三不館車仔麵 (登發街)

營業中

休息中

呢間車仔麵裝修好靚，雖然裏面係坐摺櫈，但光鮮得嚟又係大排檔FＥＥＬ，唔錯。兩餸一麵 $37醬燒豬頸肉 +咖喱魷魚 鮮製油麵 ：醬燒豬頸肉入口有燒過嘅香。咖喱魷魚爽滑，咖喱汁香辣濃郁。滷水鮮豬大腸+懷舊牛腩 鮮製油麵：豬大腸滷得入味，無豬臭味，質感爽口。牛腩滋味濃郁。金牌麻辣汁湯底：揀咗小小小辣，辣味將成碗麵提升咗去另一層次。

三不館車仔麵以舊年代裝飾幾有特色，店內充滿香港情懷的氣氛，雖然可以揀的配餸不算特別多，但食材質素唔錯，性價比幾好☺️👍👍👍今次中午叫咗碗3餸麵 $45🍜米粉煮得剛剛好，不會太淋太爛。（麵底份量唔算多，男仔食可能要加底先夠飽） 湯底我揀咗清湯，配埋金牌麻辣汁少少辣，撈埋之後吸滿湯汁嘅米粉好正好好味🤤❣️❣️❣️ ❇️推薦豬頸肉❗️脆口唔肥好味🐷 ❇️豬大腸，滷得非常入味不會韌，清潔得非常乾淨🐷 ❇️清甜蘿蔔蘿蔔，好甜無渣，唔會太硬身好食👍 餐店面積唔算好大，所以都等咗幾張枱，但唔洗等好耐。食得出佢地用心選用較好的食材，下次要再次幫襯呢間好味車仔麵！😋😋😋

三不館算聽過幾次，今次突登過嚟食lunch，3餸叫左豬手魷魚豬頸肉少辣油麵，份量只係啱女士食，男士最好另外加底麵先夠過癮。但啲餸幾出色，佢哋特別推介既豬手豬頸肉🐷夠入味，豬手夠淋有肉感有咬口，豬頸肉夠爽脆有焦香味，魷魚🦑彈牙入曬辣汁味，湯底夠濃厚舒服。現場環境裝修有風格，90年代招牌裝飾🖼️🎍擺設夠玩味。眼見好多單丁友食飯都可以有私隱空間，45蚊一碗麵係打工仔恩物，質素唔差，性價比幾好👍🏻。

三不館主打香港情懷，裝潢以50年代為範本，在此回味經典車仔餸。 (1) 醬燒豬頸肉、鮮沙薑豬手、豬紅最受歡迎一定是三餸一麵，既可以嘗試不同款式，又不致於眼闊肚窄。除了麻辣車仔餸受歡迎外，鮮沙薑豬手更是原汁原味，保留傳統製作手法。 湯底方面，都有不同選擇（美顏清湯、招牌鮮茄湯底、濃香沙嗲湯底）。基底都是豬骨、大地魚、雞等主食材熬製。至於味道更似港式火鍋湯底，入口溫順而濃厚。 (2) 樽裝港式茶記奶茶最喜歡非凍即熱的奶茶。茶味並不苦澀，奶味香濃，入口絲滑。 店內設計巧妙，鐵皮閘門、綠白色磁磚，充滿復古玩味。加上90年代耳熟能詳的歌曲，就像置身都市的「小確美」。

一入店鋪就感受到香港情懷的氣氛，播著經典金曲，設計以90年代為主題。🎶✅咖哩魷魚、醬燒豬頸肉、鹵水豬大腸每款餸均有四至五件。豬大腸出色，味道不臭、口感很淋，鹵得入味。魷魚很大塊，口感正常。豬頸肉肉質一般，可點可不點。之前試過麻辣湯底不錯，今次嘗試了清湯卻未有大太驚喜。✅手打魚肉、瑞士雞翼、懷舊牛腩手打魚肉偏結實。雞翼及牛腩肉質正常，份量也多。

夜晚嚟到荃灣路德圍，見到呢間裝修幾特別又充滿港式玩味嘅舖頭，原來係食車仔麵嘅🍜咁多款餸實有款啱食，就揀呢到食晚餐😋🔸藤椒鮮魚皮同男友兩個都喜歡食爽脆魚皮，一碟嘅份量都幾多，夾極都仲有😆 味道辣辣地好開胃🤤 不過小心下面辣油浸住嘅魚皮，愈食愈辣架🥵🔸濃香沙嗲湯 · 豬頸肉 · 滷水豬大腸 · 蘿蔔 · 陳皮魚蛋 · 粗麵沙嗲湯啱晒喜歡濃味嘅朋友，湯底有濃濃花生醬味，配埋粗麵好正！豬頸肉爽口唔肥，魚蛋結實唔係鬆泡泡果啲，蘿蔔好甜😋🔸牛腩汁（少少辣）· 醬燒豬頸肉 · 酸齋 · 咖喱魷魚 · 米粉食車仔麵配吸滿湯汁嘅米粉好好味😋 酸齋甜酸味剛好，好開胃。咖哩魷魚好好食😋咖喱味濃魷魚又爽口😙除咗配菜多之外，連小食都幾多選擇，仲樣樣都好吸引🤩 餐廳裝修好有趣，店舖唔算好大，等咗幾張枱，不過店員安排下大概10分鐘後就入座喇。地方乾淨企理，下次要再幫襯好味車仔麵😋

呢間車仔麵好得意，裝修係香港懷舊風，舊式階磚，鐵皮閘，覺得好有新鮮感叫左兩餸一麵 1️⃣咖喱魷魚&醬燒豬頸肉-河粉 叫左麻辣同腩汁 ，因為怕會好辣所以試下小小辣先（就係呢塊豬頸肉上面咁多），食辣既人可以方心叫小辣或以上，因為麻辣係放係面，可以自己𢳂番起再自己慢慢續小撈落湯，麻辣好香不過唔夠，後悔叫小小辣😢🐷豬頸肉焦香入味👍🏻，🦑咖喱魷魚都唔錯，不過本身水魷魚本體就係難入味，所以咖喱味就唔太濃2️⃣瑞士雞翼&醬燒豬頸肉-粗麵同樣叫左麻辣同腩汁，瑞士雞翼唔夠淋，肉會痴住骨，雞皮瑞士味夠，雞肉就入唔到味，下次未必會叫😿腩汁湯底幾好味，唔係偏甜個種，食完都唔會好口渴桔仔水（跟餐+$10）第一次試桔仔水，飲落味道好熟悉，同道地金桔檸檬有八成似，同想像中有啲出入，幾甜下一碗唔算好多麵，當一個下午茶既份量就岩岩好，如果正餐就建議加底‼️

去食一定要試枱上面嘅辣菜脯😍😍.🔹豬紅 豬頸肉 咖喱魷魚油麵 $45我次次食都一定叫佢啲油麵☑️好掛汁，啖啖麵都掛住麻辣味🌶️豬頸肉有口感，夠厚實👍🏻豬紅有少少淋，可能煮耐咗啲😣不過魷魚唔夠大埔嗰間好食😞大埔嗰間啲魷魚🦑就算浸完落碗面，咬落去都仲有咖喱汁咇出嚟！好正！我推薦大家行開行埋，可以去大埔嗰間試😚😚🔹金牌口水雞 $34依個一般，佢係就咁淋辣汁上去 係雞還雞，辣還辣，完全混唔到一體🥹再加上肉太少，望落好大舊，但一咬落去成舊都係骨😞🔹咖喱魷魚 酸齋幼面 $36咖喱魷魚同上面一樣，都係唔夠入味酸齋就正正常常，好吸湯汁👍🏻不過我會鍾意金牌麻辣汁多啲！！！比起古法白汁香口好多👍🏻👍🏻評分♡👅味道：8/10👀回頭率：8/10🤙🏻性價比：9/10

車仔麵係每個香港人嘅童年回憶，更加係飲食界代表之一，三不館係車仔麵界比較出名，裝修風格以懷舊港風為主，店内的陳設都係充滿老香港味。小店由入行多年嘅大廚輝哥主理，多款車仔餸都係用心炮製，就係堅持住用心嘅態度令到生意蒸蒸日上，由大埔擴充到荃灣及旺角，令到街坊可以食到真正嘅車仔麵。

值得一提嘅係，佢成日都播返啲8 90年代舊歌有梅姐啲歌，幾有feel車仔麵一定係食油麵係定律嚟叫咗蘿白 豬頸肉做餸每樣只有3舊魚蛋 一啲都唔彈 ，好腎 淋吱吱 冇乜咬口 但又未去到梅嘅湯底正正常常還好不過個麵有啲細，大食少少未必食得飽today we are going to tsuen wan to eat 車仔麵以前食車仔麵嘅選擇可能唔多，不過總會有一兩樣野係特别好食，就會嗌死嗰一兩樣再搭其他野同埋會可以直接望到啲餸嚟嗌，好似而家啲2餸飯咁而家用哂啲manu paper嚟tick, 冇哂癮啦！

聽人講呢間車仔麵好食咁啱唔使排隊所以黎試下💁🏻‍♀️今次嗌咗兩餸麵加多個三餸面兩碗同樣都叫咗油面（古法辣汁湯底）佢哋嘅湯底味道啱啱好油面好彈牙不過份量比較少大食嘅話一定要加底而餸就嗌咗豬大腸、蘿蔔、水魷、牛腩、豬皮特別一讚係水魷好爽口蘿蔔淋得嚟好清甜而佢哋嘅菜甫亦都好好食夠辣同埋有好香嘅蝦米味大家嚟呢間店一定要試吓🤗

呢類型裝修嘅食店越來越多我叫左麻辣豬手 瑞士雞翼同埋牛腩（三餸$45）另外小食叫咗豬腸同埋口水雞（每款$34）個麻辣醬OK好食 不過應該唔係自家製 我喺其他地方都食過類似嘅味道雞亦唔會散晒 豬手無想像中咁淋 其他餸都係穩定但就唔係好大碗 兩個女人叫兩個小食都食得晒咁男人點會夠飽🤔整體環境食物各樣都係OK價錢亦合理 下次經過附近諗唔到食咩時唔多人都可能再食

平時食車仔麵多數每館餸唔同價，不過呢間就所有同價，幾餸一麵咁收錢🤣我叫左三餸一麵 $45 冇飲品餸揀左蘿蔔、咖喱魷魚、清湯牛腩要古法辣汁大辣🤣唔知點解食落我覺得一啲都唔辣🥺可能師傳輕手啦🥲希望下次會落啲辣俾我🫶🏻回頭率：👅👅👅性價比：👅👅👅打卡值：👅👅👅👅👅

雞翼豬頸肉豬大腸油麵瑞士雞翼極入味 瑞士汁入曬肉入面 甜甜唔會死咸豬頸肉超驚喜 肉質超鬆嫩可惜我個碗比較多豬邊肉位偏硬 但都上等水準豬大腸較薄身 滷味啱啱好亦唔會唔乾淨好銀油麵爽口彈牙 冇得挑剔金牌麻辣汁加埋啲滷汁 麻辣中帶點甜勁過癮整體超好食 頂絕市面大部分車仔麵美中不足係無米線 同埋豬頸肉得三塊淨係食到一舊完美豬頸肉Rank down估唔到再返食差咁遠豬頸肉變返普通 豬大腸亦都好厚身雞翼亦都唔入味 古法辣即係沙嗲辣汁 冇特別嘅地方未必會想食多次

三餸一麵 - 冬菇、豬頸肉、生菜($45)📋可以簡分湯，但分湯要加錢📋簡咗小小辣，辣度似10小辣🌶️✅冬菇一大粒，肥美嫩口，仲索哂啲蠔油湯汁🍄✅豬頸肉有醬燒味，雖然得三塊但都幾大嚿🐷✅生菜有五六條，爽口唔會太淋🥬❌正常車仔麵價錢，但份量比其他店少啲🤏🏻❌野飲基本上貴到唔會考慮🙊❌外賣每個盒另加一蚊💸🔎每間分店配料都有啲唔同💁🏻‍♂️🔎荃灣無豬軟骨同溏心蛋😢📝7/10金牌口水雞 ($34)👌🏻都有總共都有六嚿🐔❌餐紙有兩個🌶️🌶️但一啲都唔辣🤨❌俾咗胸位，啲肉幾鞋下👞❌件件都痴住一大夠骨🦴❌3/10⭐️總括而言…雖然啲餸份量少啲，但質素穩定，豬頸肉唔錯👍🏻，冬菇好正🤤。另外食過其他餸推薦豬大腸、陳皮魚蛋同咖喱齋🙌🏻。口水雞就唔好啦🙈