串燒陣

營業中

休息中

收工旺角行街 上網見到有間串燒食就試吓一入到去見到鋪頭唔大 呢位小店冇乜人食點知已經爆滿人 睇完Menu發現價錢好抵食！🍲錫紙燒麻辣蒜蓉花甲$58冇諗到份量勁多 最少有20粒 落重蒜蓉 超級野味 好彩戴口罩如果唔係驚食完臭親人🤣🍢蒜蓉燒大大茄子$38又係面頭勁多蒜蓉 每啖茄子都勁多蒜蓉包住 勁香口🍢蒜蓉燒原條魷魚$38好少何見到係串燒魷魚 平時都係得啲魷魚鬚 所以成條食落去啖啖肉而且唔會燒到好乾 依然有肉汁🍢燒牛舌$38平時食開都係得兩粒 呢度竟然有三粒 超抵食！🍢燒雞軟骨$18🍢燒五花腩肉$28🍢燒肥牛金菇$28同出面食到嘅味道水準一樣 但係價錢比其他地方更抵！🍢燒娃娃菜$18🍢燒韭菜$18勁鍾意叫菜類 因為勁吸味 而且非常爽口 最後重複再落單🍢燒菠蘿$20食串燒最尾一定要食燒菠蘿 因為勁甜勁多汁😋下次串燒都一定會食返呢間因為平好多🤣

呢間餐廳唔止有得食串燒仲有龍蝦仔😳😳香港唔多地方同時可以食晒兩樣嘢一次過滿足我兩個願望正呀☺️☺️龍蝦仔肉質爽口彈牙我哋揀咗唔辣但個調味都好惹味🤤🤤呢度啲串燒價錢算平而且每樣味道都好好好值得一試👍🏻👍🏻燒牛舌同燒韭菜係成晚之中最好味係必食推介韭菜冇渣而且好多汁🤩🤩牛舌嘅牛味好濃而且唔會太韌🐂🐂花甲都份量好足冇沙未到幾鮮甜🥳🥳炸燒賣都值得一試香脆得來唔會太乾身亦唔會太實淨🥰🥰燒雞翼同香腸都做到外脆內面多肉汁推介大家試吓🤩🤩

之前同朋友行過旺角見到新開左間串燒店就話要搵日試試佢，終於約左今日黎食！好多樣都想食，叫左好多款式錫紙燒蒜蓉花甲 $58滿滿嘅蒜蓉係花甲上面再加上蒜辣嘅醬汁，非常惹味蒜蓉燒大大茄子$38茄子比外面真係大隻得多，一夾就成條肉都起到，唔會話散晒。而且出面好多時會燒到好軟，呢啲火喉控制得好，口感唔錯流心芝士年糕(2件) $32雖然外層有少少燶但好鬆軟，亦無阻佢入面香濃既芝士一咬就流出黎醬燒豬頸肉 $28望落幾厚肉，但食落唔韌好有咬口仲要好肥美帶點肉汁蒜蓉燒粉絲聖子皇 $58淨係粉絲都夠食飽你，而且索晒聖子啲味，加埋蒜蓉一齊食非常惹味，聖子就大大隻蒜蓉燒生蠔 $32估到30幾$ 係香港都食到咁大隻燒生蠔。燒完仲有好多汁而且肉甜肥美蒜蓉燒扇貝帶子 $32唔算好大個，但勝在質嫩爽口加上蒜蓉非常好地方唔算好大，但食物質素高，好多款式，性價比幾高，會再黎食

放工去開旺角果頭，身為foodie嘅我梗係上網睇吓有咩好嘢食，見到呢間串燒店，啱晒我今日想食啲濃味少少既野所以就即刻起行😎 呢度位置都幾方便，餐廳唔算特別大我去到嘅時候已經差唔多full哂lu~ 所有野都係新鮮整所以都要等一陣不過嚟到嘅時候全部都熱辣辣噴曬煙賣相好吸引🤤一開始上場嘅係香噴噴嘅大茄子🍆份量非常足夠再加埋上邊嗰啲肉粒，食落去濃味啱啱好唔會太乾，太鹹或者太辣，好正👍一串和牛串都有好多粒，入口絕對唔會韌，入口充滿肉汁！再加多少少辣粉就仲好食👍雞肉棒串好鬆軟，咁大舊全部都係雞肉加埋軟骨！抵食之選😎雞軟骨串就保持到水準唔錯啦花甲份量十足驟眼睇都有大約30粒，原兜煮起原汁原味，大大舊花甲肉食落去係滿口既鮮味加好香既蒜蓉，食極都唔夠🤤豬頸肉好有驚喜！外層脆卜卜而入面好juicy，煮得岩岩好保留到豬頸肉好爽既口感同埋香味，食完即刻再encore！雞翼唔會好似出面有啲串燒店咁燒到乾曬，咬落去仲有啲肉汁流緊出嚟，絕對係誠意之作！燒韭菜係食串燒店嘅必點菜式，呢度一串都好大份夠晒兩個人食，煮得啱啱好食落去仲好爽👍今餐都幾有驚喜，下次一定會再試😎

-早排去左同橦大廈食飯 見到樓下開左間串燒店仲要幾多人排隊等位👩🏻‍🤝‍👨🏼👩🏼‍🤝‍👩🏻🧍🏼‍♂️🧍🏻👩🏽‍🤝‍👨🏻一於接埋朋友收工去食 入去坐底 見鋪頭細細⋯都真系full哂📲QRcode落單超多選擇 肉類、麻辣、海鮮、丸類、炸物、麵食⋯⋯撳下撳下揀左勁多款🤣有啲怕食唔哂真係好想食埋芝士撈丁 不過怕當場飽到嘔🤭🫣整體都好正！絕對可以再一戰(⭐️必點食物)💁🏻‍♀️P.S 順帶一提 當日得1個靚仔照顧全場忙到爆炸都見佢無西面既 比啲時間佢⋯/超美味玉子燒法式鵝肝多士燒香卜卜魚豆腐⭐️蒜蓉燒大大茄子燒雞泡魚乾蒜蓉小龍蝦燒日本一口和牛粒醬燒豬頸肉⭐️燒翠玉瓜⭐️燒泰國秋葵蒜蓉燒扇貝錫紙花甲粉燒脆脆香燒賣⭐️⭐️燒肥牛金菇卷燒豆卜....

旺角出名多食肆，五花八門樣樣有，今次被我發現咗一間串燒新開🎊，一於試一試😋🤤。.串燒款式多元化，自然少不免肉類🥩、海鮮類🦪、蔬菜類🍆同丸類🍢等類別，另外仲有炙燒特色類、炸物類🍤、自家製麻辣類🌶同十大必食推介💁🏻‍♀️，價錢亦都大眾化。.蔬菜類🍆揀左燒虎皮青椒、燒泰國秋葵、燒四季豆同燒甜美菠蘿，燒完嘅泰國秋葵香脆感增加，入口爽脆👍，另外燒甜美菠蘿🍍食落清甜多汁，都值得一試。.肉類🥩燒脆香雞皮🐥、燒雞中翼🐥同燒肥牛金菇卷🐮，火喉剛剛好，保持肉質嫩滑，唔會韌！！.最後叫埋十大必食推介💁🏻‍♀️～燒絕味雞軟骨同燒台灣腸，食到好滿足😋。.好味指數：😋😋😋😋4/5推介指數：😋😋😋😋4/5抵食指數：😋😋😋😋4/5.🍽 串燒陣 📍旺角通菜街1號威達商業大廈地下M號舖

✨小龍蝦調味好惹味，而且好入味，剝晒啲殼之後仍然好夠味。✨花甲粉花甲粉我就必食嘅，隻隻都好大隻，仲好新鮮冇沙，粉嘅份量都幾充足，想係串燒鋪食食啲澱粉質，呢個係一個好選擇。✨燒秋葵燒秋葵呢就有驚喜，燒完之後將隻秋葵入邊都好Juicy，聽聞秋葵仲係健康野，食落我都冇咁罪惡感。✨燒牛脷，雞腎牛脷同雞腎都正正常常，外脆內軟，厚度適中。✨燒魷魚燒魷魚我都有驚喜，唔會燒得好乾，岩岩好，仲keep 到有肉汁。✨燒茄子好重蒜味，小小辣，岩晒我口味！食到好飽好滿足，下次再幫襯🤤

串燒真係食極都唔厭，去開旺角買野，經過見呢間串燒店新開，就同朋友嚟試下🥢蔬菜類蔬菜類整體十分新鮮，燒過後也不會太乾🔸燒翠玉瓜 🔸燒虎皮青椒 🔸燒泰國秋葵 🔸燒四季豆 🔸燒娃娃菜 🔸燒冬菇🔸燒甜美菠蘿🥢肉類及海鮮🔸燒安格斯牛仔骨取自牛隻接近胸腹部位，這部位的肉含有非常豐富細緻的油脂，食落十分惹味🔸燒雞中翼每次都必點的燒雞翼，火喉控制的恰到好處🔸燒肥牛金菇卷柔嫩的肥牛包著柔韧的金针菇，令人一試愛上🔸燒五花腩肉串 五花腩醃得入味，食落口感爽嫩🔸燒八爪魚酥 八爪魚酥口感彈牙，外面灑上孜然粉，十分惹味🥢甜品🔸朱古力香蕉原條燒香蕉連皮送上， 質感濕潤細滑，上面加點朱古力醬，為這頓飯畫上一個完美的句號

旺角呢條街好多小店，平日夜晚都間間滿座咁滯！依間串燒舖好多選擇，價錢都好新民。原來仲有小龍蝦食，都好少地方有！叫左麻辣小龍蝦（ $148 ），一黎到已經聞到好香好麻嘅味，啲肉係幾結實有咬口，配麻辣味幾夾。餐廳俾埋手套食，唔使驚食到好狼狽。另外叫左錫紙燒蒜蓉娃娃菜（$38），啲菜切到好幼細，依個方式燒啲菜好淋好入味，好香孜然粉嘅味道。錫紙花甲粉($58)，個湯清清地，幾鮮甜，好多花甲，趁熱辣辣咁食幾正。串燒方面叫咗醬燒豬頸肉($28)、脆香燒賣燒($20)同燒雞腎($18)，燒得好靚，個豬頸肉厚身但都保持到多汁唔難咬！燒賣甜甜地外脆內軟。雞神雖然細細粒，但係都好有咬口，調味恰到好處。想食串燒都試得過！

天氣涼涼地，好想食辣野，我地兩個又去左旺角啦，咁啱經過見到呢間新開串燒，食串燒都好喎。好，坐低睇下有咩好食先。失左控狂點添，全部串燒都燒到金黃色，加上孜然粉和辣粉，超正！燒絕味雞軟骨，燒翠玉瓜，燒豆卜，雞軟骨好爽脆，食落索索聲，豆卜脹卜卜一啲都唔dry。翠玉瓜燒完少左草青味。燒雞中翼，燒金菇肥牛卷，雞中翼啖啖肉，金菇肥牛包得夠實，咬落去唔會跌岀黎。錫紙燒麻辣金針菇，原兜燒原汁原味，個麻辣汁勁正，撈勻金菇食一流。

係旺角行完街，夜麻麻想同朋友搵d小食食下再飲反兩杯，就簡左嘅間新開嘅串燒店。要送野飲第一味一定要叫炸雞軟骨，每粒都炸到好香脆，又夠惹味。之後再叫左小食類別嘅芝士腸、芝士丸同埋燒賣，特別係燒賣燒到外脆內軟，特別好食。而串燒肉類方面叫左五花腩、豬頸肉同埋八爪魚鬆，今次推介豬頸肉，味道好足，燒到裏面啲油花迫晒出嚟，油脂感十足，好正。而食串燒又點可以無蔬菜類，我地叫左虎皮青椒、秋葵同埋四季豆，調味大致相同，會推介青椒，食落小辣好過癮。最後叫多樣錫紙燒蒜蓉花甲，花甲粒粒無沙乾淨，蒜蓉比得超多，亦都好好食。今次叫嘅嘢食全部都好滿意，下次去到旺角夜晚，要食宵夜又有好地方啦！

今日同朋友去旺角通菜街覓食😆經過呢間串燒店聞到陣好香嘅燒烤味🤤所以決定入去食✌🏻-首先非常推介炸雞軟骨雞軟骨爽口 唔會話炸到好乾👍🏻-燒五花腩肉串 醬燒豬頸肉 燒八爪魚鬚五花腩味道甘香 肥潤而不膩豬頸肉肉質爽嫩八爪魚鬚口感爽脆-燒台灣腸 脆皮芝士腸 燒司華力腸 炸鵪鶉蛋串台灣腸咬落去有滿滿Q彈嘅肉粒🙌🏻絕對唔係一般充滿澱粉感嘅腸仔脆皮芝士腸仲會爆芝🧀鵪鶉蛋好迷你 外皮香脆-燒安格斯牛仔骨 燒紐西蘭羊架安格斯牛仔骨充滿牛香羊架肉質軟嫩-蒜蓉燒大大茄子茄子吸滿晒啲蒜蓉味非常惹味

旺角真係唔知食乜好，同行者話想試新店所以帶左佢去串燒陣。 冇諗過又幾高質喎，所以叫咗超多嘢食，一齊攬住個肚走。😂先叫左燒八爪魚鬚，燒翠玉瓜，同燒娃娃菜，試下廚師水準。一食就知係經驗廚師之作，調味恰到好處唔會過咸，火侯掌握亦非常好，咁就可以叫多啲其他野食啦～食肉獸既我叫左燒台灣腸，燒司華力腸，仲有不得不叫既炸鵪鶉蛋，唔係度度有㗎。燒絕味雞軟骨係強烈推介，口感絕佳，佐酒一流。而朋友就最鐘意食燒脆香雞皮。另外仲叫左爽滑多汁既燒豬頸肉，同童年回憶既燒脆脆香燒賣，脆皮芝士腸。爆漿芝心丸記得趁熱食，如果唔係就冇咗拉絲效果㗎啦～

超喜歡同朋友到每一區發掘特色串燒食店今日黎到旺角食#串燒陣 燒澳洲牛小排 $98🐄香噴噴既牛小排一定要趁熱食 上碟已經切好曬 曬岩手殘既我😜每塊都厚肉又爽口 真係燒得超級爽彈沾上少少鹽更能帶牛小排既香味🤤醬燒豬仔髀 $38🐖豬仔髀係油脂較低嘅一款豚肉味就更濃 配埋甜甜地既醬汁 肉質都幾軟綿同埋香口焦脆☺️燒紐西蘭羊架 $45🐏燒到羊架外層脆卜卜 食落好香同埋肉質嫩滑 好味😋錫紙燒蒜蓉花甲 $58🦪蒜蓉花甲分量十分多 花甲肉食落口十分細嫩每隻花甲食落去肉質都十分飽滿小小辣味調味食落更美味🧡蒜蓉燒大大茄子$38🍆茄子好大條 而且燒到多汁軟嫩茄子肉搭配濃濃的孜然粉與蒜蓉 忍唔住再叫多碟🧄店員非常有禮貌 態度誠懇友善服務效率很高 上菜速度快👍🏻📍旺角通菜街1A-1L號舖

最愛串燒，又是串燒，今次黎到旺角吃串燒。新開的店子，係正威達商廈地下，行到最入就見到，地鐵站附近，地點方便。餐牌有好多選擇，價錢唔貴，即叫即燒新鮮熱辣，店子通風做得好好，唔會一陣燒野食味。錫紙燒蒜蓉花甲惹味花甲香噴噴， 好大分好多花甲，一啲沙都冇，新鮮鮮味正。燒雞中翼 燒肥牛金菇卷雞燒雞翼我最鍾意食~雞翼好人入味，仲有少少燒嘅坑紋色香味俱全。紮實嘅金菇肥牛，肥牛包著超級大份量嘅金菇，juicy。燒脆脆香燒賣 脆皮芝士腸 爆漿芝心丸 頂級墨魚丸脆香燒賣唔係度度有，燒賣外皮燒到脆卜卜，本身個燒賣都已經係好好食！芝心丸、墨魚丸都係唔可以錯過㗎。燒絕味雞軟骨 燒脆香雞皮 燒雞中翼 燒肥牛金菇卷燒五花腩肉串 燒虎皮青椒 燒泰國秋葵 燒四季豆 燒冬菇全部都好好食。五花腩先係皇道，燒完唔會好肥膩，充滿肉脂香氣！推介燒翠玉瓜同蒜蓉娃娃菜，配上調味，夠惹味！又搵到一個食串燒嘅好地方。love 🍡🍢