上海點匠滬點小廚

營業中

休息中

小妹同豬去完廟街逛街後，就去咗呢間「上海點匠滬點小廚」食飯😋雖然唔洗等位，但入到去已經坐滿不少客人🙂呢間餐廳以灰白色作主調，裝潢採用簡單設計，乾淨企理～主要菜式包括上海點心、冷盤、麵食、小炒及水煮系列，選擇不少，價錢又唔貴，難怪咁多捧場客😆蕎麥茶🫖茶介$3/1位，每張枱均有壺蕎麥茶，啖啖蕎麥味道👅感覺好解膩及健康之選👍🏻上海小籠包🍞呢款小籠包以蒸籠呈現，一共四個，每個皮薄多汁，重點係雖然每個都皮薄，但夾時係不易穿水😎鎮江肴肉🐖呢款鎮江肴肉共四嚿，每嚿透光度十足，皮色晶瑩，鹵凍透明，加上肥瘦平衡，搭配薑絲和鎮江香醋提味，酸香解膩，口感更佳🤭酸菜爐魚片🐟（不辣）非常大碗😧酸菜夠酸爽，湯頭味道好平衡，酸度同鹹味恰到好處，酸菜魚份量適中😌魚肉非常鮮嫩鮮甜，食落冇腥味且冇骨～粗粉咬口煙韌，配埋配料芽菜，豆卜，粗粉等，每樣食物吸收🧽哂湯既精華，超級惹味😝蔥爆牛肉🐂呢款小菜，蔥香十足，牛肉份量不少，味濃香口，加上用咗爽脆既京葱及香菇🍄‍🟫 成功吊出牛肉既香味，瞬間釋放出蔥香與牛肉香既雙重誘惑🤤牛肉爽口滑嫩，且多汁，忍不住一口接一口，送傻一流，惹味不已😚整體來講餐廳坐位闊落，坐得舒適，而且上菜速度好快

適逢清假嘅關係，又係時候出動搵好嘢食啦😁 呢間上海菜位於上海街，好近佐敦地鐵站，嘢食嘅性價比真係超高！上海小籠包 $42 - 4隻價錢超平，仲要個質素係好高👍 皮薄餡靚！仲要夠晒熱❤️紅油抄手 $48 - 6粒超大粒，個餡好足料，同埋我唔算好食到辣，但係我都食到，呢個真係好好味😍糖醋魚塊 $78 上碟超大份，魚炸得好香口，食得出淡淡足料，酸酸甜甜超惹味瑤柱蛋白炒飯 $88 上碟勁香，一啲都唔會過鹹，仲要鋪滿勁多瑤柱，配埋酸酸甜甜嘅糖醋魚食，好開胃佢哋嘅價錢真係好抵，仲要唔加一！難怪咁多人幫襯😍😍😍

晚上同老友食上海小菜，位於佐敦上海街的上海點匠滬點小廚，見佢哋嘅2人全日供應套餐，多選擇性，抵食又唔錯，就一於叫佢黎食囉。枱面仲有蕎麥茶任飲。麻辣雞絲粉皮，麻辣和雞絲粉皮的拌勻，香口開胃也不太辣，作為開胃菜十分之正。生煎湯包，招牌生煎包一定要品嘗下，包底煎得金黃香脆，咬落好爆汁，肉餡多汁鮮甜。金銀蛋浸時蔬，金銀蛋紹菜，味道調味得宜，還有雜菌同蒜頭，菜煮得夠淋份量又多。花膠雲吞雞，雲吞有4大粒，原隻雞髀皮滑肉嫩，湯內有花膠同紹菜，飲落夠味帶黏口感，紅糖糍粑，炸得香口酥脆, 煙韌軟糯, 非常香口。

叫咗上海粗炒雞絲粉皮醉雞同埋小籠包。上海粗炒勁難食，唔知點解有浸鹼水味，屋企煮都好食過佢。其他食物普通，想好食就唔使黎。但客觀就價錢唔係特別貴同大碟嘅。想喺香港搵到好食嘅，就要睇吓評價先好入去食非常普通非常普通非常普通

Signature xiaoloanbun 上海小籠包 🥯 + $18午市套餐另加嘅一客兩隻上海小籠包確實高質，小籠包嘅皮薄，裏面充滿天然自家製湯汁😋，仲有飽滿嘅豬肉碎，點賣上海黑醋同埋殭一齊食好正，值得推介👍🏻🤍➋ Meat and vegetables in soup noodles 菜肉雲吞湯拉麵 🥟🍜 $50經典嘅上海菜肉雲吞湯拉麵望落去已經非常豐富，裏面主要有四粒脹卜卜嘅大菜肉雲吞🥬🍖、雞蛋絲🍳、補血又養生嘅雲耳片，色彩繽紛🤍➌ Chinese pizza-like biscuits with spring onion 蔥花家常薄餅🍕+ $18另外套餐加配嘅一碟四塊蔥花家常薄餅🫓即叫即煎，夠晒熱辣辣🔥，食落去香脆可口，口感鬆化，仲有淡淡嘅蔥花香，真係幾好食🤍➍ Spring onion oil noodles 蔥油拌麵 🍝 $50大大碟嘅蔥油拌麵性價比好高，麵嘅質感夠彈牙，蔥油🌿香噴噴得來唔會太油膩，旁邊仲有homemade 湯可以送埋一齊食，簡單得來又飽肚，確實唔錯！🤍➎ ➏ Fried milk fritters 招牌炸脆奶 🥛+ $20額外加嘅一客兩件招牌炸脆奶外皮非常

📍 ：佐敦上海街62號地下1號舖📍 ：Shop 1, G/F, 62 Shanghai Street🚗 ：港鐵佐敦站 C2 出口, 步行約4分鐘☎️ ： +852 28023390  鎮江肴肉＄68 Jelly Shredded Knuckle ➠ 水晶凍肉口感清爽，透光度與肉凍比例肥瘦平衡，搭配鎮江醋提味，酸香解膩，唔錯！上海粗炒 ＄78Fried Noodles with Shredded Pork and Mushrooms➠ 經典上海風味，粗麵鑊氣十足，夠彈！搭配豬肉絲、香菇的厚實感與白菜的甜脆，鹹香濃郁。雪菜肉絲炒年糕 ＄72Stir-Fried Gluely Rice cake with Shredded Pork and Pickled Cabbage➠ 年糕軟糯彈牙，「糯而不爛」雪菜鹹鮮開胃，肉絲增添層次感，飽足感強。上海銀絲卷 $28Steam/Fried Silk Roll➠ 外酥內綿，內裡是千絲萬縷的麵香，蘸煉乳好正。 勁有罪惡感

有圖有真相，一滴肉汁都冇的鍋貼，即使咬開咗，倒轉隻鍋貼，都一滴肉汁都冇🤯乾噌噌。我真係從來冇食過一滴汁都冇嘅鍋貼，呢四隻鍋貼仲要$39，計返都成$10。足足等咗15分鐘，以為新鮮出爐好正，點知又乾皮又厚，個底完全唔脆，食完仲口乾。佢係有配喼汁，但唔知愛嚟做乜，因為舊肉完全唔香，基本上冇乜味。基本上食完唔知自己食咗啲咩，只係覺得自己好蠢點解揀咗呢間餐廳😩個心仲有啲嬲嬲地。做到一滴肉汁都冇，真係好難，咁都俾佢做到，真係萬中無一。連最基本嘅鍋貼都做唔好，睇唔到佢其他嘅食物可以做得有幾出色，完全唔會再幫襯！

今日嚟到佐敦，本身諗住摷返上次無食嘅素食店，英文排頭搵極都搵唔到，到搵返嘅時候原來已結業，唔怪得咁難搵返出嚟啦 😂又係隨機搵間餐廳食無上開飯𥄫，知錯了 😅一入面去係卡位嚟嘅，應該坐到四人。搭枱咁坐四人大家都尷尬。咁樣搭法無遮無掩，當初就唔好整呢啲卡位啦，好古怪 🤦。完全係公司嘅問題，唔關啲職員事。排骨擔擔麵、韮菜餃擔擔麵、小籠包、追加春卷、雞絲粉皮。友人話擔擔麵帶酸，我就不確定。淨係知未開始食個湯已經咁杰，食完凍咗仲杰，杰到好似合桃露咁，個麵我食唔晒亦都無興趣繼續食 🤷‍♂️排骨可以另上，韮菜餃又唔見另上 🤷‍♂️，定係我見識少 😂小籠包味道較為正常。春卷都熱焫焫脆嘅。食到咁嘅擔擔麵真係見識見識 👎😒

星期一晚，阿仔話想食砂鍋雲吞雞，就同屋企人去咗呢間上海舖食飯。我哋叫咗雞絲粉皮，小籠包，蔥油餅同埋砂鍋雲吞雞。雞絲粉皮係我食過最唔好食嘅一間，D醬汁又少，又稀又淡，D雞絲又韌，撈埋一齊食咗一啖經冇再食！小籠包就一般水準， 肉質ok，湯汁都夠。蔥油餅咬落香脆，蔥油香同鹹味比例恰度好處，係最好味嘅一樣。砂鍋雲吞雞足料嘅，湯味夠濃，雲吞就淋咗少少，金華火腿太肥，所以一塊都冇食過，雞肉再嫩滑d就更加好。之前都嚟過呢間食，啲嘢食好食啲，今次嘅食物質素比以前差咗！😐

今次搵到一間上海小菜館 驚喜 之前喺門口睇到 有好多 食唔到嘅上海菜 仲要係平民價錢嘅 所以嚟試試 前菜小食小籠包 窩夫 腐皮卷 三絲炸春捲 味道唔勞 非常合適 嘅好開始 主菜叫咗松子黃魚 鱔糊 三杯雞 滷肉柏葉 乾扁豆 另外一個唔知叫咩菜 酸菜大腸 上海粗炒 真係用粗麵唔係用中面添 仲有久違嘅 炸銀絲卷 蔥油肉鬆餅 鱔糊三杯雞 同埋嗰個 酸菜大腸 我覺得鹹咗少少 其他都非常美味 甜品仲加咗個高力豆沙球 嘩 唔甜㗎 好食呀 我仲嗌咗杯雪梨水 都好清潤呀 其實仲有好多餸可以叫 因為我哋今次得五個人 十幾碟嘢啦 所以加唔到喇 性價比高呀 值得去試

2個外賣，收$17外賣錢2個外賣，收$17外賣錢真係不知所謂，生意不是甘做，你有服務，出品好食，幾多錢都冇問題。重要同我講話全部餐廳都係咁。仲要春卷系裏面係淋嘅，回鍋肉啲肉咬唔開，唔好食不特止仲要亂收錢，真係不知所謂有呢d餐廳，點令人留港消費？

我覺得完全唔太似上海師傅做的上海餐廳，每一道菜都和上海菜有一些差距味道方面都只是一般，勝在價錢唔係好貴例如那個上海雲吞雞湯，像是普通家庭主婦在家裏煲的雞湯，其中雲吞味道真的很一般，雞湯超級多人油排骨粗炒的排骨唔係咁惹味，粗炒於今晚算是較為好味點咗小籠包，味道都好一般鹹肉炒青菜都算正常冷盤的烤夫和醉雞，都可以另外那個排骨都算不錯嚟之前見到有評語話侍應們態度好差，今日整體來說，他們也沒有什麼不禮貌的對待

隨意走進的一間餐廳，坐位必須跟佢餐具坐的鋪😅，好死板！跟住坐低咗，點餐時又問我哋飲湯定豆漿，咁咪豆腐囉，以為2揀1，原來湯送，但豆漿要加錢😅，又唔講清楚，只好硬食！之後叫左紅燒獅子頭，酸菜魚，加配小籠包同紅油抄手。首先豆漿正常唔太甜同稀！小籠包同紅油抄手都係唔錯嘅！紅燒獅子頭啲肉太淋，完全無口感，配啲素姑都唔好食。其次酸菜魚啲魚肉又梅又腥，暫時未食過酸菜魚的肉咁難食，成碗酸菜魚中，大概得7-8片魚肉，4片的萵筍片，下面都係芽菜！完全唔掂！應該無下次！

平時行過見到個價錢都幾貴，以為一定都唔差啦，如果唔係唔會收甘貴，今次我叫做一個攤攤面，小辣，返來打開試佐係冇辣嘅，打電話去問：佢話係甘嘅渦，小辣係唔辣嘅，係甘噶，如果唔係，你拿落來俾我睇睇，然後我拿落去就加一d辣椒油俾我。仲態度好差。我心唸咩事啊，你地一開始搞錯，收我58蚊，我都冇話你地（因為之後我自己睇餐牌話佢知，補回差價我）甘都算，而家連個野搞錯又唔認，仲甘態度。體驗太差了。甘都算了，最最重要問題係，真係唔好食，就好似自己拿花生醬自己撈麵，問題係個味道都唔好食。冇一d自己特色，仲收甘貴，唔會再去食。又貴又唔好食，態度仲好似差佢錢甘。真係太差啦！

本身諗住同朋友去食，就打電話去問有冇得book位。得到否定答案後正打算收線，點知就聽到對方係電話到講：「book佢個 X啊」。連電話都態度咁差嘅時候，可想而知堂食服務態度都唔會好得去邊，完全係趕客嘅行為。