丸·茶手作 (通菜街)

營業中

休息中

最近天氣真係太熱啦！食完飯只是走一條街我都覺得好熱。不過幸好四周都有台式飲品店，與眾不同，各有特色，差不多行兩部就有一間，都好。所以我就選擇了比較近地鐡站少少的丸茶手作，聽個名好日式喔😍我點了一杯水蜜桃烏龍茶少甜，飲到好濃的茶味，有點苦，🤮🤮🤮😡水蜜桃味吾夠出而且是沒有果肉，其實茶比例，如果可以輕盈些，效果會更佳。現在市場選擇比較多，如果再唔改進就會流失很多客人。😭😭😭😭希望下次吾飮苦茶。

我們喝過尖沙嘴跟紅磡的分店，都很好喝。可是這一家的茶，好像沒有加奶一樣，與其說是奶茶，不如說是奶水。非常失望，希望店家可以改善。是不是沖調的時候配方弄錯了呢？桂花珍珠還可以。

本身諗住飲丸茶 見到佢就諗下啦 點知佢啲珍珠比平時少一半，得嗰幾粒， 飲黑糖珍珠撞奶仲要唔係鮮奶，成杯冰，拎走咗一半只係平時嘅正常， 唔係黑糖煲出嚟，係黑糖漿， 又貴又唔好飲又少料， 完全唔抵，都唔知點解有咁多個好評叫佢多珍珠佢話會同入邊講，點知佢完全冇理過我，又話啲珍珠係正常分量，係明得嗰幾粒，咩叫正常分量呀，佢仲話已經算多喎! 價錢就算多，你啲咩質素呀，點會撞奶唔係鮮奶架! 黑糖珍珠又唔係黑糖整， 拎走曬啲冰，得嗰半杯奶， 未試過飲一杯嘢飲到咁嬲

一直想丸茶手作既桂花珍珠好耐放工時間就比較多人排隊見Lunch time完全唔需要排隊 所以即刻買杯試下我叫既係 皇帝奶茶 再外加 桂花珍珠中杯$22 價錢都ok桂花珍珠咬落好香桂花味口感非常煙un 實在唔錯除左桂花珍珠 佢地仲有幾隻特別味道既珍珠可以加錢記憶中有櫻花味 紫薯味 聽落都好特別普通既黑糖珍珠都有另外員工都幾好禮貌 唔該前唔該後桂花珍珠相信下次配上茶類會更比奶茶加夾總捨來說 奶茶底合格 桂花珍珠好味可以再戰!!

之前見朋友大力推介話從未飲過咁好飲既珍奶但見到要排成粒鐘一直卻步其後丸茶手作開左不同分店分散人流終於可以一試我仲前後俾左3次機會3次都失望我先寫呢個食評....真心希望總店見到會做好d 加盟店既qc唔好浪費一開始build up既口碑第1次係旺角店、冬瓜茶加桂花珍珠珍珠味道都好有桂花糕陣味口感就冇想像中煙韌幾得意但冇想像中咁wow咁驚為天人第2次係佐敦店、白毫烏龍加黑糖珍珠烏龍茶底烘焙甘香珍珠一般過一般完全冇黑糖味咬落好似涼粉/龜苓膏味第3次係旺角店、鐵觀音奶茶加黑糖珍珠前兩次我當自己時運低、唔好彩去到第3次一飲心裡第一個字詞就係標題既「不知所謂」珍珠繼續冇黑糖味今次個質感仲衰軟稔過我手臂既byebye肉唯一ok係茶底茶飲店而家競爭咁激烈呢間試左3次都fail我諗我可以留返d錢飲第2間了...

喺旺角行街嘅時候經過呢間丸茶手作，見到佢啲珍珠好似幾特別咁，所以就嗌咗一杯熱嘅桂花珍珠烏龍奶茶，同埋一杯凍嘅桂花珍珠皇室奶茶。佢嘅熱飲唔係話特別熱，個人認為如果可以再熱啲就好啦。但係佢嘅奶茶茶味好濃，而且啲桂花珍珠有超香嘅桂花味，味道好清新，幾有口感，仲有啲好細嘅好似係桂花瓣嘅嘢係入邊，每飲一啖，口腔都充滿着桂花嘅香味。見到佢嘅牌上面仲有好多唔同款嘅特別珍珠，本身好想試玫瑰珍珠，但係賣晒，希望下次可以試吓啦。

第一次飲可可味latte...其實我不嬲飲開normal latte, 不過，今日突然好想飲可可味，因為飲朱古力會令到個人開心D 架麻⋯⋯同事話想飲熱飲品。所以，食完lunch後就買左杯可可latte試下。杯飲品真係夠哂熱，由店舖行到返公司都要差不多二十分鐘，但飲既時候都仲出緊煙。所以，凍既天氣飲就一流喇⋯可以取暖丫麻⋯飲落去好重朱古力味，我覺得幾好飲，又唔會太濃，味道岩岩我，又夠哂大杯，都只係$22⋯都真係幾抵。

搭小巴上何文田對面正正係丸茶手作，係尖沙咀都見過一次，今次見到，就一於試下，開係小巴對面，令人忍唔住買左黎試。最近都好興黑糖乜乜，我男友又屈我請左佢飲一杯，佢唔鐘意飲甜野，就叫左奶茶，黑糖不嬲都冇得揀甜度同冰度，好正常。呢杯野算係不過不失！算得上叫左黑糖珍珠牛奶，珍珠食得出係有黑糖味，雖然奶味唔係好濃，但都算不錯而男友果杯奶茶佢都覺得幾好飲，份量適中，唔會話飲完覺得超飽，因為有時有D珍珠奶茶飲完都會令人飽到食唔落飯

丸。茶手作喺旺角開左幾星期啦，終於有openrice account🤣 即上打個食評！茶店試業一段時間，早期已經有幫襯過～ Menu有好多選擇！花多眼亂，睇左好耐都未揀到，決定揀佢推介即皇室紅茶拿鐵，見到拿鐵，估係latte，感覺紅茶latte幾特別就諗住試下🤣賣相幾好，$22都唔算好貴，相比附近好多都三十幾蚊先有得飲🤣 味道方面，就有啲surprise！感覺唔係太啱我口味，有少少咖啡味，應該係latte黎，味道搞怪少少，似鴛鴦咁，不過我都係鍾意珍珠奶茶多啲🤣🤣

今日係太子mtr 行去花園街shopping 路過見到lee 間野新野就try try laa最特別係佢d珍珠不只是黑糖未☺️☺️有其他味例如桂花,玫瑰... 好像有5種味不過我忘記了😂😂... 而野飲我就叫左薰衣草奶綠加桂花珍珠我比張hk$100 佢佢竟然同我講冇錢找🤨🤨🤨所以取消左個珍珠搵曬全身既散紙買野飲因為冇咩人幫襯...所以唔等好耐就可以拎laa杯野飲比想像中好味... 薰衣草味冇渣流... 而且入面真係有薰衣草粒

放工時經過見到有新店當然要試下，佢仍在試業中，但見到紅紙後寫住丸茶手作，知道丸茶出名係自家製珍珠，叫左杯店長推介人氣 no.1 的黑糖珍珠撞奶，成為$28，價錢算係公道，杯野飲的虎紋不算明顯，但飲落個奶真係好香好滑，黑糖味剛剛好，珍珠暖暖地，真係好好味! 下次仲想試埋佢個桂花珍珠。