一番日本料理

營業中

休息中

（相片=原圖）一段時間無返元朗食飯啦。今晚一家人係元朗一番食日本料理。大家都係第1次食呢間,不過聽講就好平好抵食今晚去唔洗等位就入到去。好多野都做緊特價生蠔都係13蚊一隻,試左半打,雖然唔夠肥美但都算新鮮。推介***海膽*** 一板都係68蚊,真係出面好少可食到呢一個價,而且係好食。點少得order埋超人氣,大割引既刺身都係承為58蚊。花之戀都係大大舊,好滿足呀其他熟食: 整體真係如聽聞一樣:平靚正,上菜速度快,食物選擇多,真係要encore多幾次~一番日本料理地址:元朗教育路29號地下C舖電話號碼:35210387|營業時間:星期一至日12:00 - 23:30

那天晚上我和太太及外父母等共四人，一同前往在元朗教育路的一番日本料理，以品嚐一頓日式膳食晚餐。首先我叫了一碟日式什錦炒拉麵。它乃是以豉油或醬油炒拉麵作主底，並配以一些主要餸料如紫菜絲、紅蘿蔔絲、椰菜絲、洋蔥絲、蔥菜絲及牛肉絲等，甚有鍋氣。熱辣辣一碟炒麵，吃落口麵質真嫩滑具彈性質感，連餸料一起吃便更惹味十足。然後我外父母則叫了一碗肥牛湯拉麵。它乃是以豬骨湯拉麵作主底，再配以熟咸蛋、紫菜塊、粟米粒、肥牛塊及蟹柳塊等餸料，也算是典型的日式湯拉麵。和炒拉麵一樣，滲了滾熱湯汁的麵質入口當然更具彈性嫩滑，也正是日式拉麵的主要賣點。此外我太太也叫了一碟六塊的加州卷壽司。它以細細橙色的蟹子粒鋪在飯團面上，內裡則包著切紫菜絲、切熟蛋及蟹柳四方粒等，及再加上wasabi鮮醬油作調味料。這類壽司食品亦是日式膳食餐中典型的添加小食。

有邊個元朗人未食過一番日本料理？印象中10+年前開始幫襯，小店唔算太大間，但係平靚正，仲要大大份！爸媽一直未食過🤣 慰勞下佢哋$150已經食到佢哋飽飽🥰🥰襯而家冇咩人出街食🙊 去到唔怕太多人😂 中午12:00先開門，做到第一個客人🤣必點刺身、壽司🍣食得出係新鮮、衞生，食親都未試過肚屙🙊「迷你雜錦壽司配烏冬」只係$52有8件唔同款式嘅壽司 跟餐+$10就有前菜、蟹子沙律、甜品（係泡芙）+$5 有多2件三文魚壽司真係抵！到！爛！食多啲飯好呀😊 儲米氣「咖哩吉列豬扒飯」，跟餐送麵豉湯😋 大大碟，飯、豬扒、咖喱汁都好多！地盤佬都夠食！豬扒炸得非常香脆可口，皮脆肉嫩。爸媽真係好鍾意食三文魚😂 每次去日本餐廳都要食額外點咗4件三文魚刺身 $43 都幾厚身，冇咩腥味👍🏻呢個價錢來講，食物質素算係物超所值。餐廳衞生情況可以，可以放心食。

放左工突然好想食日本野，咁夜附近無乜舖頭仲開門，就黎左開到十一點半嘅一番，之前黎食過記得佢好夜先收門，哈哈。原本已經超長嘅餐紙外，仲多左特別餐牌，越來越多選擇啦。叫左呢款特價刺身set，48蚊有三文魚，油甘魚，北極貝，北極翡翠螺，帶子，抵到爛呀！刺身新鮮厚切，加少少芥末，豉油都唔使點。黎到又梗係要呢度啲超大件嘅壽司啦，頭一件係京蔥三文魚碎軍艦，京蔥香口三文魚下得很多，大大件正呀。三文魚壽司拖尾㗎，好長嘅魚生，哈哈。後面係蟹籽沙律腐皮船，呢度個蟹籽沙律超大盤，以本人嘅食力應該食唔晒，但又想食喎，咁唯有叫住同系列嘅壽司先啦，好多沙律醬好正呀，腐皮又甜甜地咁，好味好味。仲有中間呢件三文魚沙律軍艦，熟左嘅三文魚撈左沙律醬，鍾意食沙律醬所以覺得佢超好味，勁多醬太正了。淨係食刺身壽司有啲悶㗎嘛，又叫啲香口野過下引，要左呢樣脆炸南瓜餅，可樂餅又係本人至愛，成日買黎食嘅，自己炸咁多功夫梗係出街食啦，即叫即炸熱辣辣，南瓜蓉甜蜜蜜，爆餡再加上勁脆外層，點埋沙律醬又係好好味。最後想食下肉點左一串鹽燒牛舌，黑椒香口，牛舌軟腍，都唔錯呀。九點後入座有野飲送，揀左熱柚子蜜，唔過甜幾好飲吖。一個人食左百幾蚊，好飽好

平時坐車經過見到好多人都想入去食下，今日放假終於有機會來個一人日本料理，慢慢嘆下入到去睇到餐牌好平呀，所以決定試下吉列豬扒定食，仲要加埋餐黎到個陣已經覺得應該幾脆口， 同埋佢個飯真係好多，如果食得少飯既一定要講少飯，如果唔係哂左真係，前菜係沙律同螺肉，同平時食開日本餐既無大分別去到食豬扒個陣，佢地吉列豬扒好大塊，而且佢真係好脆口，肉又嫩，哩個價錢食真係好抵好吸引重頭戲黎啦，壽司🍣壽司佢地都好新鮮，飯可叫細舊啲，但係當下唔記得左所以真係食得太飽，下次再食可以食刺身最鐘意都係食佢個赤蝦，貝同埋魷魚，佢地都好鮮甜另外仲有個燒蠔壽司都好好食架， 不過唔記得幫佢影相不停都見到一家大細同埋啲朋友黎食飯，因為真係好平好抵食，下次都要再黎食，平時出街食到咁平咁大份同咁有質量既定食

佢地D軍艦壽司 只要10件就可以質飽一個人。而且飯煮得好，魚肉亦夠多。雖然佢地既炭燒雞肉比想像中細粒，而且外賣豉油質素亦唔算好，不過依家係人都識係超市買萬字豉油，所以問題不大。刺身方面，或許要係現場食先會好味。外賣既話叫軍艦就好。總括黎講，係一個又好食又平既選擇。

唔知食咩好，見幾full 就入去試吓，真係畀佢d壽司size 嚇親！🤣鋪頭唔算大，坐得少迫但香港地黎講都算正常！點餐方便，自己係餐紙tick 就ok！環境正常，嘢食種類都頗多！海膽刺身：是日海膽刺身特價，即管嗌嚟試吓！估唔到又幾好味，幾重芒果香味，又冇腥味！軟殼蟹反卷: 一嚟到真心嚇親，一舊好似岀邊兩舊咁大舊，味道都唔差，絕對抵食！雜錦魚生飯: 又係超級無敵大碗，食到勁飽！三文魚有驚喜，油脂好豐富食落去好滑！吉列豬扒飯: 又係勁大碗, 豬扒好大舊, 淨係個size已經好驚喜！關東煮: 味道OK，分量十足！總括黎講，味道ok，嘢食大件夾抵食，值得一試！

本身元朗做開平價日本料理都唔算多, 今次食到呢一間日本一番料理打在的旗號做街坊生意, 食材本身也十分之新鮮. 你約七點出面已經好多人等位, 雖然舖頭唔算大, 但係啲嘢食嚟得好快所以啲人食完都好快走. 唔使等得太耐就可以拎到位. 餐廳有好多款式餸菜. 連一板海膽都唔使70蚊, 十分抵食. 今日同老婆叫咗呢幾樣餸. 原板海膽新鮮又唔腥, 海膽尺寸都屬於大粒. 跟住嚟左個軟殼蟹反捲, 真係嚇死人因為好大粒. 留意到佢個餐牌係有少飯可以叫, 我叫咗小飯會係普通一般嘅size. 否則我覺得人食一碟已經夠飽. 之後食咗個海鮮丼, 吉列豬扒定食, 關東煮. 海鮮丼都好多海鮮, 完全對得起個價錢又新鮮, 跟住豬扒定食50蚊到有湯有沙律, 豬扒鬆脆. 至於關東煮又係大大碗附有糖心雞蛋同埋元貝. 300蚊食到捧住個肚超讚.

今日落到黎元朗掃街 行行下攰 想嘆返個下午茶 見到有間睇落好似好抵食既日本野食 於是就入去試試睇睇門口既企牌 寫住星期一至五三點至六點半 有優惠時段 價錢仲真係平得好誇張 一份小食 只不過係10幾蚊 我同朋友嘟叫左份炸雞唐揚 只係$19 有6件 件件都幾大大粒 調味剛好炸得微脆口內小食份量好足 新鮮炸起熱辣辣 咁抵 唔怪得 閒日五點幾呢個唔鹹唔淡既時段都有學生黎捧場另外$18有個咁足料既芝士肉鬆班戟 裡面肉鬆塞爆 班戟上淋左燒汁 班戟仲多料 絕對有誠意過平時幫襯既鹹班㦸鋪 真係一個意外驚喜蒜蓉焗帆立貝 帆立貝 大大粒 新鮮唔痴殻 鋪落蒜蓉 食落好香口 熱度夠 好味雖然佢下午茶既小食幾吸引 但黎到日本料理鋪頭 又點可以唔試下壽司 刺身呢所以點左加拿大海膽同$28就有隻磯燒鮑魚 同埋佢地既壽司最平6蚊一客就有件 壽司價錢由6-14蚊不等 我地叫左京蔥三文魚壽司 帶子壽司 同埋 油甘魚壽司🍣加拿大海膽 幾新鮮 海膽係鮮艷橘黃色 有光澤 食落質感飽滿 入口微黏 磯煮鮑魚 咬落肉質彈牙 時間火候岩炆得剛好 醬汁調味適中 食落醬汁唔會過濃蓋過鮮品京蔥三文魚壽司 三文魚切粒色澤唔錯配京蔥淋上白芝麻

係元朗行街，路過一間性價比勁高嘅日本嘢，就決定入去試下。餐廳嘅宣傳海報其中一個最吸引人嘅賣點就係佢嘅生蠔，只需13蚊一隻，好抵！d生蠔都唔算細隻，比想像中大，亦都好新鮮，可以一試！而佢嘅三文魚腩片都好唔錯，切得幾厚，口感好好，三文魚腩嘅鮮味亦都好足。依度嘅拖羅好平，雖然唔算好厚，但絕對係性價比好高。有d遺憾，今次冇乜食燒物，剩係叫左個平時最鍾意食嘅牛舌，都唔錯。總體嚟講，依間壽司店嘅出品都唔錯，價錢親民，如果突然想食壽司都可以嚟試下。

尋晚行街經過見幾多人,所以入去試下,叫左個牛肉煱,8件壽司,兩串串燒,蛟子。係得個蛟子食得下,其他都十分唔掂。最失敗牛肉煱,沒有用火煱一路熱住比客人食,基本上上檯唔洗十分鐘已經凍晒,叫人點食,湯味唔夠濃,牛肉亦無味。壽司唔新鮮,啲野大部分見到感覺是霉的,毫無鮮味。串燒咁簡單既野都可以燒得唔好食,真失敗。真的沒有下次。

元朗真係好多嘢食，哈哈行吓見到一間食日本嘢嘅小店，俾佢出邊個牌有拖羅同埋生蠔吸引左，而且價錢好合理，於是入去試試佢嘅壽司種類非常之多，好多街邊都冇得食，而且仲有串燒，特飲等，個餐單真係多選擇到花多眼亂😂叫咗啲刺身，特別好味嘅有極上三文魚雪花腩，好肥美呀，充滿油脂嘅感覺好正好正！壽司我就鍾意左口群邊同埋海膽壽司，海膽嘅份量非一般的多，而且食得出好新鮮，好抵食呀！壽司仲可以加錢變火焰，這個值得一讚！到最期待嘅生蠔，本身冇咩期望，但係原來好大隻，只係$13咋，一次過食幾隻啦，食落都有啲蠔味(金屬味), 唔係淡茂茂個款，我鍾意！仲有就係不得不食嘅牡丹蝦刺身，勁大隻，勁新鮮，蝦頭啲膏食到舔舔脷！最後叫咗一客拖羅，喺香港我都係第一次食，太美味了，同平時嘅吞拿魚或者三文魚根本唔同檔次，肉質肥瘦均勻，一啲都唔腥，荷包肉痛都要試吓😂

今天和老婆元朗行街，晩餐時間就選擇這間一番日本料理，這間料理出名經濟，性價比高進入店內環景裝修別緻，入到店舖店員很有禮貎招呼我們座低細看一下餐牌有很多選擇，而且價錢適中，可以放心盡情點餐首先這個刺身，有赤蝦，墨魚，每樣都有相質素這個赤蝦刺身相當大隻，一食落口鮮蝦甜味，蝦頭的精華不得了，蝦膏蝦汁濃郁我的至愛又散叫了一點壽司，每樣都可以，蟹子新鮮卜卜脆芥末八爪魚壽司，食落口十分（公）鼻，又想食，又要它的刺激感覺，好食三文魚腩一睇就知靚部位，一食落囗食油甘香，三文魚肉爽口的口感，越食越香，魚油越多，甘香在口腔中徘徊這個雞亦沒有特別，還可以這個芝士蓮糕剛剛炸起皮脆內軟食落口軟棉的芝士，十分香口，一定要襯熱食

元朗出名食店多，朋友們話想食日本菜，又見到呢間嘅餐牌價錢都大眾化，所以入去試一試👍🏻見到門口已經推介空運嘅時令刺身，款式眾多下午茶時段刺身都係$6，好抵食我六點未夠就到咗餐廳，人流不多，職員話到咗七點就會坐滿，好彩我早到不用等位見到好多限定嘅推介同埋刺身餐牌上面都有好多唔同種類嘅刺身壽司拼盤，而且壽司同刺身嘅種類要有的已經齊晒，要食晒全部相信要分開10次你先可以😂珍寶赤蝦刺身，下午茶時段只需$10 一隻，好抵唷肉質爽口鮮甜，而且蝦頭仲有非常多嘅蝦膏蟹子壽司非常大件，最重要嘅係蟹子嘅份量非常多，紫菜卜卜脆，明顯是剛剛做起的，夠晒新鮮極上三文魚腩，見到就知非常肥美，食落又鮮甜魚油滿口，肥而不油膩一份雞翼有四隻，鋪滿大量嘅蒜香，食落非常香口，外脆內軟，咬一啖啲肉汁出晒嚟鹽燒三文魚頭，雖然等嘅時間係比較長，但是是值得的燒到好乾身，完全沒有肥淋淋嘅感覺芝士年糕咬一淡啲芝士流晒出嚟，溫馨提示：記得趁熱食，因為凍左年糕就會變硬銀鱈魚$88🐟完全沒有腥味，魚肉又好滑，旁邊仲有沙律好新鮮

元朗真係有好多日本料理，今日喺朋友口中推介呢間一番日本料理,地方非常方便就位於千色廣場附近嘅教育路，地理位置非常方便,平時午餐晚餐都是排長龍的，今日我5:30就到達，好彩不用排隊行到入門口已經聽到餐廳播着流行曲，出邊熱辣辣嘅天氣行到入去都感覺到冷氣非常足夠，非常舒服刺身多款而且新鮮肥美，壽司種類也比較多，給唔同類型嘅客人選擇珍寶赤蝦係每次必食嘅首選，大大隻蝦頭有非常多膏，肉質爽口鮮甜，賣相都比100分打卡呃like 一流芥辣八爪魚壽司，味道有少少微辣，紫菜非常爽口八爪魚嘅size非常大粒，食落口又煙韌，又爽口極上三文魚雪花腩刺身五片$58，望到個外觀已經知道非常肥美，入口中非常濃郁嘅魚油味，夠晒新鮮又夠凍蒜香雞翼4 隻$38，雞翼旁邊放滿炸過嘅蒜頭粒，非常香口，雞翼炸完之後，入邊嘅肉都非常嫩滑，並不乾身，外皮炸到非常脆，口感一流芝士年糕一共兩件$30，咬一啖芝士已經流出嚟，香滑嘅芝士再加上熱辣辣嘅年糕，配搭得非常好對芝士有興趣嘅朋友仔，必選嘅食物照燒銀雪魚$88，銀雪魚嘅份量雖然不多，味道甜甜的，食落非常惹味，加埋沙律醬配在一起，簡直完美仲有和牛粒係限定嘅，$298，價位適中，不算太貴