丹麥冰室

營業中

休息中

早餐見有位入去坐低，搭枱正常，但佢個坐位設計比其他茶餐廳逼，坐低心口差唔多痴住枱邊，烏低身身野同對面食客會撞頭，真係逼人食完即走。叫蛋牛治，即咸牛肉炒蛋，全份就得幾粒仔咸牛肉，罐頭野姐，又唔係新鮮和牛，洗唔洗少到咁啊！ 雙併三文治30起喎

是日和友人路經灣仔，決定來個快閃早餐，填飽個肚先再繼續行程。早餐～～沙嗲牛公仔麵配炒蛋、牛油丹麥多士魚片頭雪菜肉絲公仔麵配炒蛋、牛油丹麥多士炒蛋香滑，公仔麵份量適中，唯獨牛油丹麥多士偏油膩不香脆。

嗰日帶咗個口罩出街， 侍應見到我病就安排一個入啲嘅位俾我坐，話驚我冷親。另一個侍應哥哥， 斟咗杯暖水俾我，然後成六點都俾我叫下午茶餐。 其實真係好窩心。 ❤️❤️可能平時食其他冰室侍應服務太差… 呢間冰室啲侍應簡直係清泉。

唉，今晚食飯真係一肚氣。啲阿姐好似趕住收工咁，不停喺隔離行嚟行去。 坐低冇耐就開始催，仲要唔係一次兩次，真係好煩。 碟嘢食都未落齊，就問食完未，想趕客都唔使咁明顯呀。 成餐飯都食得好唔舒服，好似俾人監視住咁。 下次都唔會再去幫襯啦，服務態度真係差到冇朋友。 呢種餐廳，真係要好好反省下。 希望佢哋可以改善下服務啦。

黎到灣仔呢邊, 要搵野食, 如果揀一間普通既餐室其實唔算多. 行下見到呢間未食過所以就去試下啦最後你點左常餐試下,  叉燒湯意粉, 多士奄列配熱檸檬茶.叉燒湯意粉 (OK)份量正常, 意粉口感算軟身D, 叉燒唔肥, 整體係OK.多士奄列 (OK)多士味道OK, 有DD燶左熱檸檬茶 (OK)正常茶記味道環境方面都算乾淨, 有卡位, 唔會太擠迫.>>>整體黎講<<<一次速食既常餐黎講係可以接受, 價錢算大眾化~

今日，天空要下雨，一落便是暴雨警告信號狀況，估下是什麼顏色。行下，一會兒便不想再行了。去到丹麥冰室，有座坐，便去試下它們的招牌咖哩吉列豬排。咖哩汁有馬來風味的重椰汁味道，十分不錯。可以見到豬排的size是不錯的。我覺得這豬排可以有進步的空間，進化成打card 點。同一塊豬排，加多d蛋和麵包穅，可以打造成豬排包飯而今次的彩蛋便是午市的駱克道，有很多國家特色的pub。不過，我不飲酒的，所以我不知道好不好飲了。

暑假會展好熱鬧，行之前要填左肚先橋底搵左間冰室一試，座位好多都幾旺場坐爆冰室一定要叫佢個常餐一試，另外叫多左個炒飯，試下佢個功底叉燒湯意粉常餐$57常餐跟件丹麥多士同火腿omelette 幾有誠意火腿omelette 超重份量，唔可以話好嫩滑中間有少少蛋汁，抵食叉燒意粉勁大碗，叉燒薄薄地厚身會正D，不過咁多塊都算系咁福建炒飯$60福建炒飯相當頹，茨汁偏少唔夠撈飯材料用左蟹柳同腸仔取代海鮮，$60黎講唔系幾抵食

今日趕時間，隨便搵間茶餐廳食，行過哩間剛剛有位，雖然系搭檯。環境比較逼，可能食飯伙計比較嘈同趕，未食完都周圍問客食完未，趕得比較厲害，舒服程度一般。例湯(2分)—青紅蘿蔔都多，味道都得，—可惜一碗凍曬。咸蛋豬肉飯($55)2分—分量系夠，仲跟幾條菜，本來吾錯—豬肉都夠滑但可惜有d怪味。紅酒豬尾飯($60)3分—豬尾都有6舊，雖然細條d,但OK，—如果鬼佬可能話吾夠淋，我就覺得剛剛好，有咬口。檸檬水—檸檬幾新鮮

12點都未到， 就迫人搭台， 欺善怕惡， 我後面個阿叔一個人坐又唔趕。間鋪一半吉既， 但我要同人迫埋一個角， 覺得好煩， 原本唸住早d食會舒服d既。見住阿伯一個人坐一張台就更嬲。野食又唔係特別平， 又唔係特別， 下次記住佢，一定唔黎。d野食普通過普通。 都係果d野， 早知去對面波士頓食算。

芝士焗鮮茄豬扒飯$64焦香的芝士蕃茄面豬扒飯醬料芝士味和蕃茄味濃，焗得剛剛好，還有拉絲芝士。豬扒雖是炸的，但勝在粉漿不厚。厚切豬扒，肉質嫩滑。炒飯底炒得夠乾身，有點蛋香。日式照燒鰻魚併香煎雞扒配薯菜 $123鰻魚淋到入口即溶，日式照燒汁就是預期中的甜汁味。雞扒正常，脆皮也夠嫩，只是沒有味道。薯菜不是薯條，而是原個焗薯。加點芝士炒蛋豬柳包$33炒蛋正常豬柳是炸豬柳奶醬多＄２０厚多士，烘得不夠香脆，包也不夠軟熟。

今日做完曬野，得反9個字就要趕住去接個仔放學啦啦臨走入間茶記食個下午茶下午茶選擇種類都好多心思思揀左一輪，就order 🔆海鮮炒烏冬 配 凍檸茶走甜勁快上枱，熱辣辣，有鑊氣！海鮮配搭，有蝦，有蟹柳，有八瓜魚仔味到不錯，唔會太咸！凍檸茶正常水準，茶底濃厚！

堂食不斷出餐，外賣無人理，有冇見過堂食客人等足十五分鐘先有食物上枱呢？ 答案係唔會出現，要等的只有外賣既大家🫠當你見一個又一個在你身邊入去坐低開始食呀飲呀，站在店外而不佔座位既客人在街上呆等真係⋯⋯ 唔會有下次！！如果你同我講繁忙時間，咁做唔切就唔好再接外賣了，以能力去做好一件事吧～

超大份抵食，份量真係好多，豬扒係2大塊，手掌禁大，其實真係可以2個人share一碟飯或者麵，太過大碟，味道都唔錯，咖哩唔會好辣，炒貴刁少少油，坐得仲算舒服，會再去食

⭐️ 番茄牛扒牛仔腸意粉 $60呢個番茄牛扒牛仔腸意粉，番茄汁顏色好明顯😶😶，食落去嘅味道主要係甜甜嘅茄汁味，蕃茄味道就少少。牛扒有啲偏薄，意粉煮得稍微發脹，有少少散😗😗。不過佢係一個餐館嘅套餐，包括意粉同埋湯，價錢都幾實惠嘅👀👀。⭐️ 魚湯嫩滑雞片米線 酸辣 配火腿奄列及丹麥多士 $55呢個米線係清清地一碗，不過酸辣嘅味道有啲太酸🤥🤥。雞片米線嘅選擇只有麻辣或者酸辣，如果有清湯嘅選擇就更好啦🫣🫣。火腿奄列入面有好多火腿，不過煎蛋有啲油。豆卜炸得有啲硬，咬唔開口🫠🫠。⭐️ 金寶豬扒湯通粉 $55豬扒好大塊，大到可以覆蓋住一隻手掌😄😄。食落去都唔係好薄，肉質唔算鬆軟，要慢慢地咬🤪🤪。不過都有豬肉嘅味道。通粉粒細細，份量適中。⭐️ 凍咖啡一般茶餐廳嘅水準，正常發揮🍄 總括嚟講五十幾蚊或者60幾蚊可以食到一餐飽肚嘅，質素大致上都差唔多👀👀。一個套餐包括飲品同湯，質素唔算太高，不過平平地都好好食。📍丹麥冰室 Denmark Cafe灣仔軒尼詩道117-119號地舖G/F, 117-119 Hennessy Road, Wan Chai

Came for their laksa noodle set, with kaya Danish toast and scrambled egg, plus a drink of your choice. I picked the satay beef and laksa rice noodles- a Huge bowl! The broth was very good, and I really like the large amount of cabbages, fungus, carrots they put in the laksa. The rice noodles were so delicious with all the vegetables. Satay beef was tender and just as tasty, also in a good amount. Danish toast with kaya was special, cos it’s not the conventional white bread served in Cha Chaan T