一品雞煲火鍋

營業中

休息中

那些年在荃灣，還未有分店的時候已經開始幫襯佢～ 的確係好惹味既雞煲 ， 麻辣帶微酸， 食完係會想再食🤩  今日在銅鑼灣分店點了一隻雞～ 阿姐教好火力走了～ 直到飢詩聞到燶味 😑 我的天啊！未開波就燶咗啦 🤦🏻‍♀️🤦🏻‍♀️🤦🏻‍♀️剛開始的時候，覺得這個燶不太大影響～ 但事實上係 越食越燶 🤣🤣🤣  飢詩打算淨係食隻雞，唔打邊爐 哪就算啦～椒鹽鴨舌 $78～ 點雞煲個汁～ 係正正子😁～ 前題係唔燶 🤣特大檸檬茶～ 呢個size係佢招牌 😆自製酸梅湯～ 足料唔會淡茂茂 👍🏻飢point : 8 /10 （如果唔燶的話）#hungermarch #飢詩 #非飢詩

今日就黎到坐於銅鑼灣既呢間一品，雖然係星期日，但都唔會多人，我地不用等位一來到就可以入去了。黎到一品當然要試下佢地出名既「麻辣秘製雞煲」$158半隻雞，雞煲味道濃郁，辣得黎又好香，放左好多花椒、八角、蔥等香料，雞肉又嫩滑，唔會老老的，出色。食完雞煲後打邊爐，由於雞煲味濃所以不用點醬都好食，我地叫左烏冬、響鈴、魚滑、肥牛及生菜，食材都很新鮮，我地都食到好飽。不得不提係佢既響鈴真係好抵食、每條響鈴都好長同1份有6條，如果兩個人食真係太多了。不過要提返既係樓面服務要改善，上菜速度很慢，催了很多次先有，不過他們的態度也是好的。

我同太太鍾意食雞煲，平日就食開紅磡一品雞煲同埋雞煲皇，今日來到灣仔，上openrice見到銅鑼灣有間一品，即刻走去食。入去之後都沒有太多人，但是卻無人照顧我哋。坐低，碗筷全部自己行過去碗櫃度羅。之後上雞煲，煮咗陣，又無人過來睇火，跟著聞到有少少窿味，打開睇鍋底d雞經已窿咗。自己開始食，之後最令人生氣的事發生，有個呀姐行過黎話d雞仲系生既，跟住又上蓋開煮，我話d嘢窿咗喇，哪知她態度好差咁啤住我話食出事唔關佢事⋯初時我們仲嗌咗個白飯，中間都有催過，點知食完全場都見唔到白飯個影。一品雞煲，對唔住，我唔會再來食！真是一次極為失望的一次用餐體驗！

#一品雞煲火鍋銅鑼灣謝斐道483-499號新城大廈1樓全層-----成日聽人講一品雞煲有幾甘正 B仔今次就約左朋友仔去踩踩場 我地每人叫一杯野飲 再叫左微辣雞煲 同埋7-8款火鍋配料打邊爐 先講下個重點雞煲 第一啖食落去 第一個感覺就係鞋🤷🏻‍♀️d雞肉一d都唔嫩 味道就not bad 有d麻辣味 幾香 但整體毫無驚艷感 令B仔有d失望 之後食多陣 有越食越惹味 可能係d汁開始滲入去雞肉到🐔但係依然無改變雞肉好鞋呢個事實 食完雞煲之後就到打邊爐 加左水ge雞煲 有d似食緊麻辣火鍋 但係由於火鍋配料全部都係普通質素 所以整體都算唔上係一個高質ge麻辣火鍋......飲品方面就正正常常啦 但價錢就唔太正常啦 雖然都大杯 但係$46蚊杯檸茶..就好似搶💰左少少啦～🤔最後人均200左右 但係呢個價錢 B仔就寧願食粥底火鍋啦😝-----B仔整體評價：6.5/10個👍🏻B仔抵食程度：5/10個👍🏻B仔環境評分：5/10個👍🏻B仔味道評分：7/10個👍🏻B仔回頭機會：7.5/10個👍🏻 （成班朋友食係開心ge）-----

呢幾日天氣真係凍冰冰，最適合就係食返個暖笠笠雞煲係銅鑼灣影完燈飾後就去左銅鑼灣一品雞煲暖下個身先一品雞煲食過都好多次，雖然價錢有d貴，但真係幾惹味，所以偶然都會去食下因為友人唔太食得辣，所以今次就叫左個小辣🐔煲雞煲個醬汁真係好香濃，麻而香辣又帶少少甜甜地，十分惹味仲會愈煲愈辣，好似有種魔力，會食上癮咁之後就再加高湯去打邊爐雞肉食落好嫩滑又好入味，入邊仲會有d洋蔥同芫荽都吸哂味響鈴卷當然係火鍋既必備之一，呢到既炸得好脆身，重口味既小編當然係趁未加湯之後就食返舊先花枝片亦係小編必點之一，切得好薄身所以碌1分鐘都已經可以食了，食落好爽口又吸湯力一流，好惹味打邊爐又點可以唔叫肥牛，牛肉味幾香濃，帶少少油花令牛香味濃些，切得唔係好薄所以食落幾有口感加埋雞煲汁更惹味蝦滑同墨魚滑好新鮮，食落彈牙爽口，仲要有d蟹籽所以食落幾有口感餃子就較失望，因為個皮太厚身，食落太膩了生菜都好新鮮，食到最尾當然食返蔬菜減少罪惡感餐牌⬇⬇總括黎講:雞煲真係幾惹味，而且材料新鮮，環境位置坐得舒服，但價錢上就貴左少少，性價比一般🍳🍴味道: 8/10👩👨服務: 6/10🏠💺環境: 7/10💰💸抵食: 7/10總消費: 900

朋友生日，佢係雞煲控，加上今日天氣急降，所以去左銅鑼灣食一品雞煲👍🏻❤️平時食開旺角一品，今日第一次食銅鑼灣。店面不算太大，得旺角1/3，不過我們早來，都叫有位唔洗等。⭐️招牌雞煲（小辣）極速上菜，一品最出色係佢個醬汁，辣得來又帶點甘甜，會令你上癮。一隻雞的分量都算多，秒速比我們食曬。之後加雞湯打邊爐👍🏻叫左幾樣菜⭐️炸牛餐肉用來吸曬雞煲的味好正，可以單食👍🏻⭐️炸響玲有6大條，好脆，吸曬又辣又甜的雞汁來食好正⭐️花枝片好新鮮，好爽口，切得薄，一陣就可以食👍🏻⭐️大大杯凍檸檬茶一品特色，大大杯，好啱解辣仲叫左牛肉(小),水餃🥟拼魚皮餃，蝦滑墨魚滑總括來講，真的不必要去旺角排好耐隊食，銅鑼灣都有一品，而且冇咁多人。不過服務態度有待改進，感覺人手不足，落單成日漏單，食物追左好耐，嘢食先至會來，而且員工叫好耐先會理你🙈🙈🙈

收工約左朋友食雞煲 645入座叫野 叫左個麻辣雞煲 魚皮餃 肥牛 手打丸 響鈴 午餐肉個阿姐話限時2個鐘 我話冇問題啦之前後落曬單 野食到曬時 有隻曱由係牆邊走左出黎嚇到我同朋友大叫 但啲阿姐無諗住過黎捉隻曱由 扮曬野睇唔到 咁我都算啦 隻野走左 我咪繼續食囉都冇諗住搞到報食環 放過佢點知我就食完d 野時 個阿姐即刻勁差態度 衝過黎話 :你地食曬啦 我同你收左佢 出面好多人排隊 你地埋左張單佢啦之後我即刻回佢話食2個鐘 而家先7點50 你咁快趕我走 仲有我成杯野都仲未飲佢即刻話2個人食個半鐘咋（勁差態度）我同佢講就算個半鐘都未夠時間啦 之後佢就放抵張單 我慢慢坐到飲曬啲野就走 埋單仲要662呢間餐廳待應態度勁差 比錢買難受 個雞煲係好食 做配料仲差過你自已買料係屋企打啲阿姐再係咁ga 態度，遲下睇仲有冇人去已blacklist

今日放工諗住去食宵夜放題，但好衰品衰爆哂場，迫住要食其他，咁岩見到一品品洗排隊，有位入，地方好大坐得好舒服，同朋友一邊食一邊傾計都幾開心，但要入主題啦，一坐低叫左雞煲，叫左炸豆漿，2樣食物都唔錯，但唯獨服務態度差到你唔信，你落左單之後，班樓面好似當你食左玻璃咁，睇唔到，聽唔到，要大聲叫先有反應。之後有個姐姐話：個雞煲要等一陣先可以食，我地會周不時搞搞個煲，點知等到我抱孫都未食得，之後我話濃左呀姐姐，我頂，佢話我自己唔搞個雞煲，所以自己濃，我真係要唱番首（你還要我怎麼）問又冇反應，叫天不應叫地不聞，咁既服務真係不知所謂，我唔會再搵錢買難受😣

已經食過很多次一品雞煲了，次次食完都想快D再食，但因為價錢不算很便宜，所以就唔可以成日食!今日友人咁岩放早，我地一於就去食，因為呢間餐廳就算平日去晚上7點左右都會有排隊既人架啦!我地6點左右就到餐廳，已經有一至兩枱食緊啦!一如以往，我地都係叫左麻辣雞煲小辣!味道麻麻辣辣，最中意雞煲食得既時候再配埋白飯一齊食，非常惹味!由於今次我地去到既時候D飯仲未得既關係，所以食得飯既時候D汁已經冇咩剩啦，所以今次加左雞汁!加左雞汁之後更加麻辣!食完雞就加湯打邊爐啦!今次叫左7樣火鍋配料!羊肉、手切肥牛、炸魚皮、萵筍、墨魚滑、蚌雙拼、脆魚腩!個人覺得手切肥牛同墨魚滑都好好食!前者厚薄得宜，唔會太難咬，牛肉味道濃。後者非常彈牙，就算放入湯底後都能食到佢既墨魚味!另外每次黎打邊爐都必定叫佢既大檸茶，夠凍又夠可以飲哂成餐!

This style of hotpot is something special. Unlike other styles where you choose only your soup base and spice level for the soup, you begin with a pot of stewed chicken and some vegetables (onions mostly in our case) in a wonderfully flavored, thick sauce (you can select the spice level and "numbness" factor with this sauce). Once you finish your chicken, the saucy, delicious remnants serve as your flavor base to which stock is added and you begin the usual process of dipping things in your hotp

今日放工即興同班朋友諗住食雞煲 但係諗極都諗唔到就上網搵下 原來銅鑼灣開咗一品雞煲 大鄉里出城 咁就一定要去試下一品雞煲 都係照舊小麻辣 雖然隻雞有啲細 但係咁先啱啱好及曬啲一品雞煲既味 仲有一定要叫一個響鈴 ， 識食一定係喺未加湯之前 將響鈴 擺落個 雞煲到 冇得輸 因為會吸曬啲味 另外一定嘅手切肥牛大碟入口即溶六5秒好啦 除咗響鈴係及美之外一定要結果凍豆腐 因為亦都去吸曬啲未仲有桂花蚌616號爽口又新鮮另外一定要叫個脆肉鯇 脆肉鯇又新鮮有脆 再加埋兩啖啤酒 人生一大樂事 最後加多個出前一丁 食飽飲醉最好就係返屋企瞓覺

剛食完就叫你埋單比左張信用卡出去即刻抹枱執野係我面前砰砰聲咁擺新碗碟以為就咁完？未！張單都未比到我簽 已經叫左下枱客入黎企係我隔離 on居居咁等左陣 望住我簽單你係想快既都唔差果幾分鐘唔單只我地尷尬 企係到度等我果一家大細都尷尬對客人既基本尊重都無野又唔係好食 價錢又唔係平百幾二百蚊一碟肥牛 一啲牛肉味都無除左厚啲 同大家樂有乜分別？Sorry, 我覺得大家樂仲好食過佢！服務又差 食左背脊骨落 仲有 間野好多大陸遊客嘈到不得了 我番大陸食野都無咁嘈呀！唔會再食！

成日聽人講一品雞煲有幾好食，要勁等位同老公宵夜就一於試下啦 ！我地兩個都唔食辣，所以揀左最普通既唔辣雞煲半隻 ，個爐唔係好滾，等左差不多25分鐘先有得食！兩個人食唔得多野，不過好彩係咁，因為食完就會發覺無咩好食。雲吞併水餃-細細粒、普通貨，唔食都唔可惜。等左25分鐘既雞煲，但食左一兩件都仲係生生地😩由於個煲等得太耐，所以加左個椒鹽豆腐，份量都幾多，成餐唯一覺得比較好食既野！萵筍正常份量，都爽口既。本地手切牛-細 唔算太薄，不過都唔似係手切，而且冇乜牛味，都幾失望😞埋單五百幾蚊，一啲都唔值，完全唔似啲人講到有咁好食囉。而且要個豉油嗌左三次先有，更加誇張嘅係想要少少醬料（蔥，乾蔥果d) 嗌左三次都係冇！到我地食完都係冇俾過我地🤨

今晚即興雞煲團一行五人叫左麻辣雞煲一隻雞($245)叫左個小辣，醬料濃味，少少辣麻多過辣，雞肉好嫩滑，大家一路食一路讚食完雞煲叫配料開始打邊爐，同事介紹左個炸魚皮新食法，將炸魚皮直接撈雞煲醬汁食，果然系特別惹味加完湯辣味沖淡哂，可以+$15再加雞煲醬料，叫左美國肥牛 - 大($138)牛肉吾算嫩但有牛味，份量都幾大份，足夠五個人食羊肉片($39)炸響鈴($41)響鈴有別於一般火鍋店，大大條份量仲好多炸午餐肉($40)炸過既午餐肉份外香口，滾一滾就可以食蟹籽墨魚滑($88)彈牙既墨魚滑，中間有一粒粒墨魚肉雲吞拼韮菜餃($49)牛栢葉($37)爽口但切到好碎，一烚完縮水都好細舊峰巢豆腐($35)吸收哂湯汁精華好惹味豆腐($28)系一磚百福豆腐，好滑好香豆味枝竹($28)，雲耳($28)，金菇($28)，油麥菜($28)大檸茶($35)大大杯Hoegaarden杯裝檸茶，夠哂茶味，兩個人飲都可以埋單$11xx，五個人食到好飽，一致認為呢間火鍋店可以再泥，雞煲好好味但建議食完雞煲加湯要加錢加醬料，個湯底愈食愈淡。

約左朋友出外睇四年一度世界盃決賽，最歎莫過於一路食住雞煲，一路睇波第一次食一品雞煲已是幾年前在荃灣，因為太遠，沒有再幫襯，直至發現在銅鑼灣都開左，所以呢2年想食雞煲都會去一品今次叫左三宝雞煲半隻$288有2隻鮑魚，1條海參和1條花膠，半隻雞，鍋裏面有大量洋葱，葱頭，芫茜，加上佢地秘製的醬汁 ，甜中帶辣，好惹味 醬汁愈滾愈濃味，辣度亦隨之增加， 啲汁滲曬落去啲雞度，真係好好味，再加上D雞非常嫩滑，真係食到停唔到口鮑魚好鮮好爽，海參都不錯，唯一只是花膠太薄完全無膠質。食完哂D雞加湯繼續打邊爐，叫左一客炸午餐肉，原來用來打邊爐係好好味嘅手切肥牛~小$150牛味濃而肉質好腍，特級口肉粒$108牛味極濃，超有口感， 分量出乎意料的多，好抵食牛骨濃汁牛丸$48未食過咁濃味的牛丸，墨魚滑併蝦滑$98墨魚滑裏面有墨魚粒 , 鮮味又有口感蝦滑也很彈牙蓮藕片和油麥菜都好新鮮野生葡萄籽$46酸酸甜甜有啲似黑加侖子汁， 清涼又開胃，超級大杯，抵今晚真係食得和睇得好開心，歡呼声不絕，氣氛超好，下次又要等四年後la⚽️⚽️