一品雞煲火鍋

營業中

休息中

第一次食雞煲就係喺一品試過中途轉第二間但依然鍾意一品雞煲嘅味道-食咗幾啖先記得影相🤣就知有幾咁吸引食得辣嘅要叫多麻呀好正-我覺得一品嘅雞煲會比較出色配料比較貴雪花肥牛無牛味-落單嗰陣時覺得響鈴$43有啲貴黎到發現比平時d大條即刻覺得合理左好多-雞子好大粒！脹卜卜鍾意食既朋友要嗌呀🤩不過有小小腥🤪

雞煲真係我既comfort food ,隔幾月就要食一次,有時都會自己煮既不過唔想自己煮,有時真係好BUSY,我就會黎一品食雞煲呢間係我食過最GOOD、回頭最多嘅雞煲除左雞件嫩，配料包括洋蒽、芫茜，仲有豬皮，多汁惹味。 洋蔥放得多，麻辣中又帶一點鮮甜，一切剛剛好！唔太食得辣，所以都係叫咗BB辣，雞煲齋睇賣相已感覺好高質！雞件夠入味幾惹味。雞煲價錢雖然唔係話好親民,不過質素你幾好GE!!!但份量就唔係好多

😐一品雞煲火鍋秋風起🍂想念雞煲的惹味😍之前都未試過尼間連鎖式雞煲旺角分店大部分都係卡位設計坐得幾舒服不過座位既乾淨程度....可以再提升係平時茶記果種level 啦 大家自己get叫左個特別少少既金蠔雞煲🤏🏻金蠔夠大隻😍好味！我order左中辣多麻愈食愈辣 愈食愈麻 正！超夠味！👍🏻👍🏻（平時食三哥小辣）半隻雞 雞都有肉 不過半隻2個人食先岩岩夠喉🤤豬腰夠彈牙！好食冇羶味！牛展切得夠薄！淥熟之後爽口！其他 牛肉+水餃+雞肉+豆腐都正常！唔錯！我本身以為豆腐皮係厚厚地果種...點知係日式薄如紙食左好似冇食咁....大家可以視乎個人喜好叫🤣推介🤩1.葡萄籽飲品 酸酸甜甜 配雞煲一流！必叫！2.Dreyer’s 雪糕$15 一杯！做甜品抵食一流！必加！

因為疫情一品雞煲好耐都冇乜生意，雞煲火鍋類宜家轉做外賣，一年冇去食想試下外賣雞煲，份量好小！比啲碎雞皮，骨多過肉，半隻雞出現2極細雞翼⋯⋯超級唔抵食啊！唔會再有下次至少旺角好景一品雞煲係一定唔會再去了！超級小氣，外賣連筷子都唔肯比，有冇咁窮啊？仲要我自己用自己嘅筷子哈哈！食完口好乾，飲佐好多嘢飲⋯⋯食物唔健康！份量比以前少，比啲雞質素咁差。宜家疫情期間冇生意仲加價記得以前大概2015年啱啱開係旺角真係好好味，啲雞好滑好多肉，宜家真係一肚氣！

姊妹想食辣雞煲，介紹一品雞煲，唔經唔覺對上個次來呢間旺角一品雞煲，都已1年前嘅事，超記得呢到檸茶大杯到不得了，食辣雞煲最緊要，配凍飲個種冰爽感，今次重遊舊店睇下質素會點先入到去發現都大半場客，周圍都超香雞煲味，點咗半隻中辣雞部、牛肉、響鈴、清菜就已了結我哋嘅雀仔胃呢餐食個中辣都飲到兩大杯凍檸茶🤣🤫呢到雞煲香料味配搭唔錯，仲有洋蔥、九層塔...等食材，辣度亦夠晒刺激，雞肉唔系好滑嫩、多肉，不過贏在味道上調較得唔錯，令人會愈食愈想食落去，洋蔥都食唔少，勝在夠香夠甜牛肉唔算話特別鮮色，中規中矩品質，同朋友食晒啲雞後就放肥牛落埋精話湯汁！發現大部分朋友都先加湯滾後再加肉，但如果雞煲調味出色的話，牛肉直接系未加湯前滾熟系最香最入味至於響鈴、清菜都系正常，反而系人多、爐多、聲量同時都會比較多，所以去食雞煲嘅話同朋友傾計都要跟住大聲😂服務方面唔錯，好快就幫我哋上好咗雞煲，有幫我哋撈式的雞肉唔會痴底，系因人手可以唔太夠，顯得幾個員工都系匆匆忙忙感覺環境坐得幾舒服，唔會逼埋一角，系張枱比較細，唔系好擺到食物，所以連相都唔系好影到呀🙈😭一眼望晒嘅白色、紫色色調，觀感都算統整舒服只係因聲量真系太大幾次都聽唔

由於疫情關係，好耐無約朋友一齊食飯。以往食開荃灣果間都好好食，但因朋友們來自五湖四海，所以特別揀旺角哩間分店。當天中午開始已留肚，準備大吃大喝當晚 一入去個感覺 好似 返大陸嗰啲酒樓咁樣， 感覺唔衛生， 全程冇人理你， 叫任何嘢都要等好耐， 豉油又唔畀 味架㗎又唔畀， 好似掉低你 你死你賤咁樣 。煲雞真係大不如前 ，啲顏色唔知點解變咗橙色， 跟住叫兩個炸嘢，一個係椒鹽魷魚鬚，一個係蜆介鯪魚球，兩碟都難食到爆炸 因為佢唔係酥炸魷魚鬚，佢變咗椒鹽鮮魷， 跟住鯪魚球係返炸再返炸咁，好實唔好食。食完雞煲之後，心諗應該火鍋料唔會太差掛，叫佢即炸響鈴，點知好似炸咗等於咗喺度好耐咁樣，跟住嗌啤酒，唔知點解 又係等咗5至10分鐘先至攞嚟 其餘嘅嘢無咩係好食，牛丸好粉唔彈牙唔爽，我諗最好食只係個雙併滑 其他生料一般， 服務咁差，食物質素又差 ，真係 以後都唔會嚟 我哋一路食一路鬧，早知去第二間呢，今次中伏了

好耐冇食過雞煲啦，心血來潮約朋友嚟食一品。今次第一次食牛雜雞煲好食好入味今次嗌左得微辣感覺無咁重口味，食完當然加湯食其他打邊爐嘅食物所有食物都好新鮮好好食。唯一覺得手切肥牛略為肥膏多咗啲

今日行完街見攰攰地又差唔多晚飯時間，於是就去咗食一品雞煲，由於我哋都比較早，大概六點左右就去，所以人齊就即刻有得入。呢間可以話係我食過最好味既雞煲，所以每次諗起雞煲都會諗起一品。相信鍾意食雞煲嘅朋友都係貪佢夠重口味夠濃，而呢一間嘅雞煲個汁係超級正，雞同汁之間嘅配合可以話係天衣無縫，令人食完一舊好想再食下舊。咁食完雞之後就會加個湯變打邊爐，提提鍾意重口味嘅朋友記得留少少雞汁先好加湯，咁之後打邊爐嘅時候就可以點返雞汁唔使點豉油，味道更加出眾！或者唔記得留雞汁嘅可以叫侍應叫雞汁，不過我印象中好似要10幾蚊。其他配料so far都唔錯，但我個人推薦最後一定要食返一隻公仔麵，因為個湯底真係好正！

夜晚同男朋友落旺角食飯原本想食奶奶雞 但要等11張枱加上而家食肆有限人數 實有排等想食濃味野實諗起雞煲 不二之選到左一品 唔洗15mins 就安排到入座而家人手係咪真係cut得好勁？見個男經理 又負責安排入座 又量體溫 又收錢 又執枱 講緊旺角個場都有返咁上下大一開始安排左男廁對開既卡位俾我地雖然唔係一開門就見到廁所 但啲人不停岀岀入入 男朋友都有啲黑面 於是要求調枱E 又係你呀 男經理又係佢負責😂😂😂講到重點啦 我地2個人 叫左半隻雞 小辣 夠濃味 雞肉都算多略嫌啲雞斬得有點大舊同男朋友都覺得荃灣二坡坊好食啲 荃灣好似係一品既發跡地男朋友係牛魔王 打親邊爐 食親雞煲都一定會叫牛佢仲要幾捨得食 唔叫cheap cheap牛呢碟牛都$150因為我少食牛 成碟我只係食左一塊佢食左2/3就頂唔順 因為呢款牛中間位置係有脂肪 食得太多都會膩但佢話都好食既 係食得太多姐😂😂😂我叫左個魚肚 即係平民版花膠吸埋雞煲個汁 又夠膠 真係好味可以encore😋😋😋個湯都有層膠面無記錯呢8粒餃要$54一見到得8粒 o左咀 好貴但食完 覺得物超所值以為個韭菜餃會咩特別 但一咬落 夠濃味食得韮菜餃 都係想食重口

成日聽人講一品雞煲好正, 但睇網上食評話環境唔乾淨, 所以一直卻步, 今次朋友介紹試旺角店, 見食評OK, 就試試啦。去到餐廳樓下有少少R底, 因為餐廳位於一個好噏耷格仔店樓上, 心諗一陣食食下要去厠所就大檸樂。上到去安心少少, 格局幾四正, 坐低即叫雞煲, 都幾正, 雞幾滑，辣辣哋幾惹味。食完雞煲食火鍋, 呢間係一般雞煲店做法 -- 直接倒湯底落雞煲當火鍋湯底, 咁我就麻麻地, 好油, 又有少少窿味, 我寧願加錢換過個新湯底。整體來講, 雞煲味道唔錯, 厠所環境衛生都OK, 邊爐就一般。

一品雞煲係單點形式。不過仍然好多人去食今日去試魚頭煲。魚頭煲冇雞煲甘好食。味道唔算濃。一班人叫咗好多打邊爐料。另外，叫左飲品，杯檸檬茶勁大杯！係超巨型！食完打邊爐勁口渴所以一大杯真係岩晒

雞煲嘅話我食親都係呢間，最中意飲料大大杯檸檬茶！配上重味嘅雞煲簡直一流之前食過係過年嘅時候，揀左金蠔雞煲，超好食，個味好夠濃，金蠔又香；今次去呢 就簡左田雞加半隻雞， 成煲黎講雞比較多啲，田雞少啲，同埋都細隻少肉啲。但係兩種肉都好滑，唔會有唔新鮮/雪味！！3個女仔食，二百幾蚊每位都算ok啦🤣🤣🤣仲叫一渣涼茶飲，每人都飲到2-3杯， 清熱氣啱晒～～～座位係卡位，所以非常舒服😌，空間夠大，可以慢慢食慢慢傾

平時同男朋友除左打邊爐之外, 第二最愛就係食!雞!煲!🐔🥘, 而小妹同男朋友最中意嘅就係去一品😊 因為夠哂重口味但又唔係得個咸字, 而且雞件都算多, 唔會得雞骨🦴😆, 一隻雞基本上食完都只會有少少飽肚感, 所以多數都會叫多幾樣邊爐料烚下烚下🥢🥘 除左一般嘅邊爐料, 小妹比較推介響鈴同草菇🍄, 一品嘅響鈴係幾大個同埋幾脆, 一放落煲, `拉一拉'd湯, 個響鈴`Bell一Bell'🥢, 之後點呀? 食得囉!✌🏻👍🏻😂🤣草菇都屬於吸汁型食材, 之不過由於佢會出少少水, 令到草菇表面同入面d汁會無咁濃, 但正因為咁先可以食到草菇本身嘅味, 而且唔會因為keep住食太重口味嘅野而覺得膩😄😄 當然唔少得嘅大檸茶啦, 雖然係唔平, 但食e d重口味野又點可以唔!飲!野!先🤣, 大大杯邊食邊飲🍋🍵🥤, 爽呀🤭😈😝🤩🤩😎

同fd約咗食嘢 但一開始未諗住食雞煲 所以冇book 位。來到先拎位 雖然兩個人但都等左差唔多一個鐘～ 而且係勁多人排隊咯。之前食過一次 有book位但都要等齊人先入得～今次依然係order咗雞煲先 食完再加其他料理繼續打邊爐～d雞真係好正～ 夠香滑 唔怪得咁多人排咁耐隊都要食啦～ 而且個晚都好夜下了 差唔多十點。我真係好鍾意飲呢個野生葡萄籽 兩次黎都必order 雖然$46蚊感覺好似幾貴下 但份量夠足 而且味道酸酸地 開胃～ 食雞煲必備呀

誤打誤撞去到示威區，好多店舖都無開，所以喺樓下行過見到呢間店有開又有人食緊就上咗去嘞。八點幾九點，客人應該十枱都無，叫咗個牛雜雞煲。首先第一個侍應係廣東話半鹹半淡既年輕女子，好順利地落錯飲品單。第二個女士直情係唔識講廣東話，講啲唔知係咪普通話既方言………我地只係想問食得未。入正題，雞件第一兩舊會覺得好濃好惹味，然後就會覺得好鹹好鹹，其他食物亦一般，價錢中上。食到尾聲將所有野掉哂落煲後熄火打算慢慢食，有第三個識廣東話既職員過黎問：係咪唔要架喇？以為佢問緊空碟所以答咗係呀，然後就暴風式將食緊既碗都收埋，我當時仲拎住緊筷子，其實你地趕收工咪直接講要收工，叫我地食快啲，咁樣真係極反感。咁既價錢真心唔需要食佢，兩個人$575。重點係，我同朋友前日食完，直至今日既大便都係黑色，本人已經第四次都係一樣黑色…雖然暫無其他異樣，但都特意上黎提醒大家一下。總結：免費都唔會再食。