上海豆漿大王

營業中

休息中

好耐冇去過屯門晚飯了，突然好懷念中學時常吃的油豆腐拼上海排骨粉絲湯，超正👍👍一坐低 我同友人 諗都唔洗諗就已經知道要叫咩野一輪嘴地叫左好幾樣野食，樓面叔叔仲問「你2個女仔食唔食得晒架」然後我當然亦都諗都唔諗地回答「當然食得晒啦」呢度既樓面 其實咁多年都幾nice 唔錯唔錯我叫左油豆腐 上海排骨 炸饅頭 炸雞翼 豆腐花 豆漿 酸辣湯淨雲吞 超滿足👆足料油豆腐粉絲湯 超夠味，唔怕粉絲入唔到味 因為佢唔會姑韓 永遠放好多好多雪菜/炸菜比你👍👍👍上海排骨 唔知點解 佢可以炸到咁好味 😂😂 甜甜地 點豆瓣醬一流😋其實我一向愛吃炸饅頭 點煉奶 小朋友首選愛吃炸野甜野 就一定要叫😂😂仲有個雞翼 其實我好少晚餐揀呢間野 可能習慣左午餐先可以食呢度😂😂 埋單好抵2個人$1xx咋酸辣湯雲吞水準好似差左 稀左 唔知係夜晚好生意左少料左定係咩呢🙈豆漿 痴飯 係絕配 好耐冇食過 痴飯食味道依舊好味 足料👍

上海豆漿大王係屯門友由細食到大既老店但近年不停加價就真係好少食上星期日經過好多人排隊, 放棄左排隊今星期日終於試左!!栥飯($15)我淨係食呢一間店因為佢整體係「岩岩好」, 好好味!!糯米既軟度, 油炸鬼既脆度配合肉鬆, 加上多配料少飯真係無得輸!!!但比以前失色左少少, 飯多左豆漿味, 其他配料少左, 如榨菜酸辣湯($17), 酸辣湯已溝水 (苦笑)將原本味道溝淡左, 唔酸唔辣, 有好多配料, 用其他配料拎返少少分我叫「姐姐」比多個碗仔我, 「姐姐」好好人咁比多少少4份1既酸辣湯我呢碗係未溝水, 「結」D, 味道當然重返少少, 好味亦多一倍雞翼麵要榨菜($28), 麵既份量多, 雞翼份量少左 (以前有3隻全翼, 宜家得2隻, 仲要好細隻)雞翼真係好好味, 炸得岩岩好, 唔會太「lon」榨菜好爽口, 上海麵配榨菜真係正!多年既老店, 有一定既質素宜家比以前偷工減料左, 但老店的味道還在希望老店可以維持住, 唔好退步好多!

以前成班同學仔上完保齡球堂之後就必黎來到食野，個個叫碟糖醋排骨飯、獅子頭飯，排骨菜飯，加多杯凍豆漿，食完個肚就似足有左咁。最好既就係阿姨，話:仲口渴既去門口自己"針"多杯飲啦。今日無野做，起左身又唔想食快餐就走左落樓下呢間食，叫左個糖醋排骨菜飯，加杯豆漿。因為我成日覺得個飯頗乾身，不過油份頗多，所以我成日都叫佢地俾多一碗仔既汁我。糖醋排骨菜飯，因為撈左個酸甜汁，飯無咁乾身，加上菜飯有小小鹹味，味道一流。排骨由於佢係炸過，雖然上枱已經變暖，個係肉骨都分離到，唔會變一絲絲。至於豆漿，甜味多，但係豆味適中，唔會話太重，好岩我。埋單40都唔洗，食完，真係有左咁。

叫左個肉鬆撈麵&豆漿，再單點左份上海排骨!肉鬆撈麵係甜肉鬆黎，如果乾既話，可以加返少少湯入去潤一下。好甜的我，簡直係一吃便愛上! 超多肉鬆，無諗過甜肉鬆撈麵黎食係咁正!豆漿好香豆味，又唔會太甜!上海排骨好香口，啖啖肉，但又唔會覺得油膩!

晚飯黃金時段加上紅色假期街上所有的餐廳門口幾乎也大排長龍與男朋友一起的選擇也不多因此到了我們也非常熟悉的一間上海麵店平時也會等上5-10分鐘（7點多）今天幸好一到步就有位置了我對這裡的排骨米線情有獨中由中學時期至今也只吃這個排骨與米線是分開的 因此不會因湯底而影響了排骨的香脆口感但是最近的湯底表層都浮了一層油在上面吃完了會想瘋狂的喝水但是也無損我會再來的衝動便宜又大碗 這樣才28元

下午茶到餐廳一試，試左個餈飯加豆漿套餐，20蚊，抵食，豆漿甜味夠但有渣，餈飯即制，沒有特別之處，肉鬆很多，味道可以朋友叫左個雪菜上海排骨面，炸排骨好多油抵食，但味道普通

屯門區內食上海野的食店不多，連鎖的金x 水準參差，上x婆婆，小南館貴得黎又無咩特別，唔係好好食，夏x館中價得黎，性價比不高但可嘗試今次試呢間平民小店，真係好食！早餐/下午茶時段有餐，27蚊就有交易叫左雪菜肉絲 上海排骨麵成日覺得要知一間上海食店得唔得，就要食佢的上海排骨！呢間真係幾得！又鬆又夠味，唔會炸到好乾，不過炸粉稍為多左少少，但整體已經係我食過的比較好食雪菜同麵都唔慳，好大份，無掠水感覺跟餐熱豆漿：最鍾意佢係無糖，好難得！健康晒

當有人問我「屯門有甚麼好吃的?」我總會一臉茫然。搬入屯門都好幾年了, 在屯門吃東西的次數真的只是聊聊可數。約朋友嗎, 我一般都是在市區吃。以前愛在九龍區, 現在就多在港島。真的不想跑出去的話, 可能就是媽媽煮, 或者自煮好了。屯門外食...? 真的考起我了。今晚剛好媽媽不煮, 就抓了家姐出去吃。想起二人都喜歡上海麵食, 就相約下班之後在新墟碰面。上海美美豆漿大王本來開在置樂花園, 後來才搬到新墟這邊。從Vcity 走過來不過是5分鐘左右, 地點也不算隔涉。幫襯的食客都是附近的居民, 大多數坐下、點菜、吃、走, 不過是二三十分鐘的事。五香牛肉上海麵 HK$27既是街坊小店, 份量絕對不馬虎。湯底是普通的清湯, 除了你所揀的餸之外還可以在雪菜和炸菜之中二揀其一。比臉還要大的麵碗之中滿滿的都是充滿了粉香的上海麵! 除卻有粉香, 粗身的麵條也極具咬口, 非常好吃。五香牛肉切得厚厚的, 不硬不韌, 也很不錯。上海雲吞 x 上海燻魚 (小食雙拼 HK$37)怕點得太多麵吃不完, 就點了小食雙拼。沒想到雖然叫做小食雙拼, 那碗雲吞竟然有八大顆。雲吞餡很多, 香得很, 卻不油膩。配上豆瓣醬就完滿了。而

新墟這邊有家年代很久遠的上海小店,不過我還是第一次光顧.這次又是與友人一齊路過去試!店內環境很是陳舊,不論你所見到的枱椅還是食具.目之所及,都有那股歲月催殘過的味道.我與友人各自點了款麵食,其中的款配菜就是這個炸雞翼,由於是即叫即炸的,所以其實是最遲出場.不過炸物亦是其他食客較多點的一款餸菜,不是點炸雞翼就是炸豬排.其實亦不無道理,除了即叫即炸之外,還醃得十分夠味,不會一股雪味的!而且還帶有點點肉汁!而我除了雞翼之外,還點了冬菇及雪菜上海麵底.冬菇不算特別好吃,份量亦不夠雞翼康慨,只有四隻小小的.煮得不算很入味,還好其中一隻較為厚肉,那隻吃得還算滿足.上海麵很有麵粉味,而且份量不少!一碗己很夠飽肚了!友人點了粉絲,其中一款餸是饟豆卜,不過餡料吃下去真的分不出是魚肉還是豬肉,就顏色看來,灰灰的十分似鯪魚肉,不過味道又不像,問問老闆娘,才確定是豬肉.不吃魚的友人才放心吃!不過無論那種肉,味道都只是一般般,餡料又過鹹又少.不過友人更不滿這個糖醋骨,因為不是友人預期中所想的沾滿稠濃醬汁的版本.確實這個是只像是醬油浸骨吧.味道不夠醋香,肉質亦煮得很硬,這樣的糖醋骨的確不吸引.不過友人看到這裏有茶

去附近戲院看電影，還未夠大半小時便開場，襯還有小許時間便索性吃埋晚餐。二人胃口不太餓，選擇速戰速決方式解決，這裡主力小吃加面食類，大大合乎我們的要求。我們坐於4人枱位置，選擇面對面坐，另外有一位客人是搭枱的。這兒是舊式裝修，簡單而直接，枱面上除了供應筷子餐具和醬料外，沒有多餘的物品。餐牌更加簡潔，沒有多餘形容詞，令人清楚明白！先來鍋貼（3隻），簡單的包法配以豬肉餡料，皮不算厚，大大隻頗有咬口，不過嫌油膩點。有人要食雲吞，順便要個雙併，多樣餸價錢不差遠。雪菜肉絲雲吞加糖醋排骨面，店員會問你要雪菜/炸菜？配以4大隻菜肉雲吞。其實一人很難k.o一大碗，上海面偏幼身，彈牙爽口！而糖醋排骨比小妹想像中淋好多，係好淋好淋，一咬即散，根本不用的，無牙的吃這個一流！可能太淋的關係，小妹不太喜愛。飲品選擇偏少，除了罐裝汽水外，小妺選擇飲碗熱辣辣的熱豆漿，用上黃色大碗盛著，喝起熱辣有豆香，但粉味偏重，飲完一碗都很飽肚，若感太淡可自行加糖，因為熱豆漿是沒加糖。簡單的一碗雙併面加小食和一碗飲品就是我們的二人晚餐，幾十蚊埋單很划算！夠鐘了！準備入場。

以前屋企住係附近,爸媽好喜歡帶我來食.我都喜歡食呢到的栥飯,就算人大了,我係外邊搵唔到比呢間好食的....呢日係凱都睇戲,我即刻忍唔住過對面呢到買個栥飯食下好好彩我去到唔多人,所以個呀姐肯即時整新鮮既栥飯比我,我覺得即整既好食好多栥飯入面有榨菜,肉鬆,油炸鬼,味道岩岩好唔會太鹹,同我細個食時完全一樣冇走樣到雖然比起以前佢貴左好多,但真係好味.

今晚我倆公婆陪百厭仔睇戲, 咁就早啲出新墟食埋晚餐先入場. 嚟咗戲院附近嘅呢間食店. 上海排骨麵(炸豬扒) $27.00--豬扒分開上避免浸林, 脆漿唔厚, 豬扒夠林又入味. 係隔油方面差少少, 入口頗油膩. 上海雲吞麵 $25.00--上海麵唔會過林, 雲吞餡料係白菜豬肉, 清清地味道唔錯. 鹹豆漿 $11.00--ok啦 即煎鍋貼 $14.00--入口熱辣辣, 味道唔差, 都係略嫌肥膩. 豆漿兩杯 $7.00一杯--唔太甜有豆味. 為防百厭仔倒瀉及方便他飲用, 職員細心地替他那杯加上蓋及飲管, 要比個讚呢! 埋單$91.00

屯門地區, 名店水準餐廳可以說是近乎無。剩下來就只有連鎖式的冰冷冷餐店, 或是一些街坊式食肆。然而在新墟地區, 這家豆漿大王可算有些歷史。相信也有不少在屯門長大的朋友多少也曾與它有過些歷史吧, 餐廳已排骨菜飯掛帥, 配有酸辣湯, 豆漿等多樣街坊式的小食。酸辣湯底粉, 湯底有點稠, 木耳淋軟而有點點爽, 豆腐條切幼, 提高口感。醋香還好, 不過辣味不足, 整體味道略淡, 作為湯底還好。湯粉用的是上海麵, 但煮得較淋, 拉起時易斷開, 質感差一點。配上的是一個上海排骨, 即係炸豬扒。炸漿不厚, 外層有吉列脆口, 香口而惹味, 試問哪有不喜歡?! 不過豬扒肉不厚, 咬下質感及口中覆蓋感不足, 而且口味較乾, 不過也算可以吧。

上海豆漿大王以前學生年代成日幫襯食栥飯....但出黎做野之後太多機會試不同餐廳, 已經好少幫襯,今晚冇煮飯, 同老公買左外賣番屋企食...可能行番屋企都要差唔多10分鍾, 入面D麵已經浸/焗到淋晒.....堂食會好D酸味比辣味多! 正成碗都係料, 雲吞大大粒, 好足料, 好飽個排骨其實即係薄既炸豬扒...好好味, 雖然係炸, 但一D都唔減, 冇乜味精粉....個麵又係衰在淋晒....我覺得佢豆漿大王係幾好味...但又未至於正到要推介比人..所以....我會比笑面與OK之間...咁....我都比個笑面佢啦, 始終都叫做價廉物美既...

平時看完戲都係吃米線，今次就轉轉口味，行去對面吃上海野，炸獅子球菜飯，獅子球應該番炸過，所以不太好味，幸好菜飯好味，酸辣湯菜肉餃米線，酸酸辣辣好好味，內裡仲有木耳絲，豆漿加雞蛋，都好耐無見過，整碗先…回味下…店內地方不大，但人來人往，豆腐花好早賣哂，唔通真係咁好味。