七重天餐廳

之前有來吃下午茶的，今天在附近診所睇病之後來試午餐，點了西冷牛扒，牛扒肉質有嚼勁、牛肉味濃郁，不是一般茶餐廳用食粉去破壞牛扒的讖維, 以這個質素，價錢$65，包餐湯，蒜蓉飽，飲品，覺得非常超值。這間小店大約4 0個位，來光顧的多數是街坊熟客，店內氣氛是周邊的客人與員工，老闆都輕鬆地閒談說笑，令我覺得這店充滿人情味。離開餐廳大約一個鐘，診所護士來電說餐廳老闆娘拾到我的藥，送回到診所，叫護士聯絡我去取回（藥包上有診所及我的名）。食物及服務都好滿意，一定會再來光顧👍🏻…查看更多

前幾日行過入去試下，我地幾個人有大有細，入去坐低叫左幾個餐，當中牛扒好難食配菜唔新鮮，d湯仲衰一飲落去係酸既，我朋友係做飲食行業，佢話一定係隔夜湯，同個中年收銀女人反影呢件事，佢態度惡劣，我們只好咁飲，豬手又係難食，溫度竟然係微凍，之後我女唔小心跌左少少飯落地下，收銀女人黑面搵員工發洩，叫人抹地說話中好似暗示我女麻煩咁，女女只有兩歲咋！喝罵個員工情況，場面令人嚇呆，對員工客人態度差，比錢要受氣真係第一次，我地幾人唔會再幫襯…查看更多

星期日同朋友嚟Lee間七重天餐廳下午茶，叫個卡邦尼意粉同埋豬扒公仔麵，炒蛋牛油角方包，兩杯凍檸茶走甜，豬扒都幾大塊還可以，卡邦尼意粉就中規中矩，凍檸茶正常，整體普普通通啦。…查看更多

同朋友兩個人嚟食 因為隔離茶餐廳冇開迫於無奈揀咗呢間 入到去已經好多烏蠅飛來飛去 所有餐具同枱面都黐立立 我們每人叫了一個焗飯 朋友的焗飯食到一半 發現有昆蟲 舉手通知了店員細細聲和他們說有問題 店員第一反應想指責我們 然後語氣不友善地說是我們進食的途中飛下去 想跟我們說不是廚房的問題 全程一句唔好意思或者道歉都沒有 反而錯的好像是食客的我們 極度無語 大家不要來 貼錢買難受 🙏🏻🙏🏻🙏🏻🙏🏻 同區所有茶餐廳都好過呢間 …查看更多

今晚去了一間西餐廳，一個似曾聽過的名字，七重天，餐牌有六成是扒類，也有焗飯，炒意粉，意大利飯等。食物有着懷舊的味道，招牌厚切鹽燒牛脷很好味，好厚切，裏面夠冧，外面焦香，美式雜扒餐及焗海鮮飯是兒時的回憶，期間聽到老闆與熟客講起以前的事，原來七重天餐廳已開了三十多年，現在已經很難得有餐廳經營幾十年了，餐廳與客人之間有種人情味及親切感，老闆娘還請我的小朋友食糖果，原本她說有雜果啫喱給小朋友的，但今晚送完了。…查看更多

一餐飯時間，估計可能是女老板的人經常向負責洗碗的老婆婆作出很多要求，雖然對員工要求係正常，但她的說話態度很惡劣，呼喝命令，令旁人側目。就算有客人問她廁所在哪裏，她的回應都是呼呼喝喝命令式。本人於平日下午茶時段進入餐廳，這女老板的眼神也不是友善，那刻我心想難道餐廳沒有開門或是我這個客人打攪了她？不知她是不是老闆，但可以用這種態度工作的人，應該都不會是普通員工吧。至於其他方面，餐廳內充滿油煙味，如果敏感的人坐耐了就會感到頭痛。希望餐廳方面注意一下抽風系統，謝謝。至於衛生，餐桌椅凳都乾淨的。…查看更多

今日經過筲箕灣，入咗一間餐廳食下午茶，意外地有驚喜，叫了薯條+魚柳及乾炒牛肉意粉，乾炒牛肉意粉是少油抄的，是西餐廳做法，不是一般茶餐廳多油但像乾炒牛河有鑊氣那種. 另外一個是我推介的薯條+魚柳，兩様都炸得香脆，魚柳是原條的，以這個份量及出品已經超出咗個價錢$38連飲品，希望唔會咁快加價😝侍應服務也好好，其間我們倒翻了水，我們未來得切叫幫忙，侍應已立即拿着布來幫手抹並示意不緊要，令原本不好意思的我們不會尷尬👍🏻下午茶有好多選擇自由配搭，下次會再來「七重天」…查看更多

叫左個下午茶38蚊，凍飲3元薯條只得10條總共，仲要炸唔熟跟住我問啲伙記，薯條得咁少嗎有個有個好老 嘅阿叔答我係咁嘎啦，麥當勞都無咁平麥記有28元餐呀不停係咁係咁嘎啦係咁嘎啦38蚊的確唔可以要求太高，但佢地既態度真係差…查看更多

印象中細個嘅時候喺北角食過一間同名嘅餐廳，今晚嚟到筲箕灣再試，出乎意料地好味！我哋叫咗晚市套餐，一個蜜糖烤雞扒飯，一個厚切鹽燒牛脷意粉，每個餐都跟紅或白湯、蒜蓉包同埋餐飲，我哋揀咗紅湯，簡直係驚喜地好飲，紅湯味道非常濃郁，帶少少辛辣，湯嘅鹹唔係落重鹽或味精嘅死鹹，飲得出喺湯裏面嘅材料熬出嚟嘅味道。蜜糖烤雞超級大塊，雞皮煎到脆卜卜，又有蜜糖嘅甜味，非常香口，雞肉非常嫩滑，食晒係會有少少滯，但味道非常好！牛脷雖然得兩片，但非常厚身，而且煮得好腍，鹽燒嘅鹹味亦都調校得恰到好處。個人覺得呢間餐廳嘅質素非常好，希望推介俾其他人嚟食，唔好埋沒咗好嘅餐廳。…查看更多

七重天餐廳（筲箕灣）地址：香港筲箕望隆街2號銀河廣場地下1，1A及2號舖日期：16/06/2024 19:07:39 111.PA .鐵板美式什扒 $138.00-眼意-黑椒汁3.1.忌廉湯1. 熱檸水1. p4.鐵板美式什扒 $138.00-眼飯-洋蔥汁3.1. 忌廉湯1. 熱奶茶多奶1.晚D3.蜜糖烤雞扒 $88.00-眼意-蒜蓉汁1. 忌廉湯1. 熱奶茶多奶總數：$364.00我覺得這餐廳的美式什扒餐份量好大份、好好食、蜜糖烤雞扒意粉，雞扒好大塊好好味、意粉好軟熟，忌廉湯好甜，熱檸水好好飲、熱奶茶好菜味…查看更多

拎外賣時，見有一個外賣飯盒袋，上前問有冇嗌我的外賣時，她說等等，等了一陣見她返番去收銀位置，冇嘢忙緊就再問，然後不耐煩走返去，聽到廚師話外賣喺依度，佢就收我張飛，然後即刻唔耐煩咁pack, 走到來大聲說：你嗌一個飯盒啫！ 都明白她意思喇，即係嫌棄人買一個飯盒，要睇她面色囉。我接了外賣，心諗咁樣我以後不論我買1個飯盒或買n個飯盒(s)都唔會幫襯依間買喇！…查看更多

去鶴嘴海岸線行完一轉回程去到筲箕灣，轉去地鐵站見到呢間餐廳下午茶時段星期日都唔使加一，梗係醫下肚先返去，兩個人本身叫咗兩個餐焗吞拿魚豬仔包拼炸雞翼和煙三文魚牛油多士，但係都唔係好夠飽，又叫多一個豬扒包，飽哂…查看更多

發現筲箕灣有間隱世平民西餐廳，由東大街一路搵野食，雞蛋仔、茶餐廳、魚旦粉密密麻麻既食肆好難揀阿🥹穿過街市兜下兜下發現有間落地玻璃既餐廳，望下個餐牌，都幾便宜； 一於同老公去試下先！我地兩個人，嗌左3個下午茶！🔸卡邦尼意粉🌟🌟🌟個汁有啲淡，同埋汁太小.. 🔸肉醬意粉🌟🌟🌟個汁甜左啲，不過不失🔸吞拿魚豬仔包+炸魚餅🌟🌟🌟呢個認真唔推介， $40唔期望會得半個豬仔包，頗失望的！我寧願食意粉/飯！！ 但係個炸魚餅好味😋嗌左兩杯熱檸水， 飲前望一望個杯；有個由上一位客人留低既唇膏印🤢 、水吧睇唔到，樓面仍都睇唔到🙁…查看更多

今晚約咗朋友在筲箕灣銀河廣場嘉禾戲院看戲，我們預早咗時間買戲票然後打算在附近找地方食晚飯。在戲院下面有一間七重天餐廳，個名有啲懷舊及好似有些熟識。但當時冇位，我們在門口看看餐牌，剛好有一枱大枱離開，見有位，於是我們就進了入去試吓。餐湯有羅宋湯及忌廉湯，我試了忌廉湯，好creamy,好味配即烘蒜茸飽，好香脆。我點了招牌厚切鹽燒牛脷，中間好軟腍，外面煎得好香，而且真的非常厚切朋友點了德國咸豬手，外皮炸到好脆，裏面的肉好夠腍還有法式焗田螺下次想試吓鐵板餐，不過見到鄰枱的鐵板雜扒份量太大份了，可能會試帶子牛柳吧最後，老闆娘還請我們吃雜果啫喱，可惜大家都吃得太飽及趕時間，留待下次吧…查看更多

以前一路有食開, 食物質素越來越差, 而加晚市基本上冇客, 我叫左個芝士肉醬意粉, 黎到變左芝士甜醬意粉, 本來換過第二樣野食就冇事, 但個廚聽到肉醬太甜, 大大聲係廚房入面發脾氣話好正常,仲走出黎睥住我, 老闆娘唔好意思都冇句, 又完全冇阻止個廚騷擾客, 完完全全比個廚房佬壓住。…查看更多