一念素食

一坐低，覺得枱面好乾淨 唔係抹過嗰種乾淨 係冇乜雜念嗰種乾淨 🪷冇肉，冇香口嘢 但有豆腐、有茄子、有蒟蒻、有湯 每樣都好似唔打算同你講嘢 只係放咗喺碟上，等你慢慢咬🍆 茄子煮得腍，但冇失晒形 🍢 羅漢齋味道唔重，但帶啲甜 🍲 湯入面啲芋頭同紅蘿蔔切得好細 🍡 一粒粒素丸，有彈性，但唔係彈到嚇親你甜品係豆腐花狀嘅糕、煙煙韌韌 隔離有士多啤梨 🍓 同朋友一齊食緊，佢拎起舊豆腐問我： 「你覺得似唔似外國豆腐？」 我笑咗，但冇答可能食素唔係為咗清 只係為咗靜 靜到你會開始留意你咬咗幾多口 你今日講咗幾多句 你有冇真係坐喺度食緊…查看更多

一念素食自助晚餐是日晚餐簡簡單單同男朋友一齊喺香港大學一念素食體驗大學校園自助晚餐訓發現呢原來呢佢係用磅數去計翻呢收錢結果就用咗外賣盒去買咗啲時菜、通菜、素肉丸、素鴨同春卷冇諗過真系又咁滋味又冇乜味精佢咧亦都系好友善呀對一啲殘疾人士嘅員工唔單止係一間社會企業餐廳佢仲係一個提供機會俾殘疾僱員實習嘅一個機構我相信佢係好傷健共融的地方…查看更多

今日同男朋友去HKU一念素食食下午茶冇諗過呢間鋪頭今日大清潔,冇自助餐供應店員咧都好好人呀佢哋叫我呢去買個盒即係34蚊一個下午茶餐入面有個素叉燒包、一條春卷兩塊米通送埋檸檬茶真係好簡單…查看更多

我已嚟過好多次了，其實十年前已經嚟，嗰陣食私房菜，記憶中份量勁多，食到超級飽。十年後再去，感覺無太大改變，我昔日最愛嘅素肉松豆腐仍然喺度! 呢味菜撈飯真係一流。只要有技巧咁夾菜，60蚊左右可以食到一餐，加上飯，湯任拿，以素食嚟講，喺香港算係很不錯。老板Thomas幾好人，會照顧員工，所以餐廳氣氛都不錯。來嘅客人大多係staff多過學生，大家講嘢都唔大聲，可以靜靜地食嘢，係一種享受。而且窗外風景幾好，晚上hku嘅景色真係幾靚架。除咗自助餐外，仲有其他菜式，如車仔麵等等，好似係最近先有。我見到好多人有另外叫豆漿、果汁等等，好似幾好，搵日又試吓先！…查看更多

#20241202 🤍📍 #一念素食 西環石塘咀香港大學百周年校園逸夫教學樓地舖➖➖➖➖➖➖➖➖➖➖➖➖➖➖➖➖➖#覺醒自助餐 $18/100g 💭 呢個自助餐同平時果啲唔同，唔係比左一個數就可以所有野都任食，而係夾左餸用重量去計，埋左單可以任食飯、湯同野飲，就唔會眼闊肚窄大嘥鬼啦～. 🥢 #湯💭 是日靚例湯係老黃瓜紅蘿蔔湯，有好多湯渣好好飲，雖然無落到肉去煲，但有蔬果所以都好清甜，感覺好健康，真係飲返幾碗先得🥕. 🥢 #熱食 💭 佢啲餸大多數都係用左唔同既瓜或者菜，數得出既有苦瓜、南瓜、節瓜、菇類、西蘭花等等🥦其餘就係啲豆類製品補充返啲蛋白質，總括尼講幾多元化，用尼撈飯唔錯🍄‍🟫. 🥢 #主食 💭 要數佢個飯就真係一大敗筆，咁樣計重量而飯任食既機制下，相信好多人都會靠個飯去填飽個肚，雖然佢入面有紅米幾健康，但煮得太多水太削，啲餸幾好撈飯都救唔返🍚. 🥢 #炸物 #甜品 💭 炸野有春卷、煎堆呢啲，都幾脆口有水準，甜品就有芝麻糕、紅豆糕同豆腐花，都係啲標準既味道，不過有啲出乎意料之外咁多選擇🙂.…查看更多

一念素食Bijas Vegetarian Restaurant 西環石塘咀香港大學百周年校園逸夫教學樓地舖今日去香港大學上堂，下課後，同學帶我去食素菜下午茶，我地去到一心食堂。我食左個可拌可湯的粉麵，麵底係素麵，配猴頭菇，有紫菜湯和 X0 醬，飲品係菊花薑茶。猴頭菇份量不少，配菜豐富，素麵好食。紫菜湯好飲。菊花薑茶好潤喉。…查看更多

雖然全部都係素食，但質素真係唔會輸俾出面啲中菜。每樣食物都幾好味，同埋自助形式可以mix and match唔同素食，其實都幾多選擇，仲有埋甜品揀！最正嘅係白飯同湯都任裝，紫菜湯仲要超級足料…查看更多

一念素食係社企餐廳🍴，值得支持！今次嗌咗米線set，加多兩個小食配料，個炸淮山好好食！價錢好平民，一個米線set都只係 三十幾蚊，同埋質素高質。好似出名午市自助餐，係計g 埋單，下次會試埋😋  …查看更多

一念素食是一家位於香港的素食餐廳，提供多款健康、美味的素食菜式，深受素食者和非素食者的喜愛。餐廳位於港島區，裝修簡潔舒適，環境寧靜，是一個適合放鬆用餐的好地方。菜單上有各式各樣的素食選擇，包括傳統的素食粥、麵食、點心、炒菜和湯品。最受歡迎的菜式之一是他們的素食雞蛋仔，使用純素麵粉製成，脆皮鬆軟，配上素蛋漿，味道與傳統的雞蛋仔不相上下。另外，他們的麻辣素鴨片也是一道必試菜，使用豆腐皮製成的鴨肉片經過炸製後與麻辣醬汁完美結合，口感豐富，辣味十足。除了美食外，一念素食的服務也非常出色。服務員親切友善，總是笑容滿面地迎接客人。餐廳的環境和氛圍也很有特色，充滿了寧靜和和諧的氣息，讓人感覺非常舒適。總之，一念素食是一家非常值得光顧的素食餐廳。無論你是素食者還是非素食者，都可以在這裡享受到健康美味的素食菜式和優質的服務，讓你的用餐體驗更加完美。…查看更多

好耐無食素喇 聽朋友講，HKU 呢間餐廳聘請一啲輕度弱智既朋友做員工，所以本來唔太喜歡食素既我，都特別去支持下。佢地好有禮貌好勤快，老闆對員工特別有耐心，欣賞老闆同員工既熱誠。厨師每樣配料都堅持唔加味精，連欖菜都親自去炒，非常難得，大家真是要多多支持。食物方面，前菜係非常清新開胃既紅菜頭火龍果配意大利黑醋，酸酸maymay好鬼開胃。三絲五彩卷，佢用付皮包住中間有木耳炸菜菜紅羅白絲，你會食到豆既香味慢慢出黎，感覺清新健康。去到酥香7味脆片，入面係付皮黎，我本來就好鐘意食支竹，食完幾道清淡餸菜，呢味餸非常脆口，而且椒鹽夠哂野味，可以直接刺激下我味蕾。另一道我推介的係香芒鮮猴頭菇，猴頭菇有咬口，芒果夠甜，加青椒濃味得黎又有一種清新生果既感覺，好正。我地加咗個蜜汁素义燒配脆米，呢個配搭我最鐘意，义燒充滿麥牙糖既香甜，配脆米令你口感可以提升到另一個層次，我忍唔住食完再食。甜品大家一定要試芝麻糕，聽講係師傅親自炒芝麻磨芝麻制成，有非常香濃芝麻香味，重點係無一種好甜既感覺，推薦推薦。嗰度有一個XO醬，你可以自助出去拎，本人係重口味寶寶，所以第2度清淡既餸開始，試完味就讓哂啲XO醬入去。呢個醬係師傅特別為全素客戶精心挑選材質親自去做的，食得辣既朋友一定要試下。呢個4位起既套餐，一共有十道菜，另外仲包埋飲品免加一，每位都係$198，佢幾個月會轉一次餐牌，大家去前記得預先2日訂位。…查看更多

今日入咗港大見到依間素食嘅餐廳所以就去試吓。餐廳有啲特別有門口嘅右手邊係拎食物嘅地方，餸呢就要磅佢計錢嘅，如果揀面嘅話呢就聽聞係一個定價。我其實拎餸嗰陣就冇話計住計住究竟幾多錢，但上榜嗰陣都的確有啲嚇親我我一疊嘢收費差唔多$100蚊😂😂佢嘅白飯茶同埋湯係應該任裝嘅。餐廳環境空位唔算多，如果想食嘅話就要自己等位，餐廳內提供嘅消毒用品都比較多（始終大家自己去夾嘢食）。其實食物嘅味道都好唔錯，幾歡菜類我都幾鍾意，飯同埋湯都好飲。只係真係價錢會稍為貴咗少少。相比之下我覺得"無肉食"嘅性價比會更高 菜款都更多…查看更多

作為一個曾經多次喺香港大學內進食嘅一位食客，一念素食無疑係全個校園最好食嘅餐廳。一般而言，素食（或者話「食齋」啦）都俾人一種好寡淡無味嘅印象，但一念素食嘅「齋」卻一啲都唔 Dry，而且好美味，可以話係 HKU 學生嘅恩物。環境與價格一念素食同好多其它嘅齋舖好唔同，佢既定嘅落 Order 方式係自己夾然後按重量埋單，100克嘅食物大概 $17，但亦都有其他嘅套餐（例如係米線同下午茶套餐）供食客選擇。而因為有唔少嘅食物都比較多水份嘅關係價錢並唔算係好平，但勝在有無限嘅湯，且白飯任裝，所以無論食平啲食貴啲都可以保證你食飽飽。要注意嘅係而家由於疫情關係每次去裝飯畢湯嘅時候都要用新碗，夾嘢食嘅時候需要佩戴手套，可見呢間餐廳嘅細心之處。服務質素講到細心，一念素食嘅服務質素都有值得表揚嘅地方。你一定以為一間自助形式嘅餐廳無咩服務嘅質素可言啦，但咁就大錯特錯喇。嗰次去用餐嘅時候因為想欣賞下風景所以坐咗出面，但結果發現有好多蚊所以想坐返入去。當時餐廳嘅職員唔單止幫我哋手搬返啲嘢入餐廳，而且見我哋被蚊咬仲俾埋無比滴我哋查添！呢個位真係加爆分！食物質素講咗咁耐都未開始講食物。一念素食俾食客選擇嘅食物種類繁多，簡單之青菜豆腐、複雜至素肉丸同春卷都有，甚至有各種甜品比食客選擇。正如第一段所講，食物嘅味道真係好好，素肉嘅味道同真嘅肉類不相伯仲，且整體味道唔會太淡，亦都唔會太濃，恰到好處。雖然係自助嘅形式，但係食物嘅溫度亦都得到保持。係飯方面佢哋以紅米混合白米，使之更加有層次；至於湯，今次飲嘅冬瓜蘿蔔眉豆湯，味道非常之清甜，而且飲落口舒服，真係飲完一碗又一碗。雖然今餐以食齋黎講食得有啲貴，但係淨係個湯就已經值回票價！…查看更多

環境 🪴🪴🪴🪴星期六去 唔算好多人 自己一個食都唔洗等位食物🍭🍭🍭味道正正確確常 唔係特別好食😬 不過不失性價比💰💰$17/100g 唔算係好抵食 個盤都差唔多100g🙃推薦💟💟回頭❤️‍🔥❤️‍🔥❤️‍🔥佢有好多唔多嘅糕點 正餐同甜品都兼備 唔錯唔錯🥳菜方面種類都足夠 但唔算話好多😞佢都時不時會refill 唔會食到冇曬🤓佢嘅服務都好貼心😽飯同湯可以無限♾️refill 唔驚食唔飽…查看更多

🍚Bijas Vegetarian Restaurant🍴已經好耐冇嚟過港大，仲記得當年喺度讀書嘅時候，一星期都有三晚光顧一念素食。點解我對佢咁依依不捨？除咗佢係素食店之外，餐廳亦都供應十餘款嘅素菜，由於選擇繁多，所以食極都唔厭😚當中我最鍾意佢哋嘅炸春卷、蘿蔔糕同埋前菜😊揀好咗鍾意嘅素菜之後，就可以行去收銀處磅重付費。餐廳提供免費嘅紅米飯同埋湯，如果想飲其他嘢就要加錢～建議第一次食嘅食客唔好太貪心一次過拎太多餸，因為係按重付費～…查看更多

呢間係大學入面嘅素食餐廳都上過幾次新聞，主打素食自助餐而且主動請disabled嘅人，背後理念相當好食物都好好味，而且雖然係素，但有幾道送食落去口感好似肉最緊要係，白飯，湯，茶任裝！入場費都係20蚊炸！…查看更多