三寶勝上海美食

營業中

休息中

舊式上海小館嘅點心又好食又抵食。菜肉雲吞一碗，份量一啲都冇揸流灘，除咗蔡屋雲吞嘅size夠大之外，粒數都唔少，感覺有10粒以上，雲吞皮滑而且入面嘅餡料都幾新鮮。酸辣湯要咗個細size嘅，材料非常多，豆腐絲冬菇絲豬肚絲木耳絲榨菜絲肉絲非常豐富，而且雖然話係細size，但係都兩個人每人都有三碗仔。有酸辣湯梗係要配返個蒸銀絲卷啦，銀絲卷即叫即蒸，所以雖然等得耐少少但係係值得期待嘅。最後飲埋杯自家製豆漿就完美。

小籠包即叫即蒸，大約15分鐘就有得食，熱辣辣係正嘅，呢度嘅小籠包嘅Size比平常的大少少，不過都算係皮薄餡靚，點薑絲浙醋味道一流。上海粗炒基本上係食上海野必食嘅一項，呢間嘅上海粗炒味道都OK，不過就嫌怇有D濕，如果乾身少少會好味D香D。上海菜肉雲吞Size比平常的細返少少，本來諗住要有酸辣湯做湯底嘅酸辣雲吞，不過因為個Friend話唔係好食辣，所以就放棄咗，叫返普通嘅上海菜肉雲吞，味道都OK，不過好似有少少味精。呢間上海野個豆漿幾香豆味都算係幾好飲。

小籠包一客有5粒，Size比例大，皮很薄但同時亦易穿，入面的餡料幾新鮮。砂鍋雲吞雞都幾大份，味道一般，雲吞係上海菜肉雲吞，都有5至6粒，半隻雞無切碎嘅，所以食嘅時候會比較難撕開，始終都只係得筷子同湯匙。松子黃魚好抵食，小店就係平平平，個汁就酸咗少少，魚嘅肉質都唔錯，同埋真係好大條魚。蒸素餃個餡料又估唔到幾好食，係塊餃皮厚咗少少，食落有健康嘅感覺。擔擔麵嘅花生醬好香，入面有肉碎花生碎，D麵條味道OK。炸銀絲卷又點可以唔點煉奶呢，呢個都幾好食。呢度嘅豆漿味道都幾好，有豆味。檑沙湯圓即叫即做，真係幾好食，我覺得比高力豆沙同豆沙窩餅好味。

今日食咗呢間上海小館，味道唔錯，特別鍾意呢種懷舊味道。先來個小籠包，皮薄餡靚，不過塊皮真係好薄，好易穿，夾嘅時候真係要好小心。上海粗炒味道偏甜，又唔會炒得好油。叫咗條蒸銀絲卷，點埋煉奶好正。又叫咗一碗上海排骨擔擔麵，個排骨幾好食，炸得幾香，又係唔多油，碗麵個擔擔醬都幾正，花生醬同麻醬都好香。另外炒咗碟蒜蓉菜心，熱辣辣幾好食。甜品就叫咗豆沙窩餅冇叫高力豆沙，個豆沙窩餅份量都幾多，入面好多豆沙，好正。呢度嘅豆漿都幾好飲，都幾有豆味。

舊式上海食店買少見少，所以要支持下。小籠包係大粒嗰種，小籠包嘅皮比較薄，好易穿，夾嘅時候要小心D，入面D餡好食，有少少湯而唔係爆湯嗰種。油豆腐粉絲湯就普普通通，呢個已經唔係舊式上海小館嘅味道。嫩雞燴麵改咗用雞絲，個汁都仲係舊式杰杰地嗰種，都好食。菜肉雲吞都係D經典上海點心，雲吞皮比較厚身，都算正宗。杯豆漿幾好飲。

去舊式上海舖食舊式上海菜，味道一般不過風味搭夠，叫咗三樣嘢食，味道都係偏甜，不過係收貨嘅。小籠包一龍五粒自己有師傅整算係咁啦，小籠包快皮偏薄所以好容易穿，我哋五粒就穿咗兩粒。上海粗炒麵係經典上海小館嘅菜式，梗係要試一下啦，呢個最甜，好彩畀想像中少油，個粗麵同啲配料味道同新鮮度都合格嘅。油豆腐粉絲湯中規中矩啦，唔好妄想係以前嘅油豆腐甚至乎有百葉，依家全部都係豆腐卜代替，個湯唔係好鹹所以我覺得都ok。反而個豆漿幾好飲，我幾鍾意。

很久前試過一兩次, 感覺是一般, 小菜還是可以,但小籠包印象就不太好, , 包汁都因皮穿沒有了. 突然想食小籠包, 決定再試這間老式上海舖頭, 老婆都警告咗我, 小籠包都係冇汁, 但係我估可能上兩次咁啱做得唔好, 冇理由次次都冇汁. 今次叫咗個小籠包同埋炒年糕, 炒年糕不過不失, 但小籠包仍然點蒸道皮穿肉汁走曬, $41 一籠5隻, 咁嘅價錢點解唔可以做好少少, 應該都唔會再有下次.

難得的傳統上海味道此終尋，就在大埔舊墟。先來小籠包一客，又入門口右手面點心師傅角落即叫即蒸（傳統上海食店就是有點心師傅的小廚房），油點菜到有得食大約20分鐘，所以如果心急嘅朋友可以一坐低就先點小籠包。因為想飲酸辣湯又想食菜雲吞，所以直接叫咗酸辣雲吞，一次過滿足兩個願望。酸辣湯材料好足，有雲耳絲、豬紅絲及豬皮絲等傳統材料。上海粗炒和炒年糕之間點了炒年糕，用雪菜肉絲炒，味道不錯，只是年糕有點軟林，如果煙韌一點應該會好食啲。

懷舊的老上海味道真的可遇不可求。窩貼厚厚的皮蒸焗煎的火喉做到恰到好處，點醋吃就是懷舊的味道。酸辣湯和砂鍋雲吞雞之間選了不辣的砂鍋雲吞雞，此砂鍋雲吞雞份量十足性價比高，十多顆上海菜肉雲吞加上半隻雞，雞算大隻，令湯像是少了點，不過入味好味，讚。炒上海年糕選了配三鮮，火腿片雞肉絲黃芽白，可惜年糕質感偏軟，如煙韌點估計口感更佳。松鼠黃魚貨真價實，百多元價錢CP值高。甜點選了豆沙鍋餅，份量比想像中要大，竟然可分到12件。

排骨擔擔麵其實就係炸豬扒擔擔麵，首先佢個湯底所用嘅麻醬加花生醬再加花生碎混得好好味，杰杰地，啲上海麵又吸晒個醬d味，所以特別正。個豬扒都唔錯炸得幾香又唔會好油。傳統嘅小籠包係我嘅至愛，佢呢度嘅小籠包算係大粒嘅，而且塊皮唔算好薄，不過正正就係鍾意呢種上海式小籠包，點埋薑絲醋，回味無窮。蒸銀絲卷又係必點，今日只點煉奶甜甜地幾好味，平時就應該叫個酸辣湯點嚟食，不過因為今日人少少食唔晒咁多野。佢杯豆漿都好正。

🥺舊式上海店越嚟越少見, 喺大埔南盛街有間頗受街坊歡迎的小店👯‍♂️🙂‍↕️🪟門口處有👨🏻‍🍳點心師傅即場包製小籠包🫡店內空間較狹小, 需要搭枱🍴🍚晚市客飯套餐都幾抵食, ☑️1個餸+2個白飯+湯/豆漿🔸三鮮炒年糕 $71 6.5/10三鮮 = 火腿+ 咸肉+ 蝦仁🦐⚪️年糕形狀不規則, 唔係片狀😲☺️口感軟腍煙韌, 調味恰宜, 不錯👍🏻～🔸擔擔麵🥢 $55 6/10麵條幼細, 麵質較硬🤏🏻🥜花生味唔夠香, 個人偏好湯底濃稠啲😛🔸紅油抄手 $48 5/10🛎️即叫即整, 差唔多食到尾先有🤣等咗大約15-20分鐘一碟8粒, 雲吞皮較硬, 有啲未煮透🙈🔸凍檸檬茶 $20

父親節父親大人指定話要食呢一間上海菜，懷舊下懷念下嗰度廚師嘅造詣，叫咗四樣嘢食，分別係上海粗炒、小籠包、排骨擔擔麵同埋菜肉雲吞，另外再叫咗豆漿嚟飲。呢碟上海粗炒油就係油啲，不過就充滿住舊式上海舖嘅味道，份量都算ok唔會話好細碟。排骨擔擔麵講嘅排骨其實就係炸豬扒，豬扒都ok，擔擔麵個湯/汁醬就好正，好香芝麻醬同埋花生味，少少辣好惹味。小籠包就係一入門口有個專做點心嘅角落，由嗰度嘅上海點心師傅自家製作，味道唔錯。菜肉雲吞亦都係一啲舊式上海舖嘅菜雲吞，雲吞皮有少少厚，但係就係鍾意呢種口感。佢個豆漿都幾好飲，好香豆味。

好耐冇返嚟大埔今日約咗朋友，一於去食下好耐冇去過以前我嘅飯堂三寶勝以前呢因為佢收得平地方好坐同埋啲嘢啱食嘅關係幾乎一個禮拜有三晚都係喺呢度食飯嘅首先講下佢嘅特色拼盤醉雞，酒味足夠上海舖嘅手法美味燻魚，少少甜甜地唔會腥海蜇都係正正常常由於我唔食牛嘅關係所以冇食牛展小籠包都係正常發揮被薄餡靚食咗咁多年都一樣重點要一講嘅就係佢嘅豬扒擔擔麵佢嘅豬扒可以話係我喺大埔食過最好食嘅炸豬扒 有味鬆化但係唔會冇口感擔擔麵湯底都幾濃郁價錢一啲都唔貴如果晏晝食就更加平

上海粗炒甜咗少少濕咗少少不過味道都OK。小籠包係厚皮少少大隻少少嗰種上海style小籠包，見到有上海點心師傅所以估計係自家製唔係買雪藏貨或者工場交嚟嘅課。炒鱔糊味道幾好，份量都唔錯，都有好多鱔，好鍾意啲狗王，好香。炒年糕因為唔想食雪菜肉絲，所以喺三絲同埋三鮮之間去揀，其實我都唔係好知兩種有乜嘢分別，年糕幾好食，煙煙韌韌，味道幾正宗。鍋貼熱辣辣，皮好厚，個底少少窿，煎得幾唔錯。甜品揀咗雷沙湯丸，呢個真係好食，冇諗過啲湯圓竟然暖嘅，入面啲芝麻餡又唔會好甜，幾好。

鋪頭唔大，座位唔算多呢度有客飯晚市客飯，包飯🍚、湯/豆漿其實有好多野想試，但喺揀食乜野期間，聽到隔離枱話個鱔糊幾好食聽到人地話好食一於照跟😂叫左個炒鱔糊客飯+湯湯都算幾咸下，如果下次再黎食，唔會再揀湯炒鱔糊味道其實唔錯，但啲特別幼嘅部位超級腥，不過好在大部份都粗啲嘅位置。張相望落好似係炒芽菜咁款🤣其實夾開啲芽菜，鱔嘅份量都有大約十幾塊。我都幾鍾意食芽菜，所以呢個份量比例對我個人黎講都接受。不過最衰就係咸，開頭第一啖覺得味道唔錯，係咸左少少，但越食越覺得咸食完餐飯勁口渴，勁辛苦，要狂灌水🫖🫖🫖🫖🫖🫖要改善嘅地方：食物偏咸，如果啲野食可以無咁咸就好喇白飯比較濕同淋左啲可能純粹今次調味重手左啫，都會想下次返轉頭試下佢其他野掂唔掂