七喜粥麵小廚

營業中

休息中

聽聞此店很多人光顧,晚晚要等位,前身只賣粥麵,如今加埋小菜.自己在門口等位時有点驚訝,真係好擠迫.點了豬手......幾好味幾軟滑炸鯪魚球拼炸雲吞.....雲吞不錯,魚球略過乾虾子撈麵................全日較差係呢個,麵質唔靚蝦子唔香芥蘭油菜...............共吃了兩碟豉椒鵝腸...............幾足份量幾好味,原來$50碟啤酒兩支.............唔夠凍酥炸生.............個槳炸得唔夠,入面Ｄ未熟透此店份量幾足,但平均價錢亦相對提高,味道部份幾好,不過地方實在太狹窄,食嘢時要好小心,動作要好細,又要成日讓開比人出入同上菜,吃得好辛苦,汗如雨下的.老細應想想辦法改善,因如此環境對本人來說點好吃都吸引唔到我!

**********2-4-2008*********差唔多一個禮拜就同男朋友黎一次~之前通常食粥麵..但原來佢D小菜都好出色!等位時仲聽到有人叫魚皮~點知坐低唸住叫時...阿姐話啱啱賣晒!!!真黑仔!!!卒之叫左例牌既"雲吞麵" ($17) ..D 雲吞十年如一日..都係咁大粒同彈牙! 麵亦不太林~"腐乳通菜" ($12): 真係勁大碟, d菜咁到實一實, 依家街市買菜都7, 8蚊斤,呢度整埋俾你..想點?"豉椒炒聖子" ($48) , 雖然唔大條既聖子皇~不過大碟~味夠, 又冇沙~"薑蔥魚腩" ($48): 魚肉大大舊, 雖然煮前炸過,但唔會炸到干晒!魚腩肉仲係好滑好嫩!(*冇"大榮華"果d咁干!!)最後再加番個" 炸鯪魚球" ($23) : 熱辣辣!!炸到超大粒!正!加埋罐可樂($6)~perfect!!!!

七喜粥麵小廚係小妹既飯堂,食物既質素相當唔錯架,可以食一碗粥清清地,又可以叫一些小炒,當晚飯食又得!今晚又係喺度開餐,食既係我一路食開既牛肉湯麵同油菜一碟!牛肉湯麵既牛肉真係好好食,牛肉醃過,點辣椒油食好好味,麵唔錯,當然又唔算係好好嗰種!湯好味道,好似上湯嗰種味,所以我成日都會幫襯佢!

呢排同男朋友經常都去七喜開飯!一星期..去足2,3次...連自己都覺得有d傻傻地! 無他~品質好,味就好, 價錢合理!琴晚又去左開餐!由於7點要番學...6點鐘就去左食飯..去到...d廚房師傅食緊飯呢..可能因為早...得2,3枱客..!依舊叫左wonton 麵($17 )!麵夠彈牙, 唔林!wonton亦夠大粒~!用料十足~d蝦都好彈牙!仲送左2條菜添...幾好!!蝦子艇仔粥($19)又係次次都會叫既野...大大碗, 又係勁足料! 好香~粥底好靚,,,雖然係有味精,不過又唔會太咸!炸鯪魚球($23) 有8大粒!!!粒粒都差唔多好似隻雞蛋咁大~炸得好香脆~鯪魚肉"撻"得好結實..唔會林"BAD BAD"~另外今次仲叫左碟灼菜心~($10)~ 不過不失啦~~最後加埋罐可樂($6) ~正!總括而言...每次既水準都KEEP住~每次都食得好滿足咁走..佢地既Quality control 真係做得唔錯!可能老闆平時注場"目及"實晒啦~不過老闆老伙記既關係好close~因為我次次禮拜3晚去..都見佢地一齊討論當晚夜馬賽事!!哈哈~~~ XD

又捱完一星期，返足五天半累得要命，星期六日無理由仲作賤自己，所以收工訓陣就出去搵食﹗想一想原來成年無來過土瓜灣七喜，仲記得上年來已是二三月的時光，一於來呢度聚聚﹗九點幾來到，等左唔洗十分鐘就有堂食位坐，唔洗講咁多即時點返支燕京先有計傾嘛﹗今晚食左三個送﹗細炸水餃，一碟五隻，唔好睇佢放到核核突突咁，我好鍾意食佢既水餃皮，係錦鹵雲吞0個0的厚身蛋皮，咬落超鬆脆，入面有大大隻蝦、豬肉，冬菇等，係熱氣左少少不過好好味呢﹗工友話當年0係呢度食白灼野有大量生蔥及薑在面頭用來沾豉油來食，點知一問之下竟然待仔話無呢回事﹗唔理咁多點左個薑蔥炒牛肉，好大碟，牛肉醃得很稔，但欠緊0的牛味，用來送BEER都OK不過略嫌個汁唔係好夠味﹗咸又唔夠咸，只算普通平庸之選﹗最後當然就係次次來七喜都會食既蒜蓉蒸象拔蚌，依然係咁新鮮同埋咁多隻，0的粉絲吸鬼哂0的蒜味放入口真係好正﹗三個送食完已經飽飽喇，好滿足埋單都係百四蚊有找，抵呀﹗如有朋友來的話留意下0的待仔，有一個真係好似乒乓球明星高麗澤，信不信由你...見到唔好笑出聲﹗呵呵﹗

七喜e間野出面成日都無位泊車，聽聞好多有錢人都渣架令車黎食架，我平日食開都係佢o既炸醬+雲吞面，d炸醬真係好好食，食完再想食過添啞﹗聽聞夜市d野食好正，但一直未試過，好希望有機會可以試下~~~

星期日七時左右來到，門外而有很多人，幸好剛剛有二人食畢離坐，我倆便不用等已可就坐。叫左螺片魚片粥(結果變了螺片粥，我倆並不介意)、蒸泥、炸水餃、豉汁蟶子、汽水等。想不到，粥的味精很重，浪費了鮮味的螺肉，很可惜。如果只用普通的粥底(走味精)加螺肉，效果相信會很好，無奈。泥非常鮮美，可惜吃了一點後，發覺有血滲出，是又稱臭肚魚的泥啊，不能輕視，唯有番蒸。可幸是番蒸後依然鮮美，只是肉質差了一點。蟶子鮮甜，豉味香濃，不錯，但略鹹。炸水餃抵食，大大件，當然很油，並不意外，但皮脆香口。相信炸雲吞會比較好。PS：本應想用清淡的粥調和重油重鹽之食物，可是事與願違。當晚最好的是從附近工聯會樓下買來的栗子，十分鬆化，只是$10半磅，一路行一路剝殼給女友吃，滿足非常。

用炒魚膘送粥已非首次,但在七喜吃炒魚膘,就是第一次.其薑荵炒魚膘,味濃,但帶點腥.同佐敦一帶的魚粥店不同是,七喜沒有下酒去炒,所以少一份酒香,兼不能盡僻其本身的腥味.不過仍保持到其鮮味,薑荵爆得入味,份量十足.質感爽口.膠質豐富,滋陰養顏.誰說男人不愛美?.用淨螺片粥來送,七喜的粥底一向偏咸,兩者結合之下,咸上加咸,用來送酒就最適合.威士忌定啤酒?隨你喜歡.之前帶支伏特加去,老細好奇走過來索一索,即刻掉頭.

想食D濕濕哋、有湯有菜嘅嘢，又唔想行咁遠，選擇嚟呢度....齋叫一碗淨蝦球牛肉，加一碟灼芥蘭，夠晒數....蝦雖爽口，但冇咗蝦應有嘅鮮味；牛肉雖淰，但同樣冇咗牛肉應有嘅鮮味..."化學作用"作粹?芥蘭普普通通....失望而回....

上2個禮拜~同男朋友+佢媽咪係附近朋友屋企整完野~就去左呢度食野~一直都聽過人講幾正~不過一直都未有機會試~一行3人~8點幾去到~啱啱好枱唔洗等~叫左auntie話雲ton麵正~就叫左碗~我就叫左碗,"蝦子艇仔粥"~再叫左個椒鹽墨魚~同介蘭炒墨魚~2碟都係墨魚~哈哈~<雲ton麵> $16: 果然好食~雲ton足料,夠大粒~d蝦都爽~d麵就好彈牙~唔會"林bad bad"~ 最後再ENCORE左多一碗~<蝦子艇仔粥>$18 : 加左蝦子真係好香!d料又足..魚片, 肉丸大大舊~食晒d粥都重有料剩~有d唔成比例呢~XD<椒鹽墨魚> $48 : 又係大大舊, 炸得勁香脆~男朋友話佢個粉漿做得好好喎..<介蘭炒墨魚> $48 : 男朋友既最愛=介蘭! 相反我就唔係好0好! 不過都食左唔少~因為真係炒得好香~<炸蜆介鯪魚球> $20 : D魚肉足料,每個球都好結實~加埋個汁一流~不過食多2舊就開始覺得有D"濟"! 加埋2罐可樂~埋單AROUND 178蚊~都叫幾抵食~因為佢D野真係好大碟~又夠穫氣~男朋友最鍾

在家與老豆看英超，睇完頭場都11點，吹雞食個宵夜地點是土瓜灣的七喜，其實搭車成日都經過，不過唔知就係0個度，仲要行錯路找左成三個字朋友說是出名是貝殼，於是點了兩樣貝殼類產品蒜蓉蒸扇貝及象拔蚌，味道不錯又肥美，係嫌佢面頭0的粉絲未能吸哂配料味道，唔夠野味飲品當然係方便既燕京，價錢絕對不貴，貝殼都係48蚊一碟，啤酒15蚊有交易，個招呼我地既員工仲要好似打乒乓球的高禮澤老友話細個時兄長說過話呢間野0的粥係0係廁所旁的水喉管道從二樓流下來再煮的，今次一於睇一睇，結果.......發現後巷廁所旁真係有一桶好似粥既物體，唔通真係咁核突？搭小巴回家，因好正常關係發現原來成車都係醉客，仲要聊我講野，我屌﹗唔通我平時都係咁？

收工無事相約好友到土瓜灣七喜食飯自上次同友人來過之後都係第二次來，一坐低唔敢叫送，因要等埋另一老友，所以就係咁飲啤酒同埋食番個20蚊既鯪魚球先﹗好鬼彈牙呀，哩說幾腥但我呢0的唔食魚既人士就覺得好好味囉﹗當然熱食最佳﹗老友遲左成個鐘先到，等到我地發老爛﹗哈哈﹗一來到酒都唔比佢飲就要點送，是晚貝殼夜，點了上了吃完好好味的象拔蚌及扇貝，兩樣都好好味﹗尤其係個象拔蚌真係彈力又新鮮，一流﹗敗筆就是點了椒鹽魷魚，粉厚似旺角通菜街十蚊包貨仔，下次真係唔會再點﹗四支啤四碟送埋單都係一人七十幾蚊，幾抵啦﹗

星期日光顧下午茶，叫了一碗雲吞麵。麵不是很爽，可以說是有一點硬，鹼水味道頗重，吃到最後變'淋'。湯底味精利害，不敢恭維。雲吞有五六粒，頗大，蝦肉彈牙，可惜鮮味欠奉。但整體尚可以，比普通的麵店好小小啦。我不會一次定生死(除非太離普)，下次來的時候再試其它，希望有好的驚喜。離開後快快買包凍檸濱，Wow，舒暢。

前趟來七喜，適逢是晚飯時段，插針不下，唯有放棄。是日午後過來土瓜灣，專誠過來這裡幫襯這裡的蝦球撈麵。先不說這裡的蝦球，先說蛋麵，遺憾鹼水味很濃，要加浙醋才能辟除這陣鹼水味道，想起都怕怕！再說蝦球，這裡的是鮮中蝦拆殼，中間膛開順道挑出蝦腸然後來鮮灼；咬下雖然不算蝦味濃鬱，但還算鮮味尤然，況且灼蝦時間拿躡準繩，爽口非常，若原先的蛋麵沒有鹼水味的話，這碟蝦球撈麵分數不低！

從來都是爆場的夜店，夜粥、撈麵、小炒，濃油猛火再加強烈味精，正合夜貓族味兒。從來只有經過分兒，是夜與專兄來吃個快捷宵夜小炒。貼滿手寫召紙的粥、粉、麵、小炒，有鯇魚片粥就想當然有蔥爆魚膘及魚皮，專兄笑言是晚咪玩「雙寶」，就點了魚膘試試，由加了淨銀絲麵作配，幾佩服專兄由家中跑過來，汗流浹背下仍可以點滑牛粥．．．一直覺得炒魚膘是富地道色彩之作，含豐富膠質而帶嚼口的魚膘，從來是多多益善，是晚的炒魚膘，沒下多少酒去腥，以又濃又鹹的複合式醬油兜炒，腥是沒有，換來是鹹得喝三支烏龍茶亦解不掉的化學味，魚膘本是肥美豐腴的靚料，火候問題，出到來散修修的，膠質亦不知掉到那裡去，一碟汁多如汪洋，沒有蔥香的蔥爆魚膘，連送白粥亦嫌太鹹，同樣一道菜，越興棧做得比較出色。時而，被專兄發現了來了一檯拿著Burger King的客人（時為12mn），這般眼力真的佩服。是晚專兄請客，謝過！