三代目

營業中

休息中

“豚肉醬油魚介拌麵”($92)“三盛燒肉丼”($108)“牛之拼盤”($108)“火焰雞”($68)“海老天婦羅”($78)三代目喺將軍澳新都城開咗第3間分店今晚終於搵到機會嚟trytry😆餐廳裝修用上黑色同紅色十分有格調入座後用qrcode落單,夠哂方便食物方面選擇都唔少拉麵,丼飯,串燒,天婦羅,炸物,涮涮鍋都有🤩好耐冇食拌麵,一於叫返碗豚肉醬油魚介拌麵😋呢碗拌麵配料十分豐富☺️有叉燒,魚介粉,荀,蔥,紫洋蔥,蛋黃,紫菜等麵條夠哂彈牙,而且食落都唔會太乾三盛燒肉丼有牛舌🐮,煙燻雞🐔,五花肉🐷3種肉都整得好唔錯😋加上帶甜嘅醬汁同藤椒麻香,十分惹味☺️串燒方面點咗牛之拼盤🐮3串串燒有牛舌,一口牛,牛肉蘆筍串燒燒得岩岩好🤤一口牛肉質腍滑,好juicy😚牛舌比丼飯嘅更厚更嫩🤤見到有樣前菜叫火焰雞忍唔住叫嚟試吓🔥🐔其實即係辣味嘅慢煮雞肉加上芫荽,青瓜絲,大蔥,感覺有啲似口水雞😆海老天婦羅金黃香脆,而且蝦都算大隻🦐呢道嘅食物質素都幾唔錯☺️唔怪得開咗唔係好耐都算多街坊支持😆

$98鹽燒牛舌丼: 約六塊，唔算薄，唔夠鹽燒味，整體一般$92 鰻魚丼：肥美，有少少骨，好食✅份量夠，唔算大🚫飯唔得，有啲太水，黐埋一餅嘢✅服務ok，有主動斟茶，茶夠熱✅樓面夠人✅環境ok，暗得嚟唔會太黑🚫廚房/洗碗比較嘈，講嘢/洗碗聲🚫走廊通道某啲位較窄備註：QR code落單飯/麵要$90座位硬身，凳背先有梳化質地，坐得唔算超舒服食下晝，等咗幾分鐘就有枱，都算快有啲bar枱要少少坐咗出商場地方

📍三代目將軍澳貿業路8號新都城中心2期1樓1011-1013號舖。。上次去寶琳食飯，見到三代目新開張，就覺得個名咁熟嘅！諗一諗原來係我平時搭車成日經過北角港運城嗰陣都會見到嘅三代目！好搶眼！黑紅色嘅燈牌，裝修風格都非常似日本居酒屋！既然係寶琳新開張就更加要試吓啦！環境都幾舒服，座位坐得舒適，有bar枱亦有卡座。我去嗰日係平日晚飯時間，好彩我六點幾就已經入坐，如果唔係就要等位了。睇餐牌樣樣都想叫黎試吓😋所以生熟都有叫啲～🔅芝士焗蠔（1隻）$48隻蠔都算幾大隻！加上拉絲芝士！正😋🔅雞之拼盤 $98即叫即燒，拼盤入面有三款，分別係雞肉京蔥、雞胸軟骨同雞腎。一次過食到唔同部位都幾好！🔅火焰牛（配醬漬山葵莖) $48呢個壽司真係好出色！牛肉燒到半熟後非常香口！肉質好嫩滑！🔅鮮海膽 $68海膽非常新鮮！直頭可以用鮮甜去形容！啖啖海膽配上香脆紫菜!好正😋😋🔅A5和牛燒肉丼飯 $168賣相擺盤非常吸引！特別係個流心蛋😋不過牛肉略嫌燒到熟左少少，我本身以為會係七成熟左右（可能下次要講聲想要幾成熟會穩陣啲)，配埋特製醬汁撈飯簡直一流👍🏻🔅灸牛拉麵 $92拉麵嚟講比較少用牛肉，多數都係豚肉叉燒為主，所以依個

可能適逢聖誕假期，自從開張之後每天經過都見到有10幾20人在外面等位，因為不設訂枱。上網搜查，才知道原來已經係第三間分店。餐牌食物一般，所以不存厚望。不過主持推介嘅餐牌的確有驚喜。如果話佢係一間居酒屋，不過暫時仲未有酒牌，喺有啲失望，不過佢地 Open kitchen這設計俾客人見到佢地即埸串燒，的確係幾吸引。唯一美中不足，就係好似食完韓燒，食完出嚟成身一陣味。😓講日文嘅送餐機械人全場矚目。😄服務員尚算有禮。同一般日本餐廳一樣，有設加一服務費，但唔洗俾貼士。主理廚師推介，原排海膽配壽司飯真係可以講得大件夾抵食。清酒燒生，新鮮,脹卜卜，肥嘟嘟，好鮮味所以我地有 re- order.網上食評推介味噌甲羅燒，話係必食。我地都有叫，不過就覺得一般，其實係蟹肉蟹膏，蟹籽配鵪鶉蛋拌壽司飯 ，相信係唔夠新鮮，如果夠新鮮應該唔錯。其他燒油甘魚鮫，自家製餃子都係水準之作。比較失望嘅係牛。我地叫左牛之拼盤串燒，宮崎A5一口牛粒串燒，除咗燒牛舌🉐️，完全冇味，燒得唔香，牛肉蘆筍甚至有啲乾總括來講出品算有質數， 價錢公道，應該會再幫襯。👍

未開業已經好期待去食，前幾日 終於有時間去排下隊朝聖下，由商場遠處望過去已經見到裝修好靚，大約排左40分鐘先到我地。入到去成個環境同氣氛都好enjoy😍我地一家人叫左牛舌丼 五花豚丼 炙牛拉面 🍜燒茄子 🍆燒魷魚 🦑啲野食真係好出色！牛舌同五花豚係食到師傅係燒烤爐燒到脆卜卜先上飯到。茄子🍆同魷魚🦑大大份，燒得岩岩好。拉面🍜彈牙湯底好味😋呢間鋪日日都好多人，但師傅水準同侍應既服務真係好吾錯，值得一讚。

好似係新開張咗一輪襯假期未試過又去試下啦。叫咗個汁煮花螺，凍嘅幾好食紫蘇豬骨湯麵，牛舌丼，雜錦海鮮天婦羅。幾樣嘢食裏面其實花螺係最驚艷老實講佢個汁底其實好家庭菜，只係用整日式溏心滷水蛋個汁，不過要校啱到味其實都唔容易。個紫蘇豬骨湯麵有小驚喜除咗已經執咗嘅達磨拉麵之外我都已經好耐未見過飲完有少少黏口嘅豬骨湯有啲人可能會覺得咁你加少少魚膠落去咪得囉到你真係加咗嘅時候你就知有分別喺邊度。反而係個牛舌丼係最失望，我都唔係求佢啲牛舌大大塊又厚，雖然冇影相但係真係偏細，吹漲地佢又真係啫得曬成個碗。比較普通嘅就係個雜錦海鮮天婦羅冇辦法呢度唔係專食天婦羅都唔會對佢有咩期望普普通通咁但如果有下次我一定唔會再叫。呢間認真叫做普普通通但係諗唔到食咩嘅情況之下呢一間都係選擇嚟不過老實講如果係求求其其食一餐飯嘅話呢一間絕對唔係便宜嘅選擇有咩辦法丫而家香港你夜晚想求求其其一家食個飯兩個人叫做食好少少都要三百蚊以上。仲要到到都食快餐咁食完就拿拿聲好走喇…仲有下一台客。亦知點解呢種文化好似對於某一代香港人嚟講好受落。其實而家人可以齊齊整整好好地食餐飯真係一啲都唔容易有機會畀大家可以坐低食餐飯傾下計真係要好好珍惜

落單係用QR code 自己係手機落單，冇得選麵既淋硬，只係可以加錢轉烏冬。黎到時第一印象係：「你塊紫菜唔好再細塊D🧐」跟住試左啖湯，好淡味，可能食慣重口味啦，飲多啖先飲到豬骨湯味。因為我係坐二人枱，唔見有七味粉之類嘅調味粉🥹食左塊紫菜條，之後夾面連埋湯正想食之際 見到有啲紫蘇，夾埋一齊食就當堂有驚喜，D紫蘇味好正，個麵即時好味好多。燒豚有三塊，厚度大約3，4mm左右唔會太簿，咬落好有油脂味。D竹筍不過不失，同埋係冇粟米。

睇住佢哋裝修左好耐，終於等到佢地開業，頭兩星期九萬人。今日12:15路過，見三個family 等，即拎票， 但係先醒起，佢哋早上11點30分營業，咁即係佢地起碼12點30分之後先會有人結帳🥹🥹，不過因為屋企人好想食，所以我最後都係排隊🥹唉～我去日本旅行都唔會排隊囉，途中有人食完野，但係都唔肯交還張枱😔。拉面質素高，叫左兩款都唔錯，串燒就更加唔洗講，喺門口一路見到師傅係度燒，已經流曬口水。Btw 個open kitchen 圍返塊玻璃應該會好D. 另外，叫嘢飲要一早叫，我地食哂所有野，杯野飲仲未嚟，吹左兩次，正打算取消佢先至送到呢😕。希望喺開業初期嘅小失誤。另外想講裝修唔錯，中間果行圓形設計雖然好慳位，不過叫多少少嘢食就full晒。另外我仲想講黎簡餐廳廚房比例仲大個食客位😅

今日叫左三樣食物，一份鹽燒牛舌丼，味道可以，份量較少，牛舌剛好，一份海老天婦羅，冇油益味，不過不失，一份炙牛拉麵，d牛少少燶，有d油益味，同埋太咸，如果冇咁咸會更好