一碗肉燥 (喜薈)

營業中

休息中

呢度都幾多選擇呢排有嗰啲雞鍋飯熱辣辣都唔錯有滷肉飯啊可以價錢變滷肉麵牛肉牛筋面啲牛肉都夠嫩 牛筋有口感嘢飲免費嘅就有凍同熱嘅薏米水其他嘢飲就要加幾蚊錢咁整體嚟講做個lunch都唔錯

平時都唔會寫啲食評，淨係睇多。 但今日既經歷真係想大家避避雷。之前間唔中都會黎食肉燥飯，都正正常常，無乜特別。 點知今日黎到再叫， 啲肉燥得一湯匙咁多。 舉手想問佢比多少少，佢就不停叫我哋等陣先。（成間店得5張枱有人，仲要唔係落單）Ok, 等你忙埋先， 我唔食住無問題架。過左10分鐘，再問職員可唔可以比多少少肉燥我，職員就好無禮貌咁講：吓！要多啲肉燥呀？之後施捨咁比多啲啲我！到底肉燥係重點定白飯？ 定係重點係精要的肉燥，所以一湯匙已經好多？

外賣有小強🪳陪伴這家餐廳的食物讓我失望透頂！菜品雖然看起來不錯，但卻發現裡面有小強！這真的太噁心了，完全影響了用餐的心情。但食物的衛生卻讓人堪憂，真是不值得再來了。希望他們能重視食品安全，否則會失去顧客的信任！最近我在某家餐廳用餐，卻遇到了一個極其不愉快的經歷。當我點的菜端上桌時，心情本應愉悅，但當我開始享用時，竟然在食物裡發現了一隻小強！這一幕讓我感到非常噁心，完全喪失了食慾。更糟糕的是，這裡的價格並不便宜，卻提供如此不符合衛生標準的食物，讓我感到被欺騙。用餐的整個過程充滿了不愉快，最後我只能悻悻而歸，心中充滿了失望與不滿。我希望這家餐廳能夠重視食品衛生問題，否則這樣的經歷只會讓他們失去更多的顧客。我不會再光顧這裡，也不會推薦給朋友。

我是一個很喜歡叫外賣的人，自從疫情之後食過無數的食肆舖頭的食品，當然有啲好有啲差，但係我從來都唔會去投訴，但今次嘅經歷係我唯一一次覺得過唔到自己，如果我唔投訴，我覺得對其他食客都是唔公平⋯⋯今日我order咗一個芫荽蚵仔泡飯，一個麻油雞加飯，再加一個牛筋牛肉麵，再加一個小食台灣腸，我想講芫荽蚵仔泡飯根本同另一個台南肉碎蚵仔泡飯冇分別，而且我個泡飯裏面的得4粒蚵仔，咁我使乜刻意嗌蚵仔泡飯呢？根本同肉碎蚵仔泡飯冇分別，而且蚵仔份糧過份少，簡直離譜，但係另一更離譜就係我嗌小食$42嘅台灣腸，竟然份量只是一條，但佢切開很多舊，我覺得這間商舖食物時間收得貴唔緊要，但係好多時都會俾返咁上下份量食材比顧客，但這間舖頭簡直離晒譜，而且我打個電話去舖頭詢問是態度惡劣完全唔想睬你，所以我覺得我今次唔投訴，簡直過唔到自己，同埋我覺得真係對其他顧客都好唔公平，我一定唔會再幫襯這舖頭亦都會同我身邊所有朋友講這舖頭根本唔值得去光顧，不知所謂！😡🤬🤬🤬😡😡🤬🤬🤬

炸塊雞扒都可以炸到甘生就出餐 對自己的出餐完全無要求 第一次吃下午茶 吃到生雞扒 個卷頭髮的EE態度幾好 話可以幫我轉 但我已經食飽了 所以食完個肉燥飯就算數 第二次來 叫了午餐 大雞扒可以無一個地方係熟的 食完返屋企同細佬兩個人都係係度上吐下瀉 🤢🤢🤢🤢毫不誇張可以痾爆個廁所 第一次寫差評 真係來呢度唔好食雞扒 或者真係可以來個員工培訓

係長沙灣見有這間店，記憶中係將軍澳食過，味道唔差，見午飯時間仲有空位，便入去，叫了個套餐配飲品，貪佢樣樣有啲，可以試吓套餐叫咗紅燒牛肉、 爆蔥煎蛋角、蛋花豆腐湯、糖心蛋(半隻)、 肉燥飯及叫了熱嘅桂花意米水紅燒牛肉有四件，炆得好入味，食落軟腍腍，好食😋肉燥飯唔似台灣肉燥飯嘅味道，但味道都唔錯👌，可惜肉燥份量少爆蔥煎蛋角同糖心蛋🥚味道正常，普普通通蛋花豆腐湯同熱桂花薏米水沒什麼味，淡到飲熱水咁🤔整體來講：環境舒適，坐得都舒服，服務幾好，價錢可接受，食物就真係要睇食咩野，紅燒牛肉好食，其他野就普通，蛋花豆腐湯同桂花薏米水完全無味🙈，食物味道參差不齊

咁啱喺長沙灣💪🏻做開嘢，見到呢個台式餐店🥡，就懷念起台灣嘢食。充滿回憶的道地台灣美食，牛肉麵可不是簡單的料理。忍不住又去試吓啦。😀［食後感］📝✔️香腍入味♨️的牛肋牛筋，牛筋特別爽✔️配上煙韌麵條🍜✔️再飲一口辛香又帶肉香的惹味濃湯，湯底有藥材香💯✔️少油少鹽但美味不減🤝✔️非常有份量，飽足感十足🈵🫶🏻🫶🏻滋味踏實，牛魔王必食🤤中午來碗熱騰騰🔥的牛肉麵，真是最幸福的事了！

其實好簡單～你俾張QR code 我點餐就可以～入座後一直等一直望住你地sell 緊啲大陸客去邊度好玩一路吹水～？！無奈坐左十分鐘起枱走人～諷刺係經過收銀仲問你埋左單未～

今日想食台灣菜，所以在一碗肉燥兩個餐外賣試一試。環境舒服，都幾多人用膳。所以本身都幾期望。豆醬茄子炆肉排+香蔥手抓茄子很好吃，肉排份量較少味道一般。肉燥一般不似台灣的味道。糖心蛋正常。香蔥手抓好吃。但外賣回家已凍了。蕃茄豆腐雞鍋這個鍋裏面的菜，有蕃茄、菇、豆腐及雞件。份量都比較多，但味道一般比較鹹。熱桂花薏米水個人覺得桂花魚薏米不夾，味道有點怪怪的。兩個餐的份量正常，但味道比較差，性價比不高，所以不推薦，也不會再去吃。

大快活集團旗下既一碗肉燥。行開去點咗個花雕養生雞煲。用手機程式下單。加杯台式熱奶茶。總價$74。杯台式熱奶茶。好一般。重差過港式地度奶茶。唔夠濃。奶多無茶味。花雕養生雞煲湯底用紅棗及花旗參做原材量。再加入少量花雕酒。太少花雕酒成份。適合一家大細食用。雞肉鮮嫩。混入白飯，滋味無窮。

下午吃小小脆炸猪排，那个饭感觉就铺了个底，我朋友东西上完，我就已经吃完了。好吃的，但就是气，上一次我都吃撑了，这次我饿啊，害。饿。好吃，不值。啊啊啊啊啊啊啊啊啊啊啊

一星期起碼有三四日都會幫襯點解？幾好味，有進步，價錢合理⋯服務態度非常好除咗午餐，其實仲有好多小食鍾情雞扒+魚柳之前試過飲仙草凍飲，我覺得唔好飲🤪，但係試咗熱飲仙草係好好飲👅飲品如果免費多啲就好啦，起碼多啲選擇我曾經提議過檸檬薏米水🤭其實對於食煎炸嘢都唔錯嘅呢款飲品😙呢排可以儲印花✨有八五折優惠又有升級優惠，仲有好多小食贈送，就試咗酥炸豆腐👅滷水雞翼👅都係唔錯唔錯外脆內Juicy 👅有一次試過玩麻辣雞翼尖真係超級麻辣鍾意食麻辣真係好食嘅但係我食唔到就覺得好辣努力⋯一直支持⋯暫時仲未厭🤭🤣

食過無數咁多次，但係近呢一年已經冇食，因為退步咗最近再食返竟然有所進步起碼啲嘢食唔會咁鹹先跟住炸魚非常鬆脆同埋Juice嘅飲品有多款選擇，不過經常都係揀珍珠奶茶特飲如果要普通呢就好似涼粉水都OK 㗎😆其他小食我就甚少通常我都係要刀削麵服務態度都改善咗好多始終長沙灣太多食肆都不似預期，所以佢有進步係值得要分享⋯最近仲多咗滿$30儲印花有優惠希望遲啲有更多選擇嘅食物努力努力⋯我經常都幫襯呢排都有一兩次甩漏嘅，但係同佢講返啲服務態度真係非常好，值得推薦！

平時成日經過見到，終於有時間試下。點知真係差到我吾會再俾機會佢。首先午餐分量少(本人係女士，瘦削身型都覺得少😰)，肉燥味道好怪(吾似平時台灣餐廳既味道)之後碗新竹米粉，我無expect 係牛肉麵湯底，又係好奇怪🤢，完全吾match。只係得杯珍珠奶茶叫做正常(少許偏甜)，不過還可以接受。另外叫左個鹽酥雞飯，落單後都等左差吾到20分鐘其他枱遲過我地都食緊一半 (同樣叫鹽酥雞)😑佢俾我既感覺係想做台式餐廳，但完全吾係煮緊台灣既味道。So sorry, 以上純粹個人意見。但我本人唔會再試多次

用外賣Apps，落單兩份餐後，在預定時間到步，等咗15分鐘之後，發現外賣Apps顯示其中一個餐售罄，但係店員從來冇同我提及，施施然只係攞一個餐俾我，只係用筆叉咗另一個餐, 但係我經外賣Apps已經全數俾晒錢，店員完全唔知平台何時會退款給我