一期一會

呢間已經食過好多次，老闆好有禮貌，好用心做壽司每次有客人光顧或者讚賞，都好由衷咁多謝客人雖然店鋪細細，但係竟然都可以有咁好食既壽司係度！今次點左焦糖三文魚腩手卷，聽講仲未係餐單上面收埋左係個新餐牌到收銀姐姐都好醒目，亦都有禮貌，又會推下客人食焦糖脆脆果然有令到三文魚腩提升左。第一啖食既時候，好似食緊甜品咁，三文魚腩入口即融感覺好新奇，個味道亦都唔需要再沾醬油或者其他，已經多味食完一舊之後，再追加左焦榶帆立貝同加州手卷睇圖都知好味喇，唔多講推介，路經旺中必食…查看更多

有好多朋友都同我推介呢一間嘅手卷，所以就試咗呢一間喺旺中入邊嘅日本小店一期一會，老闆娘同老闆都非常熱情，咁同我介紹菜單，本來唔係手卷愛好者，但呢一個手卷卻令我開始對手卷鍾情。第一啖咬落去嘅紫菜係脆卜卜，之後就係脆脆地嘅黃瓜同埋焦糖三文魚嘅焦糖甜味同三文魚嘅鹹味完美配合，焦糖味驚邪惡好濃郁，甜甜地但又唔會係死甜，同三文魚簡直係原味配合，三文魚食落超級新鮮，三文魚質素好嫩滑仲有上面嘅沙律汁嘅甜甜地，三文魚仲要暖笠笠食完勁溫暖好幸福，唔單止咁樣，仲有第二層口感就係蟹籽，佢嘅蟹籽粒粒分明，每一舊都好有口感，佢嘅鹹甜配合係超級正，食一啖已經好似飛咗上天咁好食，仲要佢啲料係多到成嚿手卷食到最尾都一定會有三文魚，每一啖都滿滿的幸福，仲要佢個樣生得好靚，設計同味道都好用心，隻眼同個口都滿足晒，淨係咬咗一啖都已經感覺超級足料塞滿晒個口，口感勁豐富，呢間嘢仲要勁隱世，喺網上好少人評價，但係真係超級好食，令我每一次嚟旺中第一時間就會嚟食！…查看更多

見到呢間小店評分幾高所以順路經過試下真係出乎意料地高質🫨叫咗秋刀魚刺身，赤貝刺身，左口魚手捲，鵝肝手捲，穴子壽司，炸海膽，焦糖炙燒三文魚壽司全部都好高水準！必試佢哋嘅招牌鵝肝手捲💯完全估唔到旺中有呢個質素呢間隱世高質小店，其他人冇介紹錯👍🏻秋刀魚一定係秋天嘅主角😋新鮮肥美！配埋柚子醋啫哩加薑蓉💯價錢公道，直頭想即刻食多條😂招牌鵝肝手捲，超級香👍🏻肥而不膩💯炸海膽同焦糖炙燒三文魚壽司👍🏻兩款都幾特別，平時唔多地方見到穴子壽司加海膽👍🏻依間絕對係會推薦比朋友同埋自己再嚟食嘅餐廳！…查看更多

利申：熟客仔，都幾常去食嘅一間小店。除左大路嘅三文魚，蝦，帶子外，仲有拖羅，鵝肝等等，軟殼蟹即叫即做，非常好食。最愛蟹子沙律，劍魚刺身同埋甜到爆三文魚！！推介比各位晚上係旺角一個人想食好野又唔介意企嘅朋友仔…查看更多

每年8月開始都會番黎食秋天先有既名物，秋刀魚。已經連續食左4，5年，每次食都係新鮮既食材，加埋海膽，拖羅，三文魚，油甘魚每樣每樣都係肥美，甘甜又好食。秋刀魚唔會有個種令人討厭既苦味而係肥美既甜味搭配老闆整既酸汁啫喱令到味道更加昇華。海膽係唔會有明礬味只有鮮甜味道，如果黎貨唔夠新鮮老闆係唔會要，所以之前有次都食唔到海膽。鵝肝每次都燒得恰到好處，d鵝油令人垂涎欲滴。食佢地既壽司刺身加埋老闆自家製既海膽豉油真係物超所值。老闆人nice又對食材有深切既了解，點整係好食，點搭配可以令食材互相輝影，令客人回味無窮。…查看更多

I walked out of here with a full tummy and even fuller heart! ❤️The quality of sushi here is crazy good, creative and so fresh. Every bite was perfection and you can tell that the owner puts in a lot of love in the food that he delivers.Please come support this local business!! I promise you it won't disappoint and I can't wait to visit again.Thank you boss for serving me such an amazing meal!!(He also does takeaway and party packages! 🥳)…查看更多

這間真心每樣壽司都新鮮及好味道、食了多次水準依舊好、老闆服務好及睇得出好有心去做壽司，經常有創新菜式。佢嘅拖羅及三文魚尤其非常新鮮，本身壽司飯已經好味可以不用加豉油都可以，唯一遜息係要立食。…查看更多

十幾年無行過旺中原來已經唔同晒上網睇到好多小食見到有間壽司本來諗住食幾件試吓點知好味到越食越多😂隱世高質壽司🏅行過唔食真係走寶！食得出全部都係用心製作，每一件壽司都燒到好均勻，絕對唔馬虎👍🏻老闆哥哥務求令你食得開心又滿足😌基本上去到求其食一款，都一定包你食到眼都凸😳全部都超級好食🤤性價比極高👍🏻另外仲有🇯🇵日本既達摩/壽司嘅鎖匙扣/飾物買添✨有頭甜蝦：大隻鮮甜厚肉🤤✨火炙拖羅：第一次食燒過嘅拖羅，燒完竟然仲有魚嘅鮮味🤤👍🏻✨火炙左口魚邊：火炙過薄薄嘅左口魚邊配埋暖笠笠嘅飯，非常完美🤤👍🏻✨火炙鮟鱇魚肝帆立貝：帆立貝燒到半生熟配埋鮟鱇魚肝醬油都唔使點🤤👍🏻✨火炙三文魚腩：原來一條魚只做到一件三文魚腩，同平時好唔一樣，因為呢個係三文魚腩嘅邊位，一咬落去滿口三文魚油嘅香，完全融入咗件壽司飯到，做到入口即溶，一試難忘🤤忍唔住食完一件又一件🤭👍🏻✨火炙石垣魚壽司：完全無魚嘅筋，又唔會腥，火炙完食到淡淡嘅魚香味🤤👍🏻✨海膽三文魚籽軍艦：海膽同三文魚籽互相交融嘅鮮味+微暖嘅飯+非常脆口嘅紫菜，直頭冇得輸🤤👍🏻✨鵝肝壽司+手卷：平時好怕食鵝肝，因為鵝肝好油膩，食完咩都食唔落。今次老闆哥哥推介即管試吓🤭 竟然！！燒到好均勻！好濃烈嘅焦香味！外脆內軟！一啲都唔會漏！老闆哥哥仲好細心處理埋血管嘅位置，令到可以入口即溶🤤👍🏻所以食完壽司再encore手卷😂海膽三文魚籽玉子燒：滿滿嘅海膽同三文魚籽加埋暖笠笠厚厚嘅玉子燒，三重口感！真係冇得輸！超級滿足🤤…查看更多

堪稱全旺角最好食❤️壽司❤️‼️位置超方便係旺角中心2樓💕店名《一期一會》師傅平日會打領呔對食物材料有一定的要求，而且很有禮物會對食客說：請慢用～：Byebye下次再來～對食物品質高度追求的師傅旨在用最優惠的價格令食客獲得最好味的日本壽司🤩🤩當中的鰻魚手卷及在旺角或者荃灣的立食店可謂最強第一💯火灸類壽司即叫即整💯油脂滿分的刺身配上暖暖的手搓壽司飯🍣加上火灸及美奶滋😍😍入口即溶‼️強烈建議各位可以選擇堂食，因為師傅擺盤真係好靚🌈非常賞心悅目的即叫即整壽司！又平又有質素！師傅亦好開人食客留在香港消費,,,經營理想真的很不容易🤗各位有時間來朝聖一下吧💓…查看更多

📍一期一會旺角中心第一座2樓SB01號鋪營業時間12:00-00:00（啱晒深夜想食高質壽司🎏）小店以外賣形式為主 現場都有立食位置。鋪頭由師傅一人主理👨🏻‍🍳多年壽司經驗令佢研發到好多獨創嘅產品，淨係醬油都有佢自家調製嘅海膽醬油同魚肝醬油✨舖頭名「一期一會」就係師傅嘅初心，希望以相對應嘅價錢將最好的全都俾食客❤️🍱迷你鵝肝丼 店舖新產品，迷你丼適合細食同想試多啲唔同嘢嘅人。鵝肝用火槍即烤🔥油份滿滿又香口🤤連平時唔食鵝肝嘅小編都覺得正，一啲都唔腥👍🏻加上丼飯係混合左醬油🧂可以調和返油膩嘅感覺。鍾唔鍾意食鵝肝都一定要試吓。🍣特上赤身壽司，拖羅壽司雖然赤身冇咁多油脂，但勝在魚味最濃🔝師傅將三塊赤身薄片卷製而成嘅壽司同樣做到口感豐富結實。拖羅係小編最推介嘅壽司❤️‍🔥有圖有真相，拖羅好新鮮脂肪比例肥美👀入口即溶魚油香味濃郁😋 質素係呃唔到人，快啲自己試吓就知點解要推介！🍣蟹肉蟹膏帆立貝壽司睇名都知有大量食材🦀🐙🦪多心嘅食客叫一款就可以試晒想食嘅嘢🤭師傅會將帆立貝表面輕輕燒過，令佢更焦香但不失刺身口感。面頭放滿蟹膏混合一絲絲蟹肉，仲有三文魚籽點綴。多種鮮甜食材放埋一齊真係味覺新體驗👅🤩🍣怪獸三文魚腩壽司👹怪獸系列係師傅故意整比大食之人🙈 睇相都見到超大塊三文魚腩中間包住大大粒三文魚籽，食完又厚又腍嘅魚腩入面就有鹹甜嘅三文魚籽汁爆漿😈多重口感味道更鮮。🍣一期一會火山卷🌋師傅自家設計好有心機 賣相一百分💌靚到好似一把打開嘅扇🪭壽司裏面包住蟹籽沙律 面頭再鋪上大量蟹柳沙律，啖啖蟹籽非常滿足。由於師傅係一人鋪，製作時間會比較長🎎 但好嘢係要等㗎，大家記得多多包容耐心啲等師傅啊❤️💖…查看更多

今日再次搵老闆食佢既拖羅飯 一如既往咁高質啦 真係feel 到用心既 強烈建議去試一下上次我影果張相比較醜 今次補翻一張靚仔啲既 今次老闆俾咗特登俾咗三個部位我試 可見用心程度 真心為客…查看更多

一次光顧不足夠 期待再次再享受一心一意弄壽司會見客人最真摯加油,很用心的 👍品嚐到很高質素的壽司🍣,一期一會 代表要好好珍惜, 用心感受幸福🥰人生要" 苦中一點甜 "😶‍🌫️緊記要時刻為自己多多加油🔥珍惜每一個 "一期一會" ❤️6/12/2023 …查看更多

首先依間野我都幫襯過好多次，一開始都係食下壽司呀手卷呀啲普通野。依間店用既料呢，我自己覺得都高質既，唔會同一般連鎖壽司店咁乾柴柴無味唔新鮮，份量都俾出面既為多，同埋價錢都抵，唔會話貴。之後食多左就開始試埋拖羅果啲，發覺老闆用既料都唔普通既。我自己就未去到好專業，去到識分啲貨咩級邊到黎啦。今次我食依個拖羅特盛飯，啲拖羅食落去你係會食到啲油脂咇晒出嚟，唔腥仲要好香魚油味。同埋份量真係唔少，大約5塊大拖羅到啦，厚架喎仲要。之後仲有啲拖羅蓉拖羅邊呀果啲，基本上啖啖飯食落去都會有肉㗎啦。190幾蚊我諗出面都好難搵到咁既質素。同老闆傾過計都覺得佢係想share啲正野俾客而唔係諗住點賺多啲根住用埋啲平貨既。依個都係一個原因令我周不時都翻去食總括而言，我認為依間店既野唔會令你失望，價錢亦合理甚至可以話抵食，絕對可以一試。…查看更多

之前見笑波子提過後，已經嚟過幾次。可能因為店舖位置較入，人流比起同層同類舖頭冇咁多。但每次食都feel到製作用心 ，老闆又會不時問吓人客口味。款式都好多，製作比想像中執着，例如拖羅手卷會拖羅油沾飯，蟹膏玉子燒加上木魚提升層次，特別推介鹹蛋芝士軟殼蟹手卷！最緊要係食材都好新鮮，冇諗過旺中都會搵到呢個質素，性價比真係好高。老闆同職員態度都好好，好用心，感受到執著唯一嘅建議係紫菜可以再脆啲，不過都可能因為受食材熱力影響而淋左…查看更多

唔知係咪因為得店主一個人經營，D食材處理得唔夠新鮮，食完之後返到屋企肚痾左幾次雖然價錢係好平，但係都想食返啲有素質嘅嘢而且壽司啲飯調味好奇怪，口感偏酸有待改進。…查看更多