三寶齋素食中心 (已結業)

聽聞堂食評價唔係幾好，所以次次都係揀D素食再買D黃糖糕拎走帶返屋企食。經常都係買15蚊素食，一樣嚟一D咁，其實味道都算ok，不過亦都唔係話好好食咁，無功無過咯。黃糖糕可能係因爲自己本身就鍾意食，所以經常見到都會忍唔住買番兩塊。好實身，味道唔錯，唔會太甜，但感覺就唔夠鬆軟咁，我鍾意松身少少嘅…查看更多

本人一家三口到 三寶齋素食中心 Sam Bo Vegetarian Restaurant 午膳.1. 座位窄不太舒適. 職員編配座位亦好失當 !2. 杯子 超破爛也拿來招呼人客 ! 3. 食物最差! 抄飯濕立立, 似抄隔夜飯, 飯仍一舊舊無抄開, 吃之無味, 棄之可惜!碟飯份量不平均, 碟大碟細無準則!4. 抄麵亦是一樣..總結是吃過以後永不會再回頭!本人己非首次幫襯, 此店剛裝修後價錢當然大幅增加, 但品質及服務更遠差過以前.未裝修前己不算好味, 服務也不佳.我們對食品有意見時詢問職員, 但職員聽到投訴就講講下自行離開不再回應!態度超差! …查看更多

講真，沙田真係有好多野食，不過鮮榨果汁真係無乜，除左一田百貨既生果專櫃，基本上我都諗唔到第二間。但係一田既果汁，都係榨定而唔係即叫即榨，所以離新鮮似乎又有點唔同。終於，唔起眼既三寶齋改裝過，開放左個門面，供應鮮果汁！雖然價錢偏貴，＄18／12oz，＄36就600ml，但係總算係一間真正鮮榨、新鮮既果汁！第一嚐﹣五青汁，我望住姐姐將剛清好既苦瓜、西芹等等放入榨汁機，出到來既果汁好明顯就係新鮮！唔會水汪汪！真材實料！正！對想成日飲鮮榨汁既人實在一大喜訊！XD一定有下次！…查看更多

受難節當天不想破戎，齋口不齋心的我到了沙田廣場的三寶齋醫肚。 原來的門口擴闊了，開揚了。 稍一停留，侍應已趕着推介那裡的下午茶。 我在半推半就的情況下被引領到一張小桌並坐下來。 我見餐牌上咸魚雞粒炒飯不過是32元，便試它一試，我選擇了 “加蛋” 並要了壼普洱茶。食物味道不久一大碟香噴噴的炒飯送到，有鑊氣，味道亦和真正的咸魚雞粒飯相若， 只是少了偶爾吃到咸魚碎時那股爆發性的咸香。 在先天不足的情況下，厨師的技術反而得到了肯定。 若再有香濃的普洱茶作伴便更佳，可惜面前的卻淡淡如水....待客態度好了，要結賬離開，總數竟是38元！ 我吒異地問收銀員，她竟如臨大敵般跟我說：「三蚊茶錢，另外三蚊是假期附加費，嗱，你唔信睇下餐牌吖...」 我雖感無奈，但亦準備付賬離開，誰知她竟得勢不饒人地强拿餐牌到我面前，一看，我更火了! 原來甚麼茶錢及假期附加費竟一棗放在下午茶表單的背面！ 我惟有歎自己的不察，但難道她們不可以在同一頁面列出相關收費嗎? :(總體評價當初我以為下午茶是包括奉上的普洱茶，是我見識少，不知那裡的收費計算法與中式茶樓相近，但為何這裡的命名是 "中心" ？ 茶葉的質素卻有如茶餐廳？ 雖然炒飯不錯，但以店鋪的裝修及茶葉質數而言，將近40元的收費明顯偏貴。…查看更多

今天來了三寶齋素食中心，有卡位坐這裡服務真是唔得唔識主動同人換枱布我們逼住用舊枱布:(。我們叫了腰果蛋白菜粒炒飯$68、兩碗芝麻湖$15×2和一客四式點心$21腰果蛋白菜粒炒飯 腰果色澤漂亮甘脆可口蛋白炒飯味道不咸而且食不到有味精幾好要賣到$68真是貴了。芝麻湖 與出面糖水舖質數差不多是新鮮味足:)。四式點心 我食了生煎包味道不錯應該是最好食:)附皮卷可以，其餘兩件點心我媽咪話OK。不過這裡服務真是唔得。…查看更多

是日休息和爸爸媽媽三寶素食去~雖然門外有長長的人龍在買齋，但其實入內仍有很多位。三個人點了兩個小炒，一個是乾牛河，另一個是雪菜金菇炆米~可能由於門外外賣的人太多(清明買齋掃墓吧)，所以今天上菜的時間長了一點，等了大概都有十多分鐘才有得吃呢。沒關係，飲飲茶和家人談談心吧~^^乾牛河: 看看相片喔!!色澤完美哩!!! 香味十足，味道一流XDD! 素牛肉有點爽口的感覺，吸了一點汁，但不是油淋淋的，而且熱騰騰，鑊氣夠，油不會太多，如果吃真的乾牛河很多時都會像油浸一樣的，但這個不會太漏，真的值得推介!! 雪菜金菇炆米: 很多金菇，雪菜不會太咸，濕濕的很好入口。兩道菜已經夠三個人吃了，吃完之後不會覺得自己是在吃素，很滿足!…查看更多

行沙田，到食晚飯時間，食咩好？都無去過三寶，就食齋啦!食齋戒，最怕假齋，即假肉假肉無意思，齋口唔齋心不過，因應市場，大多數齋鋪都提供各式假肉今晚，兩個人叫咗三個餸雪菜炒年糕、三菇扒粉皮、金銀蛋時菜原來金銀蛋時菜有假肉碎算啦，無辦法菜都好大碟，兩個人其實叫兩個餸都夠總括都唔錯，會再去…查看更多

went there last week with my parents and grandmom. The dishes are heathly, not as much oil as other vegetarian restaurant, not as much friend stuff as well. My grandmom very like it, espcially elderly like something simple and light. Even for people are not vegetarian, their meat are very tastly!! …查看更多

兩人吃晚飯，點了:1.五柳黃魚:香脆，螢光色的汁是重點，雖感色素很重，但美味。老公仲話用d汁撈飯吃好味。2.咸魚雞粒炒飯:少油、味香，讚!食唔晒，外賣回家吃，仍好味。3.羅漢上素:不油膩、味道適中、最好味是d菇類。環境:一般…查看更多

晚上, 我同齋妹決定入去西貢, 看電視劇 instead of 行沙田. 入去之前, 齋妹建議買外賣返去. 而驚訝地, 她提議"三寶齋".......好難食個喎!!! 我說....她答道: 我知....炒兩盒粉麵姐, 沙田得佢一間齋鋪.....算啦 .............. 囧啊.....去到, 外賣飯盒都幾抵食既, $25一盒, 大大盒. 叫了一個麻婆豆腐炆伊麵 同 一個 素鰻魚炒河. 等了十多分鐘, 飯盒搞掂, 再去超市買埋雪糕, 登上299號慢車, 直指西貢, 執一執新屋, 看大結局, 食埋個飯仔.入到屋, 大家趁熱, 先食野. 一打開飯盒, 份量都不小, 抱著預左唔好食既心態黎吔. 麻婆豆腐炆伊麵, 算是兩份野之中最好食6的了, 味道雖沒有普通炆伊麵咁味濃, 但勝在那麻婆豆腐夠味, 而且唔太辣, 淨呢個會有個OK分俾番.素鰻魚炒河, 是濕炒既河粉. 不過覺得, 只是整熟了河粉, 再煮好一個茨汁, 淋上去, 令到上面有味, 下面冇味. 素鰻魚其實只是紫菜卷, 茨汁又係冇乜味既野. 總之.....難食.係沙田....你係獨市咋.....不過獨市得黎都冇乜人幫襯....證明的確一般.…查看更多

有時一個人係附近行,想食清d,唔去一田果邊food court,偶爾都會食碗無乜未既齋麵.今日同屋企人係沙田買野,心諗都未試過晚餐,週六晚餐時間都唔係好多人,個心都覺得唔對路,不過搵位難,好一餐唔好又一餐啫,咁又出事.三大兩細,食得唔多,就要了一個二人餐再加碟炒麵,應該都夠.紅燒素鮑翅 : 豆腐絲,金菇絲,竹笙同冬菇絲唔多,不過個豆粉茨就真係杰,味又無乜,就連鐘意食碗仔翅既囝囝都灑手擰頭.時菜珍肝 : 不論色,香, 味都係求求其其,完全同珍肝拉唔上關係,白菜仔灼完塾底,上面既"珍肝"兜幾兜打個色水茨就算,唉..........乜黎架?鮑片海鮮煲 : 講真,個海參片同蝦件都有幾分似,鮑片就真係加100%聯想至得,又係杰玻璃茨,食得多都唔健康.羅漢齋炒麵 : 呢個算似返d樣,至少麵底炸得金黃,脆口,料就真係唔多,都係果句,杰茨又黎啦.講食物就真係無乜邊樣得,反而服務都算幾好,話說個位新手阿姐,攞碟炒麵上檯時又懶,將小碟辣醬放係碟邊,點知隻手又唔夠力,碟辣醬跌落地飛開晒,濺到我同家人,點知個位阿姐竟然掛住攞掃把掃地,我家人成隻腳都係都唔理,終於要老板娘出聲先識比紙巾我,擰轉背,又係佢攞碟野黎,單手上之餘隻手仲震震下,我都打個突,不過老板娘都識做,同我地say sorry,最後仲打個九折(即係無收加一),我諗都好難有下次,絕對唔係因為呢件事,而係d野食唔得.…查看更多

　　今日又心思思想食齋 , 兩位阿姐仍舊服務態度無得頂 , 好有心機咁話比我知道素紮蹄﹑齋雞係d咩整成 , 結果我就買左齋鮑魚﹑齋叉燒加埋素紮蹄﹑齋雞作為今日既早午餐囉 , 第一次食齋雞原來係有d似玉子豆腐既口感 , 外表望落去以為係煎炸會好油 , 但係食落去味道好清淡 , 至於素紮蹄就好似實左d , 外面個層又乾又硬 , 好彩入面既腐皮有水份先唔難食咋 , 試左咁多款式既齋 , 我發覺自己最愛係齋叉燒 , 可能係因為平時都唔可以食真正既肥叉燒 , 有d假既齋叉燒可以比我滿足一下 , 咁樣一盒野買左$36唔係特別平 , 不過當我諗起禾輋個間齋舖整個d齋既樣貌 , 呢間d齋已經係好好架啦。…查看更多

齋鹵味 ~ 記得之前黎買野食個陣d阿紅既服務態度非常唔好又冇禮貌既 , 不過今日兩位阿姐態度良好 , 皆因少買齋黎食既我多多要求 , 所以一路不停講唔好意思 , 幫我剪齋個位阿姐冇黑面不特止仲竟然話唔緊要 , 我仲以為自己聽錯咋 , 哈哈哈哈^^我淨係揀左齋鮑魚﹑齋鴨腎﹑齋叉燒同甜酸齋 , 幾樣野入面最入味係齋鴨腎 , 可惜硬左少少 , 其他個d真係麻麻地 , 一早知道呢間既齋味道唔係好好食架啦 , 但係新城市又淨係得一間齋舖 , 冇得揀情況之下唯有係度買ja , 至少我諗應該會好食過百佳超市個d所謂既齋。…查看更多

是日相約到舊同學gathering, 但由於當中有素食人士，所以只能往齋舖解決。然而，太公想來想去，都想不出新城市中心有齋舖；在沙田居住的朋友就指出，哎，沙田廣場有一家；於是，大伙兒就出發了。一行七人，叫了個有五個小菜的四人餐，另加琵琶豆腐、松子蛋白炒飯和齋鹵味四人餐的第一味是紅燒素鮑翅；素翅做得粗，但就不夠爽口；湯裏的豆腐絲和木耳絲，本能豐富口感；可惜，勾芡時下手太重，成「pat」野咁，似漿糊多於一切，調味也太濃，腐絲和木耳絲再有口感再有味道，都吃不出。素鮑片時菜 - 本以為素鮑片是鮑魚菇，但吃下去感覺比鮑魚菇再鮮甜一點，與鮑魚味極似，像經過加工的素食材，相當可口；可惜，用的是生菜，加上又是那又厚又濃的芡汁，甚麼食味都浪費了。五柳素仙班 - 以芋頭製成魚狀，經油炸後成形，是齋舖的經典菜式；可惜，這裏的芋頭太乾，不夠軟身；而外層的炸漿也炸得不夠脆，功夫未夠水準。沙律素海蜇 - 光看名字令人難以想像 - 原來這味小菜，重點是「沙律」！一大盤的薯仔沙律，加上幾條「五彩繽紛」的素海蜇 - 對，是「五彩繽紛」沒錯，有相為證，小女子見識淺陋，至今還是第一次領教這種五彩素海蜇！味道又如何呢？老實說，這素海蜇味道本不錯，爽口非常，與已經調味的真海蜇很像，不看顏色閉著雙眼吃還能接受。只是，這咸味濃烈海蜇，配上偏甜的雜果+薯仔沙律，又咸又甜的感覺，終究奇怪。XO醬爆素螺頭是最好的一道，素螺頭與草菇，青紅椒等同炒，很惹味；素螺頭賣相似被切小件的玉子豆腐，但口感和味道都與真螺頭相似，味道不錯；不過，又是略嫌勾芡稍重，火候也略嫌不足，但還算可接受。另外叫的琵琶豆腐 - 豆腐加上薯蓉，搓成球狀再炸，金黃色的一個個，本來賣相不錯；可惜，一咬開，裏面竟是猶如咖哩般的鮮黃，卻沒有一點咖哩味，假得嚇人；明明這道菜可以很平實地作，何苦偏要整色整水呢？齋鹵味和松子蛋白炒飯，兩者皆不過不失。埋單，一人$74，以此質素，不算抵食；太沉迷於要「整色整水」，以及要勁加芡和加色素，是最失敗的地方 - 為甚麼不能安安份份地做點平實簡單的齋菜呢？…查看更多

明知山有虎，偏向虎山行。明知食評彈多於讚，昨晚居然到三寶齋晚膳。無法喇，個女話事嗎。不過睇晒d食評後，通常都係話:1. 服務差2. 食物多油其實都唔係第一次响呢度開餐，不過多數係响齋期，要大約15至30分鐘等位，到開餐又忙碌得很，班waiter真係多句都冇，d位又迫又窄。食物嘛，只記得d炒米都好似幾多油，得到劣評實不為過。:(昨晚非齋期，一入到去要乜位都有，因為只得二三枱客。我話四人居然俾張六人枱。唔錯噃，可以有位放隨身物品。揀咗四個小菜，一碟飯，埋單約二百四十元，可以接受。菜單如下:1. 五柳魚2. 涼瓜班腩3. 西檸鴨4. 西蘭花黑椒雞扒5. 鴛鴦飯五柳魚--------------基本係煎魚形芋頭，煎得較為差，火路唔算均勻。五柳菜又乾又少，個汁都可接受。涼瓜班腩-----------非常唔錯嘅小菜，涼瓜新鮮，齋班腩口感不俗，有咬口而味道清新，而且唔覺油多。:)西檸鴨--------------香煎齋燒鴨，以菜芯墊底，另上一碟檸水作為醬汁。齋燒鴨煎得香酥，沾上了檸水即食，不減香脆感而又冇咁熱氣，菜芯都清鮮可口，正。西蘭花黑椒雞扒--而家d素肉效果真是不俗，雖然雞扒有d似午餐肉，但係食落又真有dd雞肉感覺，唔錯喎。:)鴛鴦飯--------------飯用蛋炒，再用兩種獻汁蓋面，感覺一般，不算特出。全晚感覺，都算Ok喇。最後有兩點需要一提:1. 當我們討論菜色時，小女希望食芋頭魚，一位女服務員聽到我們的說話後便信步上前在菜單中指出給我們。2. 原先我們選了西檸雞，但寫菜的男服務員建議西檸鴨，認為菜色大致一樣，但較可口，一試果然不俗。服務水準果然是隨不同時間、不同日子而改變啊。…查看更多