上海三六九菜館

今天16/8, 與媽行完美食展本應假日開開心心去午餐，可惜換來一肚氣激心! 坐了半小時被店老太太趕客!2人點小籠包$45(味道ok)，鍋貼$45(普通+肉不太熱)，粗炒$58(太油又咸)，再加排骨菜飯$55(又凍又油極差)，茶錢加一共付$227，用膳25分钟。卡位已較窄又拎住2箱水果，店太太叫伙記收我們碗筷，我告之還有排骨菜飯未到，當飯一放低她即叫我們2人坐一邊(不明白為何要求2人同坐一邊，難道與陌生人面對面都唔衛生)？因有2位客人入坐，2位客人都呆一呆，她們亦買拎了2大袋物品，根本完全冇可能容下4位客人+4袋物品!! 我媽話给多10分钟完成飯餐，但店老太太態度頗差! 根本擺明欺付我們! 不知為何後面那枱客她又不要求别人離座，他們比我們更早到？其實我大可取消菜飯$55唔要，但最终外賣拎走，被迫趕走外賣還要收加一(排骨飯餐)。我家老人家甚為激心! 客人要求多10mins 绝不過份! 外賣飯盒裝到周邊飯粒(附图片以証)。睇TVB介紹，唸住支持下老店! 终於明白香港人讚嘆北上務+消費! 老店不一定大哂，如此服務嚇怕香港人。…查看更多

我今日午飯吃這店，之前都吃過，其服務態度向來都不好，食物質素一般，但附近都冇乜舊式上海店。但今日要個蚊仁抄蛋，但一上碟成碟水汪汪，叫侍應換，點知第二碟就咸到鹽都可以食到，再次叫侍應換咗去，點知都係一樣咁咸，食咗腎都頂唔順，結果食咗少少就算，而且碟餸份量亦唔多，以後不會再光顧啦！…查看更多

行完書展好大雨 ，從天橋落去 轉過彎就到，所以都 濕咗 少少身。大約中午兩點 15分都非常多人， 好彩啱啱搵到座位 ，大家如果想去三點後會少 D 人 ，不過就未必有 午市 了。叫咗個三鮮炒年糕， 味道幾好真係有啲老上海懷舊 feel, 嗰啲火腿好似 真係喺上海嗰一種， 所以 真係發思古之幽情； 心中不其然講一個『正』字。不過可惜 比較稍鹹 ，而且鹽的質素 其實大有改善空間，(我喺屋企用唔同品質嘅鹽煮出嚟嘅餸真係好有分別㗎)。有一個 午飯叫做炒鱔糊， 有例湯同白飯， 都係嗰一句如果炒鱔糊啲鹽用靚啲嘅效果一定好唔同。小籠包難得佢真係灌湯 ，不過湯就唔算有濃味， 所以佢哋真係可以考慮一下佢哋嘅高湯加 多一錢肉緊。鍋貼覺得 ok 㗎， 中規中佢啦。少少失望佢哋好似唔多次係上海人( 純粹我估㗎咋)，因為我用上海話多謝佢哋，佢哋好似冇乜反應唔識聽。…查看更多

以前去會展經過條橋，望落下面經常都見到有個好大嘅招牌寫住三六九飯店，不過就未有機會試，今次附近做完嘢，咁啱經過呢間餐廳，就同朋友入去試下呢度嘅上海菜。其實就咁喺門面睇佢個招牌，已經覺得好 有傳統嘅上海菜館感覺，入到鋪入面無論 裝修、枱櫈、以至侍應嘅制服，都有一種好懷舊嘅感覺，同埋呢度只收現金。💵💵點左一 碗嫩雞煨麵，個湯都好夠味，而且啲麵亦都唔會太淋好似漿糊咁，食落仲有少少彈牙，另外有啲小白菜雞粒同埋菇。👍🏻另外就係呢個小籠包，佢個皮食得出係新鮮包嘅，同埋唔會一夾就散，而且佢唔係特別大粒，可以一啖一個，唔怕驚啲湯汁會彈到自己。👍🏻👍🏻…查看更多

應該有5-6 年冇食過呢間喺灣仔有60年歷史老店原來有日本人會來捧場架喎或者老店始終有返自己風味嘅~ 回鍋肉夠鑊氣好惹味紅燒獅子頭幾嫩滑又係惹味之選小籠包皮就厚身左D肉餡乾身少少鮮肉鍋貼係最好食夠哂香口點下黑醋同夾埋薑絲一齊食好味🥟店舖環境以大枱為主難避免要搭下枱落單同埋單依然全人手處理仲要衹收現金呢下夠哂傳統同懷舊嘞~其實論食小籠包還是喜歡台北的鼎泰豐🥰🥰…查看更多