方可以挑剔-有機會嘅話，希望下次可以堂食想像中更加好食 而且送到過嚟啲飯仲係熱辣辣-丹麥冰室地址：軒尼詩道117-119號地舖

咁啱今日假期嚟到呢頭附近，見呢間冰室好似算係新開！所以就入嚟試吓！係因為我好少見到茶餐廳有喇沙金邊粉食～所以就叫咗個喇沙雞片金邊粉！湯底味道唔錯，啲金邊粉入晒味！最重要係配菜都多～主角雞肉片都不少！值得你試吓價錢又唔貴

星期六都要返工真係好慘，所以同同事出去食一餐豐富嘅午餐慰勞一下自己我自己就叫咗「魚湯雞片米線 」$53湯底可以揀「魚湯」、「麻辣」同「酸辣」呢個係特餐，所以會跟埋火腿奄列同埋丹麥多士仲可以配茶或者咖啡，凍飲都只係加$3真係好抵呀魚湯幾濃郁，唔會有腥味，清清地配上嫩滑嘅雞片我覺得幾好食火腿奄列正常發揮，望落去都幾大塊丹麥多士係我一直都好期待嘅因為聽同事講好好食食落去真係比較鬆脆可口，同一般嘅多士質感有啲唔一樣。

本身預先係app叫外賣自取，又收到餐廳通知話已收到訂單同準備中，以為去到就有得拎點知去到問職員先話未落單，咁都情有可原：可能系統出錯呢，唔緊要之後等咗10分鐘仲未有餐，問咗職員話未有，咁都可能係落場時間，廚房唔夠人呢，我再等等都冇問題再過5分鐘我再問，原來發現我個餐一早出咗，但派餐個職員又唔知，一直話未有未落單前前後後等咗20分鐘，真係唔知好嬲定好笑，其望呢間餐廳食物質素都唔差，希望之後會有改善喇

本身甚少寫食評但呢間嘢真係一絕，禮拜六午餐時段佢唔算繁忙，但入到佢啲職員已經唔想理你咁。送菜果個乜都唔講淨係將啲嘢掉上枱。都算喇，個紅湯淡如水不得止仲要有異物，焗飯正常味，以後都唔會再幫襯。

咁啱喺附近睇醫生，經過就食個早餐啦，門面都給光猛整齊，望埋餐牌都幾多選擇就入咗去。侍應都好主動，一坐低就會拎杯水同餐具俾你，但又唔會好chur你叫嘢食。今日叫咗牛扒煎蛋，配多士同熱檸蜜：） 牛扒夠晒大件，但茄汁豆就比較多，所以味道比較鹹😅多士好鬆脆蛋夠流心，上枱都仲熱：）

今次第二次去食，本身一開頭見到嗰餐牌都好似幾吸引，同埋第一次食都唔錯，就去再次幫襯。但係點知今次入到去，個別吖姐態度差，係度寸寸貢，會直接開口鬧人🤷🏻‍♀️🤷🏻‍♀️….落錯單之餘飲品入面仲有眼睫毛…🤯

同事請食茶餐，又唔想食全精製澱粉質或炸雞脾咁油膩，所以選了有些蛋白質（牛扒、蛋、火腿、芝士）、纖維（生菜和蕃茄菜）和碳水化合物（白麵包有烘底）的食物-公司三文治是也。出乎我意料是唔只有火腿和蛋，仲有牛扒，好足料如減肥，應選走千島醬，同埋食少4片麵包。蛋都炒得實，適合放落三文治，唔會散修修有點可惜的是因我唔係立即食，所以烘了底的三文治是冧的，我諗堂食有脆包包著會更熱辣辣和更香口另外，估唔到間丹麥冰室咁有心思，設計咗特有的杯，圖案幾精美，所以拍下留念我無食四片飽，都幾飽下好彩無食午餐

近排疫情咁勁，我都已經好一排冇堂食。好多時唔想諗叫外賣，哩間丹麥冰室就成為左我既「外賣飯堂」。今次我叫左一個套餐，有沙嗲牛肉麵、丹麥酥、火腿奄列同一杯熱奶茶，黎哩啲冰室基本配置。基本上灣仔哩間丹麥冰室長期多人，12點3左右叫，12點9左右去到就有得拎。火腿奄列跟丹麥酥火腿奄列跟丹麥酥哩個組合係我最鍾意食哩間冰室既原因之一，因為丹麥酥係唔洗加錢，雖然炒蛋今次熟左少少，但係配搭上丹麥酥既牛油香，簡直係令人忘記哂脂肪既問題！招牌沙嗲牛肉麵跟住當然就要介紹佢地既招牌沙嗲牛肉麵，好多時外賣公仔麵即使分左湯，一係太腍，一係太「彈牙」。但冰室佢預得剛剛好，絕對加分，再加上濃濃嘅沙嗲牛，十分滿意！最後搭多杯熱奶茶，是日完滿#餐廳 #香港美食 #香港餐廳 #灣仔 #早餐 #午餐 #晚餐 #hongkong #hongkongfood #hongkongfoodie #hongkongfoodblogger #food #foodie #foodiehk #wine #winelover #winelovers #steak #灣仔lunch系列 #冰室 #丹麥冰室

前幾日去左灣仔書展，行到攰攰地就諗住去附近食個下午茶休息下，不過灣仔真係到處都係人，咁岩呢間茶餐廳有位，唔洗等就入去，其實好怕會係伏，因為其他鋪頭都係人😂不過我真係好攰。入到去，望下個餐牌，都幾多野選擇喎，價錢都唔貴。。我最後簡左個下午茶海鮮炒烏冬。。諗住下午茶會細碟啲，竟然勁大碟，女仔一定食唔完。數數d海鮮，青口肉，蝦都有4.5隻大大隻，蜆肉，一d都唔Hea，加上係好味，食得岀係有火氣炒岀黎。。$50有埋杯嘢飲，性價比都高。。我見晚餐餐牌都有好多唔同種類，遲啲有機會都會黎試下。。

12:28用openrice叫咗外賣，佢嘅預計ready時間係12點58分。咁我12點45分去到冰室門口等。現場遲過我到達嘅人落咗外賣，拎埋走，我個外賣都未到。唔通用openrice叫外賣係低priority啲，遲啲先出到？中間問咗幾次我個外賣有未，啲啊姐望下就話未出。追問多幾轉追問埋收銀，收銀叫班呀姐再搵真啲，中間佢地仲以為俾錯我個外賣其他人。搞到13:05先有人發現我個外賣俾其他外賣軋住咗，個外賣原來12:45就到咗！嘢食係普遍冰室水準，不過不失。但晒咗我廿分鐘，又肚餓！無下次！