一品雞煲火鍋

營業中

休息中

一話食雞煲🐔我地只係會去一品從不令人失望，好入味同好惹味！！！雞肉唔*鞋* ，配料洋蔥🧅芫荽好味最愛佢杯特大凍檸檬茶🍋溫馨提示：，因為真係要預啲時間去等位😅媽咪🤣

員工態度好差…打邊爐純粹問下…要放豉油調味料..竟然話…雞煲夠味啦…唔使豉油！！同埋我地沒呢啲野架！😒😒😒😒😒😒😒無野啊🤨🤨🤨加第2次水都已經唔夠味啦🤬

細細個中學生果陣已經一直食開 ！ 🤓之前食開都係好食嘅秘製雞煲 ！ 今次就食豪啲 ！ 叫個 三寶雞煲啦🤑叫得三寶 ，有咩三寶呢 ！就係有《花膠》《海參》《鮑魚》！鍾意食辣嘅我 緊係叫大辣 辣一辣佢啦🔥！  係等緊佢上嚟果陣 已經聞到隔離枱啲雞嚟到已經諗到濃濃嘅雞煲味 ， 好快三寶雞煲就送到上嚟啦 ！ 😚一打開 ！ 嘩 濃濃嘅鮮甜雞煲味 湧曬上嚟啦 ！勁香啊 ！😍心急想我 已經 即刻拎起對筷子 將 面頭嘅花膠海參鮑魚同下面啲雞煲汁混合 ！🥘即刻食隻大大粒嘅鮑魚先 ！ 嘩  ，鮑魚本身嘅鮮味 無因為雞煲啲醬汁而流失 🥰每啖咬落去隻鮑魚度 都勁有口感 勁鮮甜 ！加埋啲雞煲汁一齊放入口度 ～好味加爆滿分啊 ！而要試試個雞煲，每舊雞啲肉都咁嫩滑 ！ 🐔再配合洋蔥，辣椒，芫茜，秘製醬汁  ，  真係食到我停唔到口！!

荃灣行行下街心血來潮想吃雞煲🐔唔洗諗一定係去一品雞煲..呢間既雞煲食左好多年..由中學吃到而家，味道依然保持水準..依然咁惹味，令人越吃越想吃❤️星期日晚上6點幾幸好未需要等位，以往假日要排隊排足幾個小時。雞煲唔係任食，而是單點..價錢其實都唔平，但有多款雞煲選擇..我地兩個女仔點了重慶麻辣雞煲，半隻雞小辣，另外皇帝菜及竹蔗茅根，平均每人$140小辣的辣味唔算勁，但佢個麻味真係勁正！下次應該要叫d索汁既粉絲或響鈴

這間的雞煲很新鮮，而且味道很好吃！他的雞很鮮嫩，而且他的辣度很夠！此外他的食材很新鮮，完全吃到他的鮮味。今次是跟着朋友一起來，第一次吃，想不到這麼好吃！一定會再來！

是咁的這幾排接近聖誕節，所以我一早，提早約咗幾個朋友出嚟慶祝，順便當聚舊聯誼一下感情。我哋揀咗荃灣嘅一品雞煲度食打邊爐同食雞煲。晚上七點幾去到都要等咗一陣間位，但係店員都好快安排咗一張大枱給我們。我哋好快咁樣就落咗單，佢嘅菜單都有好多選擇火鍋配料應有盡有。主角當然係佢嘅雞煲啦，又香又入味而且啲雞非常之滑，然後再落我哋嗌咗嘅唔同配料真係好鬼死正，我自己就最鍾意用雞煲嘅汁去龍牛肉，貪佢夠濃味啱曬我呢啲濃味王。

食雞煲 一品既雞煲真係食得最多既一間大大煲既雞煲 十分足料 即使叫唔辣個味道都好香濃如果中意叫辣既話就更加野味 食雞煲 個汁真係好重要係一個關鍵既地方 正正因為咁 所以食雞煲點少得追加一d可以吸收哂d汁精華既餸呢嚮鈴 魚皮 應該係好多人既首選以呢度既韮菜餃係我個人覺得好食必點之一薄皮加上好香既韮菜配上雞煲既汁簡直就係重口味人士既選擇另外仲叫左墨魚滑 豚肉 金針菇值得一提既係 今次試左杯新既野飲 野生葡萄籽飲品個人覺得唔錯 唔會死甜 唔洗再係飲檸檬喇🤣

今次叫了牛什雞煲，微辣，適合吃不了辣的人，味道很好 ，配飯一流但牛什分量偏少，雞肉不算嫩，頗韌。芹菜入口苦澀，扣分。大杯檸茶必叫！有點兒太甜，最好叫少甜。安格斯牛肉肥瘦度適中，入口頗嫩滑手打滑可以雙併或三併，墨魚滑同蝦滑必叫，高質，幾彈牙！響玲雖然好像不是即炸，都頗脆口，必叫！蜂巢豆腐吸了汁，很濃味！反而手打墨魚丸及蝦丸很一般，不夠手打魚滑好食。粟米也不夠甜。雞煲一向只食一品，性價比高，一定不會失望！

趁老細放大假，同一班同事收工去食一品呢間分店唔知點解冇咁多人等，入到去仲有空位，Nice!我地叫左個小辣既雞煲，之前食過小辣同中辣，發現小辣係比較入味，而中辣就岩鐘意食辣既朋友啦。個雞煲好足料的，最正係好多雞塊都好大舊，食落啖啖肉。炸午餐肉當然係必食的，佢個外皮煎到金黃色，外脆內軟，一上枱我同另一女同事已經偷食左。魚皮餃、豬潤、芝士丸等都係必點，我特別鐘意食雞煲時食埋魚皮餃，個餃皮會吸哂d汁，好惹味！蝦滑、墨魚滑都係必點，味道中規中矩啦。但得一個匙更仔，有多個會更好呢。點左隻貴既牛肉，味道果然對得住佢個價，食落一d都唔覺肥，口感滑，肉質好嫩，唔覺唔覺就食左兩碟。

今日同女朋友去荃灣睇戲，睇完戲都9點，想食過晚飯，剛巧經過眾安街，可能夜，竟見一品雞煲唔多人，就立即等位，等左打約10分鐘就有位，位置都算闊落，冷氣非常夠，可能因為預你食辣食到熱都夠冷氣，職員非常貼心，怕我地等得耐一落低就問要咩雞煲，所以好快雞煲就到，麻辣味香到不得了，我地叫左2碗白飯，雞汁撈飯正到，雞份量都多，洋蔥都非常入味，唯一唔太好是麻辣越煲越辣，可能因為我唔太食得辣，所以我後期要加湯沖淡，但整體都好好。2人食左$3百幾，對於晚餐計算好便宜。

老公收工後食宵夜，隊啤酒，來來去去火煱雞煲，又要搵位泊車，揀左二玻坊呢間，滿心歡喜，見人㳘幾多，又多選擇！真係好多選擇👍。 最後訣定麻辣雞煲。仲有張火鍋紙，畀左侍應無影！不過呢個雞煲好香港口味，食到有麻既感覺，不過失敗係甜，明顯係加白沙糖既甜喎！所以成煲野係麻+甜，怪怪地，唔知係咪我點中辣，所以先加沙糖呢⋯⋯整體唔係話難食，佢個甜味重手左。侍應服務方面，睇左其他食評都知一般般，我地叫半隻雞，一碟萵筍，一碟芫茜，一支啤，其實都係宵晚食少少啫⋯⋯侍應竟應「咁少夠唔夠呀？」講真，真係夠 😅萵筍（$30）ok, 有個厚度，煲得耐都唔驚；但係芫茜（$30）too bad... 洗唔乾淨，好多泥沙，所以都無食曬，而雞件比其他鋪都係切得大件事，我自己鐘意細少少。

同成班friend入曹公潭campsite玩，無乜好食，就柴娃娃搭的士出黎荃灣食最出名既一品雞煲單係荃灣都有3間分店，late join既朋友仔都去錯咗🤷🏻‍♀️食材新鮮，尤其雞肉超級好食！不過個雞煲越食越辣😂所以到最後狂叫竹蔗茅根黎解辣！響鈴好大條好正～臨走時仲有四個外國女人慕名而來，不過同侍應雞同鴨講😂

一品雞煲天寒地凍，梗係打邊爐啦，先食雞煲，後打邊爐。人生一大樂事！喺荃灣最鍾意食嘅雞煲，每次食都好滿意，分量又大，又唔貴。一大班人，最啱就係叫一隻雞煲。雖然開咗分店，但係最鍾意都係二坡坊第一間正店。記得以前係大排長龍，因為而家開咗太多分店嘅關係，同埋加上有其他嘅競爭對手，所以今晚七點幾嘅時候都唔需要等位。主角終於出場啦，雖然係小辣，但係食落都幾辣，啲雞肉好嫩滑，食完個雞煲之後仲可以打邊爐，個肥牛真係非常正，牛展份量真係嚇人一跳。仲有各樣嘅丸都好好味，蝦滑，墨魚滑都非常彈牙。食雞煲最適合就係一大班人，傾吓計，飲杯啤酒。賞心樂事。

2/1/2018 一直以黎都會幫襯一品 一年都會食六七次以上，去過唔同分店食，今日就兩個人6點半入座 無人輪候 見到有成十幾個卡位果到d員工竟然叫我坐埋側邊d細枱 我同員工反映想轉坐卡位 佢地竟然無視我既要求 。都唔緊要照食 以前食完d雞 都會有人主動幫我地加湯 依家叫人幫手加湯 果個員工話呢到係自助 叫我自己去加，其實如果自助既話 我不如去食吉野家或者大家樂？ 俾錢買難受 真係愈黎愈失望 山長水遠出黎換d咁既態度 埋單走人都無爆過場 都係有卡位淨左無人坐過 點解可以差成咁？其實我真係唔會再黎呢間食👎🏻👎🏻👎🏻

荃灣出名多野食，其中一樣一定係一品雞煲啦，門口永遠成堆人排隊，叫左半隻雞，一碟牛，一碟魚同埋d菜咁，雞煲個汁超級好味，忍唔住叫左兩碗白飯撈汁。另外嗌既食物份量好大，搞到兩個人食淨好多野，大家記得約多d朋友去！