上上籤 (已結業)

剛巧知道新開的上上籤（午市）前身就是拿督冰室，就趁今日新在港島，立即去試一試。去到時已經差不多兩點，午飯時間剛完，但是店外仍然見人龍。名物大細腳已經沽清，沒有太多機會午飯時間會到北角，就用了最貪心的方法，一次過試了黑豉油撈麵，咖喱牛筋腩，胡椒湯通菜牛丸和桔仔冰。豉油撈粗濃厚帶甜，淨食已經很好。配咖喱口味太重。咖喱香濃，牛筋腩切得比較細件，配白飯最佳。等待食物的時候比較長，加上吉仔冰的關係，開始有點冷，可是胡椒湯熱騰騰來到，一口喝下去，辛辣微嗆，胃也暖和起來，下次一定要吃胡椒湯摻摻。還未食完這一頓，已經想着下次要吃什麼東西，可見有多喜歡這小店的出品。可惜店子真的太小，一位難求。

堆燒香茅雞扒好唔得，肉質超柴，有d位直頭覺得硬。配左白飯，飯既份量夠多都食得飽，但佢個豉油撈落飯或者雞扒到又唔覺太夾。同事話要一早落單同間野都出名，仲滿心期待個味道，點知結果係咁，好失望！

以前喺觀塘都有支持佢哋嘅，搬咗嚟北角，路過，諗住買個外賣， 1:25落單，等到2:00先至有得攞，只係叫咗一個豬手雞腳撈麵！咁樣做嘢法，蛇都死啦，幾好食都係假！其實係咪有辦法可以管理一下出餐嘅時間呢，以前喺觀塘都唔係咁樣，搬咗嚟呢度，知道係少咗人工作，但係都要唔好咁離譜！一份普通外賣需要等足35分鐘？絕對唔能夠接受，問返佢哋係咪做緊，淨係話叫你等！如果大家有好多好多好多時間可以慢慢等嘅就即管去買外賣啦！我就真係見過鬼都怕黑，以後請都唔會去買！

我們－行三人夜晚去食串燒, 新店裝修簡潔, 小店風味 ,有長吧枱,有－個vip 房,及兩長四人枱地方唔算闊落，但唔覺得逼夾好坐啲個人會選擇唔坐吧枱所以一定要預訂! sake 大概有6款,價錢合理, 開支720ml 先吃螢光魷魚,日本番薯仔,雞泡魚乾,支豆等佐酒小食, 然後燒雞皮,雞肝,牛舌,多春魚….. 調味及燒烤都100分仲有一個肉卷蘆筍及芫荽,味道特別可以試吓燒鱈魚10分美味, 最後再叫左朱肉熱煱後來又Encore 日本番薯仔雞泡魚乾及支豆服務員工滿分有禮價錢很合理！會再約朋友去食!

店舖係細街，地方唔大。12點半出面排隊排咗10幾個。只能等外賣（等咗30分鐘到）。想試胡椒湯麵，點知已經賣晒！所以外賣咖哩豬軟骨黑豉油撈粗麵。果然冇失望。咖哩正常地好味。驚喜係個撈麵，非常有鑊氣但係唔油，好好味！下次一定要試胡椒湯麵！

舖頭嘅位置唔多，大概只有十幾個到20個座位。如果嚟到下午食飯時間嘅話，可能要等一陣先有位。佢哋用QR code點餐，菜單有好多選擇，可以自己揀麵多少、多油少油、少冰少甜咁樣。好彈性😆😆，可以俾客人自己決定。⭐️ 星加坡咖哩豬軟骨黑豉油乾撈麵 粗麵 $58豬軟骨有好多😆，大概有五至六條，份量足夠。黑豉油同星加坡咖喱一齊，可以減低黑豉油嘅鹹味，但同時咖喱味就淡咗啲😗😗。⭐️ 燒豬頸肉黑豉油乾撈麵 粗麵 $58豬頸肉係條條嘅形狀，燒得有啲硬😛😛，要有好好嘅牙力先可以咬開🫣🫣。豬肉嘅味道唔算突出。⭐️ 星加坡咖喱雞黑豉油乾撈麵 粗麵 $58份量少少，雞肉質地同味道都一般般😶‍🌫️😶‍🌫️。因為有咖喱同黑豉油嘅味道，唔太能夠品嚐到雞肉嘅原味。⭐️ 燒香茅豬扒黑豉油乾撈麵 油麵 $58明顯食到香茅嘅香味，好香口😎😎。不過配埋乾撈麵，就更加油膩啦👀👀。⭐️ 星加坡白咖啡 +$10好特別嘅白咖啡，甜甜嘅口感😋😋。🍄 總括嚟講試吓呢間食一次就夠，個人口味唔太合🙈。佢哋嘅黑豉油撈麵好鹹，同時甜味都好濃郁，撈麵食落去就係鹹又甜，好難形容。總括嚟講，呢度嘅食物偏向濃味同埋油膩🙆‍♀️🙆‍♀️。睇吓個人口味，如果你鍾意食清淡嘅，

今日轉登落去北角上上籤 我知道北角上上籤午市係由觀塘名店拿督星馬大飯店主理上年結業迫爆小店 必食招牌黑豉油撈麵所以今日我同老婆一齊去食 我就自己點左個豬頸肉黑豉油撈麵豬頸肉燒得又脆又香 一啖食落個口估唔到入邊啲肉咁Juice再食埋呢個黑豉油撈麵黑豉油撈麵用咗黑豉油調味每條面條都沾得深啡黝黑色再加上燒豬油 油香稪郁 食落去濃味至之 淡淡回香今日食呢個豬頸肉黑豉油撈麵都係$58 總括嚟講 服務環境食物都很好下次都要試吓其他招牌食物

喺觀塘返左唔短時間既人，應該都知邊度係拿督，一向以來最出名既就係星馬既美食，其中係表表者一定係佢既黑豉油撈麵，不過隨住觀塘碼頭熟食中心既清拆，已經成為歷史。最近北角新開左間串燒店，午市就以拿督作招徠。據講就係拿督冰室主理，咁就試下啦。等位等左20分鐘左右，都還可以接受。今日叫左佢既咖哩豬軟骨，配上黑豉油撈粗麵，豬軟骨炆得夠唸身，肉質爽口唔會黐牙，骨膠原豐富，咖哩入味。黑豉油仍保持到當時水準，油香入味，粗麵爽口彈牙。不過唔知點解今日食有少焦味咁，希望只係一時失手吧。

這裡午市主打菜色為星馬菜，在北角可說是少有，經朋友推介便過來一試，甫進店已見有不少捧場客，之後點了牛腩胡椒湯摻摻，湯底非常出色，微辣而胡椒味濃淡適中，也不會有油膩感；特別要讚是牛腩，肉質鬆軟入口即溶，味道出色，會再encore（註：牛腩再多兩塊就perfect了）

今次試左豬頸肉胡椒湯麵同咖喱牛筋腩飯，豬頸肉薄薄地，入口即溶，米粉加油麵唔係到到都有，好特別。胡椒湯濃味得尼又唔咸，果2舊蘿蔔又林又入味，下次要叫淨食(胡椒湯蘿蔔牛丸)🤤鍾意食辣嘅朋友，可以試吓佢哋自家製辣椒油，第二度食唔到嫁😊。咖喱汁夠香而不辣，為左個汁個飯加左底，牛筋- 一咬feel到膠原bb痴住個嘴 滿滿幸福感,牛腩-炆得夠林又唔”鞋”👍。最後外賣左個淨食咖喱雞同炆大細腳返屋企聽日叮熱食😋

係社交媒體網站見到話觀塘拿督店係北角重開， 之前因為未係觀塘試， 所以今日一早到試試。11:45 到， 店內有 2-3 人，用QR code 點了咖喱牛腩黑油撈粗+ 山渣茶。$65+$10滿心期待， 約 2 分鐘到主食 ： 咖喱牛筋腩撈粗。下， 全碟只有 3 舊餸 - 1 舊牛腩、兩舊牛筋。$65 一舊牛腩，太難想像… 巳經無心食-（都係好食）太少餸吧。見個男侍應行過，問佢3 舊餸是否正常，回覆話 ： 係呀，正常份量。明白，一定唔會有下次。

朋友發現北角有間裝修新淨的串燒店，一於試下，發現佢每一樣燒物都燒得火候恰到好處，食材食得出好新鮮，一試難忘，要再encore 😝😝而且店員好細心會問你啱唔啱口味😊特別在店可以自選燒物是鹽燒or 汁燒 另外加辣椒🌶️汁螢光魷魚 🦑漬 $28開胃頭盤，份量豐富車厘茄豚肉 $28同朋友一致認同入口即溶，車厘茄岩岩好軟熟，薄切豚肉好似食緊和牛🤭免治雞肉串 $68日本雞肝$28再加上汁燒，油甘魚鮫$68日本雞翼 $22越南大虎蝦$日本雞腎$28日本雞皮串$28莞茜豚肉卷$38 （新口味❤️）味噌煮大腸$58好入味 真心想撈飯食燒鮮白鱔$88牛肉鍋加烏冬 $156

本身對呢間餐廳好高期望。諗住終於可以喺港島區食到拿督大馬嘅野食！由於事前知道座位太少，所以就用外賣自取。點知一打開外賣真係一肚火明明叫豬頸肉，打開果一下發現又鞋又乾，仲衰過叉燒。食落嘅感覺係似食緊豬肉乾，油麵份量偏少，一個女仔都食唔飽，個麵仲要超級q油，打開見到都唔想食！後來同店主反映質素，店主話因為豬頸肉今次做得麻麻，歡迎我再行過去拎豬頸肉。但你有無諗過我要行4個字，見到呢碟麵，仲想唔想再行多一次呢？呢個質素收$60(連$2外賣盒）真係完全唔會想幫襯