三點三冰室

營業中

休息中

難得係Airside食到間性價比唔錢嘅餐廳地方大坐得又舒服用QRcord落單，重點無收加一好耐無食港式鐵板餐，包咗餐湯，配菜可以揀咗薯條/焗薯叫左個牛仔骨，牛味幾濃，肉質幾嫩焗薯夠哂大個，夾住沙律醬同煙肉粒妙齡乳鴿脆卜卜，熱辣辣又多肉汁，肉質細嫩又唔會太肥細細隻，一人一隻唔係好過份姐炸饅頭炸到外脆內軟，除左仲有黑糖可以蘸，必試啊！老虎蟹避風塘炒麵（軟殼蟹，虎蝦)炒麵乾爽，沒有油膩感避風塘好惹味，同時辣度十足仲有原隻炸軟殼蟹同虎蝦炸得香口，唔錯

呢日同屋企人去咗啟德Airside行街，我哋搵咗呢間餐廳食dinner，餐廳嘅環境都幾大同新淨。呢間冰室有好多唔同種類嘅嘢食可以選擇，好吸引。呢度用QR code落單，好方便。今次就揀咗海南雞飯、二世祖撈丁、蜜桃燒汁雞扒飯同埋鹽酥花枝丸，有齊晒東南亞、港式同台式嘅食物。海南雞飯都唔錯，嫩滑嘅雞肉配上傳統嘅海南雞醬料，幾好味。二世祖撈丁呢個菜式好特別特，平民食材既撈丁配上高級嘅食材，入面有大大隻嘅鮑魚、帶子同埋冬菇，別有一番風味。

❣︎ Airside 新開港式冰室 有炒粉麵咖哩焗飯等等☝🏻另外仲有多款港式小食🫧海南雞飯 $83應有的都有 見個飯白白地以為係白飯但食落原來係油飯 真係唔好以貌取人食海南雞飯真係要配油飯先滿足雞件相當嫩滑 仲有老火靚湯 正👍🏻👍🏻🫧鰻魚滑蛋炸熱狗 $75鰻魚好厚肉 鰻魚汁好香濃配埋炸熱狗食就岩岩熱狗炸到外脆內軟🫧秘制辣雞翼（辣）$63瑞士汁加上秘製辣粉 入味又惹味🫧雪糕西多士 $45西多士食得多 雪糕配西多士真係第一次見雲妮拿雪糕🍦入口即溶 咸甜配搭味道好特別🫶🏼🫧龍鳳檸樂 $28 咸檸+ 檸檬 + 可樂成罐可口可樂慢慢飲 真係大滿足呀👍🏻🫧凍檸檬茶 $22

啟德 Airside 開咗一段時間，一直都聽講好多人所以冇去行；近期終於搵到時間去行下，見到有間新派茶記，叫三點三冰室咁過癮，就同朋友入去試下啦。我哋六點鐘入座，一路食一路多人，走嗰時仲滿曬客添！我哋晚餐叫咗佢熱烈推介嘅西冷牛扒鐵板餐 & 焗牛脷芝士意粉，仲加咗兩個小食，分別係瑞士雞翼同埋因為有啲掛住台灣所以叫咗鹽酥花枝丸。首先嚟咗鐵板餐跟餐嘅日式粟米湯，估唔到佢又真係名符其實 好日式喎！同喺日本西餐廳叫嘅粟米湯好似，堅日本 feel 😂 跟住就嚟小食瑞士雞翼，雖然係小食，但係有五大隻，仲要隻隻都十分飽滿唔係瘦嘅雞中翼；味道方面炆得好夠時間，瑞士汁超入味！接住落嚟就送上佢哋嘅招牌西冷牛扒鐵板餐畀我哋，發現佢哋好符合商品說明條例，因為塊西冷牛扒好！大！塊！ 我哋叫七成熟，不過都唔會好韌仲幾有肉味添！另外一道主食係焗牛脷芝士意粉，佢哋都冇吝嗇畀咗好多塊牛脷；而牛脷係用咸牛脷，同平時食開焗飯或者意粉嘅牛脷有啲唔同，有啲特色！去到最後終於上埋鹽酥花枝丸，花枝丸紮實，足料唔會好粉，鹹鹹地幾好食嘅。另外我哋加錢叫咗兩杯特飲，分別係菠蘿冰同埋美祿暴龍 with 忌廉；菠蘿冰好夠菠蘿味，酸酸 may

🥢Airside茶記新貴🥢-茶記開到成行成市 作為土生土長香港人 我一定支持☺️ 今晚去咗「三點三」其中一間分舖-🍚哈哈哈炒飯 $82三個😊😊😊 代表蝦膏/蝦乾/蝦仁 材料經過猛火同飯粒大兜亂 夠鑊氣蝦膏香好出 蝦乾夠chewy 飯粒乾身 推薦‼️ -🍹狂牛 +$19🌱薄荷咖啡 +$14跟主菜追加特飲只係半價😍 「狂牛」用利賓納溝爆炸糖再加雪糕同雜果 口腔同時有多種味道再加爆脆感 都幾得意-🍖香燒羊架餐 $128羊肉味道一般 雖然唔羶但over-cooked-🌭鰻魚滑蛋炸熱狗 $75當晚所見 好多人叫鰻魚飯 如果唔駛晚飯一定要有米落肚嘅話 食呢款炸熱狗仲有特色 賣相勁似潛艇三文治 炒蛋七成熟 有蛋香 蛋汁混和炸包食入口 唔會太乾亦唔油膩 good🥹-🍡鹽酥花枝丸 $42花枝丸唔夠彈牙-📍三點三冰室九龍城啟德協調道2號AIRSIDE B1樓B127號舖

三點三冰室☕️自從啟德airside商場開咗之後，就多咗去嗰邊行街，意外發現咗呢間食物有質素，而且食物嘅款式好創新嘅餐廳！❤️🉐🉐同爸爸媽媽三個人一齊食，每人叫做一個飯麵，分別係咖喱安格斯牛肉飯🐮 $88、焗咖喱雞扒飯 🐔🍛$78、大辣老虎蟹避風塘炒麵（軟殼蟹、虎蝦） $98，三款飯麵都有唔同嘅驚喜！❤️咖喱安格斯牛肉真係唔係得個名，味道比起平時嘅咖喱牛肉飯更加好，真係有牛味㗎！雞扒焗飯當然唔少得炒飯底，令到成個飯更加香更加好食，呢啲小細節呢間餐廳都做得好好！最後大辣避風塘炒麵最有驚喜，足足有一大隻軟殼蟹同埋勁大隻蝦，軟殼蟹入面仲要有膏添！同埋佢係辣嘅炒麵，食落特別惹味！🤤🤤小食方面，我哋就要咗沙嗲牛肉西多士 🐮$52 同埋 瑞士雞翼 🐔$62，估唔到沙嗲牛肉同西多士，睇落好似點都撈唔埋，食落又冇乜違和感幾得意喎！🥰🥰飲品方面，我哋特別推介凍薄荷朱古力 🍫+$14，呢個飲品嘅味道同細個超市買到嗰隻薄荷朱古力一樣味，個人覺得幾有驚喜！🉐🉐

今日時間關係，趕唔切行遠d, 結果就試下三點三。坐低左，望望兩旁客人既食物，已經明顯中伏。硬住頭皮，叫左個蕃茄牛肉通(轉米粉），牛肉貌似好多，又大塊，但‘’拿‘得好緊要，唔好食。米粉d口感質地難食cheap野，蕃茄湯好稀。另外，包，蛋，腸仔正常，冇好食，亦唔難食。點解我話睇兩旁枱客就覺中伏呢，旁邊一位叫左蒸牛扒, 個樣又拿過，又多筋，位女士食淨好多。另一位食公仔麵，睇個麵質就覺得唔方好食。轉出前／辛辣麵加$6。

鐵板牛仔骨 （$118）蒜蓉汁鐵板牛仔骨配薯條，牛仔骨味道濃郁，香味份量十足，應該一個女仔食唔晒🤣🤣🤣🤣香燒羊架餐（$128）羊架有三支骨啖啖肉,配燒汁十分惹味，重有配菜忌廉焗薯仔，中間有少少煙肉粒配忌廉汁，真係Perfect match💕，如果唔鍾意食焗薯嘅朋友仔都可以揀配薯條芝心蝦多士 （$78）細個最鍾意食呢個小食，蝦多士香脆，中間有芝心真係唔錯狂牛 （$38）見餐牌呢杯幾特別就叫咗，原來係雜果加士多啤梨雪糕加利賓納同七喜，賣相幾靚凍牛古力（$22）唔太甜👍🏻

去Airside發現「三點三冰室」，真係平靚正👍🏻 餐廳氛圍舒適，而且價格相宜，可以盡情享受港式美食。菠菜吞拿魚焗通粉，通粉配上菠菜同吞拿魚，健康又好味😋頭抽乾炒牛河，茶餐廳必點，牛肉炒得鮮嫩，配上炒得乾身又入味嘅河粉，帶來口感的享受。避風塘海鮮炒麵，海鮮有蝦、魚柳、魷魚，配上炒得入味的麵條，絕對令人垂涎欲滴。XO醬豬扒炒烏冬，豬扒煎得香嫩多汁，配上炒得入味嘅烏冬，帶來一種味覺的刺激。雪糕西多士同蜂蜜紅豆西多士，西多士煎得酥脆金黃，配上香濃的雪糕同紅豆，絕對是甜品愛好者嘅最愛！🍽️🍜🍛🍨「三點三冰室」係品嚐地道港式美食嘅好地方🍜🍛🍨💯💫

今晚去啟德新開既商場睇戲食飯，諗住睇完戲就搵間餐廳諗住去睇吓有啲咩食啦！跟住去到basement嗰層就見到好多餐廳，眼見有間茶記咁咪入去囉。坐低諗住睇吓有啲咩食啦，嗰陣時都九點幾啦，跟住就叫咗個夠薑牛肉炒飯跟餐飲嘅另外一個雪菜火鴨絲炆米。唔使10分鐘返嚟啦見到個夠薑牛肉炒飯以為好好食咁就滿心歡喜去食啦，但發現牛肉係碎牛嚟嘅，仲要啲飯生米又唔夠熱，淨剩係得啲翠玉瓜粒蛋粒，就收我80幾蚊。咁都算啦。跟手嚟過雪菜火鴨絲炆米，都算正常不過份量唔係太多。周圍其實都知呢間餐廳唔係for一啲本地人食㗎啦，明就明唔明就答第二個啦食評。點解咁講呢，價錢上只係食遊客。不過都有啲嘢贊嘅，但係環境裝修都算OK乾淨至少冇小強。

同朋友👩🏻‍⚖️👩🏻‍🌾一齊喺呢個商場🏬，大家都肚仔餓，行個圈見到呢間冰室，朋友👩🏻‍⚖️話啱食，於是我哋3個人👩🏻‍⚖️👩🏻‍🌾🥷就入去開餐😆$72「三蔥油豬扒煎蛋飯」 ：豬扒煎得幾香口，配埋煎蛋再加埋蔥油一齊撈飯食，幾夾😋$72 嘅「芝心蝦多士(6件)」：蝦多士炸到脆脆哋，非常香口，又輕身唔會好滯，特別嘅係裏邊有啲熱溶咗嘅流心芝士🤩$102 嘅「二世祖撈丁」：出前一丁就梗好食啦😆，仲好似係撈咗瑞士汁所以甜甜哋🤣，加埋鮑魚同帶子，幾豪華又幾有趣😆，仲有兩隻大花菇都幾好食😋$62「妙齡乳鴿」：幾香口👍$52「沙嗲牛肉西多士」：兩片西多士中間夾住沙嗲牛肉，就咁食鹹鹹哋幾香口幾有趣😁，餐廳仲提供一碟蜜糖，沾埋蜜糖就變得又鹹又甜，更加有趣😋跟飯餐加 $19 「檸檬🍋百香果茶（少甜）（少冰）」；跟麵餐加 $14「Jumbo 檸檬茶🍋🍹（少甜）（少冰）」：兩杯都幾清新，仲有好多片檸檬🍋🤩

今日去開啟德嗰邊，再訪Airside 超級好食茶記，價錢唔貴，性價比好高點解叫三點三冰室呢，可能係因為呢度幾時都可以食到下午茶嘅Menu喇，岩曬鐘意得閒tea 一tea 的你香燒羊架餐$128三大件羊架啖啖肉，配燒汁好好食薯條係波浪形薯條，薯條肉比薯條更加多肉唔想咁熱氣，亦都可以改配焗薯二世祖撈丁$108二世祖梗係要食好啲，就算係出前一丁都要配鮑魚、帶子、冬菇，瑞士汁撈丁甜甜地好滋味雪糕西多士$48晚餐好少何有地方可以食西多士，注意三點三嘅西多士分得好細緻雪糕西多士中間係冇花生醬㗎，要食花生醬餡要叫法蘭西多士滷水雞翼$62滷得好入味，雞肉好淋

不可一不可再係新商場難得找到間冰室,而店舖名啱晒我要食下午茶時間，一於試下。入到坐底後，所有野都係全自助😏，沒問題，睇下餐牌先。 睇完基本都係茶餐廳既食物，少有地飲品有 黑牛白牛之類，咁既然難得，加d 錢都飲下啦，之後叫左蕃茄餐肉通既茶餐+黑牛，同一個焗豬扒飯。上餐都算快既，但上來既通粉就唔算熱，似係擺左一陣咁，點解會咁諗，因為呢頭落完單，唔夠5分鐘就先上個餐肉通，但奄列同方包比餐肉通後上，不過都算啦，茶記你仲想點，佐敦茶記名店都係咁上下。之後成篇重點既黑牛上檯，我當堂嚇一跳然後只能苦笑🤣，個杯成杯都係冰面加半球雪糕，可以飲到既可樂分分鐘少過一罐mini coke 飲左兩三啖已經得返杯冰。其實加錢唔係問題，可以有返d 良心。真係個杯裝到幾多冰就裝咁多，等人飲兩啖完就好走。 最後雖然杯黑牛有d 失望整體食物質素係ok ,焗豬扒飯都唔錯，但往事只能回味，我不會再有勇氣再入店了。

今日同老公嚟啟德AIRSIDE食飯，呢間茶記裝修好有特色，地方大坐得又舒服，仲有招牌鐵板餐～ 落咗單之後已經好快有得食，上菜速度好快～鹽酥花枝丸 $42花枝丸好大粒，外皮炸得幾香，內裏好有咬口，爽口彈牙，仲食到好多魷魚粒粒，外面曬左鹽酥粉好惹味🥘三點三雜扒餐 $108食肉獸最愛，裏面有豬扒🐷，雞扒，司華力腸，煙肉🥓，夠晒厚肉大份～ 加入黑椒汁後吱吱渣渣出晒煙，就係食鐵板餐嘅風味～跟餐配埋日式粟米湯，薯條/焗薯～ 飲品可以半價轉特飲，我選左🍋檸檬百香果茶，清新開胃解膩～ XO醬豬扒炒烏冬 $78炒得幾有鑊氣，豬扒份量都幾多～ 🧀芝心蝦多士（6件） $72賣相幾吸引，蝦多士炸得酥脆，咬開裏面有芝士軟心～ 🐦妙齡乳鴿外皮脆卜卜，內裏熱辣辣和多肉汁，肉質細嫩又唔會太肥，有油香味道又唔會太鹹～

四川宮爆肉丁飯。肉質鮮嫩多汁，配上微辣的宮爆醬汁，將飯菜的口感提升到了另一個層次。飯菜的份量控制得剛剛好，讓人吃得飽又不會覺得沉重。迷你炸饅頭和秘制辣雞翼作為小吃。迷你炸饅頭外皮酥脆，內裡鬆軟，搭配上鮮嫩的豬肉餡料，非常美味。而秘制辣雞翼則是辣味十足，皮脆肉嫩，每一口都充滿了辣椒和香料的風味，非常開胃。妙齡乳鴿的肉質鮮嫩多汁，搭配上酥脆的皮膚，口感絕佳。濃湯海南雞絲米粉的湯底鮮濃，配上滑嫩的雞絲和Q彈的米粉，是一道濃郁的美食享受。蔥花火腿炒蛋則是一道簡單卻美味的家常菜