上海珍珍排骨麵

營業中

休息中

在此食過幾次, 每次都是排骨併其他食物.上海排骨(即豬排), 招牌菜, 即叫即炸, 外脆內軟, 味道確是美味.魚付腐皮卷, 魚付很好味紫菜腐皮卷, 夠香脆牛腩, 夠味菜肉雲吞, 相對普通, 比較淡味時菜, 只得一款, 傳統上海大白菜, 不過都好好食基本上, 所有食客都是叫上面那幾樣, 質素平均兼好食.

已經食過兩次珍珍上海麵真係好好食.上海排骨+魚卷好好食,紫菜腐皮卷都好好食.不過都幾油膩.可以因為樣樣野都係炸既.不過整體都好好.會再去食

一個人食晚飯，就０黎呢度（貪唔使等位）特價餐：榨菜煎豬扒上海麵＄２１（榨菜份量好少，得幾條；豬扒大大塊唔錯唔錯＾＾）食完唔夠喉，再叫個炸雲吞（雲吞味道一般喇，我一邊食一邊狂加至愛的紅醋，雖然老闆娘睇住我差唔多用哂成樽紅醋唔多ＬＩＫＥ．．．）

聽說這店的上海麵味道不錯,所以一行三人(自己、媽媽及姪女)進內用餐。雖然己是下午2時多,但店內依然人流不斷。由於店小而人多,在我還未想到點什麼食物時,侍應已不斷催促我落order,因此我根本沒有充裕時間細看餐牌,便匆匆點了一碗牛腩雲吞上海麵、一碗排骨魚腐麵及2杯豆漿。兩碗上麵特色不顯著,其菜肉雲呑幾大粒,而且饀內的菜是以白菜來包,其菜與肉分佈幾均勻;而牛腩煮得夠"淋",所以老與少都容易進食,口感也不差,但還欠一點味道。另一碗麵的排骨在上枱時已浸在湯麵內,所以吃不到炸排骨的的"鬆軟";而其兩三條的魚腐就更為普通了。而湯底方面尚算ok,起碼沒有太濃烈的味精。店內坐位很狹窄,食物選擇不多,但其辣椒粉真的不錯,不用每每想吃辣時只有辣椒油一種選擇那麼單調。

上海排骨牛腩雲吞麵--上海排骨即係炸豬扒，三拼既豬扒份量係比單拼少，豬扒算係即炸，只係暖暖地，但都叫脆皮同夠林身，調味亦夠味。驚喜係牛腩用坑腩，夠林，味濃，連湯亦帶牛腩味，唔算好多調味，簡單食到牛肉味，好。雲吞係菜肉雲吞，有四粒，同某牌字的上湯菜肉雲吞好似，唔會散收收，食落都唔錯。仲有要讚係佢地有齊泰國辣椒粉同蒜容辣椒醬，既晒食辣的客人。

上海麵湯底好多味精.得個咸字.炸豬扒真的是幾好食.上海麵煮得唔夠透,比較硬左少少.見人地食飯好大碟.細食的可以兩個人食.上海麵就一個人份量剛剛好.<br />雪菜同榨菜肉絲煮得唔夠入味. 一味只係靠湯底夠咸.但以這個價錢都唔算貴.食物都唔好咁高要求了.最得就係間鋪入面d冷氣好勁.枱枱坐滿咁多人.食完都唔覺熱.

食物種類雖不算多,但各有特色!!<br>味道也不錯!!<br>雖然侍應略為冷淡...

以為開o左「淮揚麵」會多一個選擇，點知都係唔駛揀，都係「珍珍」最掂。叫得上海珍珍排骨麵，排骨當然最耍家，排骨醃得入味之餘，炸得又香口，食落仲鬆軟，唔會炸到「乾憎憎」，更難得係即使浸腍o左，風味依舊，仍然可口。除o左排骨掂外，雲吞亦係強項，隻隻都好鮮味，所以首推「排骨雲吞麵」($28)。雖然係上海麵，麵都唔會太腍，仍然有咬口，正！另外，雞球、菜膽、冬菇，都係水準之作，可以逐樣試勻。唯一美中不足o既係店內無菜飯供應，只有白飯。而舖面亦較細，經常滿座，晏晝最好兩點後先去。