上海小籠皇

營業中

休息中

今日就黎到寶琳行下，行到上海小籠皇個下午茶幾抵食，平日下午茶無需加一，仲要唔洗等位，見坐位闊落，下午茶套餐會包埋一份小食同埋飲品，認真抵食!!!!就試吓質素掂唔掂 >_<。揀咗酸辣湯拉麵餐($42)，配小籠包2件及熱桂圓雪梨茶🤪🤪🤪酸辣湯的確好，酸得開胃又辣得話癮，料好足，豆腐豬肚豬紅齊晒咁.>3 酸辣比例岩岩好，唔會過酸或者過辣。小籠包, 夠熱又多汁, 唯一稍嫌皮厚左DD….。桂圓雪梨茶原本以為甜到糖尿腳切腳趾嗰啲飲品，呵呵~估錯曬!!佢哋都幾有心喎！係自家製架！落咗南北杏、真雪梨同圓肉去煲又唔會太甜，潤哂🙈🙈🙈🙈🙈。另外一個set揀咗茶肉雲吞湯拉麵餐($42)，配雞絲粉皮及熱洛神花茶😚😚😚雲吞湯拉麵湯底淡淡，雲吞皮薄但豬肉不太新鮮，不過不失喇….. 雞絲粉皮麻醬份量足夠, 雞肉很多也十分嫰滑, 略嫌份量少左DD☹️☹️☹️。熱洛神花茶酸酸maymay, 開胃!!!!🤤🤤🤤

下午茶選擇多，唔想食快餐店，於是試吓「上海小籠皇」。星期天下午店內人數只有唔夠一半，在限聚令底下，大家都為靠着牆邊的卡位坐。開心見到星期日都有下午茶餐至下午六時， $49可以自由配搭餐牌上提供的：一款正點➕一款小食➕一杯飲品。飲品- 凍豆漿有豆味小食- 上海小籠包個人喜歡先讓小籠包略為放涼一點（像牛扒一樣先rest下），待外皮冷卻一會才進食，這樣小籠包皮就唔容易夾破，又唔怕舌頭被熱湯燙傷。小籠包的皮幹得很薄，豬肉餡沒有豬蘇味，一咬即爆湯汁。食剩一個才記得影相小食- 春卷春卷皮略嫌厚咗啲。主菜- 上海粗炒粗炒個麵Q彈好食，不會炒得太油。主菜- 上海炒年糕年糕非常煙韌有咬口，但又不會太硬。這碟的醬油比上海粗炒濃烈，相對好食追加-招牌高力豆沙做高力豆沙考功夫，細節位多。叫得做「招牌高力豆沙」，梗係要點一個試吓。蛋白軟綿綿，豆沙餡不會太甜。叫即做非常好味。一份$49下午茶，用上海炒年糕配搭小籠包加一杯凍豆漿，真係抵過食快餐店同行友人都話要多啲嚟幫襯支持下，好食又經濟的上海菜店鋪少一間就少一間.....

星期日下午茶時間唔洗等位地方闊落，價錢幾抵就試吓質素掂唔掂先😎揀咗桂圓雪梨茶原本以為佢係用現成樽裝開水甜到爆嗰啲飲品估錯曬😲佢哋都幾有心喎！係自家製架！落咗南北杏、真雪梨同圓肉去煲又唔會太甜，感覺都幾清潤非常好👍🏻小籠包熱辣辣新鮮蒸個皮都幾薄，不過就易穿入邊超爆多湯汁個餡都幾香亦唔會有豬蘇味牛腩湯拉麵🍜😆個樣係咪唔多吸引呢我真係冇整過佢㗎佢上菜真係咁嘅款！佢啲牛腩係偏硬嘅好碎又好瘦不過啲麵就幾彈牙嗱呢個酸辣湯拉麵個樣就靚仔好多喇🤗個湯濃度啱啱好唔會太過水又唔會杰到一嚿嚿咁有酸又有辣味道係唔錯嘅☺️只不過啲筍太老，好硬呀⋯⋯個饅頭炸得幾脆新鮮製作、而且唔會油淋淋比煉奶又唔會好孤寒轉體360都有剩只不過個size就迷你咗少少喇😂整體來講食物質素都唔錯店員有禮貌、招呼幾好地方又闊落價錢都非常合理呀！下次再可以再食

趁住仲可以三個人食飯、1/12食埋第二日就會二人限聚令再次生效。夜晚七點幾入座完全零等位，裏面得三四張枱食晚飯！叫咗七樣嘢另外要比茶錢同枱面嗰碟花生再加一。⬇️青瓜海蜇 $64呢個都幾好食、唔使加醬油都已經夠味⬇️招牌小籠包 $37熱辣辣上枱都好食、多汁皮唔厚⬇️脆皮春卷 $35全部都係菜做餡、下次可以唔叫⬇️黃金上湯油麥菜 $70如果再多啲鹹蛋黃會好味D、以前有黃金四季豆而家冇左唯有叫呢個菜⬇️椒鹽小黃魚 $80屋企人食得好開心、但太細條佢哋唔夠喉⬇️嫩雞煨麵 $54清清淡淡都唔錯、不過個湯冇乜味⬇️高力豆沙 $40啱啱好每人一件、新鮮製作仲熱幾好味⬇️埋單都要$486算中規中矩都好味、不過臨走八點幾都係得兩枱客，飲食業真係好慘。

屋企人想食小籠包， 想起在這商場 不顯眼嘅位置有上海菜～人流唔算多或者附近都比較多食肆選擇。每堂一壺熱茶，仲有涼菜～ 似乎收足茶芥～招牌小籠包，一客四隻，$37小籠包的皮不算簿， 但也算係有湯汁，餡料不過不失，就是不夠飽滿， 整體質素唔錯。鮮肉鍋貼 （一客四隻$37）皮也是有點厚和硬，煎得不夠香脆， 肉餡有點乾， 且半点肥肉也沒有。酸辣湯拉麵 $54酸和辣味道好平衡， 材料也是一貫的傳統，豆干， 蝦仁 ，木耳絲～ 配合幼滑的拉麵， 多吃也不覺得滯！ 而且相當開胃。上海粗炒麵$74味道很標準， 即是很有上海老舖 那種風味， 唔算油膩， 麵條是哪些粗嚡又實實地嘅上海粗麵👍 上海排骨麵不過不失， 白麵幼身爽滑， 配合清清哋嘅湯底， 是最原始簡單嘅美食。 那塊炸豬扒肥瘦適中， 醃得入味也炸得香口， 仲帶少少肥和筋部， 非常好吃。現今上海舖像酒樓一樣也有茶芥， 只係普通上海麵食，包點， 消費一點也不平民～

老實說，這一家餐廳是我第一次去，但是沒想到客飯和菜色相當不錯，有想吃掉全部東西的欲望。 只可惜那些小食就比較失色，鍋貼不夠香，還是覺得不太好吃。 然而我們也叫了一碗擔擔麵，不過他們沒有選擇辣或者不辣，一上來我們是沒有任何預備，然後後勁就來了。

讚1. 有啲野食的確唔錯，酸辣湯的確好，酸得開胃又辣得話癮，料好足，豆腐豬肚豬紅齊晒咁，蔥油餅亦相當地道彈1. 有啲野食真心麻麻，小籠包望樣唔錯，外皮口，但啲餡入口有豬羶味；試過叫上海排骨麵，油到一個點

座位環境不舒服很迫似茶餐廳，枱與枱之間很緊密，店舖很細，但是竟然還要收茶錢。食物味道超級差，食材不新鮮，煮的技術奇差。上海粗炒淋到一啲都唔爽好難夾起，鱔糊一堆堆而且汁又太桀，炸銀絲卷個心好鬆唔香，雞煲叫做好少少但明顯係炆完放入煲裡冇香味，蒜蓉炒菜本應最簡單都可以炒到淋嘅。如果收茶餐廳嘅價錢都算，當自己食快餐，但係收酒樓嘅價錢就真係唔可以接受。份量更少得可憐。服務態度可以，不算差。食完一吐氣，委屈自己。

Very friendly and attentive service. Moved us to a larger more comfortable 4 person table even though only 2 of us. We had the juicy and tasty Shanghai “Siu Leng Bao” with a simple bowl of flavoursome chicken noodles. Food was served promptly and without fuss. Highly recommend for a simple tasty friendly good value meal.

今晚六点幾去到，見到紙上嘅菜式好似好熟面口咁，竟然抄足樂天皇朝d野😂，冇耐就点餐，点了花彫雞😥勁難食，堅難食，還有小籠包 ，裏面的豬肉應該係冰鮮的，冇肉味，可能豬肉太貴吧!亦 冇味,但都可以醃下佢。。仲有生煎包，雞絲粉皮，葱油撈麵，最好食係干扁玉豆了😫比起樓上上海婆婆確係爭九班👎下次五會再去，試一次已夠了，個個侍應都come from China,五怪得成日行過都有咁多位。如果要改善生意五好，就要喺味 道方面花多d心思了。

今日就黎到上海小籠皇食下午茶，佢平日下午茶無需加一，下午茶套餐會包埋一份小食同埋飲品，認真抵食。咁就叫左個酸辣湯拉麵餐($42)，配鮮肉鍋貼2件及凍桂圓雪梨茶黎到睇個賣相唔錯，野食亦都夠熱酸辣湯拉麵D麵質軟硬適中，酸辣比例合適，唔會過於側重一邊鮮肉鍋貼新鮮煎出黎，裡面夠肉汁，唔會似部分餐廳D小食整好晒之後，再拎返出黎俾客人食凍桂圓雪梨茶裡面真係有配料，飲落滑喉，口乾時飲返杯好滋潤呢間餐廳都係新都城下午茶抵食之一

跟家人逛街經過這間上海菜，就決定晚餐食這間。拿了票等了多於半個鐘，一張3人枱都無叫過，但就不停入人數多的枱。終於有位坐了，我地就點了幾個菜，分別有花雕醉雞，招牌小籠包，銀芽炒鱔糊，鹹肉豆腐湯和奶油腿茸津白。首先上菜的是花雕醉雞。味道還不錯，但雞肉質地比較硬，不夠嫩滑。之後上的菜是這間的招牌小籠包。皮薄，咬落又多汁。不愧為招牌菜！再來一個奶油津白。在表面有些火蹆茸，味道配搭適當！這個鹹肉豆腐湯都十分濃郁，沒有加水溝淡！鱔糊是這一餐的重點！味道果然無令我失望！非常出色，鹹度適中，送飯一流！不過有頭髮痴住左。總括來說整餐飯都算滿意！

同家人係屋企附近搵食，發現開咗間新上海菜館，決定一試。涼拌海蜇 $68～海蜇爽口，灑上芝麻，澆上麻油，入口濃濃麻油香。～價錢略貴味道：😋😋😋😋賣相：😋😋招牌小籠包 $36～1籠有4隻～皮搓得薄，湯份量多，用料紮實～肉餡吸收上湯嘅精華，好入味賣相：😋😋😋😋味道：😋😋😋😋😋川味回鍋肉 $70～落醬好濃味，好香口～唔會太辣，適合不宜太辣朋友～豬肉用半肥瘦腩肉，好滑唔韌！賣相：😋😋😋😋味道：😋😋😋😋😋松子桂魚 $188～技術名菜，價錢唔枉花～魚皮反起，將魚肉露外，逐條割開，再落鍋油炸，每條魚肉都好金香脆口，食完想再食～上面澆上甜酸醬，加上主角松子，伴以青椒、洋葱、菠蘿，用料十分豐富！賣相：😋😋😋😋😋味道：😋😋😋😋😋菜飯 $18

年近歲晚，加上放工遲，一於同太太出外吃飯鬆一鬆。地點選了家附近上海小籠皇。點了招牌小籠飽，山東手撕雞半隻及瑤柱蛋白炒飯。小籠包剛蒸好上抬，肉汁豐富，味道鮮美，包皮亦薄，不俗。手撕雞卻頗差。通常手撕雞的醬汁是靈魂，但這碟雞的汁卻淡出鳥來。蒜蓉首先不夠多，另豉油汁卻味淡，不甜亦不鹹，沒有什麼味道。加上雞肉亦非常老，有點似煲湯後之雞肉。炒飯不過不失，但落油似乎重了手。總括而言，除小籠飽外，雞及飯非常普通，如有其他選擇，未必會選此店光顧。

今日相約家人食下午茶，行經屋企附近商場，見到呢間鋪有下午茶食。之前有食過呢間鋪嘅晚市，都覺得幾正路， 估唔到佢有做下午茶， 所以決定一試。鋪面唔大， 算係乾淨企理， 樓底高有空間感， 光線也充足。下午茶非常經濟， 一個主食配一個配菜再加杯嘢飲， 都係賣40幾蚊，非常底食。我叫咗個四川擔擔拉麵， 配個鍋貼同埋一杯豆漿。 鍋貼一出場簡直係驚為天人， 真係有啲接近喺上海當地食嘅味道，肉汁豐富，皮脆肉嫩， 食落仲有 鮮甜嘅味道， 其他嗰啲乜嘢大王完全係冇得同佢比。 家人就叫咗個烤麩， 口感同味道就麻麻地啦。 擔擔麵湯底唔算濃郁， 不過都幾足料， 最重要係好大碗， 食完碗麵之後我諗晚餐都可以慳番。 最後嘅飲品，我叫咗杯桂圓雪梨茶， 味道好清香， 少少甜， 係清新嘅感覺。總括而言，呢間嘅下午茶cp值都幾高， 唯一可惜嘅就係要滿200蚊先可以簽卡。