影片
開飯介紹
台式火鍋專門店，根據牛肉等級供應不同的放題套餐，食物選擇多元化，湯底選擇亦有特色，如麻痺鴨、呻醋豬及一鼎和牛等。
繼續閱讀
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
有關獎賞計劃
今日相約朋友，喺馬鞍山買完嘢之後諗住醫埋個肚先至走！行過見到一間餐廳叫一鼎。有個餐牌，寫住石灰岩全血和牛，我勁好奇係乜嘢嚟嘅？原來石灰岩全血和牛係- 每隻和牛對上4代都是由純種的公牛和母牛配種而成，相當罕有，保證血統優良。- 含豐富鈣質及天然礦物質石灰岩山脊- 稀有, 第一家火鍋放題店供應石灰岩全血和牛- 優質穀物, 全天然放牧飼養而且呢間餐廳嘅石灰岩全血和牛更得到2024年澳洲全血和牛大賞銅獎講到咁，一定要自己試吓好唔好食我個心先安樂。完全冇任何失望，由和牛到配菜至到飲品都十分滿意，絕對對得起呢個價錢！唔止和牛好食，連日本北海道四元豚味道都好濃郁。飲品更加係手搖，任飲任食好過癮。除咗和牛豚肉同配菜之外，更加有海鮮。鮑魚仔爽口，瀨尿蝦都幾甜㗎。同埋大推生蠔，因為隻隻都好大隻，而且好好味，好鮮甜架。所以我已經約定下一次再過嚟。yummy yummy！❇️一鼎 (馬鞍山)❇️馬鞍山鞍祿街18號MOSTown新港城中心(4期)2樓2001號舖
繼續閱讀
而家石灰岩全血和牛🐃正式空降一鼎，限時供應🥰。咁~咩係全血和牛🐃？其實係指和牛上四代都係由純種嘅公牛和母牛配種而成，保證血統優良😍。相比日本和牛嘅入口即溶🤤，澳洲和牛相對地有口感，牛味濃郁😋，而家可以任食全血和牛。全血和牛 + 日本北海道四元豚120分鐘任食放題(A餐) $369/位湯底有8️⃣款選擇，有辣有唔辣，1️⃣人1️⃣鍋，完全唔需要擔心湯底mix咗其他味道🥰。麻痹鴨(麻辣) - 又秘製材料熬製而成，麻、香、甜、辛，層次感十足😍。椰子雞 +$39採用天然100%椰子水🥥，味道清爽鮮甜；雞就選用新鮮嘅走地雞，肉嫩味鮮，兩者結合，簡直鮮味大爆發😍。用QR code 📱落單，食物上枱速度快又無甩單，店員會不時清理碗碟，服務貼心有禮🥰。除咗主打嘅石灰岩全血和牛外，200日穀飼牛🐂同樣非常吸引，肉質夠嫩，就算滾得耐咗，口感依然軟腍滑溜，仲滲出陣陣油香😍。其他任點如澳洲和牛同樣香滑軟腍，封門柳及牛舌肉質比較緊緻，但牛味更重😋。日本北海道四元豚🐖口感爽滑，油脂香味濃厚，另一款丹麥梅花肉質感軟腍，肉及油脂較平均。羊肉🐏有微微騷味，口感軟滑😋。海鮮：大蝦🦐、帶子、生蠔🦪、瀨尿蝦及鮑魚等，全都新鮮肥美，帶子鮮甜嫩滑，大蝦爽滑彈牙😋。熟食：鹵牛、筋牛及肚腱，鹵得入味，口感軟腍。炸蝦丸外層香脆，蝦肉鮮甜多汁，炸豆腐同樣香脆，灑上椒鹽更加香口😍。自助區蔬菜及丸類：多款蔬菜、菇菌、肉丸、炸魚皮、響鈴及麵。飲料：有氣水、啤酒及清涼茶，A餐仲可以自助任飲斟生啤🍺及黑啤，任點指定(一鼎茶)手調飲品🧋。當然仲有生果及軟雪糕，當作飯後甜品，為完美嘅一餐最後點綴🤗。
繼續閱讀
位於馬鞍山嘅🌟一鼎．台式火鍋🌟 ，係台式火鍋放題店♨️ ，連同一鼎茶飲，供應高質嘅放題火鍋加手搖飲品放題！♨️Set C 澳洲M8純和牛＋日本北海道四元豚吃到飽套餐 $408/90分鐘晚市放題Set可揀90 or 120分鐘，食得快嘅話，可以慳更多！🥩澳洲M8純和牛｜青藤椒牛舌最高級別嘅肉品，澳洲M8純和牛軟嫩多汁肉味濃，油花又足！牛舌帶青藤椒嘅香氣，特別美味，同澳洲M8純和牛一樣，必須瘋狂encore！♨️海苔鰹魚清湯鍋｜甜甜醬油鍋海苔同埋鰹魚為食材提升鮮味！甜醬油係類近壽喜燒嘅口味，配牛肉一流！🍻日本三得利生啤｜台式手搖飲品多款高質台式手搖飲品，例如香水爆檸、黑糖珍珠牛乳，都係必嗌！一鼎有埋生啤機，自助斟冇難度！🪸爽口鮑魚仔｜鮮味瀨尿蝦｜王牌帶子｜超鮮大蝦爽嫩嘅鮑魚仔，連同瀨尿蝦、帶子、大蝦等優質海產，都係任叫任食！🍢特色鍋物串串｜台式小食一鼎嘅特色鍋物串串真係配搭得宜，好睇又好食！台式火鍋又點少得台式小食？全部一口size，試齊晒都仲有大把quota！
繼續閱讀
早2日為咗慶祝2位小姐考完試，問佢地想食咩，2位異口同聲地話想打邊爐，好Ok ，一於帶佢哋出去食好西。位於屋企附近馬鞍山MOSTown 早排成日有街坊推介一間極出色嘅台式火鍋，今日我哋終於去朝聖。佢哋有ABCD餐揀，今次我哋揀咗嘅係 A餐【澳洲200日榖飼牛】120分鐘$349一位。A餐嘅價錢同時可以點食B同D餐嘅食物。湯底方面有八款，一人一鍋，自己可以揀選返自己鍾意嘅湯底，非常好啊😍講下佢哋嘅食材先，無論係牛、豬或羊，食得出樣樣都非常新鮮鮮嫩，海鮮方面都特出，有生蠔、鮮蝦、墨魚、大蜆等等，樣樣都鮮甜又肥美且大大件。另外佢哋有啲自家製材式都好特別又好味、例如：蘆筍和牛串、蘆筍豚肉串、手工栗米雞肉水餃、龍師傅招牌韭菜鮮肉水餃和台灣鮮製手工麵，大家一定要試試佢。而自助區有丸類、蔬菜、麵食、生果、飲品、自助啤酒機等等，仲有仲有最受小朋友歡迎嘅自助雪糕機，可以自己裝幾多食幾多。熟食款式方面，有好多台式美食，例如滷肉飯、鹽酥雞、滷味、金錢肚、肉鬆皮蛋豆腐、藤椒虎皮雞爪、冰釀梅汁蕃茄、古早蒜味小香腸、梅香地瓜條、煉奶炸油條等等。仲要賣點飲品方面，竟然可以任飲台式手搖飲品，我哋飲咗勁多黑糖珍珠奶茶、香水爆檸、牛乳冬瓜茶等等，真係超級無敵開心😃另外入座時，職員派我哋一人一個硬幣，硬幣可以夾波波，波波入邊有唔同嘅優惠架，我哋今次只係夾中一粒😆（免費香水檸檬一杯）可以於3個月內兌換。我哋今餐食得好鬼開心，有得食又有得玩，食物種類又咁多，最鍾意佢哋可以任飲手搖，兩位小妹妹已經問定下次幾時再嚟過🤣
繼續閱讀
火鍋為一人一鍋模式，有超多元化食物種類及飲品選擇，今次我地就試人氣Top 1 120分鐘任食澳洲200日穀飼牛火鍋餐肉類方面，有澳洲200日穀飼牛、澳洲純和牛、青花椒長牛舌、丹麥梅花肉、澳洲冠軍草飼羊等海鮮選擇亦非常豐富，有超鮮生蠔、蝦、鮮墨魚、海蜇花、美國大蜆等另外仲有蝦滑、蟹子花枝滑、牛柏葉、芫茜和牛串、露筍和牛串、金菇和牛串、豚肉小露筍、台灣特色水蓮菜等，仲有一系列前菜同埋台式小食，款式應有盡有，種類多到數都數唔完最驚喜係仲有台式茶飲同黑白神泡生啤都係可以免費飲到爽，連日本生雞蛋都係無限供應，真係性價比超高，絕對值得一去再去
繼續閱讀