三寶素食

營業中

休息中

早幾日路過這間小店，見到店內坐滿人，好奇心驅使下就決定入去試試。店內空間唔大，大約只有20個位。午餐點了素食壽司套餐🤤包括牛油果卷、太卷、蘿蔔卷、青瓜卷同腐皮卷，總共有15件，份量好足夠。醋飯嘅酸度剛剛好，紫菜都係脆的，感覺到食材新鮮同好清爽，另外加咗$3加購是日例湯木瓜湯，好足料有各種蔬菜同豆類。店內仲有免費羅漢果茶任飲，可以清清熱好養身～😌如果鍾意健康輕食，絕對值得一試！另外我聽到好多人會點佢地嘅4餸飯午餐，有機會要試試

久不久就要去長沙灣，因今天時間太趕不能前往平時去開在佐敦的素餐廳，上openrice找找長沙灣有冇邊間星期日開的素店，三寶素食今日就開到3:30， 休休後5:30再開。我哋叫咗個二人套餐，食物新鮮，即叫即整，份量適合。沒有很杰的醬汁，所有食物保持原味。壽司更是好味，包住醋飯的紫菜上碟到枱還是脆的。雖然食肆座位有限，地方雖小，但係老細用心製作，保持水準，我哋決定嚟長沙灣探人都會嚟呢度食。呢間平民素食值得推介，大家應該嚟試吓。

來過此店一次，被其店主「心」耕細作所吸引，今次一人再去，點了一人壽司餐，最吸引是面頭加上的麻醬，清爽好吃，跟餐加3元有素湯（超值），另外茶水任飲，有玫瑰花茶，很窩心的安排，以熟客光顧居多，環境格外清淨，牆上有掛鉤，女士可掛手袋👜。值得再去！

一間小店，卻有比價錢高既出品，日本壽司配合做齋呢個原素已經唔錯，加埋老闆本身係佛教徒，對於出品肯定有保証。食用方面 壽司 湯麵都比想像中有味道同濃厚尤其冷麵真係唔錯（冇影底)，另外個攬菜炒飯老闆推介必食。

天氣太熱，望住d肉覺得滯滯地，試下呢間素食地方好細，4張2人枱，但都好整齊，食物類別比較新穎，係壽司，炒飯同餃子形式我地點左壽司拼盤B餐，4款壽司每款4件，好飽肚，另外麻醬餃子12隻，店員落單時都有問清楚是否要純素同有無對花生敏感，超細心結脹時，店員見到我媽媽，然後問左句係咪過左65歲，原來係有優惠的，全單平5蚊

長沙灣開咗間新嘅素食小店，店內座位唔多，大約4張枱。可以自己係出面拎羅漢果水、水同餐具。食完可以將碗碟餐具放係取水處嘅底下。店員幾細心，落單時會先問素別 (純素定蛋奶素)，再特別提醒我哋某啲菜式嘅致敏成分，例如麻醬拌餃子含有花生，店內亦有張貼含蛋奶食材嘅提示。壽司C餐 ($55/ 16件)福袋壽司 4件太卷 2件牛油果卷 2件青瓜小卷 4件黃蘿蔔小卷 4件麻醬拌餃子 ($40/ 12隻)雙拼: 鮮蔬菜粒、黃金粟米餃子可以揀單拼或雙拼。2款餃子嘅味道都好相似，有粉絲、甘筍、椰菜等食材。餃子皮質感軟身，表面淋上胡麻醬，旁邊放有油麥菜，整體菜式似湯餃、比較濕。白石烏冬 (三絲) ($50)三絲係甘筍絲、白蘿蔔絲同豆乾絲，烏冬幼身，質感少少似上海麵。是日例湯黃芪冬瓜湯材料有黃芪、冬瓜、冬菇、紅蘿蔔等，味道清甜。

已經幫襯過數次，最吸引我的依然是他們的壽司拼盤餐，特別是腐皮包，真的很好吃，水準保持得很好，小店只係兩公婆打理，非常之有禮貌，最喜歡佢哋有免費嘅羅漢果水飲，一定會再來幫襯

自從 Cafe Imagine 冇咗素食媽咪之後，蘇屋邨嘅素友距離最近都要去佛友源先買到素食，而家有好消息，就係新開咗「三寶素食」，位置係麗寶花園地下。😍有返咁上下素齡嘅朋友都會開始識睇鋪名，三寶素食係咪有啲佛教意味呢？冇錯，因為老闆係信佛嘅，所以有時店內會播啲宗教音樂，不過係好細聲嘅啫。由於係小店座位唔算多，裝修亦較平實。☺️親切嘅老闆同老闆娘會問你要水定茶，茶係室溫嘅綠茶，好飲又解渴，如果想要個例湯就加 $3。🥣素壽司响一般素食小店唔易搵到，但呢度就主打壽司（係咪諗到都好興奮），可以視乎自己食量揀唔同嘅餐，或者散叫。壽司款式有腐皮福袋壽司，牛油果卷，太卷，青瓜小卷，黃蘿蔔小卷，甜花菇小卷同甜腐皮小卷。不過純素朋友留意，暫時壽司醬有蛋成份，獨立包裝嘅 wasabi 有乳糖，不過老闆話會嘗試改善。👍🏻芒果太卷 $28 比較矜貴，只可散叫，不過有次真漢子想食，又煩惱緊加啲咩先夠飽，老闆都好好人咁幫我砌咗個套餐。芒果卷好甜好好食呀，多謝老闆。🙏🏻不得不提佢哋個一人套餐 $88，大胃王之選。一般套餐就算好多嘢食，都係每樣比少少你，呢度就每樣嘢都好足料。🤭前菜係糖醋蓮藕，味道調得剛好，同埋估唔到