上海老家

營業中

休息中

又去到大角咀尋找美味小店好想食上海菜所以又嚟呢間上海老家木系裝潢 好古色古香座位寬敞 環境舒適一坐低就送上一壺茶茶位 $10@燻魚擔擔麵 $70燻魚炸得好香口 外酥內軟 甜味重 味道濃郁 份量好夠擔擔麵辣辣地 芝麻味香濃 大大碗好抵食 味道濃厚的呢唔會油膩燻蛋 $15特登嗌咗個蛋嚟送擔擔麵😆 隻蛋好有驚喜 食落有好香嘅煙燻香味 蛋黃橙黃色好靚太白醉雞 (例) $75醉雞嘅花雕酒味好香濃 雞肉肉質夠晒嫩滑 回味無窮上海炒年糕 $78呢個年糕真係好抵食大大份有年糕 白菜仔 蘑菇同埋肉絲年糕好煙韌 煮得好入味青島 $25食上海菜就梗係要飲埋啤酒啦兩個人食咗大約300蚊 大份又好味性價比好高

📍#老屎忽係大角咀#oldszefood #老屎忽 #老屎忽食飯 #老屎忽搵食 #老屎忽都要OT #大角咀🐟順嫂魚羹 ($118)朋友唔食得辣，所以叫咗一個唔辣既湯羹黎飲。入邊都好足料，有豆腐粒、雲耳、蛋花，仲有唔少魚肉。加埋少少胡椒粉吊味，好飲😋😋🐟五香燻魚 ($65)個薰魚味道香口，好重魚香味，加埋佢個 汁，食落十分開胃😋🥚燻蛋 ($15/隻)鍾意食半熟蛋既朋友一定要試下，流心蛋黃食落真係口感一流。🥢上海炒粗麵 ($78)最緊要色香味要夠，炒得好香，同埋配料都好足，唔係度度都食到正宗既上海粗炒

大角咀超抵食地道上海菜🤍-👀沒有立場資訊-🍲酸辣湯(小) ($68)比想像中大碗，酸同辣嘅比例啱啱好，濃稠度適中，裏面仲好足料🫶🏻彈牙嘅蝦仁，爽口嘅木耳加上口感滑嫩嘅豆腐，酸酸地，啱晒夏天食😋不過如果唔係好食得辣嘅朋友可能會有少少辣！🦢脆皮素鵝 ($68)素鵝嘅皮真係好似菜名一樣咁脆🤣而且腐皮完全唔油，食落好香，加埋豐富嘅內餡，包括冬菇、蘿蔔等等，食落口感幾豐富🫣老實講小編冇乜點食過素鵝，但係都忍唔住一舊接一舊咁食😛🥟紅油抄手($68)蒜蓉味好香，味道亦都唔會好辣😋而且啲抄手皮薄餡靚，入面嘅豬肉餡食落好夠鮮味，亦都唔會好散🥰不過個人覺得可以再濃味多少少~🍜四川擔擔麵 ($50)呢個價錢來講真係超級抵食…一拎到上嚟小編同朋友都呆咗，因為真係好大碗😂湯汁夠濃郁，啲麵可以掛到湯，而且飲落好香花生味，麵底夠彈牙，個人覺得真係必試！餐廳嘅裝修好有典型嘅中菜餐廳感覺，餐牌上面嘅食物都好吸引，最重要嘅係價錢同埋味道都一流，幾值得一試！味道 8/10服務 8/10環境 8/10回頭率 8/10總評 8/10😙🤍人均消費 $150💰-📍 上海老家大角咀中滙街61號地下#米食奥運 #米食大角咀 #米食中菜

聽講大角咀呢間食上海野好正既，今日咁岩行經附近就決定試試佢。入到去環境幾好而且個場唔爆，入到去即刻有得食。前菜我地叫左個醉雞，食落ｄ雞肉都有陣酒香，食得出唔係就咁將ｄ醉雞汁淋上去咁簡單，而係有過夜浸過既。像肉質幾鮮嫩而且冇乜骨，賣相亦幾好唔會散收收。跟住我地叫左兩個小菜，分別係油豆腐粉絲湯同埋上海粗炒。個粉絲湯既餸菜幾足料，好多舊豆腐，同埋有少少白菜仔咁，味道唔錯。個上海粗炒雖然望落同其他餐廳冇乜分別，但個人覺得冇出面咁咸，同埋食完都冇口渴既感覺，呢個值得一讚。其實仲有好多野想試（尤其係炸饅頭，見到隔離位食勁吸引，個皮好黃金同埋新鮮炸起！）但可惜今日得兩個人試唔得多。但總括黎講呢度d食物質素真係唔差～可以再一戰！

最近係附近開完會無意中經過呢間上海菜館，睇menu幾吸引就入去試下，Overall都真係有驚喜同高質，而且全部小菜都係即叫即整，聽老闆娘講廚師全部都係60+嘅「小朋友」，鑊氣同經驗爆棚！推介比大家～🔸黑醋小排骨 $138黑醋汁調味岩岩好，酸甜適中，排骨肉質鮮嫩，非常推介！🔸肉沫炒粉絲 $88非常推介呢個菜！類似螞蟻上水，小辣，超惹味！我同男朋友每人食咗兩碗🤣！🔸干鍋椰菜花 $108上菜連埋熱辣辣嘅鐵鍋，超香超惹味，唔會好辣但好重花椒香味！🔸蒿荀涼拌海蜇 $60爽脆前菜之選～海蜇份量好多，抵食又好食！

上次同朋友食過呢間上海餐廳，好食，今次同老公再嚟過食lunch，質素一樣咁好😋 佢既Lunch 客飯真係好抵食，每個客飯都係$55 ，性價比超高宮保雞丁客飯雞肉炒得好香，辣度啱啱好，豬肉一啲說味都冇，配埋啲腰果同翠玉瓜，送飯一流勝瓜炒鮮魷燻蛋呢個蛋做得好出色，蛋味好香，蛋黃非常流心，我好鍾意成日流心蛋，呢個蛋真係做得好出色（x2)😆脆皮素鵝呢個素鵝上次都食過，好好食，所以encore，同上次一樣，素鵝既外皮煎得好脆，裏面都好足料炸饅頭好耐冇食過炸饅頭，呢間啲饅頭炸得好好，入口唔油膩食完後，老公都讚話食物100分😆😆晚巿都有好多選擇，鍾意食中菜嘅朋友值得一黎

呢間餐廳主打上海菜 佢地嘅午市套餐真係夠哂抵食🍴如果經過想食個平靚正嘅午餐都幾推介😚.📌豆沙窩餅 $78呢個豆沙窩餅煎到金黃色 食落外脆內軟 好香口🥰豆沙蓉 甜度啱啱好 甜而不漏🫘.📌欖菜肉碎炒飯 $60炒飯一上到枱就香噴噴 飯嘅顏色好均勻 好吸引🥰炒飯加左欖菜、肉碎同埋蛋去炒 面頭仲有好多蔥粒🍚成個飯食落去好惹味😝雖然味道好好 但係個飯就有少少油同埋未炒到粒粒分明🤏🏻不過個飯勝在大大碟 兩個人食都夠😂.📌咕嚕肉飯 $55咕嚕肉酸酸甜甜 好開胃🐷外面炸到脆脆地 不過肉質就有少少鞋🤏🏻好彩佢有好多舊 價錢都算幾平😜平時咕嚕肉都係配三色椒🫑呢到就特別啲加埋蕃茄 不過整體味道同平時都差唔多🍅.📌陳醋木耳 $50木耳食落幾爽口 但個醋味係鹹鹹地🤣同平時出面食開嘅甜甜酸酸或者辣嘅木耳有啲唔同🫣.📌例湯例湯飲落好有家嘅味道🥣味道好清甜 冇味精味😋

雖然大角咀一帶新樓越起越多，但仍然仲有好多舊樓，正正就是小店的棲身地。位於舊區位的餐廳主打老上海食物，裝修有”老家”的味道。眾多上海小菜可以選擇，雖然叫老家，但QR落單一點也不老。太白醉雞 $75酒香濃濃，浸着滑嫩的雞肉，非常入味，而且雞肉香滑。炸饅頭 $30饅頭金黃，外脆內軟，油膩感不強，煉奶絕配。紅油抄手 $68餛飩飽滿，紅油蒜泥香味撲鼻，開胃又好吃。肉沫炒粉絲 $88清爽柔軟，熱辣辣有鑊氣，肉碎蔥花加上辣味，夠晒惹味。

上海老家中菜餐廳套餐 $288拍黃瓜醋加蒜頭，好入味，脆口，掛到汁，開胃冷盤小食！粟米魚肚羹好味足料，好多粟米粒，好甜。加上蛋花同魚肚，有口感有層次！唔會太稠，口感嫩滑。糖醋魚塊魚塊足料，好多舊！入味但唔會咸，加上帶少少酸既菠蘿，都好有層次。送飯一流！清炒時菜 - 小白菜有鑊氣，菜新鮮脆口，加上蒜味，香口唔會太油。下午茶優惠 - 四川擔擔麵 $28咋！！大角咀中滙街61號地下星期一至星期日11:00 - 22:15

由於要拎架車去整，咁等過程中見隔離有間上海菜就入去食過early dinner 啦。入到去已經感覺好似好傳統，但點知原來好方便好先進，用QR code 落單。我地2個人簡簡單單叫左幾樣野，出奇碟碟都好啱口味，又大碟又熱辣辣。紅燒茄子$88夠鑊器，茄子外入面有筍絲，冬菇同五花腩，好足料。糖醋魚塊$98唔會太酸，唔太油，魚塊又脆，但入面仲keep到魚好軟熟。排骨擔擔麵$68排骨唔油，肉質ok。擔擔麵充滿花生醬，麵質彈牙，每條麵都沾滿湯，湯底少少辣，但我唔食得辣都食到，仲忍唔住飲左幾啖湯。陳醋木耳$50好入味，木耳好爽口，全碟好快ko。埋單$3xx,合理PS: 見到牆上貼左海報，做緊下午茶優惠 四川擔擔麵特價$28（原價好似要$50），好抵👍

#家的感覺我都幾鍾意食中菜，有好多瓜菜感覺好健康。呢間餐廳好有返咗屋企嘅感覺，開住電視📺食住家常小菜。而且食物唔會重味精，係屋企菜嘅感覺🥹🌟醬爆雞丁$88份量好足，炒得幾好味雖然好大碟但最後都清晒！😆😆🌟雲耳山藥炒勝瓜$78健康又好味🌟燻蛋$15送飯食一流😋🌟酸辣湯$68好足料呀,而且細嘅都咁大碗,辣辣地酸酸地好開胃🌟白飯$15一碗茶水$10一位茶幾好飲👍🏽10%服務費平日星期一至五食下午茶仲抵!!擔擔麵$28一碗🤩下次試吓先

🌶四川擔擔麵 食得太多港女Cafe，偶爾又會想食下啲重口味小菜😆本身晚市價錢已經好抵，如果想再抵啲，可以下午茶嚟食，$28就可以試到碗擔擔麵🤑湯底非常濃稠，花生香味突出而帶少少甜味😋就算影完相，啲麵條都依然保持爽口彈牙，食到尾嘴邊唔會覺得油膩🤩值得Encore🎋油炆荀非常經典嘅一道上海菜⭐️作為餐前小食好適合😙零荀臭味！ 💥 脆皮素鵝係我同屋企人好鍾意嗌嘅上海餐前小食😛一啖一件啱啱好，素鵝卷餡料非常足😋有滿滿嘅冬菇絲、蘿蔔絲木耳絲🍆紅燒茄子雖然賣相普通，但係成日都覺得呢啲菜式係屋企真係整唔到，所以就特別想食🤪每條口感都好香淋👍

價錢算係中等價錢，吾係平民價，但佢個格局加上茶芥要10蚊，仲要加埋一，差唔多成舊水俾左依啲雜費💰💸，感覺好吾抵！如果自帶酒水80一枝，蛋糕一位十蚊個獅子頭啲肉又散，楊州炒飯（好似88蚊一碟未計加一）食到有筋😰饅頭同酸辣湯就吾錯嘅！但700蚊埋單我就覺得吾太抵食。其實吾係話叫左好多野食依個價位有更加多好選擇，又係因為op太多好評所以先黎試，點知食完我地全部都覺中伏，真係吾值依個價錢，吾明點解有人話係平民價😂

放工食飯通常都偏好食小菜類，上海菜亦不失為一個好選擇！最近熱力逼人，一定要叫一份涼拌平衡心理😂陳醋木耳分量十足，上枱時微涼，唔算太酸但足夠開胃👌🏻醬爆雞丁好岩送飯，咸香惹味，除咗雞粒同翠玉瓜仲加埋香菇增加口感👌🏻奶油津白軟硬適中，唔怕食菜咬到索索聲，口感creamy👌🏻仲比我發現左一個獨特食法！加入擔擔麵一齊食令湯底更柔滑👍🏻擔擔麵每人都分到2-3小碗，花生味雖然唔濃但勝左湯夠掛麵，都算香濃👌🏻下午茶仲有優惠😮價錢正路，每樣都份量充足，幾岩家庭去人多share!

最近同朋友一直搵緊D好食既上海菜，所以都周圍去試下上海餐廳。黎到呢到，叫左個陳醋木耳醒下胃先，又幾好食! 有時有D餐廳一用陳醋就搞到好酸好酸，呢到又唔會，仲有少少蒜味，所以食落好開胃。燻蛋係第一次食，原來仲可以配少少椒鹽係上面，蛋黃仲有少少流心感。糖醋乜乜基本上係我去親食上海野都會叫，排骨就食得多，今次叫左魚塊。舊魚好滑!!!!出面仲係少少脆，糖醋味道岩岩好，少少甜味同少少酸味，好岩用黎送飯食。雪菜肉絲炒粗面好大碟，仲有另上豆瓣醬，鐘意食辣就可以撈埋，我同朋友都係重口味人士，所以就撈埋辣醬。個炒面好足料，雪菜肉絲好大堆，基本上係可以每條面都沾到醬，粗面本身都有調味過再炒，而且好有咬口，食完呢個都幾飽下。而家仲有下午茶優惠, $28 有擔擔面都幾抵食，下次下午茶時間黎試下先！