三尖外賣煲仔飯

營業中

休息中

在我望著餐牌尋思應該試哪款的時候,店員向我推薦了這個甘香臘味五寶煲仔飯,這個飯的價錢是 $79,飯裡面有臘腸、潤腸、鵝肝潤腸、腊鴨胸、 臘肉,餐廳有將臘腸切開,令臘腸的油分能滲入飯 中,讓飯帶有臘腸的香味。此外,餐廳還特別用心,在蓋上貼上「配菜旁是鵝肝腸」,讓我知道原 來在粟米上的是鵝肝潤腸物有所值

一腳踏入呢間煲仔飯店，阿姐就笑容滿面咁遞上菜單，環境唔係豪華，但有種老香港嘅家庭味。首先點咗碟鹹魚雞粒煲仔飯，瞓身上去，阿！嗰陣爆香真係撲鼻而來，鹹香得嚟唔膩口。🤤 雞粒嫩滑得罪，同鹹魚嘅強勁味道正正好夾，跟上幾啖香糯嘅飯焦，真係食到手指都想舔。跟住又點咗個客腸仔牛肉煲仔飯，腸仔烏溜溜又滑溜溜，牛肉嘅香味伴隨著每一啖飯嘅喜悅。飲飽食醉之餘，佢哋嘅自家茶點都好吸引人，杏仁豆腐同凍奶茶一流，鬆軟細嫩，解膩！講真，嗰啲街外快餐店食唔到嘅滋味，我這趟煲仔行大滿足！😋 來來，插埋幾根筷嘅腐皮卷沒啦啦咁給我攬入口，內餡飽滿，外皮金黃酥脆，仲有！嗰啲甜品，簡直係點都食唔厭，真係完美收場！🥳 呢間，一定要再黎！

煲仔飯基本上是沒問題的叫左滑雞臘腸飯有少少飯焦 用錫紙包好保溫好好送菜甫是油蔥分開落外賣自取60幾蚊 性價比都OK慢煮小椰菜超級難食🤯咬落去係苦的食左一淡要吐返出泥成兜都唔要得好浪費🥹

只係做外賣！ 但係竟然有飯蕉既效果！ 香又夠熱！ 返到屋企食岩岩好！ 佢自家製既辣椒真係好野味！ 我想叫老闆賣一樽比我呀😆用既料全部都好新鮮！ 個和牛同饅魚！ 真係一食再食！ 肉餅就岩岩好唔硬!值得推介！

突然好想食煲仔飯，行過見到買黎試試。番到屋企發現仲係好保暖，屋企比較遠，隔咗一個半鐘頭都仲好熱辣辣，而且好有效率，等左10分鐘左右就已經拎得。個飯同肉餅好好食，仲有好香嘅飯焦，隻蛋好有日本蛋嘅味道，包裝亦都好方便好整齊。

第一次點三尖煲仔飯，十分滿意❤️ 首先外賣包裝很企理，乾淨，細節位做得好足，諗得好周到，用app叫外賣送到屋企仲好夠熱👍🏻 主食方面，d飯煲得粒粒分明，火喉岩岩好，有飯焦，很脆口☺️ 點左一個流沙肉餅、一個雞，兩樣餸好入味，肉質好嫩滑，最重要係份量好夠！另外附送既菜圃撈落飯度，令個飯又多左一個層次☺️ 再多一重口感😍而小食就點左焗硯，好鮮味，無沙，加左少少青椒吊味，值得推介！會推薦多d同事、朋友買☺️ 外賣的首選！

上星期有日好曬好焗唔想出街食～喺外賣平台見到呢間未試過但評分有4.6分貌似不錯就叫咗嚟試吓啦…我哋分別叫咗-足三塊芝士流心雞肉餅煲仔飯、-指天椒醬肉餅煲仔飯、-滑雞臘腸煲仔飯、-原木花菇滑雞煲仔飯我食雞肉餅真係有流心芝士！好驚喜，同埋塊雞肉餅都好滑一啲都唔鞋。同事嘅評語：指天椒醬好辣好惹味 豬肉餅好彈牙juicy 愛辣嘅同事已經話下次要encore， 食滑雞臘腸同花菇滑雞嘅同事一致認同滑雞係好滑、間店話係用‘去骨雞上髀肉’ 又真係冇呃人喎 啖啖肉！同事仲好欣賞臘腸係本地製造 特別好味咁話同事都有俾粒花菇我試吓 好香勁厚肉 份量方面 女仔嚟講會飽到上心口 不過好味到忍唔住食哂 男仔可能就岩岩好 嗰日飽到晏晝冇偷食零食另一驚喜就係用呢隻錫兜都會有咁多脆卜卜嘅飯焦！口感幾豐富！嘢飲方面都好多嘢揀～ 椰青水夠清新 我自己就叫咗紅莓汁🥤酸酸甜甜超解膩 ，但同事話食煲仔飯要配可樂先夠爽喎最後總結食完係會有啲上癮因為太多選擇 揀嗰陣超掙扎 又會想試吓其他 所以同事已經係咁話每星期要食最少一次 煩少一日揀邊間餐廳喎

不用15分鐘便可以取餐，我在金鐘站先開始落單，到佐敦站時，apps已顯示外賣準備好。佢用一個紙盒裝著放有錫紙盒的飯，所以非常保温，而且有飯焦。我買了一個排骨臘腸和剁椒肉餅飯，兩個都好食，但建議唔食得辣既就不要叫剁椒肉餅，真係辣到噴火。

今日開工經過油麻地，遠遠已經聞到陣陣飯香味，原來開咗一間煲仔飯店，我見價錢都唔係太貴，晏晝又諗唔到食乜，冇嘢食就試一試佢店內用日本嘅售賣方式，自己可以撳部機買票，全自助式，看見門口都有一個whatsapp電話，問過店舖嘅老細，原來中午食飯時間，可以透過whatsapp落單，咁就唔使排隊,浪費曬啲食飯時間又唔使咁趕，我哋等咗大約十幾分鐘見到老細張煲仔飯，擺落去個紙盒度，個煲仔飯用錫紙造成個煲，又保暖又夠熱，食落去都有飯焦香味，價錢唔貴絕對係超值之選

價錢親民外賣煲仔飯🍲依間位於佐敦嘅煲仔飯專門店係一間外賣嘅小店，所以不設堂食，但味道絕對唔輸俾堂食嘅煲仔飯，而且好足料，價錢仲好親民😽另外佢哋嘅煲仔飯選擇都好多，除咗有唔同配搭嘅臘味煲仔飯之外，仲有豬肉、牛肉、雞肉同海味類嘅煲仔飯可以揀，總有一款啱你🫶🏻蕃茄仔叫咗1款臘味同1款牛肉嘅煲仔飯，每個飯都會跟一盒仔蔥花、菜圃同甜鼔油，所有包裝都好方便之餘個飯仲好保溫👍🏻加分位係個臘味煲仔飯嘅香味比想像中更加香，未打開錫紙蓋已經聞到好香臘味味🤣食到底仲有少少飯焦😍🍅和牛雙窩蛋煲仔飯 $68有一隻蛋穿咗🥹不過反正都會整穿佢黎撈飯所以唔緊要🤣個和牛係好似日式漢堡扒咁，大細適中，同埋都算幾厚🧐雖然係好簡單嘅配搭，但味道唔錯😋🍅如意吉祥(臘腸、潤腸)煲仔飯 $58依個煲仔飯超足料，有原條潤腸同2條臘腸😍未開蓋已經聞到香噴噴🤤臘腸同潤腸都唔會太瘦，亦唔會話好硬，同飯一齊食真係一流👍🏻味道亦比想像中好味好多👍🏻最開心係食到底有少少飯焦，完美還原煲仔飯應有嘅口感，但又唔會有焦燶嘅味道😋好味指數：🍅🍅🍅🍅/5

前排無意中聽到電台飲食得起介紹呢間煲仔飯，話落單後13分鐘就有得拎走今日咁岩路過就即管試吓啦 落完單行陣街返去就拎得順便搭巴士時間岩岩好第一次食唔知試咩好同電台介紹講嘅一樣，老細好好態度同好有禮貌咁介紹啲飯會問你鍾意食咩去介紹岩我口味嘅飯最後我叫咗 一個梅菜肉餅+臘腸，一個足三塊芝士流心雞肉餅+臘腸，一個海味四寶（有蝦籽、元貝仔、海龍蝦乾、銀魚仔）佢有另外上菜脯、蔥同豉油每款入面都有粟米 感覺健康啲😂我食芝士雞肉餅 本身好似話有三塊但我加左臘腸驚食唔哂 叫佢地俾兩塊我得喇肉餅好juicy 有驚喜🤩 入面仲有流心芝士好特別 送飯一流女仔食非常夠飽 屋企人就食梅菜肉餅 佢話好開胃 梅菜份量都幾足另外一位屋企人食海味四寶佢一打開已聞到鮮味 好吸引家人評語口感豐富 有咸香四款餸有4重享受😂😂下次我都可以考慮加元貝仔銀魚仔落我個飯度先仲要每款都有飯焦 脆卜卜好有咬口我自己好鍾意食飯焦所以呢個位好加分！老闆話有碗半飯連平時只食一碗飯嘅家人食食下都食哂全個飯就知幾岩佢地胃口😌屋企人仲讚不絕口話電台冇介紹錯今餐整體感覺好好👍🏻👍🏻方便有時懶唔想煮飯又想食啲冇味精嘅晚餐時叫黎食下 碗都唔駛洗 好爽鋪頭

同事大大推介呢間既煲仔飯，今日終於都可以試下啦！果然好味～臘腸蒸雞煲仔飯食煲仔飯當然要有飯焦啦！呢個外賣既煲仔飯都有架香噴噴熱辣辣，而且包裝外賣上都花心思值得加分呀！

依2日天氣涼左就好想煲仔飯😍！上網見有煲仔飯外賣舖，價錢又唔貴就試一試新嘢😆。 今晚叫左滑雞臘腸加蛋飯，如意吉祥飯（ 臘腸潤腸飯加一條潤腸）同焗白蜆。收工拎到返屋企都已經過左45分鐘左右，我怕會凍左，但點知打開石紙蓋仲有煙出😲，之後加左少少豉油，蔥同埋菜脯勞左再食。啲雞好滑，焗左一段時間都唔鞋，而臘腸同潤腸好好味，一啲都唔硬，又唔會好肥食到成口油，但如果張其切小段，流多啲腸油入飯成個飯仲香，豉油都唔洗落咁仲原汁原味😄。焗蜆味道好鮮好新鮮，冇一隻臭蜆😆，加左青🌶️，黑胡椒，🧄 同小小鹽已經好好味😋，最重要係冇乜沙，🐼外賣$60幾我覺得都算平而且又清，真係值得一試👍🏻！整體嚟講成個飯都好乾身，飯底仲有少少焦燶，一啲都唔油，如果加多一條菜咁就100分😍

📎餐廳類別：中式/煲仔飯/外賣店⏰用餐時段：晚餐👉🏻👉🏻適合：冬天收工外賣晚餐/ 糧尾必食🌝💸煲仔飯有好多款餸揀 絕對係平靚正之選🍽🪴餐廳環境：⚠️只提供外賣⚠️留意到入面環境都算企理乾淨😋今次叫咗✋🏻🤚🏻📌 窩蛋牛肉飯 📌銀魚仔肉餅飯+潤腸 👆🏻👨🏻‍🍳👩🏻‍🍳味道：煲仔飯配埋 豉油&菜譜好惹味😋打開盒飯聞到好香嘅飯香 飯粒唔會太乾身或者太濕 而且焗到有少少飯焦🤪鍾意食飯焦嘅人會好鍾意 但係我唔鍾意食 覺得有啲硬😂😂😂📌焗蜆 (份量好多超抵食)👆🏻👨🏻‍🍳👩🏻‍🍳味道：味道清清地帶少少鹹味辣味👍🏻蜆肉都算幾滑 不過其中兩至三粒有砂🤔體驗感想&補充資訊：今次都係喺OpenRice pre-order 之後行過去拎如果係夜晚食嘅話建議提早order定因為晚餐時間比較多人等外賣 真係要預多少少時間👅冬天可以食到暖笠笠嘅煲仔飯真係好正👅

真心懷疑好的食評從那裡來，今天試過海味三寶，蝦乾及乾瑤柱勁硬，魚仔勁淋，飯又沒有香味及勁硬及勁乾，想著加了少量豉油及菜甫會好點，點知勁咸又味精，只食了幾口已食不下了，我不是咀刁的人，但每食一啖都要飲水才可吞下，試問廚師自己有沒有試過自己整的，做人要對得住良心。試過同事的滑雞飯，雞又有雪味，另外一個同事的，窩旦牛飯竟然是漢堡扒加兩隻熟旦，真係暈低，這是煲仔飯，真係好笑，可惜放不到相片給大家看，希望餐廳負責人見到評語，請監管一下自己的出品。