丸亀製麵 (荃灣廣場)

營業中

休息中

晏咗食晚飯，夜晚7點半先開始搵食🍴今次想食清淡啲，所以揀咗烏冬。哩間分店好得意，招牌雖然喺商場都幾明顯，但行入去係一條長長走廊，好似行去緊急出口咁😂 行過條走廊先見到入口，門面都係一道窄門，感覺有啲細。餐廳內座位都唔算好多，枱之間隔離都有啲近。屬於自助形式，先喺入口位置揀主食，之後再揀炸物，最後就計數付款💵✨腐皮湯烏冬 (大) $48湯底味道較清淡，唔會太咸，食得出唔係味精湯。腐皮帶點甜味，昆布同鳴門卷正常冇咩特別。烏冬食落腍滑，但缺少咗啲煙韌口感，有點美中不足。✨清湯牛肉烏冬(中) $48烏冬同樣係較腍，唔太煙韌。牛肉咬落好腍，唔會韌，同洋蔥都好入味，味道有啲似吉X家😂✨蕃薯天婦羅 $14外皮唔會太厚，蕃薯都幾夠甜，只係大批量炸好放喺度俾客人夾，難免會好快凍，所以食嗰陣就唔夠熱。✨蟹棒天婦羅 $16溫度已經凍咗，蟹棒咬落一絲絲有口感，炸皮亦夠薄。✨炸蝦餅 $18蝦餅反而有點溫度，未凍得哂😂 咬落都有啲脆脆地，餡料夠多又帶點鮮味👍🏻🔍整體感覺：雖然今次晏咗食飯，但客人都唔少。由落單、選擇同攞食物，再排隊等付款到食完之後自己拎返個盤去回收位置，整個過程都係自助形式，所以冇咩服務可言。至於

烏冬方面有冷的，熱的，拌的供大家選擇🤗 今次嗌咗炭燒雞肉拌烏冬🍜（溫泉蛋🥚+雞肉）烏冬十分彈牙，雞肉份量頗多，但味道一般偏乾，配燒汁帶有微甜，個人認為醬汁太多，嗌少汁會比較好😆整體來講幾好的。性價比高👍🏻值得一試🤤🤤🤤

由細食到大的日本烏冬，麵質粗度都適中，配合唔同的湯底，感覺好多選擇！有時唔太餓又可以食中size, 加一兩件炸物份量啱啱好！今次試釜揚烏冬，店員再三提醒湯是清水😅當然知道，是沾汁食嗎～朋友鍾意濃味，點了辣肉碎豚湯烏冬！。每次去到夾炸物嘅時候都有選擇困難症，好多款都想食！但一次食太多炸嘢又會好飽又熱氣，所以千挑萬選揀了炸蝦餅和咖喱薯餅，試啲之前未食過嘅，其實炸番薯都好好食！呢間店嘅炸物真係好新鮮，次次都好脆又冇油益味，蝦餅入邊有一粒粒嘅蝦仁，多層口感，雖然蝦味唔算香濃，但係炸粉好薄，入面嘅調味都適中。咖喱薯餅都好好味有香濃嘅咖喱味外脆內軟，熱辣辣，正！另外仲點左關東煮但係款式太少，只揀了一舊大根，但湯底比其他牛丸染污左，所以味道好奇怪，蘿蔔仲要係苦嘅，可以唔洗試！

Wanted to have a quick lunch and saw that even though the line was long, it moved quickly. Got the pork bone udon and especially appreciated the complementary ginger and scallions. They are my favourite condiments and i added a lot. In the end i also added some of the crispy tempura bits which added an extra nice crunch to the bowl of udon. The broccoli seems a bit undercooked, but overall it was of great value!

今日出咗荃灣行街，聽日話帶我去一間烏冬。原來就係依間，平時都有經過個門口，但就冇話特登入去食。今次就去試吓啦～一入到去係自助形式嘅，首先同師傅講你想要啲咩烏冬，再去隔離睇吓加唔加小食。小食有唔同嘅炸物，同埋關東煮，但由於啱啱病好，就唔食咁多炸嘢。今次都冇叫到小食，淨係叫左兩個烏冬～比完錢就可以去自助區嗰度，加下蔥花，天婦羅碎等等🌈腐皮烏冬 （大）湯底用咗鰹魚湯，搭配埋兩塊腐皮，吸滿曬湯汁，十分清甜烏冬唔會煮過龍，十分煙韌🌈咖喱牛肉烏冬 （中）係咖喱撈烏冬！牛肉份量都算多，不過就偏乾身。裏面仲有紅蘿蔔、薯仔、洋蔥粒。咖喱本身夠味，日本咖喱黎講都算辣，食完都要飲下水不過整體來講都唔錯嘅！

中學雞時期經常食，天氣凍就食湯烏冬，天氣熱就食凍烏冬，一年四季都好啱食，而且又有學生餐，抵到呢，而且烏冬份量唔少，又滑又爽口，餸嘅選擇又唔少，只可以話係學生黨福音↖(^ω^)↗

經過要醫肚，經過見到冇咩人就入去食下。呢間日本連鎖烏冬店，走自助模式，拎個盤去拎配菜加同員工講要咩烏冬。今次叫咗溫泉蛋湯烏冬，加天婦羅茄子加蟹柳，溫泉蛋熟度岩岩好，烏冬麵質爽彈。天婦羅新鮮炸起都香口好食。

今日天氣凍咗少少，終於有番冬天嘅感覺啦。咁我去到荃灣，就搵咗呢間餐廳，款式都算好多，我諗咗好耐，最後就揀咗呢碗麵嚟食呀。我就食咗呢碗麵食完之後成身暖曬。味道算唔錯，又唔係太鹹，啱我食。

突然想食烏冬，但間鋪的入口好隱閉，睇完商場水牌，仲要問人先搵到。原本已經好抵食，tea set就更實惠。 烏冬保持一向水準，但自選食物質素麻麻，而且選擇較少。 可能我第一次食丸龜係喺日本， 所以有咗比較，日本丸龜嘅天婦羅超讚。由於係平日，間舖又自成一角，所以冇乜人。我揀咗個落地玻璃的窗口位坐， 曬住太陽hea咗一個下午。 要enjoy一個悠閒嘅下午茶，又有寫意的環竟原來唔一定要去文青cafe。😆 我真係好彩，估唔到喺呢度都有cafe嘅享受。😂

行過荃灣想食烏冬，揀左去食丸龟製麵，貪佢夠晒日本風味😂清湯烏冬，大（$38）茄子天婦羅 （$9）吉列豬扒 （$20）豬扒炸得比較乾，可能係因為炸完係用燈照住，水份無晒，但味道可以既

好味抵食烏冬@荃灣廣場今日唔帶bb車出去食lunch, 預早search定去荃灣廣場li間丸龜, 原來個入口隱晦到….😐喺h&m同Berska中間個緊急出口🤣.🐔炭燒雞肉伴烏冬 (HKD47)店內係先點餐後揾位嘅方式, 雖然有烏冬又有飯, 但黎到梗係食烏冬laaaaaa!! •Li個撈烏冬好夠汁, 雞肉份量一啲都唔少食落仲好香好嫩添, 而d烏冬係勁日本feel嘅.•抵食!<哎丫原來張收據🧾下次可以當$$用架差d揼左🤣>

上星期同朋友去丸龜食晚餐，都好耐冇食啦，職員都幾好會提醒客人記得揾定位，今次叫咗一個大麻辣肉醬烏冬，肉醬嘅份量可以接受，辣到唔算好辣，烏冬非常有咬口，份量都足夠，仲可以自己加啲蔥、天婦羅碎等等。另外夾咗一舊番薯天婦羅，雖然唔係新鮮炸，但都唔錯，番薯質地實在，加啲天婦羅汁都唔錯。

【 小朋友愛吃的烏冬麵 】🍜同小朋友出街食飯，我都幾鍾意去「丸龜製麵」食，佢哋的烏冬有好多選擇，好啱小朋友食，今日黎左荃灣廣場，我哋又係揀左佢喇！⭐️推介菜式 :🔸清湯牛肉烏冬湯底清甜，牛肉片入味，好啱小朋友食。🔸和風蜆肉烏冬超過多蜆肉，多到遮哂d烏冬，味道唔錯但就比較細粒和有沙。🔸關東煮套餐我哋點左3款關東煮，水煮蘿蔔好入味，牛筋丸爽口彈牙，仲有小朋友最愛的三色魚丸。🔸炸蝦餅小食叫左一份炸蝦餅，外脆內熱，香口好味。

丸龜製麵所食過好多次，但呢間丸龜比較特別。經過一條好有日本feel嘅走廊先到餐廳入口，令人感覺好似去左日本咁😆😆😆有10幾款烏冬選擇，分別有湯烏冬同冷烏冬👍🏻仲有大中size揀，我覺得中size份量太少，所以一定要食大size😆😆😆我揀左大size清湯牛肉烏冬$50有少許西蘭花做配菜，牛肉份量唔少，味道尚可。本人非常鍾意食烏冬，烏冬彈牙爽口，唔會好淋😋😋，食完都好似有d唔夠，下次會試下加炸物👍🏻

和朋友行街，下午吃下午茶的時候打算吃點東西，這個時間人比較少，非常後悔挑這家餐廳第一次挑這麼失敗的日本嘢食還不如住家附近的日本餐廳嗚冬看樣子是主打嗚冬看那個廚師，這麼快就撈出來了嗚冬不熱，湯也不夠熱，所以沒意試一試湯的味道，就吃了嗚冬，我點的豆皮嗚冬，豆皮太甜了嗚冬還不熱，我當時看他操作，這麼快就撈出來了😖果然不熱加了一串炸雞🍗，看著隔離吃，感覺賣相還可以炸雞一點味道都沒有，最難吃的日本炸雞明明最喜歡吃日本餐廳的炸雞另外更慘叫了一疊牛肉全是肥的一半多都不能吃，這疊肥肉只能檢出來一點點瘦的，太坑人了⋯⋯差評，差評、差評，還有那個炸東西的師傅特別不耐煩的樣子，這麼沒有耐心的人，怎麼可能做出來好吃的東西，看著店裡生意也不好，原來生意不好的餐廳真的是有原因的