一風堂 (奧海城)

抵受唔住鵝肝嘅誘惑，嚟咗一風堂食佢哋為慶祝11周年而期間限定推出嘅鵝肝沾麵。因為每間分店每日只供應10碗，所以一早就嚟食，好彩未賣晒。鵝肝沾麵 $178先講個濃厚鵝肝粟米雞白湯湯底，用咗鵝肝精華同粟米蓉去熬煮雞白湯，香濃嘅鵝油加上香甜粟米，用嚟點拉麵食呢個配搭非常新鮮。Toppings方面當然唔少得主角鵝肝，鵝肝係即叫即煎嘅，外面煎得香脆，入面係軟滑綿密嘅口感，咬落去每一啖都係鵝油嘅甘香，而且仲可以點啲意大利黑醋嚟食，即刻無晒油膩感。除咗鵝肝，碗麵仲有鴨胸叉燒、一風堂慢煮豬柳叉燒、鹽味半熟蛋、蘆筍同粟米筍，非常豐富。炙燒三色叉燒半熟玉子飯 $68另外叫咗呢款三色叉燒飯，可以一次過食到3款炙燒叉燒，分別係卷腩叉燒、豬柳叉燒同雞叉燒。叉燒炙燒過非常之香，卷腩叉燒係半肥瘦，油香味較重，亦都比較腍身，而豬柳叉燒肉味就比較香濃。吉列廣島蠔(2件) & 檸檬南非茶 +$32呢到嘅拉麵或者飯麵可以加配做定食，會有小食同嘢飲。我哋揀咗炸蠔同檸檬南非茶。炸蠔炸到金黃香脆，蠔肉仲keep到嫩滑。南非茶聽講好健康同有好多功效，飲落有獨特嘅芳香，加埋檸檬都幾好飲。。。一風堂 (奧海城) (大角咀)大角咀海庭道18號奧海城二期1樓106號舖。。#IPPUDOHK #香港一風堂#—風堂十一周年 #鵝肝沾麵 #期間限定…查看更多

🎉🎉一風堂嚟咗香港原來已經11週年啦🎊🎊為慶祝踏入11週年，一風堂誠意推出精心炮製全新周年限定嘅「鵝肝沾麵」，每間分店每日限量供應10碗，售完即止㗎～🍜鵝肝沾麵💰$178鵝肝我一向鍾意食，即叫即煎，煎完外脆內軟，油脂甘香細膩除咗鵝肝，仲有帶鹹香嘅鴨胸叉燒、一風堂慢煮豬柳叉燒，兩種風味嘅叉燒同樣好食，令拉麵味道更有層次，加埋原隻鹽味半熟蛋、芫茜、露筍、粟米筍等配料，真係好豐富🌽湯底以鵝肝精華作基調，特意加入粟米蓉，混合一風堂獨門熬製雞白湯，沾麵沾上濃郁醬汁，味道香甜滋味，層次豐富📆推廣期：即日至2022年9月5日🚩一風堂 (奧海城) (大角咀) @ippudohongkong 📍大角咀海庭道18號奧海城二期1樓106號舖…查看更多

晚上7:00入座，二人坐四人坐，座位相當寬敞，QR CODE落單，白丸元味、赤丸新味再加一份餃子。餃子無咩味，放薑蔥係上面完全幫唔到手，個人覺得相當唔夾。白丸湯底超淡，個肉無咩味，只可以讚係湯夠熱。赤丸都係超淡，赤丸明明已經有個篤辣醬，但溝埋都係淡，我自己就鐘意幼麵，揀咗硬身，個麵係ok嘅，但又唔及得上一蘭個幼麵，一風堂嘅個湯底唔夠濃令到成件事變到好無癮。 員工都係後生仔女，都已經係qr code落單，所以佢哋都係行行企企，傾下計之類，都幾多人手。一風堂好多年前剛開第一間係新港中心個陣我食過，個陣仲要排百幾張飛先有得食，我印象中係好好食，同而家真係爭好遠，可惜。二人，晚餐，$220。…查看更多

疫情不能旅行思鄉最好解決方法就是食那國的食物日本 能想到的食物 拉麵必定是其中之首一風堂 外賣自取有折用open rice 買也有折但好像在店買外賣自取就85折不過用app 外賣自取就方便一點不用等 有時間睇住 差不多有 才過去拎食物 拉麵的湯是分開都滿熱的 不錯只是要同日本價錢比 一定會貴少少一次半次思鄉下可以接受…查看更多

個陣同舊同事黎食，覺得幾唔錯，味精味唔太重。雖然係連鎖拉麵店，但係質素都唔錯嘅，如果諗唔到食咩，可以一試嘅xd豚骨湯底好濃好香，你地見同我一齊食嘅同事連啲湯都忍唔住飲曬就明🤣🤣。湯頭加左香蔥同木耳絲，提升左湯頭嘅鮮味。豚肉就唔算有好多嘅，不過話明係特製，點都多過普通拉麵，價錢都貴啲啦🤓🤷🏼‍♀️。同埋，我幾鍾意佢嘅溫泉蛋，同豚骨湯底好夾🥰。🍽特製白丸元味拉麵: HK $88好味指數👅：🌸🌸🌸🌸…查看更多

疫情期間已經同美食外送做咗好朋友🤝，今日陰天濕凍又落雨☔️，更加唔想出門，淨係想食返碗熱麵🍜，好彩有foodpanda可以風雨無阻送達🚚。今次真係辛苦曬外賣哥哥，因為出面落大雨，送到嚟連個袋都爛埋，不過碗麵竟然絲毫無損，勁👍🏻！博多沾麵($97.2)🍜，外賣限定，個麵好彈牙而且掛湯，將豚骨湯嘅精華盡顯。加$36加配定食，有一碗迷你豚肉飯+Kagome葡萄汁，如果屋企有小朋友👶🏻，平平地追加，呢個分量真係啱啱好。白丸原味($55.8)🍜，講真60蚊都唔洗就有碗麵真係幾抵，我好欣賞佢個湯係獨立包裝，送到來時仲熱辣辣，又唔驚瀉曬，而且幼麵彈牙，竹筍、木耳、芽菜分量十足，一人食真係好滿足。唐揚炸雞($36/5件)🐣，當小食分量啱啱好，如果有跟沙律醬就完美了！一風堂餃子(64.8/10件)🥟，一口一件，其實一個人都可以KO一碟，熱食更好味。…查看更多

疫情突然爆發，22年1月7日起6點後晚市禁堂食，以為農曆新年後會好啲，點知爆得更勁！成個月冇外出堂食，路過奧海城一風堂，很懷念去日本旅行時晚上好多餐廳已關門，但見一風堂仲有開，當又凍又餓時食過當地既一風堂拉麵，那碗熱騰騰既湯底，跟香港食既味道是一樣的！差不多一個多月冇食過外賣，經過奧海城一風堂都想懷念下日本拉麵，見外賣自取75折其實幾抵食！😌雖然攞到返屋企係凍左，但叮返熱都保留到麵既煙韌口感～今次試下新出既濃厚海老沾麵 $88，沾麵麵汁叮返熱有好濃既鮮蝦味，有點似叻沙，但冇叻沙既椰奶味...但果種濃味令我飲晒成個麵汁！😋另外仲叫左照燒雞便當$85，蛋卷好味，係粟米燶左少少，加$22配芝麻菠菜及忌廉梳打，但75折埋單$146.2, 好抵食！👍可惜忘記了影餐牌...😅…查看更多

經過一風堂見到推出咗十週年期間限定拉麵，仲要係同安記聯乘嘅黑醬油。鮑魚拉麵，作為拉麵控當然要集郵打個卡。拉麵湯底用咗一風堂人氣嘅黑醬油湯底做基礎，鮮甜雞湯精華再加上鮮味黑醬油，湯底香濃，拉麵吸收晒d湯汁，滋味升級。配料方面除咗傳統嘅卷腩叉燒同半熟蛋之外，當然唔少得就係加入咗安記出品嘅原隻日式照燒鮑魚、金華火腿絲、元貝絲同雲耳片，令到拉麵嘅味道同口感層次進一步提昇。鮑魚口感爽彈，仲好入味。另外仲叫咗份一風堂餃子，餃子煎得皮脆，點埋餃子汁再加埋大量蔥花同蒜蓉一齊食，夠晒香。。。一風堂 (奧海城) (大角咀)大角咀海庭道18號奧海城二期1樓106號舖…查看更多

十年前，香港已經有呢間拉麵店🍜十年後，我同男朋友終於一齊食到喇🥰.咩驅使你會突然間想食?!多得之前WFH成日見到佢嘅抗疫優惠宣傳，先令我發現office附近有分店….又因為太多選擇下，一直冇揀佢嚟試!而且終於俾我試到! 都唔係大家講得咁難食丫🤔係! 個湯底係油咗d嘅! 🤷🏻‍♀️不過<<白丸元味玉子>>($65)個湯底好有豬骨嘅甜味!<<橫濱家系豚骨>>($85)湯底更濃!!!係豚肉同雞白湯👍🏻連埋拉麵掛少少湯咁飲都幾滑口嘅😋.無論係配慢煮豬柳叉燒定係炙燒都好食!慢煮好滑，炙燒好香，兩個人叫兩碗~ 每人叫一款share啱啱好!!最緊要係有得scan QR code，自己慢慢落單🧸拉麵要硬定軟，多蔥走蔥等等，可以慢慢點! 冇壓力🙃…查看更多

中午去食個拉面 真係食到媽媽聲叫個慢煮豬柳叉燒 叉燒簿都算 仲要得幾塊 你食水都好深姐食落口仲要係凍既 慢煮係用四十至六十度長時間煮 點都唔會係凍 簡直係超出我既想像 唯一解釋係工場做完 雪凍左去店有order先放個熱湯就算數上台 真係垃圾都不如最唔明係我自己scan qr code落單 水又自己搞 你夠膽死叫我加一 你有咩服務？咪拎碗面上枱 你憑乜叫加一 拎面上枱好基本野 八十幾蚊碗加埋一成九十蚊 過份地overprice真係無下次…查看更多

好耐我去日本啦想懷念日本嘅感覺一秋風起涼涼地想食啲熱嘢就嚟食拉麵啦 食得太飽 呢間都ok喎最平消費唔使60蚊有一碗拉麵 依家依家進化到可以scan q r code我上落單 都幾好呀面嘅硬度可以自己揀另外叉燒呢都可以講煮飯嘅我就點咗個慢煮豚肉 馬主嘅特別好食嘅真係冇揀錯另外加咗十蚊 竹筍 我最鍾意食嘅竹筍呀另外呢家個面呢以前啲舖頭都要十幾蚊先有過面依家喺5蚊就有啦 不過略嫌呢個湯比較少啲 小半碗如果我再落面呢變咗做撈麵囉 唔算太多我就揀咗個柑桔梳打比較 甜 不過都好幾方面也可以收信用卡 呢度位置唔算好多人士都要等排隊等位我比較 遲 嚟所以就有位坐 不過小心呀鄧腳呢喺個比較容易撞到 裝修方面都唔算四四方方所以呢 卡位要小心啲 我出嚟下晝撞到我隻腳囉下次你一定要著番啲波鞋…查看更多

消費卷優惠帶帮下姑且再試：普普通通又一大碗！其實之前也試過其他分店,大概知道甚麼料子？沒有太大期望！無它今次在消費卷優惠帶帮下,姑且再試多次！瘟疫前經過,從窗窺看隱約,（因它的窗戶半透明,刻着招牌名,既日本風又潮）！也見人才濟濟（員工）,和客流湧現,可是疫後人去樓空,當時樓面只有1人,好似只有1,2枱客？少男店員忙着收銀,己招呼不了客人入座,但還是儘力認真要求掃安心出行量體溫！倘大寬鬆的座位,有圍坐有卡位有靠坐有吧檯位.可供不同客人用餐,揉合現代和日本風室內設計,燈罩像極了日本蛋殼,打燈也柔和舒適,天幕懸掛日式麻繩別緻！紅白略帶黑主調：從裝修到餐牌到擺設到食品名稱賣相.....前呼後應！一脈相承！充滿美學！市場包裝就非常講究,“像”極了日本精神！在同類中可稱的表表者！咁到底食物質素如何？今次試吓湯拉麵：豚骨湯赤丸慢煮叉燒拉麵,雞湯卷腩拉麵,還有少食：餃子,唐揚炸雞汽水跟餐免費！讚！少男店員雖是新手,也努力上菜,可能大碗麵太重,以他較瘦有些手震震,我也有點擔心,幸好安放.他也學着示意友善,連碗也是外紅內黑！賣相不俗！今次叫赤丸豚骨湯慢煮叉燒拉麵（帶辣）：可能避免餸因湯過高沉下唔靚,湯比較少,但都不是大問題,所以試了慢煮叉燒4片,厚實大少合適,淡淡粉嫩紅色,嬌嫩肉美帶淡淡湯汁,軟綿美味！如不想吃太肥膩的,這也是一種不錯選擇,比較有少女初戀味道！這款是配一隻原白色糖心蛋！為什麼不是啡色？應該是沒有鹵汁？也沒有切開一半！証明新鮮？冇時間鹵？疫情缺人手？真是太失望！氣憤是當我用快筷夾開,竟然是差唔多熟哂,無心可流也沒有甜味？極其量只是一隻烚蛋！一隻“無心蛋”！又是另一個大失望！飲嗒湯息怒,飲唔到豚/雞味？但好似有點香滑麻醬味？也有點咸香味/味精？我叫的是赤辣,只放了一丁點,我完全感覺只是白原味？！感覺是飲了一碗比較好味的即食麵湯！配料木耳絲聰花紫菜芽菜還可以.再試了雞湯卷腩豚片,厚實大少合適,肥瘦恰好肉美軟香,如想吃上帶少少肥脂的,這也是一種不錯選擇,比較有佬味道！這款是配2半隻糖心蛋！雖不算是很流心但正正常常的香甜,可仍是白的？！拉麵拉麵最重要的不該是麵？麵條仍是偏幼！你也可以選擇軟/中/硬度,但要經人手以不是填表,落單亞姐不太耐煩,應該是沒有過冷河,直接加入湯中,我己點了硬的還是偏軟！普普通通！小食餃子細小但焦脆唐揚太細隻也炸過火,如$便宜沒有人會抱恕！但這$85+（+1服務$）等同正宗日本麪店$$就划算不來？！…查看更多

外賣網上平台已經是比food panda /deliveroo 貴好多，並且預計運送時間要1個鐘頭有多。居然還是漏單，要等左足足2個鐘頭才送達。太過份。只是2盒麵加一盒飯，和兩個小吃，也會漏單。…查看更多

好耐無食一風堂父親節前夕8點入座, 唔洗排隊餃子無煎得咁脆口不過加埋薑蓉＆蔥花一樣咁好食赤丸拉麵每次都必點額外order咗2份高菜仲有個明太子叉燒蛋飯細細碗好足料…查看更多

長期無芽菜！無高麗菜！無紅薑絲！拉麵無湯！員工無禮貌！食麵無匙羹！無人落單！水瓶無水！比你揀麵軟硬度，送到過嚟又唔分邊碗係軟邊碗係硬，個亞姐服務員態度差過大排檔，毫無服務咁都收加一…查看更多