一茗堂 (已結業)

去開田心村，順便吃個晚飯，不過附近幾間都好多人，唯獨這間食點心的冇乜生意，本着好又一餐唔好又一餐的心態去試吓，怎料食物質素確是不錯，其實值得有更好生意。（絕非賣廣告🤣）餐牌選擇唔算多，畢竟只係小店經營點心。我們主要選擇精選餐牌上的點心。脆網鮮蝦腸 - 用腸粉包着類似越南春卷的單鮮卷，新鮮炸起夠脆但又不油膩，比炸両更脆的口感，幾新穎的配搭，不過一定要快吃。金錢肚 - 份量頗多，而且大大件，幾好𡁻口，完全吸收豉汁，是愛好濃味的好選擇。冬蓉灌湯餃 - 見好幾枱也叫這道點心，最特別的是用了冬瓜作湯，幾清甜，而且熱辣辣蒸起特別窩心。潮州粉果 - 比起一般潮州粉果不同的是用了水晶皮，不過個人認為傳統那隻好吃點。鳳爪排骨飯 - 不過不失，比想像中小碗。可能晚市關係，所以吃點心人流較少，但坐得舒服，而且食物質素不俗，全都是即叫即蒸，可以慢慢吃也不會有人趕，有機會會再去！…Read More

田心村的西班牙式屋仔，地舖愈來愈多聚焦有特色有心思的小店食肆。今回試的是這間類似功x點心但又非多分店式的小茶樓。坐就談不上舒適，有三張梳化卡座但要搭枱而座位間都略嫌擠，坐室外帳蓬下又怕附近有志明春嬌打煙爐。適逢聖誕節中午，人流更多，4人坐得逼迫，所以不要期望像一般酒樓能歎茶hea。服務有點怠慢，已說由3人加到4人，本身已迫在2人枱，良久才將枱拼到鄰座。加回分數是點心，全數熱騰騰，而且貌似自製，推介 脆網鮮蝦脆 又香又脆；海皇醬大腸 件數足而夠腍嚼起沒負擔；上湯鮮竹卷 比灌湯餃反而更足料；生煎包外表脆但餡略嫌空洞。…Read More

已經食厭集團式酒樓的點心了， 是時候找一些特別的點心餐廳來試試， 聽住在大圍的朋友推介田心村有一間做點心的餐廳， 即點即整的， 對這間餐廳非常有興趣。日式釀茄子，塗上日式醬汁茄子大大件有三件， 上面的蝦膠，非常彈牙。 太好吃了，我吃了兩件珍寶蝦餃皇， 一籠有兩粒 ， 唔係店主孤寒而係他是珍寶size， 一入口入面全部都係蝦肉， 爽口彈牙。 朋友讚不絕口冬茸灌湯餃， 好考功夫， 首先要把冬瓜粒切成冬茸， 把醃好的豬肉混成一團， 成為醃料。 這個較平時食開的灌湯餃，味道清淡一點。 非常適合追求健康生活的你。瑤柱蘿蔔糕， 質地很厚， 不易鬆散， 味道十足。金蒜蒸排骨， 一送上嚟，蒜香氣撲鼻。 對於喜歡食蒜蓉的我， 非常開心。 平時係家裏食豆豉蒸排骨比較多。 炒香的蒜蓉配排骨，別有一番風味。花菇棉花雞， 最鍾意他的成寸厚的棉花， 打 冬菇和雞肉的精華全都吸收了， 所以每次我都會爭來吃。 這個棉花雞處理得非常不錯。這間點心水滾茶靚，分量大大件， 街坊價錢， 下次如果踩單車經過， 一定過嚟食埋先出發。…Read More

This restaurant is just near when I live so I went with my family on my day off. The choices are not as many as compare to chain stores however everything is freshly homemade and made to order. We liked the prawn dumpling best, which were really fantastic!!!! The size is massive and there are lots of prawn inside. …Read More

今天不工作，在大圍附近覓食。一茗堂在這一區薄有名氣，專做點心，看來不錯。電話下單，十五分鐘可取外賣。從前有幸窺見點心制作以及上餐工作，基本上都是師傅早早準備，包種先備好，包餡，發酵蒸熟，再有下單翻熱。其他如蝦餃燒賣排骨，都可以先準備，有單再蒸熟。蒸的時間由師傅設定多久，所以一般人都可搞定，成就現在點心店在人手短缺時都可運作之因素。腸粉點了粟米牛肉腸。外型靚仔，點牛肉是因為腸粉方面，叉燒一般不是靚貨，鮮蝦腸一般也是發水蝦，所以牛腸最正路。可惜今次腸粉漿調得太厚，也沒有米香，用料不佳。牛肉餡是牛肉球的餡，馬碲，芫茜都有味道，牛肉滑是滑，但港式牛肉球一般下肥豬肉以平衡肥瘦，不知如此有否？有宗教的朋友最好了解一下。金銀蒜蒸排骨。調味重雞粉味精，滑是不錯，生熟度得宜，就是沒有蒜味，拿捏不準，就是普通蒸排骨。棉花雞。冬菇厚身入味，雞肉是冷藏雞腿肉，同樣味精雞粉味，滑也是滑的。敗筆在於魚肚，無甚腥味，可惜就無其他味，要知道此一點心重點在魚肚，以吸收其他食味，質感棉滑，味濃厚。以行內話形容，唔夠身，口感爽而無味。燒賣皇。大粒，飽滿，兩粒扺人家四粒。肉餡有口感，有粗切豬肉再混合碎肉，肉餡調得有心機，敗於調味，太重味精。蝦餃皇。同樣地以形狀取勝，大粒，靚仔。肉餡肥瘦搭配適宜，可惜蝦有點瘦小，也沒下荀來提鮮，同樣味精味。最大敗筆在其皮，因為外賣回家，所以什麼九生一熟的生熟定義就不說了，其問題在於太厚皮，且靭且硬。也許為了外型大而用厚皮來包住更大的餡，但會否本沒倒置？我點的是蝦餃而不是蒸蝦肉。整體而言，不過不失，調味合格但見單調，師傅手藝好但偏離了本位。這個價錢也不比附近酒樓便宜，惟質素稍勝。…Read More

大圍呢間一茗堂可謂一得閒就會去食。價錢合理，而且每盅份量都幾大件。食物質素仲好高添！👏🏻👏🏻👏🏻首先就係必點「脆網鮮蝦腸」，皮薄蝦爽彈不特止。最正係入面包住炸既脆網，一次過有齊滑、脆同彈三種唔同既口感。真係好正！值得一試！---「蟹籽燒賣皇」係呢度既招牌茶。燒賣係一盅兩件，每件分量都好大件。大大粒又足料，蝦就大粒又爽口，豬肉亦唔會太肥太膩。「蝦餃拼潮州粉果」就可以一次過試曬兩款啦。蝦餃同燒賣皇一樣好好件，皮都算薄因為入面既蝦多到你唔信大大粒勁足料呀。而潮洲粉果就晶瑩剔透，分量足，真係正宗既一盅兩件呀。---而「名醬蒸鳳爪」鳳爪整得好入味，簡簡單單食落津津有味。小妹就唔太鐘意食中式包既，但見呢度既點心做得咁正，於是試下「奶皇流汁包」。食落又真係做到流心，而且奶香十足，包皮又夠鬆軟。真係唔錯喎！而「巧製叉燒包」叉燒料多，即整新鮮熱辣辣，包皮鬆軟。「章魚肉餅飯」就不過不失啦，略嫌個味淡左少少，肉餅實左少少。最後食埋個甜點「雜果沙律春卷」，呢款甜點都幾新鮮，平時都未食過。估唔到食落幾清幾甜，而且春卷炸得好香脆，食落真係幾正！值得一試呀。…Read More

早幾晚陪個住大圍既朋友嚟飲茶，呢間餐廳真係一流。你無睇錯，的確係飲夜茶啊！晚餐時段同幾個frd飲啖茶食個包都好寫意，唔洗下下大魚大肉咁肥膩！首先呢間餐廳位置方便，大熱天時冷氣好夠，座位寬闊，坐得好舒服！落order即叫即蒸，出籠點心好足料，每粒都大過出面飲開既茶樓，味道好好。 點心方面我地點左燒賣，馬拉糕，蒸排骨，叉燒腸粉，鳳爪，蝦餃，灌湯餃等等我誠意推介呢間既灌湯餃！好大件，熱辣辣，新鮮，好足料！如果一個人食，加多一兩籠點心就食飽飽！仲有一樣必試既係蒜蓉海籠龍仔飯！蝦開邊鋪滿蒜蓉去蒸，而且蝦好新鮮好大隻，白飯充份索哂蝦既鮮味同蒜蓉汁，超好食，我一口氣食左兩碗飯！平時其他酒樓都冇呢樣美食。除咗點心好好之外，侍應服務都好好，如果喺附近飲夜茶，呢間真係一個好好既選擇！…Read More

一茗堂係一間新穎、並打破傳統的中式餐館，而他們都是以中國傳統食品之一:點心為主。而當你踏入餐館時，那裡的環境比起平時我們常去的傳統茶樓顯然不同:那邊的環境清靜，帶給人一種休閒、歇息、冇拘冇束的感覺，跟熱鬧非凡的中式茶樓根本無法相比，喜愛寧靜的你，這裡定是必定之選。另外，這裡的衛生非常整潔，令你們能夠安心食用。至於在食物方面，更是不會令你們失望，這裡有着不同大小和種類的点心令你任君選擇，而其中當然不少得茶樓的經典点心：蝦餃&燒賣。這裡的蝦餃一咬鮮嫩多汁，其味道令人想一試再試。而燒賣的賣相甚為別緻，而且大小方面比起一般茶樓的還要大。除此之外，更有不少点心很值得各位一嘗，例如滑溜溜的牛肉腸粉，肉味芬芳的鮮竹牛肉球，外脆內裡多肉與肉汁的鹼水角，最後當然有香噴噴的鳳爪排骨飯。最後，我認為一茗堂係一間別有一樹和非常好食的餐館，很值得各位一試…Read More

Weekend 同mommy 出去新界行下，👯‍♀️去左大圍周圍fing。😂大圍附近一向都係美食沙漠，係最近開左個food court 好左d 咁。 我同媽媽就得遠d，睇下屋村有咩好野食。😗今次行到去田心村，見到有點心食，呢d對於長輩黎講係冇咩抵抗力，😂再加上出面又落雨，所以我地就入左去了。👍🏼係坐得幾好嘅，有冷氣又乾淨。見到好多街坊都黎呢到幫襯，應該幾好食。⭐️流沙奶皇包😋最重要係要夠熱，個流沙又好味！⭐️珍寶蝦餃皇😍真係超大粒！⭐️蟹籽燒賣皇⭐️古法馬拉糕⭐️花膠姬松茸竹絲雞湯好少有呢d湯飲啊，養顏靚湯！🌹⭐️花菇綿花雞…Read More

飲茶不一定是早上，下午茶才有，夜晚你喜歡的話都可以飲到。 最近跟朋友搜索，大圍有一間即點即做的點心餐廳，放工後一於去試試。從火車站走過來，經過行人天橋，在田心村外圍有條食街，有很多不同的餐廳， 這間一茗堂就在其中。炎熱的夏日晚上， 濕度很高。 一進來，就感到冷氣適中， 雖然是茶餐的格局，但是分外舒適 。所有點心都係即叫即整，無論你係九點半才到又好，永遠都係食到最好嘅點心。珍寶蝦餃皇， 一隻有成個拳頭咁大， 入面全部都係蝦肉， 爽口彈牙。 果然係珍寶王呀！ 最欣賞佢個澄面做得好好，唔會一夾就散， 晶瑩剔透， 那鮮甜的蝦肉緊緊包著， 味道一流。 這個值得推介。灌湯餃係我飲茶必會點的點心之一 ，冬茸灌湯餃第一次見，冬瓜粒整成冬茸， 比起一般嘅灌湯餃較為清淡，但係他的灌湯餃大小比較大。因為有冬瓜，成個湯飲完都是透心涼。瑤柱蘿蔔糕， 通常自家製母親牌的蘿蔔糕才會落瑤柱。 蘿蔔糕質地很厚， 不易鬆散， 味道十足。金蒜蒸排骨， 梳打粉比較多，所以肉質比較柔軟， 金蒜食不出味道， 有點失望。花膠雞湯，茶樹菇味好重，有花膠，烏雞， 火喉十足，滋陰補腎，女士佳品。花菇棉花雞，棉花成半吋厚，花菇香味十足，雞柳好大條， 唔怕你食唔飽。日式釀茄子，想不到他的茄子這麼大，佢應該係加了蝦膠， 再塗上日式醬汁。芝麻流沙球， 這個非常驚喜，先不說芝麻球外脆內軟， 煙煙靭靭，裏面的芝麻份外細滑，很好的甜品。明醬蒸鳳爪， 鳳爪非常新鮮，唔會好似其他過熟嘅鳳爪一下落去淋bet bet, 讓人有一食再食的感覺。蒜蓉蒸鮮魷， 新鮮熱辣辣，一咬落去非常辣， 可能係咬到紅椒， 但是鮮魷配上蒜蓉， 可以把 可以把鮮魷少少的腥味闢走，好好味。好開心夜晚都可以食到這麼高質素的點心， 怪不得隔離枱的阿叔，收工都要過嚟食一個鳳爪排骨飯， 就是因為新鮮而且店主好關心食客， 打成一片， 這兒是一個舒壓的好地方。滿分為10分(1分最低，10分最高)食物：9環境：8.5衛生：8服務：8.5價錢: 9舒適度：8.5總分：9…Read More

我住左係大圍咁耐，食過咁多間餐廳的點心，呢間真係無得彈。每樣點心好足料，份量好好，味道一流，重點係每一次既Order 佢都係即叫即蒸。另外，我誠意推介呢間的蝦餃燒賣！好大粒，好似個乒乓球咁大，彈牙，熱辣辣，新鮮，好多料。如果一個人食，叫兩到三籠點心就會飽！全部都好夠味，好新鮮！高質過酒樓多多聲！仲有一樣必試的點心係馬拉糕！份恰到好處，好香，好鬆化，同其他酒樓食既馬拉糕唔同。餐廳位置便利，冷氣夠，坐得好舒服！侍應態度好好，佢地自己食緊晚餐，都願意服侍我地。如果你想飲夜茶，而又住係附近，真係要食呢間！…Read More

今日中午去沙田探望一位舊街坊，她介紹我們到太圍田心邨茗堂吃下午茶點心。下午二時到達，那是一間約有50個座位的茶室，快坐滿茶客，我們叫了金錢肚，义燒包，脆網鮮蝦腸，珍寶蝦餃皇，冬茸灌湯餃，蟹籽燒賣皇，鵝肝醬咸水角和山竹牛肉球。金錢肚黑椒味較淡，味道適中，夠腍。义燒包义燒和醬汁美味，脆網鮮蝦腸，蝦鮮爽甜加上炸面很脆（特別推介），珍寶蝦餃皇，份量十足及爽甜，冬茸灌湯餃，湯底清甜，餃子很大隻多汁。蟹籽燒賣皇，肉質鮮美大件。山竹牛肉球，亦是份量十足，牛肉味豐富，馬蹄爽脆，加上芫茜很香。至於鵝肝醬咸水角，鵝肝醬飽滿和香口。今次美食，材料新鮮，份量十足，制作用❤，美味，很満足。飽腹後仍有時間到新城市廣場走一趟。…Read More

最近探朋友, 難得去到大圍, 發現村裡面竟然開左間食點心既餐廳, 覺得好得意就同朋友試下。因為係村底層開既, 所以鋪面不會太大, 勝在夠光都夠新淨, 所以坐低感覺都唔錯。佢既點心自然唔夠酒樓咁多款, 不過都唔少野可以揀, 所以我同朋友都考慮左陣。兩款腸粉, 1個初一十五, 一個鮮蝦腸, 腸粉皮整得唔錯, 明顯不會蒸左過耐, 都幾軟熟下。蝦都幾大件啖啖肉, 唔錯。然後叫左蒸蘿蔔糕, 蘿蔔糕裡面都幾多料, 糕都幾實唔會鬆, 都有些少蘿蔔絲係到。因料多所以味都幾夠, 比想像好。叫左碟菜, 都幾鮮菜心來柄唔會老。菜葉都多, 水準都可以。呢個蒸飯既蝦認真多, 味都幾濃下, 一班人食夠曬分量都唔少野。上邊鋪左好多蒜蓉所以都幾香口, 飯都蒸得軟軟熟熟,。然後就是薑汁糕, 層層分明, 幾彈口下。薑汁味都夠, 又唔會太甜太辣剛剛好, 飯後甜品一流。估唔到係村都有唔錯既點心食, 大圍想像好住WOR~…Read More

今日在大圍探朋友，朋友就帶我去附近村屋找食的！！村屋有野食！好奇的心！❤️就跟隨著去了嘩原來果個村叫田心村🤫近大馬路上的村屋下層都是食店有泰國菜；中菜；茶餐廳......我朋友帶左我去飲茶！🍵🤔佢話e間的點心是加大版😂🤣一入去環境舒服坐下我們就點了9款點心點心一到我就呆了😅好大哦！他的每粒的分量是平時的兩倍出面的是四粒的這裡是兩粒但每粒的分量逆就大了一倍！食到我地好飽！🤩最好食是脆網鮮蝦腸粉😘😘😘味道不錯👍🏻價錢合理 不用加一 茶每位$5…Read More

打破、改變傳統，只早上品茗的生活習慣。晚間都可以食我至愛的點心，超開心。叫左至愛的珍寶蝦餃皇 ，蝦肉爽口彈牙。真不錯蝦又大大隻，有滿足感 。蒜茸蒸鮮魷味道鮮，最特色是脆網鮮蝦腸 ，蝦脆腸粉滑。必試之選。另蟹籽燒賣皇，芝麻流沙球，鵝肝醬咸水角，冬茸灌湯餃、花菇棉花雞 ，有水準的。…Read More