上野鐵板燒專門店

一個人想食鐵板燒梗係可以啦，今日去九龍城買嘢路過呢一間「上野鐵板燒專門店 」老店已經喺旺角開咗好多年，而且一向以抵食見稱，門口望望餐牌，店員落力招呼，睇中咗邊一個鐵板餐都可以變為一人前，咁就唔幫襯都唔得啦🤣入到店舖見到有個大魚缸，原來海鮮例如龍蝦、鮑魚、大蝦等等都係新鮮即撈，質素保證👍⭐️鐵板活鮑魚套餐(二人前） $ 868 ｜一人前 $ 434人均四百幾，晚市嚟講真係相當抵食，尤其係活原隻鮑魚，大大隻口感煙靭又彈牙，食得出相當新鮮，銀鱈魚皮脆肉嫩，薄切牛肉包住香蔥和蒜，五成熟剛好相當惹味，煙肉黃金炒飯都相當有水準，炒得香口粒粒分明，另外仲忍唔住追加一份鵝肝，超大件可以一開四，煎得外脆內柔潤，配上焦糖多士，非常美味👍👍✨豆腐和風沙律✨三文魚刺身✨鐵板配菜✨鐵板活鮑魚✨香煎銀雪魚✨美國安格斯薄燒✨煙肉黃金炒飯✨日式炒時菜✨活蜆雜菇麵豉湯✨芝麻雪糕✨煎鵝肝 $ 188 （追加）…查看更多

九龍城近年都轉變不少，由以前多數泰國餐廳，到而家有更多的選擇，今次就試日式鐵板燒啦~雙色刺身三文魚加上北寄貝，刺身新鲜肉厚~豆腐和風沙律開胃清爽，食欲大增~老虎大蝦蝦頭膏香多汁，蝦肉爽彈師傅調味出眾~南非活鮑魚牛油香氣撲鼻，食指大動~日本廣島蠔 香煎廣島蠔，外面香脆內裏嫰滑，火喉十足~法國鵝肝油香香滑配上多士，配撘一绝~日式炒時菜新鮮時菜，解油之選清新口腔，對腸胃有益~黃金炒飯 飽肚暖胃，滿滿米香~味噌湯傳統之作，充滿儀式感~甜品綠茶雪糕，奶香細甜，完美結局~…查看更多

逆市下竟能在旺角總店再於九龍城開分店,可見以貼地價格並同時提供著優質食材,是無堅不摧的致勝方法!開場來個新鮮沙律及刺身後,師傅便在魚缸即場拿起南非活鮑魚即席烹煮.鮑魚沾滿牛油香氣,本體質素好,柔軟又厚肉.老虎大蝦巨大且彈牙,師傅更細心把蝦頭分割,讓食客能輕易品嚐蝦頭肉及蝦膏.法國鵝肝油潤厚身,底下更墊上砂糖多士,鹹甜鹹甜減輕油膩.就算鐵板燒必配的炒飯及味噌湯也不馬虎!前者飯粒分明並香口;後者加入蜆肉帶鮮味.雖然餐廳環境平實,但食材與師傅水準之佳,以及一個價錢可有雙倍能滿足的份量,完全是性價比高!🔸ᴛᴇᴘᴘᴀɴ ʏᴀᴋɪ ʟᴜɴᴄʜ ꜱᴇᴛ($𝟩𝟪𝟪 ·二人前）▫️雙色刺身 ▫️豆腐和風沙律▫️老虎大蝦 ▫️南非活鮑魚▫️日本廣島蠔 ▫️法國鵝肝▫️日式炒時菜 ▫️黃金炒飯▫️味噌湯 ▫️甜品 …查看更多

上野一直以平實價位提供高質鐵板燒見稱，今次嚟到佢哋新開喺九龍城太子匯嘅分店，感覺到餐廳這幾年進步咗好多——菜式更精緻，擺盤同味道都明顯提升，愈嚟愈有高級感，而且愈嚟愈值得影相打卡。新店環境比以前更闊落，裝潢走優雅現代風，光線柔和，坐得舒服，無論係兩個人慢慢食定係朋友輕鬆傾偈都好啱。👨🏻‍🍳 師傅都令人印象深刻，感覺係一位比較內向但非常專業嘅人。即使忙住煮，都會主動問吓客人對食物嘅感覺同意見，態度真誠又細心，氣氛好愉快。🍽 今次試嘅限定鐵板套餐好豐富，講幾道最鍾意嘅菜式。黃金老虎大蝦：蝦身爽彈，伴鹹蛋沙律醬，香氣撲鼻，好惹味，即使質感比較飽都會忍唔住食哂。挪威鯖魚：煎得皮脆肉滑，意想不到有咁豐腴嘅魚油，配檸檬汁後更清爽。日本黑毛豬：油脂分佈均勻，煎香之後肉質仍保持嫩滑。美國頂級牛柳：配炸蒜片同香氣更加提升，肉質有咬口又夠肉汁。蟹籽煙肉黃金炒飯：食鐵板燒每次都好期待炒飯，飯粒吸收咗之前嘅肉香，而且非常有鑊氣。 上野呢幾年真係不斷進步，唔單止菜式同擺盤更講究，整體用餐體驗都升級咗。新店環境更寬敞、氣氛更舒適，加上師傅親切嘅互動，成餐飯食得好開心。 喺市道唔易嘅情況下仍然逆市開分店，餐廳都相當有信心同實力。…查看更多

九龍城新開咗間鐵板燒，睇咗餐牌，算係食過嘅鐵板燒中最平，菜式亦好豐富，新開張唔算太繁忙，食得幾自在。木質牆身配合水泥牆，有少少綠色植物點綴，成個鐵板區設計開揚，坐喺吧枱位可以近距離欣賞師傅嘅鐵板表演。裝修乾淨俐落之餘感覺好輕鬆。🥗 蟹棒沙律套餐以清爽嘅沙律展開。🍣 雜錦刺身刺身新鮮，份量好足。🦐 黃金老虎大蝦鐵板燒蝦係亮點，估唔到芝士沙律醬配咸蛋同蝦頭膏炒埋一齊係咁香口，蝦肉厚實彈牙，外層帶少少焦香，蝦膏味濃，師傅好貼心咁問我地會唔會驚太滯，但係因為太香，我地好輕鬆就食哂。🐟 挪威鯖魚煎得金黃香脆，因為火侯同個花都𠝹得啱啱好，魚肉保持到外脆內嫩，香口之餘食到魚嘅油脂，師傅簡單咁用鹽同黑椒調味，配埋檸檬已經好好食。🐖 日本黑毛豬用鐵板燒出唻嘅豬肉能夠好好咁鎖住肉汁，配上冬菇夾住翠玉瓜，清爽。🥩 美國牛柳牛柳厚切，外香內嫩，肉汁豐盈，牛味濃郁，入口嫩滑，最正係配返煎到好脆嘅蒜片，更加香口。🍚 蟹籽煙肉黃金炒飯炒飯粒粒分明，煙肉香氣同蟹籽嘅啵啵口感加埋一齊，最鍾意呢啲乾身嘅炒飯。🥬 日式炒時菜食咗好多肉類，炒菜可以平衡到成個套餐，而且吸收咗鐵板上面肉嘅香味。🍞煎多士原來鐵板燒仲可以煎多士，薄薄地脆脆地。🍮 甜品最後就係軟滑嘅雞蛋布甸。👨🏻‍🍳 食鐵板燒最開心就係望住師傅煮，好似睇咗場表演咁。餐廳水準唔錯，可能始終宋皇臺站比較靜，餐廳唔算繁忙，所以價錢相當抵，想試鐵板燒又覺得香港普遍鐵板燒太貴嘅話，值得試吓呢間。…查看更多