コメダ珈琲店

營業中

休息中

路過驚喜見到這餐廳，隨手按票排隊一試，3-4人位只有2張票在等，結果等上了50分鐘，問一下侍應，她說是按時間分配枱，不管多少人，1人也會安排4人枱，（第一個不理解），有枱又不安排入座，難想像，結果等了1小時可入座，見到更多枱是無人的，但就很多人等位，難理解，咖啡細杯又不好飲，成個體驗非常差

因為知道佢一直好多人排，所以揀左早上10點去，等左4個字左右入座。入到去想點主餐牌中的食物，因為只有少量食物註明11點30分後供應，所以以為其他食物可以叫...但原來早上只有多士（果醬、牛油，仲有一様唔記得）配飲品餐，另加幾款小食可以叫......點解早上時段門口要擺個主餐單呢⋯跟著10點28分落左兩份牛油多士配雪糕咖啡，另加一份小食。15分鐘後黎左大部分食物，就係欠一份多士。再過多15分鐘後先叫人跟單，佢地話幫我跟，結果又等左15分鐘，再叫人跟又話好。但開始眼見遲過我入座嘅人多士早過我到，我又再問一次店員可唔可以幫我跟個多士，佢話無辦法排住做要等...講完就咁走左。我覺得唔對路，再同佢講排住做但遲過我地入座人都已經到左，佢問我「咁你係咪要cancel?」我問佢我餐黎其他野食哂點計...我問到一半佢已經行走左...幾分鐘後又再叫另一個店員跟單...佢話睇睇...幾分鐘後佢問返我「啲嘢食係咪到齊？」我話「欠份牛油多士啊⋯⋯」今次佢終於離開左一陣返黎講2、3分鐘有。幾分鐘後......佢黎份果醬多士最終我由落單到等份多士用左一個鐘，而我食佢只係3分鐘。講真......你人手唔夠咪唔好做咁多

新開時每次經過都好多人排，又無得外賣，在日本時又無食過，所以都有啲期待試吓！今日3點幾這個時段咁啱經過，見到無乜人，㩒飛等了10分鐘就入得，仲要不限時，這個時機一定要食😄掃QR code點餐，無set,單點食物可以加錢配指定飲品，特飲除外。叫咗兩款包和飲品👇🏽香辣炸豬扒方堡$75即叫即炸，所以要預15-20等後，都真係等左幾耐🙃麵包鬆軟，豬扒唔乾，脆漿好鬆脆，熱辣辣邊食邊有啲煙出😆生菜絲撈咗日式咖哩醬，幾濃味😋豬扒食到一半食到有少少辣味👍🏻整個包份量都唔少，加埋杯嘢飲都幾飽（個人覺得）。咖啡味幾香醇，都唔錯。黃金炸牛堡$60都係即叫即炸，熱辣辣新鮮煮好的食物，一定不會難食，幾香幾有牛味。牛奶雪糕蜜瓜梳打個杯幾得意，最深刻是個雪糕，好濃牛奶味，不是一般食開的溫尼拿味，濃到好似飲緊特濃牛奶奶昔咁👍🏻👍🏻2人坐4人座位，好闊落好舒服，平日這個時間人唔多，幾好👏👏如果價錢平啲，就可以經常幫襯😜

Komeda’s coffee 黃埔店 - 早排開業大排長龍嘅日式cafe，好多youtuber都去咗拍片。早幾日連假終於唔駛排隊可以直入啦！早餐最大特色係叫飲品，送多士加一個配菜（可以揀蛋沙律、烚蛋或紅豆蓉）。我哋就叫咗一咸一甜嘅蛋沙律同紅豆蓉，兩個都唔錯。最令人驚喜係佢個雞蛋厚多士薄餅，又厚又多料，上面有芝士，中間夾住蛋沙律，名乎其實嘅「厚多士」，而且味道都好出色。雖然比一般早餐貴，但係都非常推薦趁而家少咗人，去試吓個早餐。

📌 コメダ珈琲店 - 紅磡黃埔天地黃埔號(第6期)AEON Style地下G01號舖🗓(24/12) 星期六 ⏰ 下午3點左右 💈特式：呢間連鎖cafe我去日本旅行時都有去過，見佢係香港開第一間分店，一直都想去試，但無奈日日大排長龍，見今日係附近睇戲，佢又可以手機攞飛，咁就係差唔多電影散場前一個鐘手機攞定飛，睇完戲去到門口都仲又大約等多15分鐘先有得入座，但都比係門口乾等好好多。🥩🍔🌭🌮🥗🥯🥘🍲🍝🍣🥟🍤🍱食物：因為睇左成3個鐘電影，由唔肚餓都變到肚餓，所以就叫多幾樣野食下，睇下佢同係日本食分別大唔大我，等我同大家講下🎌味道先。香辣炸豬扒方堡 - 本身想食味噌味，但見佢呢個係同日本名店中村屋共同研發嘅口味，好似比較獨特、所以就叫呢個，一上枱感覺係估唔到有咁大舊，落單時仲可以選擇將個方堡一開二或一開四，我已經揀左開四，但每件都仲好大件，要再開二/三件先可以成件擺入口，味道就一d教唔辣，但有咖哩香味，炸豬扒好脆又唔油，個包都好鬆軟，賣$75蚊我就覺得唔貴。KOMEDA黃金炸牛堡 - 本身係想叫正常漢堡扒嘅漢堡，但佢呢個標明<香港限定>，就點都要支持下香港口味，呢

衰運，一心黎食下野，結果服務態度一般，無意粉，難再投入再黎 衰運，一心黎食下野，結果服務態度一般，無意粉，難再投入再黎 衰運，一心黎食下野，結果服務態度一般，無意粉，難再投入再黎

唔知係咪一個人冇人想招呼畀完杯嘢飲我嗰個多士等咗成九個字都唔畀等到蚊瞓每日飲幾好飲幾奶多士正常又唔係特別好食見好多人都係兩個人嚟傾計打卡又有得充電嗰個位其實坐得舒服不過又唔係好好食感覺都唔需要食下一次

以前去日本旅行必定會安排一餐コメダ早餐，所以知道コメダ嚟香港開一直都好想搵機會去，但始終怕太多人又排長龍，今次難得就到閒日放假，中午時間去到都幾乎唔駛排隊，終於去到久違嘅コメダ！！餐廳嘅裝修完美還原左日本嘅設計，行入餐廳有一種置身日本嘅感動🥹 首先當然叫杯招牌Komeda咖啡，日本咖啡就係有種神奇嘅魔力，飲落香口而唔會苦，最後亦完全唔駛落奶。香港嘅コメダ仲貼心咁附送左一小包nuts襯咖啡～公司三文治 ($68)另一樣コメダ必食嘅就係蛋沙律，所以我叫左公司三文治（多士），佢地嘅秘製沙律醬整出嚟嘅蛋沙律係我心目中最好味嘅蛋沙律，走嘅時候忍唔住買左佢支沙律醬返屋企炸蝦餅方堡 ($78)見好多人都有叫炸蝦餅方堡所以我地又叫左一份，食落估唔到真係有意外驚喜！鬆軟嘅麵包夾住爽脆嘅沙律菜，沙律醬汁亦不減炸蝦嘅鬆脆，蝦餅彈牙而且混入蝦粒令到口感更加豐富肉醬意粉 ($78)最後再叫左一個熱食，果然日式嘅肉醬意粉係唔會令人失望，意粉算係偏闊條，煮得唔會太冧帶輕微煙韌嘅口感，再索晒酸甜嘅肉醬汁，看似簡單嘅一個肉醬意粉都煮得出色！本來只係諗住嚟尋回日本嘅回憶，估唔到食物都相當有水準，最後仲買埋咖啡包及沙律醬做

今日26/12 一點半攞咗number接近兩點十五先有位入到去環境好日本風 但其實啲位係坐得過份疏遠 可以坐多好多人 但佢分隔啲位做得吾好入到去職員同我哋講話要等15-20分鐘不過覺得都ok嘅 好食嘅嘢要有代價😂叫左兩杯牛奶咖啡 + 一個迷你冰與火 咖啡都係日本咖啡😂最攪笑係一杯係甜品前到另一杯等到食完甜品先到催左兩次都話 想你跟下😮‍💨😮‍💨所以最後第二杯咖啡等左40分鐘冰與火 都係正常評分6/10建議好多時間先去因為要用好多時間去食正常嘢

“冰與火”($65)“炸豬扒方堡”($75)“多士”($10)“蜜瓜梳打”($38)前排去咗日本但因為冇時間食唔到Komeda's返到香港一直心心念念所以忍唔住去咗黃埔分店食😂入到餐廳完全係一秒返咗日本咁😍最想食嘅就係招牌嘅冰與火❄️🔥係喺丹麥麵包上面加上軟雪糕🍦可能係週末,等咗半個鐘終於上枱😂加上糖漿,整體味道香甜☺️不過丹麥麵包唔熱同唔夠酥脆都係要下次去日本食返個正版嘅先🤣另外叫咗份炸豬扒方堡🐷方堡大大份,豬扒腍滑☺️加上微甜嘅燒汁,椰菜絲又唔錯喎😋通常去呢啲喫茶店都會叫杯蜜瓜梳打🍈不過都係日本飲到嘅好味啲😂

仲未有得去日本🇯🇵，所以今日就嚟個偽日本之旅😽去咗咁多次日本都冇食過呢間日本老字號咖啡店，今日就我小熊大人代大家嚟試吓啦😸今日等咗半個鐘就可以入座，比想像中快，座位又很舒適。仲有日本雜誌漫畫俾大家慢慢睇，係一個好好hea 嘅地方。．Komeda coffee本身不太好咖啡，覺得冇乜特別隨咖啡附送一包花生，幾好食．冰與火下層嘅丹麥麵包非常鬆軟，加埋楓糖漿更加好食上層雪糕禮香十足，軟滑口感．炸豬扒方堡豬扒炸得好鬆脆，不過有啲薄整體感覺都唔錯不專業評分：74/100食物方面不算有很大驚喜，係勝在環境舒服，可以喺度hea足全日。另外，又有日本職員，好似去咗日本嘅感覺👍

コメダ珈琲店進駐香港， 心裡興奮了一陣子， 雖然他不是我在京都時會常幫襯的店， 但能在香港嚐到真正日味的珈琲店還是很難得的。不過想著剛開業一定有很多人慕名而去， 對於排隊這件事我是很抗拒的。近日日本入境限制放寬， 身邊人都衝出去了， 但我手上還有幾個項目計劃， 所以還走不了。某日在開會前就想去吃個充滿日本氛圍的早餐， 於是就來了。果然不用等很久就有位。我一個人，所以安排了坐在自閉卡位， 充電、wifi等等一應俱全，很便民。也是QR code下單， 但若果你不想煩，請服務員下單也是可以的。我點了多士早餐Set, 配紅豆醬， 追加了日式沙律， 配特制黑咖啡。活脫是在日本時吃到的早餐組合。紅豆醬更是畫龍點睛。一般人可能覺得早上吃甜很怪， 但紅豆醬跟厚多士真是絕配。多士亦非常鬆軟好味。反而咖啡少了日式咖啡那種醇厚甘香的味道。吃完早餐又是展開元氣滿滿的一天。

🥢 KOMEDA Coffee @黃埔AEON需要個地方溫書的我~又來了KOMEDA(已經是第三次了haha)今次終於食到拿破崙意粉同紅豆🫘(之前2次來 紅豆都售罄🫠)空間依然係闊落舒服，有得叉電係選擇黎嘅最大嘅因素🤣🤣🤣拿破崙意粉真係好好食👍🏻((個人認為好食過BluHouse的拿破崙)) 紅豆多士都好味，麵包仍然好鬆軟，係紅豆有點太甜😛咖啡仍然保持質素~L Size的扺喝很多 哈哈紅豆小町櫻，是紅豆奶茶～好香滑 但係有點太甜🌟拿破崙意粉 $76* 追加多士 $10* 追加 紅豆蓉 $10* 追加KOMEDA 咖啡(大） $26🌟 紅豆小町櫻 （熱）$48📌 地址:黃埔號(第6期)AEON Style地下G01號舖營業時間: 07:30-22:00

黃埔船哩個位置都轉咗手好多次了，今次總算比較貼地，適合一家大小去食。第一次幫襯，印象唔錯。食物選擇雖然唔算太多，不過有heart，味道還可以。地方乾淨，座得舒服，服務員也很有禮貌。最重要係價錢合理，仲免加一，值得推介，也會再幫襯。👌

日本名古屋的コメダ珈琲店，已開了一段日子，今天終於有機會過來朝聖😉裝修沿同日本，木系枱椅🪑，配紅絲絨卡座🛋，吊上刻有店名的彩色玻璃燈，很舒服的感覺😘店內還設有閱讀架提供報紙雜誌給客人觀看👏🏻每個座位上面都有叉電插頭、及Wi-Fi供應，非常細心🤣除了個單人座位，其它座住空間闊落，坐得舒適😘在名古屋必到此吃早餐．因點飲料會送上厚片多士🍞配水煮蛋🥚/雞蛋沙拉/紅豆泥，3款選1款👍🏻👏🏻。今回午飯時間來到，點了些熱食。🔸紅酒燉牛肉$90配法包兩塊。牛肉軟腍，牛味超濃，中間有原味薯蓉，連紫菜絲。可惜份量真係少了點😅加配飲品：KOMEDA 咖啡$20：每杯飲品都會跟一包脆豆。🔸照燒雞烤三文治 $70份量非常十足，照燒醬咸甜適中，帶有一點點的wasabi味道，配搭滿滿椰菜絲，加添清而不膩的口感😋🔸+$10追加多士+$10追加紅豆蓉皇脾組合一定要追加，多士烤出金黃的色澤，香氣十足、撕開時是綿綿的😁這個麵包很好吃，紅豆也是粒粒分明，甜度適中。結帳時也不忘買一包回家做早餐添😉😉