一杯屋

營業中

休息中

朋友話搵間就腳近站既日本串燒餐廳，點知喺銅鑼灣咁靚嘅地方竟然六百幾蚊 有Omakase 質素，但係普通壽司價錢 再加埋串燒嘅套餐😳😳帶子超級鮮甜，師傅已經調好晒味道完全唔使落豉油，個海膽嘅質素明顯非常新鮮，而且鮮甜🤭🤭講起佢哋嘅串燒係用日本碳，每一個串燒都有種獨特香味作為一個開Account淨係諗住睇吓有咩好嘢食，今日竟然特登為咗呢餐留評價😊真係好想讚揚一下佢哋嘅性價比真係好高原來因為樓上經營緊Omakase樓下串燒店就可以用到優惠嘅價格食埋樓上質素嘅嘢😙😙佢哋仲話樓上都好抵食，已經約埋下次去食啦😂😂

五花腩本菇五花腩肥瘦適中，中間包住本菇，中和左油膩感五花腩芫茜鍾意芫荽嘅一定唔可以錯過，五花腩極肥美，滿口油脂香，配上大量芫茜；非常足料！海膽飯團湯漬估唔到海膽都幾足，入口甘香軟綿，飯團加入湯食，味道層次豐富，朋友們都好鍾意！燒粟米粟米好香甜，表面加上蜜糖同埋牛油，令味道更加豐富燒芝士年糕表面燒至微焦，年糕口感煙韌，咬開熱辣辣嘅芝士即刻流晒出嚟，非常邪惡！即刻叫多咗幾串一杯屋 (銅鑼灣)銅鑼灣軒尼詩道525號澳門逸園中心8樓

次次行經過銅鑼灣都聞到好好既燒烤味～一望原來係日式居酒屋🏮一杯屋。今日收工同同事即刻坐入去chill chill。大愛鹽燒開邊喜之次，魚味好香濃又滑，完全唔乾，好考廚師功夫！雞肉串係standard 野，決定以後繼續食唔食呢間，非常合格！之後仲try左五花腩燒秋葵，老實說，好特別！我更愛燒荔枝，不過秋葵會更健康。仲有其他燒蔬菜例如南瓜，好味之餘都可以保持腸道健康呀嘛🤣 之後仲有魚類壽司🍣 好新鮮同爽口！

就快可以出發去旅行了！去旅行之前都係要繼續食日本野😝 今次揀左串燒類，去左銅鑼灣食一杯屋。價錢非常合理！有刺身，炸物同串燒類比你選擇🙏🏻 我自己次次去親都會點最愛既燒左口群邊，最喜歡佢既油花感，次次都入口即溶但唔算好膩。之後佢既五花腩荔枝都好好食，好夾。有肉又夾到小小甜味，很推薦！屋企人特別喜歡食煙肉蠔卷🙏🏻 而重頭戲係佢有個雞皮燴飯，細食既我覺得呢個飯可以分4人份，我係食唔哂的，提提大家呢個飯需要預訂的呀！但真係好值得食一次。

今次唔好彩同場有張17人嘅大單生意雖然店員一開始有表明可以食物要等耐少少 冇咁多人手etc…我地都表示明白 但始終我一早book咗枱 就係想嚟試下 諗住等耐少少冇問題 點知呢個成為咗一個錯誤嘅決定…我地係19:57嘅時候落咗一個甲羅炊飯同雞皮餃子 佢21:43先到…第一樣上嘅食物係燒白鱔（兩串）都足足等咗九個字之後啲食物當然都以龜速上菜 好似施捨俾我地咁 但係人地隔離枱就一碟碟十幾串串燒咁出（平均10分鐘就有一碟菜上）就算我地冇人地咁多人一齊幫襯 差別待遇都太明顯啦掛？食餐飯食到好似等人地捐野俾我地食咁 人地有嗌所以先順便燒多串俾我地食？然後等到九點半終於頂唔順 問佢幾時可以出埋嗰飯俾我 店員見我地有啲不滿 即刻催促廚房 再答我3分鐘後會出到菜我更加不解 原來咁快就可以出到菜 如果我一直冇催單 咁係咪要等到收鋪？本身仲想嗌多啲嘢食 但係發現等到成肚氣 唔想再食了總結：食物味道雖然不錯 但冇諗過係咁嘅服務質素 客人之間嘅差別待遇咁明顯 下次都唔會再幫襯了

Eatigo book枱半價：每款串燒要order兩串及每位order一杯飲品。食物好食😋，飲品，環境，衛生服務一般。必選食物：燒菠蘿，羅甲燒，牛舌串燒（再煮熟啲）。

上到去無咩service都算，吾知係咪吾夠人手，下單後等左1個半鐘都淨係上左一串蝦同杯野飲。。。隔離幾枱都話等左好耐最後忍吾住即刻埋單走人，吾再等😠趕時間一定吾可以去

今日同朋友嚟銅鑼灣呢間日本餐廳，環境好有日本氣氛。Menu款式都幾多選擇✨池魚姿造🐟刺身好鮮甜，我地揀咗池魚，仲有造型，擺盆好靚呀✨吉列洋蔥圈🧅洋蔥圈熱辣辣．外層好脆口，好香洋蔥味✨海膽可樂🥤咬開裡面係海膽醬，外脆內軟嘅口感好Creamy✨串燒三點串🍢串燒三款都好味特別喜愛<五花腩> <雞皮>燒完好脆，無油膩感< 餃子 >keep到肉汁，唔會太乾身今餐好滿意，下次一定要試埋🦀<蟹肉海膽醬炒飯>

前排同朋友去銅鑼灣行街，機緣巧合下見到呢間日式居酒屋，店內裝潢典雅優美，恍如置身日本！食住串燒嗌番杯啤酒傾吓計都唔錯！燒粟米表面搽上蜜糖，食落好香甜～ 烤香味突出燒生蠔生蠔肉質飽滿，食落質感creamy！味道非常新鮮🤩 意想不到的高質！值得一試～ 雞軟骨餃子餃子皮薄，外層香脆可口，中間餡料係雞軟骨～ 咬落口感十足😋 軟骨令成個餃子增添口感！小編都幾鍾意海膽可樂餅表層炸粉唔會好厚，入面有綿滑嘅海膽，食落都幾新鮮🥰超正！仙台風極尚牛舌盛牛舌爽口，一啲都唔會靭，表皮仲燒到有微微焦香，超鍾意！

早幾日約咗朋友去銅鑼灣，睇吓附近有咩日本嘢食😋呢幢大廈有好多日本嘢，見呢間餐廳款式多價錢又唔貴所以決定試吓🤩日本生蠔6品啲生蠔隻隻都好大隻，加咗少少調味同啲生蠔好夾，兩個人好快就K.O.咗六隻😏美國金菇配肥牛比想像中大舊！而且d汁較得啱啱好，唔會太咸😋海膽可樂餅雖然好熱氣但係好新鮮啱啱炸起！入面好特別係海膽😍雞肝小弟就麻麻地內臟，不過朋友話幾多食，燒得唔係太乾👍🏻明太子飯團最後叫咗個明太子飯團，燒到兩邊有少少飯焦😍食完啱啱好超滿足😌

朋友同我都好鐘意食日本野，今日黎左銅鑼灣試吓呢間一杯屋食高質串燒🍻 飲下梅酒傾下計。 我自己最鐘意佢地既五花腩包蘆筍，有肉既油脂同香氣，又有蘆筍嘅清新，所以食落去並唔會覺得好膩同肥，扮健康之選😂 之後仲有五花腩荔枝好特別，肉味加上荔枝嘅清甜，兩樣嘢好夾！七味魚刺更加唔使講，配上蛋黃醬，一路傾偈成碟好快清晒。主菜叫咗一個炭燒豬頸肉，配上特製醬汁，非常可口🤣 其實除咗串燒之外呢度仲有壽司可以叫，朋友就叫咗一個深海池魚，不過不失吧👌總括而言銅鑼灣想搵一個舒適嘅環境同朋友飲酒傾偈食串燒，呢度都算係一個好選擇既！

打算Happy Friday，求其揾間日料店試下，呢間都已經夠多like啦…點知中伏…咁少嘢等咗兩個鐘…以為慢可能會好食啦，點知味道都係麻麻地，唔值呢個價位咯…無下次…點咗發辦壽司六貫×串燒三點盛日本提燈沖繩縣菠蘿chu-hi三點盛肉太薄啦，素菜嘅味道同口感完全遮曬肉味壽司六貫都系麻麻地…而且唔知點解要整2個鐘咁耐…chu-hi唔多評價，應該都係直接罐裝飲料倒落杯度…總體嚟講，上菜速度極慢，味道也沒有突出，真的不值得花兩個多小時和人均500+去食呢間店…未試過使錢使得咁唔開心😅另外廚師唔戴口罩噶……

🍢 #銅鑼灣 #一杯屋我呢個為食鬼今次又去到銅鑼灣揾食😋 今次嚟到軒尼詩道嘅澳門逸園中心食好西😙 我揀咗呢間「一杯屋」食串燒試試佢😋 呢度裝修精緻，仿如置身日本🇯🇵！🐷 五花腩荔枝用一片五花腩包住一粒荔枝，一串共有三粒😚 清新嘅荔枝正好清解五花腩嘅油脂，香口惹味之餘略帶清甜🤤🐮 碳烤極上牛舌串牛舌好大塊！燒得超香，上枱時就已經聞到好大陣嘅牛香😚 牛舌煙煙韌韌而唔難咬，滿意！🐚 石垣貝石垣貝感覺好似帆立貝，不過食落感覺冇咁肥，而係比較fresh嘅感覺🤩🐥 雞隔膜呢串雞好正！除咗調味鹹辣適中、香氣四溢，肉質亦都好正，軟腍度適中😋

今日出到銅鑼灣搵食。朋友介紹呢間居酒屋🏮，由於之後仲要繼續食野。所以唔叫太多。以免之後食唔落下一間餐廳😂😂煮蜆🦪🦪，鮮味勁濃，配埋麵豉湯🥣🥣嚟食我都係第一次試。估唔到我自己幾鍾意，可能本身佢麵豉湯😋😋個湯底夠濃郁。意青瓜🥒🥒，青瓜輕輕燒過🍢🍢。但亦都保留到青瓜🥒🥒本身嘅爽脆同清甜，而外表就燒到好香口。熟帶子，配上燒汁去燒，帶子本身都好大隻，食落啖啖肉😍😍鯛魚🐟🐟，無腥味而且魚肉好結實。真鯛，味道鮮甜，就算連塊魚皮都非常鮮美。值得一試。

同朋友一齊去銅鑼灣聽講座，聽完之後大家都覺得有d餓想食野，於是食埋野至返屋企。銅鑼灣出名多美食，我地睇到眼花撩瞭亂，揀咗一陣決定去居酒屋。身為刺身控既朋友，一嚟就點咗羽太同金線鯛刺身，我就揀咗燒物。金線鯛既魚皮紅黃相間，喺燈光照射下透出金黃色，賣相吸引。切成薄片後食落肉質鮮嫩無比，我都食咗好多塊😂羽太刺身顏色比較低調，但味道同樣鮮甜，非常新鮮！粟米超甜，其他串燒味道都唔錯。西京銀魚外面微焦，魚肉肉質嫩滑，讚👍🏻