串燒陣

營業中

休息中

之前睇食評見到好壞參半，但我哋經過舖頭見到入面坐滿晒人，所以都決定一試～估唔到幾有驚喜！首先叫咗個好多人都有嗌嘅錫紙燒蒜蓉花甲～花甲都算幾大粒～漲卜卜咁，調味都好香，但又唔會太濃味，覺得幾好食！極推蒜蓉燒大大茄子！！！好大條～個皮冇燒燶，調味勁正！一絲絲咁捲出嚟食真係好正！！勁鍾意～另外我哋仲叫咗啲串燒，串燒上面灑咗孜然粉，食落會比較香口同濃味，剛好我哋點嘅食材本身都唔係濃味，所以覺得同孜然粉勁夾。燒香卜卜魚豆腐，估唔到會咁入味咁好食！燒絕味雞軟骨，去得食串燒一定要叫雞軟骨，好有咬口～風味燒鯖魚，鯖魚算幾少骨，食落去啖啖肉，唔會有魚腥味，想清新啲嘅可以落檸檬汁。燒蒙古羊肉串 ，好香羊肉味，但唔會太騷，我個人好鍾意羊騷味～如果再騷啲就一流（個人喜好）覺得呢度嘅串燒幾好食，會推介俾朋友～

同朋友🧒🏻一齊喺旺角，諗住發掘下新嘢，行吓行吓，見到呢間小店，專門食串燒，我哋都有興趣，咁就決定入去試吓😆「燒韭菜、燒虎皮青椒🫑、燒泰國🇹🇭秋葵」：呢3樣每樣價錢都係 $18，3樣放埋一碟，全部燒得幾香口，仲好似落咗孜然粉😋$38「蒜蓉燒大大茄子」：茄子🍆大大條好多肉，落咗極大量蒜蓉🧄，我超鍾意食蒜頭🧄，好啱胃口😆$18「燒翠玉瓜」、$18「雞肉棒串」、$28「醬燒豬頸肉」、$28「燒五花腩肉串」：呢4樣放埋一碟，「五花腩」同「豬頸肉」都係接近半肥瘦，油份極充足所以非常甘香😋；「翠玉瓜」燒到炭啡色又係好香口🤩$58「錫紙燒麻辣蒜蓉花甲」：又係落咗超大量蒜蓉，非常惹味🤩

依間係我第一次食，我係條街行咗兩個來回先見到佢，環境好一般，但估唔到野食咁好。連燒嘅魷魚都仲係有汁同埋彈牙。撈麵係用辛辣麵，唔會煮到好似麵糊咁，有芝士味又有酸辣味etc花甲粉偏咸，燒物全部都幾好❤️😻可再食

蒜蓉燒大大茄子，個名改得冇錯，條茄子真係好大條，一上枱已經勁香，因為佢係用勁多蒜一齊燒，食落茄子非常淋又多汁，加埋蒜一齊食勁香，佢地係有辣度選擇，我地簡咗小辣，小辣唔算太辣，再想刺激d,佢地有辣椒粉比客人自己加。燒豬大腸，燒到非常脆卜卜，外脆內軟，勁正。川式麻辣燒雞爪，燒鳳爪都係第1次食，一份都幾多，隻隻都好大隻，食落唔算太辣，燒到個皮有少少脆，都幾抵食。錫紙花甲，d花甲都幾大隻，佢地用勁多蒜同花甲一齊燒，食落非常惹味，食到停唔到口。錫紙花甲粉，除咗花甲之外，仲有大量粉絲同金菇，首先飲一飲個湯先，勁鮮甜，d花甲又係勁鮮味。蒜蓉燒原條魷魚，原條燒勁大隻，d蒜真係冇得頂，非常香同惹味，魷魚勁香一d都唔會過火而韌。燒饅頭，呢款幾特別，諗唔到饅頭係可以要黎燒，佢燒到個皮有少少脆，入面仲係好軟，個饅頭味道係甜甜地，但加埋上面d香料又咸咸地，都幾特別。

今日接男朋友放工，約咗食呢一間串燒，地方都幾易搵，裝修簡單舒服。呢度係用app落單嘅所以好方便，我哋兩個都肚餓所以叫咗幾多嘢食：燒韭菜呢一個燒韭菜好入味食到淡淡燒烤醬汁但又唔會比人好油膩嘅感覺錫紙燒蒜蓉花甲呢個應該係佢哋嘅招牌，分量幾大， 花甲好新鮮，啖啖肉絕對唔會有沙。蒜蓉燒大大茄子 我最愛嘅茄子，燒得超好，茄子可以拉絲出嚟，蒜畀得好多爆蒜嘅感覺我鍾意燒雞軟骨雞腎 （各3串）呢個組合好抵食，每串都係十幾蚊，雞軟骨燒得好香脆，唔會淨係得一粒骨，會有肉喺側邊，雞腎彈牙但唔會韌雞肉棒串 雞肉棒啖啖肉，肉質鮮嫩，唔錯蒜蓉燒魷魚呢個燒魷魚係最好食嘅，勁軟綿綿，輕輕咬就咬得開

旺角越黎越多燒烤小店,今次試串燒陣 款式都幾多,價錢合理,揀咗小辣,蒜蓉量勁多又夠香錫紙燒麻辣蒜蓉花甲 ,份量多,每粒花甲都新鮮多汁蒜蓉燒大生蠔,食燒物點可以唔試燒生蠔,大隻厚肉又多汁醬燒豬頸肉,厚切,燒得啱啱好,肉味更香濃,好食燒日本一口和牛粒,嫩滑香口蒜蓉燒大大茄子,必點既燒物,茄子夠肉厚蒜蓉又多,果然唔錯,推薦鍚紙燒蒜蓉娃娃菜,娃娃菜好甜,食下菜解膩燒豆卜,燒到好脆口,幾過癮鍚紙燒小肥牛,份量都多,肥瘦適中QR code落單,有加一服務費,職員友善,最特別系朋友想食燒烤時飲啤酒,職員話餐廳暫時未有提供,但又提我地如想飲啤酒可出去便利店買返店飲

一直好想食燒烤又來了又唔需要上深圳🤭位於旺角嘅串燒陣方便又就腳，可以坐係度慢慢食。鋪面雖然唔大，但係裝修乾淨整潔。👍QR code 落單，方便又快捷。燒茄子🍆燒烤必點👏蒜蓉粒比較細油份唔多，且辣味啱啱好。燒脆脆香燒賣$20一共五粒，外面椒脆，內裡煙韌，亦🈶️談談嘅椒鹽味，亦唔會太熱氣。芝士年糕$32必點🫶裡面的全部都係芝士、一咬落去全部流心芝士⋯炭燒豬頸肉💰28肉質有啲幹比較硬身，但係整體味道唔錯。 燒一口和牛粒💰38和牛肉肉質嫩滑，和牛火候控制得啱啱好。錫紙燒麻辣蒜蓉花甲💰58花甲份量都頗多，蒜蓉磨得相對較細，整體味道唔會太辣。

好味指數：👅👅👅👅抵食指數：⭐️⭐️ ⭐ .5 回頭率指數：⭐ ⭐ ⭐ ⭐️呢間串燒陣睇個門口覺得有啲保驚驚地中伏，但食落有驚喜！蒜蓉燒大大茄子 $38👍🏻 蒜味超入味！👍🏻 夠淋，索晒燒烤汁嘅味！川式麻辣燒扇貝 $32 / 隻👍🏻扇貝新鮮！爽口！👍🏻 估唔到都幾大隻👍🏻 超濃蒜味，好啱我口味😋😋雞軟骨（6串）$88👍🏻 肉同軟骨比例啱啱好👍🏻 濕度岩岩好，唔會過乾🥲 我鍾意多粉，但佢唔係落勁多調味，變左冇咩味，鍾意淡淡地味嘅人啱晒炸鵪鶁蛋串 $20👍🏻 冇咩地方有得食鵪鶉蛋串👍🏻 炸得岩岩好，鍾意食鵪鶉蛋嘅你一定要試！麻辣海蜇 $35👍🏻 份量夠多，唔係得一兩條👍🏻爽口🤧唔係好夠辣燒脆脆香燒賣 $20🤧燒得太乾，少少overcook 燒雞泡魚乾 $45👍🏻 好特別，好啲似厚嘅魷魚乾👍🏻好岩配酒飲總括嚟講，串燒陣每樣野都好唔錯，價錢中等， 好值得去試下，佢嘅質素唔會比日式果啲差好多😋💓 因為果度冇賣酒，佢可以比你自己帶去💓 服務好好👍🏻 我地誤會左叫錯餸，佢幫我地整多次🥹

今日發掘到呢間又抵食又好食嘅串燒店，我同朋友食到好滿足😍<超美味玉子燒>、<燒豆卜>、<燒甜美菠蘿>、<燒翠肉瓜>大力推介玉子燒！燒到有少少燶邊，好香口🥰燒菠蘿一啲都唔dry 🫶🏻翠肉瓜都keep到juicy!<甜蜜蜜一口蕃薯>、<燒頂級墨魚丸>、<燒四季豆>一口蕃薯好過癮，食落煙煙韌韌。墨魚丸好彈牙，仲要燒到脆身😍<燒香卜卜魚豆腐>、<燒雞腎>、<炸鵪鶉蛋串>、<燒韮菜>第一次食炸鵪鶉蛋，好邪惡！送酒一流！<燒娃娃菜>食咁多肉，要食啲菜balance下🤓燒得好入味😍

上openrice見旺角串燒有得book位，又算多人like，就book位試試！一入去個環境就比較細同埋係舊d，同埋已經係用手機落單，都好方便。不過佢款色都唔太多，尤其係牛都係少款色。有個好大既問題係店面好多小昆蟲不停飛來飛去，打死一隻又有一隻手機Ordered左15分鐘左右，首先上左個茄子🍆其實呢一個係好食，又juicy唔會乾水，蒜蓉都好多，好入味。整體性價比係高。之後就都係大家介紹既蒜蓉蜆，味道都濃，不過係調味重。同埋有沙，應該係處理吐沙程序唔全面。以下既野食都係食左少少先記得影相，實在有小昆蟲飛來飛去，會好想食哂先菠蘿係好甜，不過”渣”多左d墨魚咀彈牙，都唔錯牛舌太多調味料，肉質都一般羊肉串都係調味料整體其實食物質素係唔差，不過衛生問題係真係會好影響，見到隔離枱都不停係到打死d昆蟲仔，呢一樣野就真係太差。

我同朋友最鐘意食串燒🔥🔥🙈經過旺角，開咗間食串燒餐廳，咁就一於去試吓❤️❤️❤️❤️❤️❤️餐廳款式都幾多，雖然佢好似好隱蔽，但係都勁多人去食🤣🤣🤣🤣🤣🤣我就最鍾意食燒粟米同埋燒韭菜，火候剛剛好👍🏼👍🏼👍🏼👍🏼👍🏼👍🏼👌🏻👌🏻另外新鮮嘅海鮮，亦都唔錯👍🏼👍🏼👍🏼👍🏼👍🏼值得一試啊🔥🔥🔥🔥🔥價錢亦都好相宜👍🏼👍🏼👍🏼👍🏼

係抖音見到話好食所以黎試下，結果大失所望！清水白烚串燒？1、串燒上台唔熱，微微暖。2、串燒根本冇焦香味，翻開背面根本就係白烚！正面燒倆野敷衍下？3、叫佐2串牛，韌到撲街！燒菠蘿冇甜味，超酸。雞泡魚乾唔錯，其他味道好差。4、錫紙花甲上台唔熱，都係過句話白烚完，然後倒落個錫紙兜撈2野就叫錫紙花甲？同埋我叫嘅係麻辣錫紙花甲，結果上佐個唔辣嘅蒜蓉錫紙花甲，本身就已經唔熱，拿返去撈2野再上台已經凍Q曬。5、尼間野真係平平無奇，食尼間不如去隔離食烤魚工房嘅串燒好過，平靓正！6、返大陸食啲味都唔係咁呀吖？咁難食都咁多人推介，啲人唔通食慣白烚串燒！

今日我去咗串燒陣食飯，整體上感覺好滿意😎餐廳環境好乾淨，佈置簡約大方，令人感到好放鬆。餐廳有好多唔同款式嘅燒烤同串燒，有肉類、海鮮、素菜等唔同口味，每一款都燒得啱啱好，肉質好鮮嫩，海鮮好新鮮，素菜好清爽，真係一試難忘。🤩🤩首先係炸鵪鶉蛋串，個蛋炸到好酥脆，蛋黃仲半熟，串燒出嚟之後，真係好好睇。食落就仲有好多口感，蛋白好新鮮，真係好好食！😝😝而且仲有一啲甜品都好好味，例如甜蜜蜜一口番薯，番薯煮得好軟糯，真係甜得好啱味！🤤🤤🥸🥸燒台灣腸都好好食，燒得好香脆，加上真係好開胃。🥳🥳燒四季豆就好清爽，燒得啱啱好，口感爽脆😃😃其他都唔錯，例如燒脆脆香燒賣，皮煎到好酥脆，內裡又鮮美。燒甜美菠蘿就好特別，菠蘿燒得好軟糯，加上糖霜同椰漿，真係好香甜。燒雞軟骨就好有嚼勁，燒得好香脆，食落啱啱好，真係好好食！🤩🤩

去咗旺角串燒陣食飯店內好多霓虹燈牌好啱打卡同朋友去就啱哂食物款式選擇都多肉類、蔬菜、丸類、炸物、海鮮等等都有價錢方面都好親民 食多啲都唔怕▪️炸黑松露薯條黑松露俾咗超多 仲有沙律醬 味道豐富 餐廳選用波浪薯條 食落有咬口▪️炸雞軟骨 香脆可口 炸到好乾身 雞軟骨好有口感▪️麻辣海蜇 辣度可接受 麻得過癮▪️玉子燒 流心芝士年糕年糕超邪惡 咬落去勁多芝士玉子燒都燒得好靚 味道香甜▪️燒香卜卜魚豆腐 燒韭菜 燒雞腎 串燒好多味粉 好惹味韭菜燒到脆脆地 口感特別雞腎口感爽嫩▪️燒雞軟骨叫咗好多串 個個朋友爭住食口感同味道一流 好惹味呀

串燒陣 Barbecue Kitchen🌟整體: 平民串燒again 每串$1x to 3x 可以用手機落單 種類都算多🏠環境: 木枱咁 又唔會好窄 乾乾淨淨咁 唔似街邊嗰啲串燒店🧑🏻‍🍳服務: ✅☆║．．．．．．．．．．．．．║☆‼️ 燒雞泡魚乾 ✅ 以味醂醃裝後烘乾，油脂清香 送酒好fit‼️ 燒香卜卜魚豆腐✅ 係豆腐加入咗魚做心 多咗層次 不過味道就主要靠 本身孜然粉調味‼️ 燒翠玉瓜✅ 燒得啱啱好 外面少少乾身 內裏依然充滿汁 串燒叫翠玉瓜係冇得輸‼️ 雞肉棒串✅ 就係啖啖肉 雞肉ok嫩 鎖到肉汁‼️ 燒台灣腸✅ 皮脆肉香！肉汁够多‼️ 燒雞軟骨✅ 唔太乾身 軟骨唔會過硬 算爽📍 旺角通菜街1號威達商業大廈地下M號舖Shop M, G/F, Witty Commercial Building, 1 Tung Choi Street, Mong Kok⏰ 星期一至日 14:00 - 00:00☎️ 電話號碼 55419657📷 Fujifilm XE4 + 23mm F2📩喜歡我的文章，可以關注我及讚好以作鼓勵