串Chill

營業中

休息中

呢間串燒店食咗兩日 認真好食 仲要唔油膩真係好難得 服務態度都好 食物都好好食質素好好 真係真心推介試吓呢間琴日食完之後今日又食咗次 份量都足依家喺大埔想搵一間宵夜同好食嘅真心好難，佢嘅雞軟骨真係冇得輸，同埋嗰炸饅頭都好好食，燒汁雞翼好入味，一啲都唔油膩，好食過好多間，最好嘅係佢幾嘅都可以叫，下次會試吓唔叫外賣，現場過去食應該仲好食，依家仲有一間好食，同埋有質素嘅真心都幾難，值得推介，價錢合理，唔算貴，最緊要好食

依家想揾間夜少少既鋪都幾難，比個1蚊甜蝦吸引左食物質素唔錯，可以一戰串燒唔錯，仲有個盤比你熱住不過鋪入邊較細，不過都係一間有人情味既小店有歌聽，又可以睇戲，整體來講👍🏻👍🏻👍🏻

今日行過太和，見到呢間串燒店幾有特色就入咗去試吓。入去見到有一蚊一隻甜蝦，即刻叫咗嚟試，出乎意料地鮮甜，冇諗過喺一間串燒店食刺身食到咁有驚喜😋之後仲叫咗花甲粉，個花甲粉夠乾身入味，又唔會好鹹，專登叫好多蒜片，越食越上癮。同埋叫咗燒雞泡魚乾，配個黑松露醬好好食。最後叫埋芝士黑松露玉子燒，好有蛋香味，上面加左海苔，但唔會好搶味，配埋黑松露，十分之夾。成間舖頭雖然唔大，但坐得好舒服，仲要有Netflix睇，老闆仲俾我自己揀戲，坐下唔覺都食左兩個幾鐘，整體感覺十分之好。值得推介同一試。

某晚想搵宵夜食 細妹推介一間叫過外賣既串燒 過咗12點係大埔真係無咩餐廳🥲難得呢間未收 嗱嗱臨飛過去店舖細細 但佈置得好精緻 睇得出好有心思 值得一讚嘅係以前食過串燒店 間舖頭啲枱枱凳凳都會好油淋淋🙈但係佢哋冇呢個問題感覺好乾淨👍🏻就算第一次嚟都比到好大信心🫶🏻坐低之後會有QR code喺手機慢慢揀嘢食 主要返醬油燒、麻辣燒同蜜糖燒 仲有刺身同甜品推介:燒菠蘿 真係好甜又多汁 忍唔住叫咗2份🍍🥹👍🏻炸雞軟骨 粒粒都炸到金黃酥脆 份量亦都好多 配啤酒一流😋👍🏻醬汁燒金菇肥牛卷都好惹味仲有燒翠玉瓜、雞腎、牛舌、京葱雞肉、牛仔骨⋯ 樣樣都好好食 價錢都唔貴 十幾蚊都有交易 不過相對份量會少啲 另外仲見牆上推介$1甜蝦同埋三文魚刺身，仲有花甲粉，下次會再黎試下🫶🏻甜品就叫咗菠蘿雪葩🍍超正😋