上海坊

營業中

休息中

穿過市井巷弄，尋得這方寸灶台。廚師巧手下的 「雪菜雞翼上海麵」 「上海小籠包」「豬扒粗炒」，是鎮店之魂——雞翼燉至骨肉鬆化，湯頭濃醇帶雪菜鮮香，麵條掛汁不軟爛，一口墜回老弄堂的煙火裡 🍜！ 「煎雲吞」 脆如金鐲，韭菜肉餡飽滿爆汁； 「獅子頭」 外酥內潤，肉香直抵喉。廚師定期有創新菜式，今時今日淨係廚師落足心機不停創新已經好難得，價親民，掌勺人將半生功夫熬進每滴湯、每寸肉，方寸之地盡是滬上鄉愁，值得專程踏破鐵鞋.

上次食因為食唔到水晶肴肉，所以今次嚟我專登問咗佢有冇先，點知個伙記同我講唔知咩嚟，未聽過，表情不耐煩，我話成日食喎？上海肴肉喎？無讀錯呀，美酒佳餚個餚發音嘛？錢賺太多唔憂做？唔識字返去讀書啦！好可惜呀！嘢幾好食㗎！希望呢間嘢老世睇下啲食評，我唔係第一個人話佢態度差㗎啦

前兩晚經開大窩口見呢間小店食上海嘢打算試一試，入內座位不多，一眼望見，諗住多一點支持香港小店心態下幫襯，我睇完餐牌有個年長服務員過來落單，點之佢回應已經唔好態度（愛理不理），顧住做自己嘢，完全冇覺得唔好意思交代一聲再來落單，只有非常晦氣回應....😖，好！我忍了....那我等佢忙完再點餐，點餐時已經又這又那不能盡量處理，點了砂鍋雲吞雞，菜飯，豆漿，個雲吞雞極咸，同年長店員講佢話冇問題，講完走咗去唔想理咁多，我食咗幾啖加個菜飯好快快走人，當我食緊嘢時見佢又响到鬧其他人，成間舖得佢把聲响到噪爆😡，話人地拎外賣冇禮貌，但人地又冇出聲同佢理論啞忍，佢就更變本加厲不停話人鬧人，當時我坐响到食嘢已經好谷氣又無奈😤，仲要見佢係咁鬧啲速遞員，人地都好正常入內取餐，看在眼裡嗰種感覺非常差，以後我都唔會再幫襯呢間舖😠，今時今日咁嘅服務態度，大家都知點解咁多人北上啦！食物已經又貴又唔好食，仲要輸埋個服務，唉！好無奈.........😩

平時都好鍾意食上海嘢所以見到呢一間特登叫咗個雞燴面初初望到碗嘢都覺得好香份量亦都足夠嘅點知一食落口，又咸又油係咸到個喉嚨拿住拿住咁但由於lunch time我已經冇時間再叫其他嘢結果我都好辛苦食左1/3，之後頂唔順成個面掉咗落垃圾桶。。。。。。食呢一碗麵我，我係食一啖飲一啖水，我足足飲咗大半枝水但結果成個晏晝喉嚨勁唔舒服，飲水飲到飽晒，但因為好鹹，個人都仲係好chur水個價錢仲要又唔係特別平食呢一間嘢簡直係玩命唔會再幫襯好失望

【荃灣區】【上海坊】之前做完手術之後，百無聊賴，成日都去荃灣搵朋友食飯，所以就多咗機會食到荃灣嘅嘢。嚟到大窩口呢邊，朋友話呢間上海嘢唔錯。見佢生意都幾好，行咗個圈都冇乜 idea 就決定食返佢。本身我哋第一吓經過嗰陣佢係冇位嘅，返轉頭就咁啱有張枱入座。我哋一人食一碗麵，都係揀咗「雞」，包括 $54 嘅「骨湯上海麵」，揀咗「花雕汁」，加 $6 轉雞髀。跟住食埋 $58 嘅「招牌擔擔麵」，呢個就冇轉髀，要「沙薑汁」。兩者都幾好味，雞髀固然滑，但係就算冇轉髀都可以嘅，啲雞味都幾香嘅。跟住食 $36 嘅「灌湯小籠包」四件，味道可以，個皮冇穿。而最後仲食埋 $36 嘅「香煎黃金糕」三件，呢碟同其他比較就相對平庸，完全冇特色可言。本身呢啲情況下都會叫嘢飲，但係因為佢哋冇豆漿，搞到大家完全冇動力叫嘢飲，畀 $190 埋個單算數。。。（地址：荃灣大窩口大廈街19號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #g

路過大窩口，見到有間上海嘢好似幾抵食，於是決定行入去試估唔到佢有客飯套餐，包飯同嘢飲，而且價錢唔貴，豆漿唔使加錢，仲要勁大支客飯揀咗麻辣牛肚絲，好入味，勁好食，亦都好大兜，送飯一流最估唔到擔擔麵有得配花雕醉雞做餸，花雕醉雞有好香酒味，好入味，而啲雞都好滑，擔擔麵湯底亦都好濃郁，雖然麵質有少少林，但係整體嚟講都好好食小籠包三十零蚊有四粒，個皮嘅厚薄度啱啱好，而且唔會漏汁，一咬就爆汁，熱辣辣好好食買埋單兩位都係$150，真係好抵食！

我很喜香港哦 从小看港影港剧 被深深吸引和热爱 一大家子五人来香港费用不小 终于 还是带着小小紧张激动来了从小热爱的东方之珠香港，本来当日不算饿，但是看到路过荃湾看到上海坊有我从小喜欢吃的小龍包子卖 带着半信半疑的尝试 果然不出所望真的好好食，后来再去尖沙咀吃上海姥姥的小龍包才知道 上海坊的口味和性价比真高，这次八天的HK佛系深度游 体验很棒 香港人热情礼貌让人感动 出门在外有这么多人帮衬真的 外国人则更绅士风度些 是一个有很高素养的大都市 有机会还会来食你们的小龍包子 不见不散一言为定！我爱香港 我被你们的热情礼貌客气感动 超出预期的旅途 当然首先得自己有礼貌 人家才会喜欢你 很高兴来此提升了自我

上海坊近屋企，所以其實都食過好多次。我最鍾意食嘅就係佢嘅擔擔面，擔擔面嘅湯底容易就決定佢好唔好食，而上海坊嘅擔擔面湯底非常濃郁，重花生醬味，令人回味無窮，不過因為花生醬比較濟，所以通常一個擔擔麵我會同人一齊分，再嗌其他小食。擔擔面總會有一個餸可以跟，我每次都會叫西檸雞，西檸雞嘅醬汁恰到好處，酸甜開胃，雞翼都會炸到金黃香脆，肉質好滑。小食就嗌咗小籠包，一籠小籠包有四隻，非常多肉汁，一咬啲汁爆曬出嚟。跟住又嗌咗炸饅頭，炸饅頭，外脆內軟，饅頭質地唔會好實令到成個口感提升。成餐飯加埋豆漿都係$120有找，非常抵食。

入去叫左個排骨擔擔麵，味道不過不失，服務員雖然得一個，但都好用心服務食客，滿足到客人既需要，隨傳隨到，有禮物，呢樣值得加分既地方，同埋餐牌上既種類都多選擇，營業時間比附近鋪頭長，岩哂夜生活既朋友仔。

樓下開了很久的上海餐廳，一直沒有食過。今天特意來試試，也沒有什麼特別期望。不錯，排骨很脆香，份量比我想像中要多。飯一看上去菜有點少，其實里面還有很多。熱奶茶不用加錢整體評價不錯。牛肉很多汁入味，肉塊很薄很軟，好吃。湯頭不算太濃味，清湯底。麵份量很充足。加了6元豆漿，會直接上一大瓶凍豆漿。喝不完可以直接拿走。總結餐廳上菜挺快，環境可以。食物質素也不錯，價錢公道。客流量也挺多。地方離開非常近，會考慮叫外賣。

店裡播大陸電視台。站在外面看餐牌，在深處的店員馬上出來用各種方法「邀請」我進去，是不是知道不努力點在這方面就沒有顧客了？買了個酸菜魚配菜飯外賣，連外賣盒$62，沒想到$62的酸菜魚滿是細骨，第一塊大口咬下去被刺到，大家可以想像每2 x 2 cm有5條短骨，吃完第二塊有一條骨吞了下去，喉嚨痛，放棄再吃肉，想着吃芽菜拌飯吃飽算了，但萬萬沒想到下面的芽菜一條骨又刺了一下。湯底普普通通，像是湯包，這樣$62？之前還吃過雲吞雞湯飯，雞肉的骨是碎的，每一口雞肉也要慢慢挑骨。這家店應該是賣骨的。

今日透過外賣平台點了食物酸辣麵+鮮菇粉絲雲吞酸、辣度夠而且足料雲吞就一般可能外賣緣故雲吞皮爛爛地担担麵+西檸雞担担少少辣，都幾好味西檸雞唔係太酸，同埋新鮮製作都脆脆地生煎包3粒大大粒皮略厚少少都幾香口外賣盒：湯麵有分隔湯同麵份量：麵係上海幼麵，份量多

餐牌寫下午茶送豆漿， 取餐又話不送豆漿， 細細隻字寫咗喺門口 真係唔開心， 不過都冇辦法啦， 唯有攞走， 返屋慢慢歎， 仲畀阿上海姐姐好唔禮貌會對待， 我諗下先都唔會幫襯， 多謝曬

上海坊店舖位處於一條唔算太多人會路經的街，店面裝修也不算太突出，只係路過未必會注意度有一間上海食店係度。今晚唔知食咩好，想起之前經過有扲過外賣menu﹐就決定試下佢。排骨上海粗炒($55) (外賣+$1)個人覺得食上海嘢一定要食粗炒，剩粗炒$50加$5多排骨或雞翼，因此試左排骨上海粗炒。排骨份晒足，有2大塊，炸皮不厚，肉質也不算韌，很易咬開。相反粗炒有d失望，麵質太硬，醬汁有d入唔到麵心的感覺，或許有機會試試堂食會好一些？回鍋肉炒年糕$69(外賣+$1)年糕軟身，今次就感覺調味同年糕溶合一齊。醬汁夠晒味，撈埋一齊食好味，肉質有小小鞋，要扣小小分。酸辣湯(加配$9外再加$1)酸味夠，但辣味有些不足，料算ok，可以的話希望個碗可以細返d﹐配返湯的size

住咗喺度咁耐一直都冇試過，之前行咗好耐都諗唔到食咩，就諗住試吓佢，入到去睇咗一輪就叫咗水煮牛肉麵，因為趕時間所以就外賣，返到屋企即刻開嚟食，估唔到比想像之中好食，個牛肉幾入味。