上海榮華川菜館

營業中

休息中

平時在觀塘見客都只留在地鐵站附近， 最近先知原來有間隱世川菜小店！這間上海榮華川菜館 原來已在觀塘數十年，年紀都大過我😆，始於1975年，見證住觀塘發展！但人情味仍在，而且廚師👨‍🍳廚藝好，菜式仍保留風味，今日幫襯完都覺得下次要再來呢！我們下午時來幫襯的二人餐只係$258便有湯有配小菜兩款連白飯！更有特色的八寶茶！招牌菜式我覺得確係必點，特別係時菜獅子頭 ，出面比較難有，煮法用心，入味又好味😋另九王饍糊，新鮮惹味，順飯一流！加上湯品都配料十足， 我和同事都食到好飽，最後一讚八寶茶 ，是天然菊花、紅棗等花茶製成，十分清甜，夏天天氣炎熱飲咗好舒適的感覺！

觀塘裕民坊一帶，自從拆卸改造後，凱匯商場落成，印證住時代變遷…..但係呢個不斷推陳出新嘅地方，仍然有少數保留住舊香港情懷嘅小店，實屬難得。呢間至1975年開業至今，將近50載嘅上海飯店，淨係睇門面就已經感受到歲月嘅歷練。踏入舖頭，店面細細，大約只坐到5/6台客，沒有浮誇嘅裝修，只有沉實嘅卡座，感覺好似到了外婆家吃飯一樣。翻一翻餐牌，選擇種類繁多。餐廳有二人餐可供選擇，相對經濟實惠。於是便點了兩個小菜，分別是口水雞同回鍋肉。口水雞是無骨雞腿烹煮而成，辣到適中，而且食到有陳醋嘅味道，送飯一流👍回鍋肉吃起來，比其他店舖多了一種甜味，我估係因為落咗海鮮醬。同樣亦都係有微微辣，好好送飯。不得不提嘅係白飯，軟綿綿，我個人十分欣賞👍，有好多地方而家啲飯都係又乾又硬，食到好冇癮🙃個餐包埋一個湯，加$40可以要砂鍋雲吞雞，湯料十足，兩個人飲完一碗又一碗。仲有四隻雲吞，飲得出有金華火腿嘅味道，真材實料。晚膳去到尾聲，店家奉上兩杯八寶茶，打開杯蓋，清香撲鼻，喝下味道甘甜，而且有濃厚嘅菊花香，為一頓晚膳畫上完美句號。好似呢一類嘅鬧市小店，實在買少見少，想感受老上海風味嘅朋友，可以來支持一下

好鍾意係香港嘅舊區周圍行— 今晚放工，就同老公夜遊觀塘。自從裕民坊翻新後，成個觀塘都唔同哂，物華街就好似變左新舊交界，一邊係凱匯裕民坊，另一邊就仲係舊街小巷。我地行左去舊個邊，行行下就見到呢間上海小店。😆佢嘅門口有舊香港風，入面裝修偏舊，喜歡懷舊感嘅人應該會覺得尋到寶。還有，Menu封面好有趣。🤩我地就無揀餐牌入面嘅，因為比個二人餐牌吸引左，寫住「招」嘅招牌菜已經中哂我想食嘅。我地叫左 口水雞🐓 回鍋肉🍖雲吞雞🐣，跟餐有兩個飯同兩杯八寶茶☕️。口水雞：唔算太辣，有四川風味，值得一讚嘅係成碟都係去骨雞髀肉，送飯一流回鍋肉：一直都驚回鍋肉會好油好膩，好彩無事🤣唔似平時啲回鍋肉，入面無辣椒，同埋佢用左一隻甜甜地嘅醬炒，又幾夾雲吞雞：好大煲同足料😆😆😆有幾件大雞腿同4隻雲吞，湯好夠熱，好飲八寶茶其實我都真係第一次飲，甜甜地清清地，不錯！

生平第一次寫食評，仲要係負評，可知呢間店真係好伏。除咗食物質素差，份量少，價錢仲要貴。4人埋單要$1000，每人平均消費$250。感覺Hea 住做， 質素似街外冷藏食物翻熱咁，唔明白呢間老店仲可以收呢個價錢😞😡當晚叫咗小籠包，東坡肉（好柴）麻婆豆腐（唔正宗），豆沙鍋餅 （冇豆沙）上海粗炒（似叮叮食物）鱔煳（唔新鮮）肴肉（份量奇小）全晚最正常就係罐可樂😂😂😂😂。一個字，伏。失望到爆，一定唔會有下次。

老字號但食物質素一般位十分窄回窩肉的味道與其他舖頭有點唔同，唔覺好好味午餐配白飯，飯好難食，唔知用咩國家的米小籠包皮太厚，幸好肉多，汁也多酸辣湯無豬紅，質素已好過詠黎園。麵唔錯，也好詠黎園

聽舊街坊講，呢間係該區最好食嘅上海店之一。兩年前路過，吃個午餐，還可以吧。今天再去，見全店有四張枱攞咗嚟放外賣雜物。裏邊只有四台客食緊野，我想要張四人枱都要等位，因為全店只得三張四人枱，都俾人坐緊。食品來了，食味、食材都還可以，食相就不忍目睹，加上店內陳設殘舊凌亂，心想以同一個價位，企理的茶餐廳多的是。應該不會再來了。

今晚老公接收工，話帶我去食好嘢喎😄有幾好呀？食上海菜，但門面係榮華川菜館，望入去環境真係麻麻，餐具衛生麻麻，座位好迫，卡位好窄。望吓餐牌都好多選擇，我地選了二人套餐蒜泥白肉滿滿蒜蓉醬，加上夠辣，白肉又唔算肥，所以超喜歡呢個餸椒鹽排骨一上枱已經聞到好香，又多葱多炸蒜，肉質鬆軟，吃落好惹味😋(呢倆個餸夠辣又惹味，忍唔住order多杯豆漿飲解吓辣)😆雲吞雞呢個雞真係麻麻😑一睇就知用冰鮮雞腿，吃落當然唔好食👎肉質冇雞味又唔滑，雲吞用咗雪菜做餡，我不大喜歡陣味，好怪🙁不過個湯同白菜味道都鮮甜既!套餐配白飯兩客，八寶茶兩盅吃完濃味再飲八寶茶感覺都幾清甜又可以消吓油腻。總括都有好吃菜式，不過衞生同樓面姐姐態度可以改善吓😆

始於1975年，一家見證香港三十餘載的特色上海菜館形象實際、簡約、懷舊；突出色、香、味濃郁個性京川滬風味菜式今晚過黎試下佢, 豆沙鍋餅,小籠包,回鍋肉 ,獅子頭小籠包皮身夠薄,包住滿滿既肉餡 咬開好多肉汁,又鮮甜,出色豆沙鍋餅,薄身既酥餅皮包住自家製既豆沙餡料,香甜不油膩!外層夠酥脆招牌拎獎回鍋肉 秘製醬汁香香辣辣 選用肥肉片配椰菜同椒絲爆香 又脆又嫩,個汁超惹味撈飯食一流時菜獅子頭 賣相大大碟,獅子頭有兩大球 獅子球肉質軟腍，再配濃香醬汁，送飯一流！觀塘崇仁街15號地下平均消費$222評分8/10

人生第一次寫食評 奉獻咗俾呢間垃圾19:35入到去 有個肥肥矮矮呀姐已經西哂面🌚之後坐低有個後生女放底熱水俾你洗碗筷蒜泥白肉🧄塊肉薄過紙 蒜蓉又唔好食奶油津白🥬個芡淡過水又唔杰 唔知以為嗌咗白烚菜紅油抄手🥟叫做最正常鱔糊粗炒🍝鱔完全無味 隔硬炒埋一碟埋單仲要$330 我dllm🥲Openrice話好食嗰啲全部同我送出午門斬首唔怪得入到去得兩枱客 伏到喊bookmark千其唔好去 食過最難食上海嘢#終極黃店垃圾 #狗也不嘅level

嗰度首先可以講冇服務，嗰個阿姐黑口黑面好似爭佢錢咁。水都唔會比一杯、其次食物質素極差價錢昂貴，嗰個小籠包仲比起喺超級市場自己買返嚟叮嗰啲差好多， 從來冇諗過寫食評的我都要比差評。絕對冇下次不知何解仲有咁多好評希望OpenRice如實刊登用家意見

​🤡伏到爆炸嘅舊式上海鋪​💥有酸味嘅排骨擔擔麵，無乜花生味，真係唔知食緊啲咩🤭​💥小籠包外觀👎 外邊皮厚，裏面豬肉熟到過晒火🤭​💥蒜泥白肉啲豬肉有陣味🥴​無乜服務可言，食一次都嫌多啊🤢​​

好耐之前成日食 今日突然掛住就deliveroo叫黎食！真係食到成肚氣小龍包粒粒都痴實個錫紙 乜湯都無哂 三籠全部都係咁 仲衰過d叮叮點心！酸辣湯稀到爆 擔擔麵強差人意 乜味都無！！幾年前堂食真係好好食 今日見到碗野真係乜胃口都無！回鍋肉成陣雪藏味！加成層油！蝦仁炒蛋咸到呀媽都唔認得！成餐得個豆沙鍋餅好食 $58蚊得6件仔依餐食左600幾蚊都唔飽！依間野到底經歷左d乜？？一定唔會再有下次 收到貴一貴 比d咁既質素人！真係好嬲

昨晚由入店起，服務員亞姐好像是債主一般的水平，令我想想是否欠了她什麼！一行4人點了，3款小點，1個羹，5款菜，白飯，八寶茶：炸雲吞（不香不脆，外表黑暗）小籠包x2籠（內餡淋pp，不似肉，似糊粉開水再煮乾）豆沙窩餅（外表黑色，內餡ok）粟米羹（類似罐頭湯+火腿絲，ok的一款）糖醋魚塊（魚塊是麵粉+魚碎，壓扁再炸到黑媽媽，不香不脆，太差）糖醋排骨（沒排骨，只有肉粒+糖醋+配菜，似廚餘多過似菜，最差的一款）獅子頭（味淡而合適，唯一ok的）紅酒牛腩（樣子比較ok，肉很細粒，味道不甜不香）蝦仁炒蛋（蝦仁色暗暗的，炒蛋很少，沒韮菜沒葱粒）飯（細碗，飯多但米差，不夠熱）八寶茶（茶盅靚，開盅時有微香，可惜沒用大熱水沖開，差一點，已是唯一好的）最不滿意的坐位細，水都沒一杯，服務超差，黑口黑面。說完不滿意的，它們可以贊的是：出飯時見人到才出豆沙窩餅食完飯後上建議：換了店面亞姐，換了大廚，說完結帳後臨走下大雨時可以再坐一會

0服務，果位女士，落單叫幾次都當聽唔到。好似入黎係欠左佢咁。野食份量極少！叫左白肉，醉雞，糖醋排骨，鱔糊。極重肉腥味，入口係一大陣生肉味。食完個口成陣街市肉檔味以後都唔會再去！

在公司附近，好久不回內地竟然想吃上海菜，點了一個回鍋肉，味道還行，份量一般，獅子頭味道也可圈可點，不過太少了，只有一顆，竟然要58💰！不過更誇張的是紅豆鍋餅，那麼一點也要58💰味道還不如夏面館，失望