三記甜品

飯後甜一甜，唔會怕失眠！三記糖水價錢真係好抵！今晚附近食完飯散步行下行下經過Lee 度，就舊地重遊入去食糖水，呢度前身叫做綠林三記，唔知係轉手定乜嘢所以轉改名叫三記。叫左個西瓜涼粉，西瓜感覺好新鮮，涼粉滑溜溜，入口冰浸浸，夏天食返碗，暑氣即刻散！桑寄生蓮子蛋茶湯底清甜唔膩，蓮子綿密，蛋夠入味，舒服到瞓得着！…查看更多

深水埗糖水老字號✨ 芝麻糊綿密香濃到犯規！磨得超幼滑～ 黑芝麻香氣爆炸 入口如綢緞滑落喉嚨💥🍊 陳皮紅豆沙紅豆熬出沙質口感🧡 陳皮香氣尾韻微苦回甘🌿 ，是街坊口中的「阿婆味」🪑 小編食嘅時候好多都係附近街坊，舖頭近油站都有唔少揸車人士購買‘-‘-‘-‘-‘-‘-‘-‘-‘-‘-‘-‘-‘-‘-‘三記甜品📍地址 : 深水埗元州街9號景業大廈地舖🏰環境: 7//10🙇🏻‍♂服務: 7/10 💰價位: 低價⏰用餐時段: 甜品‘-‘-‘-‘-‘-‘-‘-‘-‘-‘-‘-‘-‘-‘-‘…查看更多

當晚我哋四人去食糖水，一入門口已經爆哂人無位，門口有好多人企左出面，我哋以為啲人係堂食，就跟住排隊，等左一陣我入去問係咪要攞籌，佢話唔使，下一張係我哋，出面全部都係等外賣，係完全無管理，唔分開堂食同外賣都企埋係門口，又無派籌，都唔知邊個排先排後。入去後，全場10幾張枱，得3個員工，一個整糖水，2個負責全場10幾張枱，做埋收銀。一坐入去等左好耐先收枱，我哋仲自已搬櫈，完全無人理，有一個人顧住收錢，又幫手落外賣單，條收錢/買外賣隊長期有人等，淨得1個樓面做哂全場，又落單，又執枱，又攞堂食，又包外賣，收銀個個，收左幾個又走去幫下另一個手。等左十幾分鐘先有人落單，有啲遲我哋入嚟堂食都已經落左單先。之後佢哋就處理左外賣客先，成十幾分鐘先送糖水（正常糖水舖幾分鐘都有）比我哋。當送第一碗已經上錯野，我叫芋頭西米露（23蚊），佢比錯左椰汁西米露（22蚊），我即時同佢講換，我仲大大聲話下次要芋頭西米露要講清楚要芋頭，我即刻同佢講我指埋個餐牌話芋頭西米露，佢寫單都寫23蚊，仲大大聲話我錯，態度整之惡劣，換左之後，仲大大力放隻碗。之後個人個員工又收下錢，又執下枱，出面大把人排隊堂食，佢話無比籌人，邊個當時問見有空位就比人入，有啲先問個啲就比人打尖，有幾隊客人都出聲話佢哋，佢哋統一回覆話我以為你地係一齊，真係無言。堂食啲客又有幾枱漏單。之後，我哋就外賣攞比其他屋企人，我叫番椰汁西米露（22蚊），佢大大聲問係咪今次唔係芋頭，我即刻同佢講，你自己之前都寫左23蚊，擺明係佢錯，重要問多次，有冇搞錯。最後，連外賣都要等15分鐘，仲要一開始走去門口問啲客，明明佢知我哋坐入面等佢手上既外賣，我即刻叫停佢，問係咪我哋既外賣，佢不情願之下先比番我哋。總結，呢間真係我幫襯咁多間服務最差，員工又無禮貌，比錢要受氣，一定無下次🤬🤬🤬…查看更多

係深水埗區住左超過廿年，呢間係我只要想食糖水就會諗到嘅鋪頭，三個字「平靚正」，再多四個字「包羅萬有」。基本上係你想食咩糖水呢度都有，同旺區/打卡餐廳唔同，呢度價錢超級相宜，唔使驚貴夾唔抵，盲點都唔會伏～食客都係街坊街里，平時都見唔少人打包走。我嘅最愛係雜果類糖水，今次叫左雜果涼粉西水露，樣樣料都俾得超足，生果清爽，涼粉有啲趙口，而且甜度剛好，大推呢度樣樣都好足料，晚餐食唔飽，係呢度都食飽你，超級滿足！次次推介朋友都冇翻車😎…查看更多

係附近食完加藤屋牛肉飯，再搵糖水食🤭 朋友之前食過話好食，就試下！入到去環境好舊式但好乾淨，好多人入嚟都好似食咗好多次咁，已經知道晒架步😂 我見到餐牌有椰汁香芋西米露，21蚊，都唔係話好大期望，不過因為我都好鍾意食香芋西米露，所以就試吓，朋友就食哈密瓜西米露。一上枱已經見到好大碗，食第一啖就知道好足料！唔係講笑，平時食嗰啲都好稀，呢一個就係將香芋打碎晒，再撈埋椰汁同西米露，仲要有幾粒香芋好好咬口，真係食過最好食嘅香芋西米露！下次一定會再嚟🤤🤤🤤…查看更多