一焼肉

營業中

休息中

we enjoyed their wagyu and butabara and kawa. even the young kids found it easy to grill meat. we will come back for sure

今日去咗九龍灣行街食嘢，屋企人話想食燒肉，經過見到呢間好多款套餐選擇喎，咁就入去試吓啦～極上甲羅燒套餐 有日本產味噌甲羅燒、鹿兒島A4和牛壺漬、鹿兒島A4和牛肩肉、厚切牛舌芯配鹽蔥蟹殼滿滿的蟹膏，一路燒已經香氣不斷湧出，仲加咗鵪鶉蛋，灑上蔥花，大滿足～極上鹿兒島A 4套餐有鹿兒島A4和牛肉眼、厚切五花腩、雞上脾肉A 4油花分佈平均沾上黑松露日本生雞蛋，入口即化～厚燒牛舌芯牛舌芯係一條牛舌中心的位置，肉質嫩滑而且無筋，好香又惹味～澳洲M 5和牛內裙邊150g牛內裙邊是靠近橫隔膜的肉，屬於牛的稀有部位，牛肉味香濃，肉汁豐富～岩手縣雞皮串燒燒得香脆又惹味～

環境好寬敞好整潔，可以好舒服咁食嗌咗兩個定食，可以揀飯、海笞飯、生菜等，如果驚太飽嘅話可以揀生菜，佢啲生菜都幾新鮮，配牛五花一流定食入面有跟麵豉湯，個湯好濃味，仲有隻唔細嘅蜆，好驚喜所謂牛有牛味，佢嘅牛都好香，份牛板翼都幾正，好香，肉質結實好煙靭，不過食咗咁多牛，我嘅第一名就一定係和牛赤身，油脂勁香，肥而不膩，入口即化，勁firm ，真心不可錯過串燒都好優秀，鹿兒島和平壽喜燒嘅和牛油脂都好香，番茄勁juicy，酸酸甜甜，洋蔥有少少辛辣，配埋牛一啖食可以中和油膩感仲有彈牙愛好者應該會鐘意嘅砂肝串，食落去勁彈口，牛舌都一樣，好彈牙索口，而且配咗少少蒜蓉同蔥，好夾好香甜品叫咗份厥餅，抹茶粉甜得嚟有少少甘香，完全唔會死甜，而且軟綿綿咁都非常唔錯

佢地既menu都好多選擇 有套餐單點仲要有埋串燒，岩曬我地咩都想食既為食人😆首先點左個鹿兒島A4和牛肉眼壽喜薄燒，白色雪花佈滿成塊牛肉，自己燒就可以控制熟度，好鐘意薄切，好香吾會太油膩，口感非常多汁😍博多雞頸肉，呢個未食過就點黎食，呢個有驚喜，好香好有咬口，同平時食既雞肉既口感係比較有質感既☺️安格斯西冷薄燒，呢個又係薄燒，超正，好香牛肉味，好貼心仲附送蒜蓉、炸蒜片、蔥花，夾住一齊食口感好豐富，令到牛肉嘅香味更加提升👍🏻極上甲羅燒套餐，甲羅燒蟹膏味好濃郁，入面仲有鹿兒島和牛肩肉，入口好鮮嫰多汁，同埋厚切牛舌，好彈牙，一d都吾韌。澳洲M5和牛內裙邊，呢個就牛肉味好重，勁有口感，鐘意食牛呢個絕對要食😋由於牛舌好好味，我地另外再點厚燒牛舌芯串燒，店家亦都燒得火候岩岩好，配上蒜蓉同蒽花好入味好彈牙。仲有蘭國五花腩大蔥串，香蔥豚肉腩卷，翠玉瓜串，估吾到佢地牛肉有質數，店家自己燒既都有質素燒到岩岩好，香口多汁。最尾食返杯haggen dazs雪糕黎個happy ending

👧🏻😋👅🍽✨豐儉由人燒肉體驗😍-一焼肉 Yakiniku One🇭🇰 九龍灣宏照道38號MegaBox 2樓25號舖 🇭🇰-🔥 市面上好多一人燒肉餐廳主打快靚正, 呢間一燒肉除左高腳凳bar枱位, 仲有超闊落既卡位適合家庭/多人聚會, 個位同個爐仲會有一定距離唔會太熱🔥 有日替激安鹿兒島黑毛和牛定食, 日日唔同, 適用星期一至四超抵食! 普處套餐都係$88至$148不等, 但我地鍾意食超靚肉就揀極上menu😋🔥 每個套餐配有白飯, 湯, 漬物同甜品; 白飯可免費upgrade, 如果想自製大碗紫菜溫泉蛋飯就可以好似我地咁單叫蛋同紫菜碎😆-🥩 極上鹿兒島A4套餐 200g $188💯鹿兒島A4和牛肉眼寿喜燒; 和牛肉眼好軟嫩, 勁多油脂燒到個火hom hom聲, 卷起一野浸落黑松露蛋漿再一啖放入口超高享受🤤💯另外有朝鮮風味厚切五花腩同十味雞上脾肉, 豬牛雞都有好豐富-🍗 鹿兒島和牛羽下肉&豚五花套餐 $168 (激安價)✨和牛羽下肉超級正, 油脂分佈平均, 肉質細膩, 薄薄地又充滿油脂✨豚五花夠晒肥, 燒到出晒油之後脆卜卜勁正-🐂 澳洲M5和牛内裙邊150g $108💯超級厚切, 上菜有

好掛住日本嘅燒肉🤭所以早兩日叫老公陪我去食一燒肉 我哋叫咗兩個一人定食，有肉類、飯🍚同甜品，對我嚟講好夠飽～但食肉獸🥩嘅佢就再要加幾碟肉同串燒定食：圖二左邊係「極上鹿兒島A4套餐」有鹿兒島A4和牛肉眼寿喜焼、朝鮮風咪厚切五花腩、十味雞上脾肉，加埋紫菜溫泉玉子飯，好滿足🤤和牛油脂多，入口即溶，五花腩本身加咗燒烤醬，燒完好香好好食，一啲都唔膩！我揀咗圖右嘅「極上甲羅燒套餐」有日本產蟹味噌甲羅焼き（配鵪鶉蛋）、鹿兒島A4和牛壺漬、鹿兒島A4和牛肩肉同厚切牛舌芯配塩蔥，一樣加配紫菜溫泉玉子飯😋 甲羅燒蟹膏好鮮甜，mix埋鵪鶉蛋，又係另一種味道🤭 推介串燒：厚燒牛舌芯，好淋🌟🌟🌟🌟🌟錦爽雞肉丸配日本蛋都唔錯，好彈牙🌟🌟🌟🌟最後食埋Haagen-Dazs 雪糕，完美😎價錢十分合理，下次可以帶埋我家兩小再食🤭

「一焼肉」位於Megabox，環境闊落，座位坐得舒服，更另設卡位。餐廳提供多款世界各地的優質燒肉，牛、豬、雞肉都十分鮮味，仲有串燒提供，而套餐價格由$68-$228左右，相當親民，屬性價比超高的燒肉店！極上甲羅燒套餐 190g $228(日本產蟹味噌甲羅燒・鹿兒島A4和牛壺漬・鹿兒島A4和牛肩肉・厚切牛舌芯配塩蔥)甲羅燒蟹膏味濃郁；和牛壼漬油花分布均勻，入口軟腍；和牛肩肉薄切，肉質富有彈性；最後是厚切牛舌芯配塩蔥，非常爽口，搭配上蒜片同食，好好味呀。🔹️海苔飯 +$9溫溫的日本米上佈滿紫菜，紫菜配日本飯一起食意外好滋味。🔹️淳茶舍消茶 +$16消油解膩首選😂#鹿兒島和牛三食套餐 100g $198(和牛角切・和牛肩胛小排・和牛赤身)和牛角切口感厚實，在口中爆發出多汁美味；和牛肩胛小排含有豐富清晰的油花及入口即化的口感；和牛赤身非常地細緻軟嫩，且肉味濃郁。🔹️紫菜溫泉玉子飯 +$15溫溫的日本米上佈滿紫菜再配以溫泉玉子，攪拌後，各樣加在一起意外地非常夾。🔹️OOHA檸檬蜂蜜味汽水 +$12點都要叫番罐汽水飲下😂#澳洲M5和牛內裙邊 150g $108牛內裙邊是靠近橫隔膜的一塊薄肉，屬於牛的稀有部

一焼肉😋高質素日式燒肉店呢間極力推介大家去食😍真係好好食❤️上次係上水店食過已經好想快啲再食不過之前喉嚨痛所以要忍下口🥹早幾日去九龍行街知道megabox都有分店即刻約朋友一齊去食😆😆😆今次食呢個極上之選套餐超正蟹味噌甲羅燒好香濃鹿兒島A4和牛，油脂靚肉嫩厚切牛舌口感彈牙，完全唔會韌上菜時店員細心教導點燒仲話可以幫我哋燒真係好好人😌👍必食！⭐️澳洲M5和牛～牛之卷肉味濃厚，好厚身超好食建議先燒兩面，然後再剪開燒朋友揀咗人氣首選牛三食套餐呢個餐都係我最愛😍好抵食！牛五花、牛板翼份量多牛舌口感爽彈，紫菜溫泉蛋飯好大碗好鍾意一焼肉環境好舒服完全唔怕有油煙味，卡位坐得好舒服真係好好食😋下個月生日想再encore😝我想要個燒肉蛋糕🎂🤣🤣🤣

放暑假了要好好慶祝一下🎊🎉Megabox泊車🅿️很方便是我們常去的地方這天選了2樓的「一燒肉」🤩套餐價格親民而且選擇頗多全部都配有白飯🍚、前菜和湯加$9可轉紫菜飯、或加$15可轉紫菜溫泉蛋飯等適合不同人的口味👍🏻✨「精選牛三食」套餐 $128包括較肥和薄身的牛五花、肉味較濃的牛板翼和薄切牛舌✨「鹿兒島和牛三食」套餐 $198有和牛角切、和牛肩胛小排和和牛赤身肥美的油花非常吸引💖✨「極上甲羅燒」套餐 $228有蟹味噌甲羅燒、A4和牛壺漬、和牛肩肉和厚切牛舌芯甲羅燒用來拌飯很好吃壺漬是醃過的牛肉粒厚切牛舌芯爽口彈牙😍牛肉質素跟價錢成比例和牛套餐的牛當然完勝普通牛🥰幾個人分別試幾款套餐濃郁牛味、肥美油脂、鮮嫩口感都可以一一兼顧了💯再追加了一客「澳洲M5和牛內裙邊」$108全片上碟，可以先烤再剪開分享脂肪較少，肉味香濃跟日本和牛的嫩滑是另一種感覺👏🏻

上次食過megabox既燒肉一已經覺得質素幾好所以朋友話想食燒肉我即刻約佢再二訪燒肉一食和牛燒肉💓我地每人叫左一個set，再追加左d和牛同小食全部都好高質🤤大滿足啊鹿兒島A4和牛肉眼壽喜燒🇯🇵朝鮮風味厚切五花肉十味雞上脾肉$188肉眼薄切，好快熟，入口即溶油花四溢今次素左黑松露壽喜燒汁甜中帶小小黑椒香氣都幾特別燒肉蘸完壽喜燒蛋汁入口更加滑溜五花肉一樣嫩滑多汁就連雞脾肉都一樣係好濃雞味 燒完都仲滴緊汁燒到外脆嫩，要讚下我自己😛日本產蟹味噌甲羅燒鹿兒島A4和牛壺漬🇯🇵鹿兒島A4和牛肩肉🇯🇵厚切牛舌心配鹽蔥$228甲羅燒好濃郁 朋友話撈飯啱啱好牛壺肉都好淋滑 加左d調味唔洗再點汁一樣咁好味牛舌心自己燒到調左火，但入口一樣爽口，唔會硬，好好味澳洲A5和牛內裙邊$108呢個牛味好突出，比較有口感，但都好食和牛赤身$98赤身好驚喜，一樣油花滿滿同肉眼一樣入口即溶，好正😋仲叫左兩條串燒，燒翠玉瓜同香蔥豚肉腩卷翠玉瓜爆汁 豬腩卷超多蔥，好香同朋友都超滿意今餐既肉，質素高，全自助用qr code落單同比錢，好方便🥰下次一定要再食過@yakinikuone_hk #九龍灣Megabox2樓25號舖 #上水

今次同個friend去食日式烤肉😋兩個人叫左兩個定食，再散叫碟肉同串燒，食得非常飽，仲非常抵食。極上之選套餐V1 $228(日本產蟹味噌甲羅燒，鹿兒島A4和牛壺漬，鹿兒島A4和牛肩肉，厚切牛舌花配蔥）蟹味噌甲羅燒蟹膏味好濃，鹹得好惹味，配飯食簡直一流。鹿兒島A4和牛壺漬要好小心燒，都幾易燶。牛肉很淋很軟，牛味好香濃，油脂位都好好食。鹿兒島A4和牛肩肉油花分布得好靚，肉質鬆軟，加少少醬油，味道令人回味無窮🥰厚切牛舌花食落爽口彈牙，都容易咬開，唔算太韌，同蔥一齊食好清新。極上之選套餐V2 $188（鹿兒島A4和牛肉眼壽喜燒，朝鮮風味厚切五花腩，十味雞上脾肉）和牛肉眼好薄，一落爐幾秒就要反一反，食落牛味非常濃郁，蘸埋黑松露玉子味道直情係昇華哂。五花腩個表面燒到有少少脆，油脂味很香濃，配搭泡菜和生菜食清爽不油膩😌十味雞上脾肉燒得外脆內軟，雞肉食落非常juicy，雞皮都燒到脆脆地，感謝將火候控制得很好的朋友😘散叫：澳洲M5和牛內裙邊 $108個名睇落好新奇又未食過，所以叫左一份試試。牛肉都幾大塊，性價比都幾高，燒到咁上下要剪開幾塊，咁會熟得更好。牛肉食落都算鬆軟，唔會太韌，好有牛味，亦都好jui

星期六去開MEGA BOX IKEA，索性係MEGA BOX食埋LUNCH先過觀塘😁難得出到嚟就食豪啲，揀咗間日式燒肉🇯🇵不過我哋食嗰時已經成3點，所以已經無乜人，唔洗等位就直入叫咗兩份套餐同4份單點，埋單連加一$800左右💵🌟極上甲羅燒套餐 (必食推介)主打日本產蟹味甲羅燒，蟹膏超甜，配飯一流套餐仲配有鹿兒島A4和牛壺漬、鹿兒島A4和牛肩肉同厚切牛舌芯配塩蔥，肉質鮮嫩多汁，脂肪分佈平均，絕對係必食之選極上鹿兒島A4套餐主打鹿兒島A4和牛肉眼壽喜燒，大大片薄切A4和牛, 入口即溶再配搭朝鮮風味厚切五花腩、十味雞上脾肉，口感豐富嫰滑👍🏻澳洲M5和牛內裙邊 (超值之選)亦即是牛嘅內側腹橫肌，肉紋會較粗，味道濃郁又鮮嫰，油脂滲透其中😋其餘單品推介牛板翼、封門柳、和牛赤身呢幾款抵食之餘，套餐亦試唔到。必推牛板翼，係我哋唯一ENCORE嘅單品。口感細膩，好食到停唔到口每份套餐都會配飯、麵豉湯、甜品。呢餐食得好滿足，飽到連晚餐都唔需要食

去開MegaBox 玩到好肚餓，見到一人燒肉，梗係入去試吓啦！@一燒肉Yakiniku One 地方好寬躺，空間大，又唔會周圍都係煙！全程QR code自助落單，非常方便！一向都係牛魔王嘅老公，打開餐牌，種類選擇非常多，我今次真係叫咗好多嘢食大飽口福！以下就係我哋叫嘅嘢食，唔好嚇親😅澳洲M5和牛內裙邊150g之前冇試過，原來内裙邊係牛腹近橫隔膜嘅位置，啖啖肉，燒至七成熟，牛肉味勁香濃，一啲都唔韌，口感豐富又juicy，一試難忘👍安格斯西冷薄燒80g（附蒜蓉、炸蒜片、蔥花）西冷牛扒食得多，夾住蒜蓉，蔥花嚟燒，真係好香好好味，沙膽食到停唔到口😋仲叫左兩個set極上甲羅燒套餐+ 海苔飯鹿兒島A4和牛肩肉+厚切牛舌芯配塩蒽入口即溶，正👍個蟹膏都超正，好鮮味！個海苔飯係沙膽至愛❤️精選牛三食（牛五花，牛板腱、牛舌）＋紫菜溫泉玉子飯牛五花～夠油香，點原味燒肉汁食唔錯牛版腱～肉質頗嫩，我鍾意加少少韓式辣汁食牛舌～唔使講啦，我哋全家最鍾意🥰不得不提嘅呢度啲串燒真係超驚喜，燒得啱啱好，好香口又入味，好好味🤤鳥皮（岩手縣產）地雞小肉，雞頸肉（博名產）香蔥豚肉腩卷車厘茄串翠肉瓜串厚燒牛舌芯（極力推介）再食埋杯

今次行MegaBox突然間發現到有間新開嘅燒肉店，於是膽粗粗咁行入去試一次，呢間燒肉店主打嘅就係自助落餐，每個套餐經濟實惠，款式亦都有好多嘅選擇，今次我哋叫咗兩個燒牛肉套餐去試一試佢，可能因為半自助形式嘅關係，侍應全程都冇乜點理我哋最主要係送餐上嚟果下見到佢哋，其餘時間拎所有嘢例如水，碗，杯，都係自助形式，講返今次兩個餐先，份量係一個大人啱啱好嘅份量，配料亦都相當之多，一人一個餐唔需要額外再叫多啲。無論價錢質素味道亦都相當之出色同埋好嘅

成日聽阿妹話上水龍深路39號上水廣場四樓果間一燒肉好好味，佢成日去幫襯，因為又平又好味，坐得又舒服。攪到我心思思又想試下，但上水咁遠又有啲卻步，點知佢話九龍灣都有一間，咁就方便好多啦。今日終於捉埋老友一齊試下。一入到餐廳好寬敞好乾淨，卡位多，燒烤爐乾淨到立立令。掃碼點餐環保又方便，套餐定食都唔貴，全部都包有小食，白飯，味噌湯，甜品，烤肉有各種配搭，有豬腩配雞肉，牛肉配牛利，仲有和牛套餐，每個套餐入邊有粟米，雞俾姑 ，蕃茄，大蔥，翠玉瓜，白飯可以大碗細碗 ， 避免浪費，當然還包括飲品，泡沫咖啡一流，仲有蕨餅做甜品。餐具配套齊全，櫃桶裡有乾淨的筷子，紙巾，牙籤，湯梗。烤好的肉還有四種醬汁配答，真是細心周到。烤肉的爐低於檯面，燒得舒服又就手。今日最中意就係和牛套餐，牛🐮肉鮮嫩滑甜，是肉中極品，👍牛脷都好好食 ， 燒烤完曬仲可以要雪糕和烏龍茶，坐係度傾下計，真是太享受了。🤗🤗